فرج يا رب بلغت الحلقـــــــــــــــــــــــــــــوم

مافي داعي
نقيف نعاين
نرجى في مطر السحابة

ولي وين ؟؟

البلد في كف عفريت
والعفريت هو الفيل
الفيل هو القال
عاوز ينقذنا
وقتس حجرنا

وعيني في الفيل ما ظِلَّ
كِلنا ندري
ما نضلَّ

سؤال محيرني
هل هناك حل
وهل الحاصل ممكن يكون حل
وما أظن حلنا في يد الجاسمين فوقنا ولا في الكانوا من قبل فوقنا
وكيف الدبارة ؟؟
نقيف في الضُلمة وِحِيدنا
وعاد لي متين ؟؟

Quote: وكيف الدبارة ؟؟

أسأل هاشم نوريت
الله هونيني

سلام يامك
الحل عودة
الانقليز
يخلونا نمشي
فوق العجين مانلخبتو
وزي صاحبك اب رويس داك
يدوهو مقطوعية يحسحس غابات
الدندر شدرة شدرة

Quote: سلام يامك الحل عودة الانقليز يخلونا نمشي فوق العجين مانلخبتو وزي صاحبك اب رويس داك يدوهو مقطوعية يحسحس غابات الدندر شدرة شدرة

الأخ عبد العزيز الفاضلابي سلام مربع
خلاص الحكاية إتزبطت 100% .. إنت فاضلابي وأنا حِمِيدي ومتفقين على الرجوع للمربع الأول مربع العنقليز . دا طبعاً لو وافق لورد كميرون على الرجوع للسودان. وباركت الملكة كوين اليزابيث 2 المشروع. ووافق مجلس النواب ومجلس اللوردات.
عليه بنا تتكون اللجنة العليا لرجوع العنقليز للسودان. أنا الرئيس وإنت السكرتير – حكاية أمين عام دي ما معانا. بعدين نفتح باب العضوية لكل الذين يحبون الإمبريالية والإستعمار لينضموا لنا لتكوين لوبي قوي يقنع العنقليز بالرجوع للسودان.
أما الإخوة المناضلين والمناتلين والذين لا يودون رجوع العنقليز عليهم تجهيز جوازات سفرهم ليخرجوا من السودان ويخلوه لينا ومعانا العنقليز ولمن ينصلح حال البلد يمكن يرجعوا تاني.
تحياتي
كبـّاشي الصـّـافي
(العوج راي والعديل راي)

يا حايلنا ياخالد خلاس انتهينا - فنيتو

وكووووووووولنا السبب

والأدهى والأمر وليداتنا الولدناهم فى الغربة بقوا رجال ورجعة وعيشه لبهم فى السودان زى الحلم

ودحين باقليك ولاد أولادنا البيحصل ليهم شنو ؟؟؟

وما تستعجب من السعال قريييييييييييب حانبقى جدود

ووطن الجدود نفديهو بالارواح نجود وطنى

http://www.youtube.com/watch?v=JxrzoqMuKRE

عليك الله ارفع دى غلبتنى

تحياتى

Quote: أسأل هاشم نوريت الله هونيني

تحية طيبة بلة موسى
نسعى للتجرد
من أجل وطن واحد
بعيدأ من كل بذرة زرعوها لتفرقة
ففكر معي انت خلي ابوك
قل ها أنا ذا
يا مدائن يا جناين نحن أصبح حالنا باين

Quote: أما الإخوة المناضلين والمناتلين والذين لا يودون رجوع العنقليز عليهم تجهيز جوازات سفرهم ليخرجوا من السودان ويخلوه لينا ومعانا العنقليز ولمن ينصلح حال البلد يمكن يرجعوا تاني. تحياتي كبـّاشي الصـّـافي

أخي الفاضل cantona

لك مني أجمل التحيات والسلام
ليست المسألة نضال وكم ناضل أهل السودان
كانت سنة 64 ثورة اكتوبر
ومانت ابريل 85
لكن ماهي النتيجة
حكومات ضعيفة كان همها الوصول للحكم لحاجة في نفس يعقوب
وكان هذا السبب الذي حمل العسكر للعودة مرتين

هل فقد السودان رجال متجردة من أجل الشعب ؟؟؟
وكيف الدبارة ؟؟؟ نعيد السؤال يا بلة موسى

لك المودة والتحيات سلاااام

Quote: يا حايلنا ياخالد خلاس انتهينا - فنيتو وكووووووووولنا السبب والأدهى والأمر وليداتنا الولدناهم فى الغربة بقوا رجال ورجعة وعيشه لبهم فى السودان زى الحلم ودحين باقليك ولاد أولادنا البيحصل ليهم شنو ؟؟؟ وما تستعجب من السعال قريييييييييييب حانبقى جدود ووطن الجدود نفديهو بالارواح نجود وطنى

اخي حسن حماد
شكراً على المرور

أقول لك الأدهى والأمر
وهو ما حملني لفتح هذا البوست
وكلي أمل ان نتجرد من كل شئ سئ زرعوه فينا جهوية وقبلية وأحقاد وعنصرية
وليس البلد فقط في كف عفريت
بل السوداني ( الزول ) في كف عفريت
هناك الكثرين من أبناء البلد الشرفاء من فقدوا الأمل وصبوا جُل تفكيرهم العيش في دول المهجر
شراء وأمتلاك بيت
بدأت الفكرة وهم يملؤوا في جيبوبهم بمال الدولة وتكديسها في بنوك ماليزيا
اهل المهجر قالوا أحسن نستحمل الغربة لكي نعلم أبناءنا أحسن تعليم وبعدين نرجع
تخرج الابناء وحملوا أحسن الشهادات وعادوا لبلاد هجرة ابائهم وامهاتهم للعمل الأستقرار
طاردت فكرة التقاعد الوالد وقد تكون الوالدة
بدأت فكرة أمتلاك بيت للأسرة بعد أن توظف الأربعة ابناء والحمد الله دخلهم فوق الممتاز لدفع مسيرة الأسرة الصغيرة
ونسوا الأسرة الكبير ( السودان ) ومسكوا قوي في مثل جُحا
بطن أمي المرقتا منها إن شاء تنسد
الفكرة يا حسن حماد لو قلبتها في رأسك هي بالضبط ( الإنزلاقة الأولى في طرف الهاوية )
الزمان الإنقصدنا
في البلاد شتت عددنا
الله يجيب العواقب سليمة لكن لابد أن نعمل بالاسباب
ونرجّى عدالة السماء فينا
كل مرسوم يرسموه تأكد أنه في صالحهم للبقاء
هم الآن في موقف التحرج ويمدون الايدي لكي يتسكوا بقشة
لاتمدوا لهم اليد ابدا
لابد من بديل البديل لابد أن يكون غير اللذين يسلمون لهم السلطة مرة أخرى
البيوت الثلاث
وهولاء هم رؤوس المربع اللذي نسمية ( الفيل )
والرأس الرابع هم ( الإنقاذ )
وعيني في الفيل ما ظله
كِلنا ندري ما نضلة

الفيديو ان شاء الله سوف ارفعه لك التحية

ونحن ضيعنا الوصية من قلوبنا
حافظين للمادة الصبحت وفية

كان يا ما كان
وماذا نقول
كلو كان
وهسي مافي
وماعارف هم منتظرين ايه
لو عندهم اقل من الذرة وزنا وطنية ليذهبوا إلى مكان خزنو أموالهم
أتركونا نموت تلتحف السماء
نأكل مع النمل
نشرب ورود للنيل الذي لن يقطع جريانه منا الله العلي
أذهبوا واتركونا
أنتم وكل من هو على شاكلتكم
كل إنتهازي واعي او غبي

عزيز أنتَّ يا وطني
سوف نطهر كل شبر دنسوه هولاء
الوطن لابناءه الشرفاء
كل من تجرد لهذا للوطن ما ليس شئ غير ذلك

يا الغلابة
ويا الغلابة
إنتو في العيشة وصِعابا
البلد في عِز عذابا
كُلو زول خلاها سابا

النِضال فيكنا دربو
وفي طريق مسدود مشينا
التراب ضيعنا حقو
وعشنا عاد في غُربة شينة
روحنا واقفا ممحنة
يلا نبدأ من هِنا
الكِفاح عاقبو الهنى
غضبة الثوار الغلابة

كُلو واحد حالتو حالة
همو فوق أهلو الحزانا
همو في بلدو وحِكايتو
الخلاص فقد المكانة
بي الكِفاح الليلة نشقى
بكرة عاد يا حلوة نلقى
المصانع نورا بقّا
والبلاد الفوقا زانا

الِفات أهلو وديارو
وخلف الأحزان وراهو
الطشّى من أمو وأبوهو
ويمضي حول مايشوف جناهو
الزمان الإنقصدنا
وفي البلاد شتت عددنا
ربي عاين لي بلدنا
وأرحم الناس التعابة

الخريف هجر البوداي
والحزن في كُل شارع
الجفاف في الوادي عمَّ
وشفتو في وجه المزارع
يا مدائن يا جانين
نحن أصبح حالنا باين
ومافي داعي نقيف نعاين
ونرجى في مطر السحابة
بلدنا يا بلدنا يابلدنا
بلدنا يا بلدنا يا بلدنا

ننشد الحرية
وهم سلبوا منا حتى كرمتنا

نطلب الدواء والكتاب الخبز
نلهث لكي نحصل عليهم
ولهم هو عمل السائق ان يحضرهم
ويا ربي بدفعوا قروش ؟؟

ومافي داعي نقيف نعاين
ونرجى في مطر السحابة

أللهم أبدل الحال ونجعلك في نحورهم
أللهم ارينا فيهم يوما بعدد زفرات خلقك الشرفاء

ولحين ميسرة

Quote: أتركونا نموت تلتحف السماء نأكل مع النمل نشرب ورود للنيل الذي لن يقطع جريانه منا الله العلي

الأخ خالد عساك طيب

فى فترة التسعة شهور الماضية ذهبت للوطن الحبيب ثلاثة مرات

وذلك بسبب مرض الوالدة ووفاتها عليها رحمة الله

أنا من سكان قرية ام ضواُبان شرق النيل واظنك تعرفها

لاحظت خلال الثلاثة زيارات ما يدعو للحيرة والدهشة فى آن واحد

لو تعرف المنظقة الواقعة على جانبى شارع ليبيا ما كان يعرف بشارع القذافى سابقاُ (طبعاُ تغيير الاسم نكران جميل للرجل بعد وفاته )

مثار دهشتى كان عدد المزارع الصغيرة التى انشئت على جانبى الطريق من مرابيع الشريف وحتى أم ضواًبان

مزارع مسورة ومعدة اعداد جيد جداً وبعضها مزود بالمياه والكهرباء

أراضيها ( وانا لست بذراعى) تبدو للناظر بأنها تنادى من يغرس فيها حجر حتى ينمو جبلاً

جاهزة ومطروحة ومسطوحة ونهر النيل اقل من نصف كيلومتر

بعضها والحق يقال مزروع منظره يسر الناظرين

أغلبها لا تبدو عليه أى آثار لزراعة وبعضها خصص كمزارع للنزهة والترفيه ومزود بميادين للرياضة بها كشفات إضاءة اكبر واقوى من تلك الموجودة باستاد الخرطوم

هذا الشريط الزراعى الذى ذكرته يمتد لأكثر من 20 كيلومتر على جانبى الشارع ، وبالطبع الأراضى الموازية لنهر النيل ليست ببعيدة من ذلك الشريط

لو قدر لهذه الأراضى أن تزرع خضروات فقط لأكتفت ولاية الخرطوم عن بكرة أبيها

أخى خالد نعيب زماننا والعيب فينا

نردد كالببقاء السودان بلد زراعى ومافينا واحد مستعد يزرع

ونحن ضغار كنا نزرع الخدرة والجرجير والبامية والطماطم داخل الحوش الورانى

عمرى كان تسعة سنسن أذكر اننى اكثر من مرة ذهبت للسوق بمنتجاتى الزراعية من حوض الزراعة مساحته لا تتعدى العشرة أمتار

نعم القائمين على الأمر لهم القدح المعلى فى الملامة

ولكننا كشعب وكأمة غير قادرين على الابتكار والاسنفادة مما أعطاه لنا الخالق

ومنتظرين الحل عند البشير والبشير منتظر الحل من قطر

نعانى من مرض الخمول والكسل ومنفوخين نفخة فى الفاضى ساى

الانسان السودانى يا خالد أخوى اصابه مرض الغرور والكبر والتقليد

وأصبح يستجدى قوت يومه (البيت كووووووووووولو نايم منتظر الولد المغترب يرسل المصاريف)

نحن فى حاجة لوقفة مع أنفسنا لكى ندرك أين انحرفنا وضلينا الطريق

( كلكم راع وكلكم مسئول عن رعيته )

الحرامية بجيهم يوم كان هنا كان هناك لكن نحن السواد الأعظم نكتف ايدينا وننتظر الخواجات زى ما قالك الفاضلابى


http://www.youtube.com/watch?v=pNrVlQ_yU9M

معليش نتعبك معانا تانى ارفع دى كمان

وطن الجدود نعم الوطن
خيراتو كم يتدفقن
آن الأوان أن نمتحن
في سبيلو لا نطلب تمن


عثمان الشفيع
والشاعر القرشي

حدو وين يا مك دا حدو وووووووووووووووووووووين
تانى مات شاب وطالب حدو ووووووين

يا الللللللللللللللللللللللللللللللللللللله هووووووووووووووووووووووى انت عالم بحالنا ارحمنا من هولاء شردونا وغربونا من نحن اطفال
وعاسوا فى البلاد ظلم وقتل وتفريق وتقسيم وتشريد

يا ابو مرررررررررررررررررررررررررة

كان ايامها الفنان عثمان الشفيع في رحلة للأبيض
لأحياء حفل زفاف هناك
وبعدها جلس مع القرشي لفترة طويلة تقارب الشهر أو زيادة ( والدنيا كانت بخيرها )
جلس هو وفرقته الموسيقية
وفي فترة وجوده هناك كان في كل يوم من القرشي ان يزوده بكلمات ثورية وطنية لكي يتغنى بها ضد الانقليز
لم يلبي القرشي طلبه
قرر العودة للخرطوم
وكان القرشي في وداعهم في محطة السكة حديد الأبيض
تحرك القطار بهم متجه للخرطوم وعندما وصل القطار للمحطة بعد الابيض في طريقه للخرطوم
وحركة القطار بطيئة بعض الشئ
رؤوا سيارة القرشي اللاندروفر البيكب
تقف في المحطة نزل الشفيع
إذا بي القرشي يسلمه القصيدة الوطنية
تم تلحينها في القطار وتغنى بها الجمع بقيادة الشفيع وشاركهم كل رُكاب القطار الوطنية صوت واحد
وعندما وصل القطار للخرطوم كانت في إنتظارهم عربات الشرطة وأعتقلوا
لكن في سبيلوا لم يقدروا التمن
وهو الوطن العزيز

Quote: حدو وين يا مك دا حدو وووووووووووووووووووووين تانى مات شاب وطالب حدو ووووووين يا الللللللللللللللللللللللللللللللللللللله هووووووووووووووووووووووى انت عالم بحالنا ارحمنا من هولاء شردونا وغربونا من نحن اطفال وعاسوا فى البلاد ظلم وقتل وتفريق وتقسيم وتشريد يا ابو مرررررررررررررررررررررررررة

للأسف يا وضاحة
موت طالب موت كل أهل دارفور وكل اهل الشرق عندهم لايساوي شئ
يسمونها فقاعة صابون وحالاً ما تنفقع وتسيل ماء
وااكد لك بعد صلاة المغرب سوف يتوجهون لمزارعهم
لصفقة
لحفل طرب
ويصلون المغرب انا مسلم وقلوبهم تجافي الاسلام

لهم يوم
يمهل ولا يهمل
سوف يعود عليهم
لا حيلة لنا أصبحنا مشلولين بعد أن طبقوا فينا كل سياسة بني يهود الماسونية
جهوية وتفرقة عنصرية نقتل بعض ونتناحر
سلب الروح الثورية فينا بالتخويف حينا وبهتك عروض اهلك حينا
البنامج الحضاري الذي أنتهى من كل خُلق كريم كان في السودان
هل سمعتي امام مسجد يسرق مكبرات الصوت من مسجده
هذا حصل في عهد هولاء الصعاليك
لشهداء البلد جنات عدن وربنا وليهم
لهم الرحمة

ونحن الغلابــــــة

لنعي انه لا أمل في احزاب
هبّة شعبية ولا عودة
ولكن ان يكون الشعب حريص لحماية اي ثورة
ولا يسلم الثورة للأحزاب المتلاعبة لتسلمها للعسكر مرة أخرى
حكومة السودان لتكن من شرفاء ما عرفو درب الأحزاب من قبل
أناس وطنية وللوطن فقط

المجد للثوار
المجد للأحرار
المجد لللشرقاء
المجد للشهداء
للموت الكريم


فلا تمت في أرواحنا أبقى شعلة مشتعلة يا أبكر ولا عودة

وقد سقط قبلك من هم أقوى وجبابرة
سقط قذافي
سقط حسني مبارك
سقط علي صالح
سقط بن علي
وهم اكبر منك قوة وكانوا يظنون يا دنيا ما فيك من يستطع
أن يأخذ الحكم منا

يمهل ولا يهمل

Quote: أمَّ زويلك دا خلي الأيام عامل أعتصام لكن الحيكومة ما جايبو خبروا داير لي اتصل يقولوا لي وين أنت مختفي ولا بوست يفتح يا أخوانا وين ودشيقوق فتح البوست عماد الشبلي ماجاب خبرو هو داير بوست من نوع تاني بطعم الزنجبيل

تعرف يامك زويلك ده في واحد عريريب من نواحهين كان مسجون.
قام اتدهنس لي ناس السجن نقلوه من السجن عشان يقضي مده حبسه
في ميز القضاة.
يوم القضاه نزلوا فوقهم ضيوف من الدمازين (زملاؤهم) ـ اها قاموا
رَسّلوا زولك العريريب ده عشان يمشي سوق سنجة يشتري ليهم (جداد)
يكرموا بيهو الضيوف. زولك غتس زي ساعة وجاهن راجع ايدينو فاضية.
واحد من القضاة قال ليه يا روماتيريال (لغبه) وين الجداد؟
قال ليهو انتوا يامولانا الجداد بِتْدُروهو سعية ولا أكل؟

يامك قلنا بس تشوف المداخلة الفوق دي وبعد داك تَعْرِشْ عَلِيْ كِدَه.
الظاهر (الطَيَّانة) مادفعت ليهن كويس عشان كده ابوو يتمو البيت.

هههههههههههههههههههههههههههههههههه

Quote: تعرف يامك زويلك ده في واحد عريريب من نواحهين كان مسجون. قام اتدهنس لي ناس السجن نقلوه من السجن عشان يقضي مده حبسه في ميز القضاة. يوم القضاه نزلوا فوقهم ضيوف من الدمازين (زملاؤهم) ـ اها قاموا رَسّلوا زولك العريريب ده عشان يمشي سوق سنجة يشتري ليهم (جداد) يكرموا بيهو الضيوف. زولك غتس زي ساعة وجاهن راجع ايدينو فاضية. واحد من القضاة قال ليه يا روماتيريال (لغبه) وين الجداد؟ قال ليهو انتوا يامولانا الجداد بِتْدُروهو سعية ولا أكل؟

وتاني
هههههههههههههههههه
ياهو حالهم مقطوعين طاري ومنفوسين
بتلمو في الفارغة
زولك مرة لاميهم في أحد عطلاته
وبسجل بالفيديو
واحد بدوبي ويتغزل في مرأة وناسك أمشوا ويجو قلنا يا عِتمان اللت الدخان
ههههههههه
يتمرمغو في تراب ضُل الشدرة ولايخلو واردة ولا شاردة
هو الايام ديمعاهم هناك بملئ في بطارياتو
كان فضل فيها فرقة تعبت البطاريات من النقاع ديمة دافنن هناك