Post: #1
Title: ياموصلي احجز النص دا
Author: عبد اللطيف بكري أحمد
Date: 03-07-2014, 11:31 AM
أصبحتي كيف؟ ....
|
Post: #2
Title: Re: ياموصلي احجز النص دا
Author: عبد اللطيف بكري أحمد
Date: 03-07-2014, 11:32 AM
Parent: #1
Quote: اصبحتي كيف ؟ ...
اصبحتي كيف يا سر هنايا وبهجتي ...
اصحتي كيف ؟ .. يا قلبي انتي ومهجتي ...
اصبحتي كيف .... يا اغلى من ضي مقلتي ...
يا رحمه ... يا زخة رزاز ...
رطب سنيني الجافه.. قشقش دمعتي..
رجع فرح كان مني تاه ..
نساني نوحي ووجعتي ...
رتب جواي انا من جديد ...
موسق مشاعري ودنيتي ...
رست المراكب الطاشه من زمناً بعيد ...
في أحلى قيف ..
واتكرف الشوق الحنين...
من نار اسايا ولوعني ...
واصبحتي كيف ؟...
*****
يا ساكنه اصلاً في الحنايا ..
بتنقسك اشواق وريده ومشتهيك ....
شايلك امل مزهر جميل ...
أدمنت زاتك والحنان الفطري فيك ....
وانا كلي ليك ..
لا بستلف خاطراً يضمخ روحي حب ...
يستجدي حنك ... يسألك ...يترجى ليك ...
لا انتي محتاجه السؤال ...
لا شاحده ريداً كنت داخرو العمر كلو عشان يجيك ...
وعندك يقيف ...
يا روحي انتي ومنيتي ...
اصبحتي كيف ؟....
اصبحتي كيف ؟...
ادريس محمد ابراهيم
6 مارس 2014 |
|
Post: #3
Title: Re: ياموصلي احجز النص دا
Author: عبد اللطيف بكري أحمد
Date: 03-07-2014, 11:36 AM
Parent: #2
تهانينا يازميلنا ادريس على ميلاد هذا النص البديع
هذه قصيدة كتبت الساعة خمسة صباحاً لي زول شايل الليل عذاب عسى ان يفصح الفجر عن أمل جديد
هههههههه
بطل شقاوة يا ادريس ،،
مخزون الكلام الجميل مازال بخير ياناس
|
Post: #4
Title: Re: ياموصلي احجز النص دا
Author: إدريس محمد إبراهيم
Date: 03-08-2014, 08:23 AM
Parent: #3
شكراً حبيبنا عبد اللطيف بكري هلى كل هدا الاحتفاء بالنص
انت حبيبنا والموصلي بلا شك حبيب الملايين وحبيبي
شكرا كثيفاً جميلاً يشبهك
لقد ابكيتني يا رجل
مع كل حبي الدي تعرف وتستحق ؛؛؛؛
|
Post: #5
Title: Re: ياموصلي احجز النص دا
Author: Elmosley
Date: 03-08-2014, 01:34 PM
Parent: #1
تسلم صديقي عبد اللطيف
وشكرا للحبيب ادريس المبدع الجميل
وحجزنا
|
Post: #6
Title: Re: ياموصلي احجز النص دا
Author: سيد محمد احمد سيدنا
Date: 03-08-2014, 02:30 PM
Parent: #5
الاخ عبد اللطيف بكرى
( حايم مع الشعر وانا انتف صلعتى )
كلك جمال واجمل اهداء للهادى الرزيين يوسف الموصلى
شكرا الشاعر ادريس على الليل وسهاده
تحياتى
سيد سيدنا
|
Post: #7
Title: Re: ياموصلي احجز النص دا
Author: إدريس محمد إبراهيم
Date: 03-10-2014, 09:12 AM
Parent: #6
Quote: تسلم صديقي عبد اللطيف
وشكرا للحبيب ادريس المبدع الجميل
وحجزنا
|
شكرا مبدعنا الجميل يوسف الموصلي
وبالمناسبة هدا هو النص الرابع او اكثر فيما ادكر .... عشم الصغيرين ؛ فصرت فيك ؛ ماسك الزمام ... بس الظاهر انا ما عندي حظ في أن يقوم الموسيقار الفنان القامة الجميل يوسف الموصلي بتلحين أحد اعمالي
وان شاء الله تصدق المره دي ...
بركاتك يا حبيب نوره هههه ....
مع كل إعزازي وحبي وتقديري ؛؛؛؛؛
|
Post: #8
Title: Re: ياموصلي احجز النص دا
Author: ياسر السر
Date: 03-10-2014, 02:41 PM
Parent: #7
يا جماعة احنا عودنا راكب لانو الراجل ده عضو معانا في بورداب الرياض ,,, لكن مع الموسيقار الموصلي اكيد ده تحدي خسران من هسة .. القامة يوسف الموصلي لا يعلى عليه واتمنى ان نحوز نحن ايضا على عمل واحد يكون من الحانه وتوزيعه وتصدق معنا برضو نحن زي ما قال استاذي ادريس ..
غايتو يا عبد اللطيف بكري قصرت معانا ودخلتنا في ورطه مع الموسيقار يوسف الموصلي هسة النص ده يجيبوه منو كيف تاااني ..
بالجد الكلام جميل وياريت يصادف هوىً في روح استاذنا الجميل يوسف الموصلي علشان نستمتع به اكثر واكثر ..
وافر محبتي لكم جميعا ودومو بخير ..
تحياتي : ياسر العيلفون
|
Post: #10
Title: Re: ياموصلي احجز النص دا
Author: إدريس محمد إبراهيم
Date: 03-14-2014, 00:17 AM
Parent: #8
Quote: يا جماعة احنا عودنا راكب لانو الراجل ده عضو معانا في بورداب الرياض ,,, لكن مع الموسيقار الموصلي اكيد ده تحدي خسران من هسة .. القامة يوسف الموصلي لا يعلى عليه واتمنى ان نحوز نحن ايضا على عمل واحد يكون من الحانه وتوزيعه وتصدق معنا برضو نحن زي ما قال استاذي ادريس ..
غايتو يا عبد اللطيف بكري قصرت معانا ودخلتنا في ورطه مع الموسيقار يوسف الموصلي هسة النص ده يجيبوه منو كيف تاااني ..
بالجد الكلام جميل وياريت يصادف هوىً في روح استاذنا الجميل يوسف الموصلي علشان نستمتع به اكثر واكثر ..
وافر محبتي لكم جميعا ودومو بخير ..
تحياتي : ياسر العيلفون
|
صديقي الفنان الجميل ياسر
لك انقي معاني الحب والأخاء ...
يا حبيب مشكور والله على ما قلته بخق النص ...ويا ياسر النصوص عندي على قفا من يشيل صدقني انت بس أشر وانا تحت أمرك ....تعال نقعد سوا وانا كلي ثقة في انك ستجد ما يسر خاطرك الغالي ؛ ودعنا هنا نحترم خيار حبيبنا عبد اللطيف وموافقة الموسيقار الكبير يوسف الموصلي ....
ولك من الحب وخالص التقدير وافر الحظ والنصيب ...
|
Post: #9
Title: Re: ياموصلي احجز النص دا
Author: إدريس محمد إبراهيم
Date: 03-11-2014, 08:30 AM
Parent: #6
Quote: الاخ عبد اللطيف بكرى
( حايم مع الشعر وانا انتف صلعتى )
كلك جمال واجمل اهداء للهادى الرزيين يوسف الموصلى
شكرا الشاعر ادريس على الليل وسهاده
تحياتى
سيد سيدنا
YahooEmail |
شكرا جزيلا يا سيد سيدنا على الكلام الجميل ...وجميل جدا يا سيد السهر والسهاد من أجل عيون من تحب ... الحب نفسه واحد من أنبل الصفات الانساميه الجميلة ....يسمو بالمشاعر ويرقق الفؤاد ليسامر الشجن والنجوى ...
نسلم وتسلم صلعتك يا سيدنا ياخ ....
نغ كل الحب والتقدير ؛؛؛؛
|
Post: #11
Title: Re: ياموصلي احجز النص دا
Author: إدريس محمد إبراهيم
Date: 03-15-2014, 08:39 AM
Parent: #9
أصبختي كيف ؟ .....
|
Post: #12
Title: Re: ياموصلي احجز النص دا
Author: هاشم محمد الحسن عبدالله
Date: 03-15-2014, 08:58 AM
Parent: #11
تحياتى الاخ العزيز عبداللطيف والتحية موصولة للشاعر الجميل ادريس على هذه الأغنية الرائعة والى حبيبنا المبدع دوما الموصلى كيفنك يااخ مشتاقين ، ياليت تولد اغنية مبدعة من هذا الابداع تسلموا يارائعين
|
Post: #13
Title: Re: ياموصلي احجز النص دا
Author: إدريس محمد إبراهيم
Date: 03-22-2014, 10:14 PM
Parent: #12
Quote: تحياتى الاخ العزيز عبداللطيف والتحية موصولة للشاعر الجميل ادريس على هذه الأغنية الرائعة والى حبيبنا المبدع دوما الموصلى كيفنك يااخ مشتاقين ، ياليت تولد اغنية مبدعة من هذا الابداع تسلموا يارائعين
|
أستادي الكريم / هاشم محمد الحسن عبد الله
كل الشكر على مرورك البهي وعلى ما نثرته هنا من جميل الكلم يا رجل
إن شاء الله تسلم يا هاشم ياخ ...
مع كل حبي وتقديري ؛؛؛
|
Post: #14
Title: Re: ياموصلي احجز النص دا
Author: إدريس محمد إبراهيم
Date: 03-27-2014, 07:23 AM
Parent: #13
لا بستلف خاطراً يضمخ روحي حب ...
يستجدي حنك ... يسألك ...يترجى ليك ...
لا انتي محتاجه السؤال ...
لا شاحده ريداً كنت داخرو العمر كلو عشان يجيك ...
وعندك يقيف ...
|
Post: #15
Title: Re: ياموصلي احجز النص دا
Author: وضاح عبدالرحمن جابر
Date: 03-27-2014, 09:57 AM
Parent: #14
يا سلام يا عبداللطيف .. ونعم الاختيار
التحية للشاعر المرهف ادريس محمد ابراهيم
وفعلا قصيده تستاهل الحجز
موسيقاها جواها .. ولحنها ممزوج فيها
|
Post: #16
Title: Re: ياموصلي احجز النص دا
Author: إدريس محمد إبراهيم
Date: 03-29-2014, 08:31 AM
Parent: #15
Quote: يا سلام يا عبداللطيف .. ونعم الاختيار
التحية للشاعر المرهف ادريس محمد ابراهيم
وفعلا قصيده تستاهل الحجز
موسيقاها جواها .. ولحنها ممزوج فيها
|
شكرا جزيلا احي وضاح
وان شاء الله تسلم يا رجل
مع خالص ودي وتقديري ؛؛؛؛
|
|