Post: #1
Title: أصبحتي كيف؟ ....
Author: إدريس محمد إبراهيم
Date: 03-07-2014, 09:35 AM
Parent: #0
اصبحتي كيف ؟ ...
اصبحتي كيف يا سر هنايا وبهجتي ...
اصحتي كيف ؟ .. يا قلبي انتي ومهجتي ...
اصبحتي كيف .... يا اغلى من ضي مقلتي ...
يا رحمه ... يا زخة رزاز ...
رطب سنيني الجافه.. قشقش دمعتي..
رجع فرح كان مني تاه ..
نساني نوحي ووجعتي ...
رتب جواي انا من جديد ...
موسق مشاعري ودنيتي ...
رست المراكب الطاشه من زمناً بعيد ...
في أحلى قيف ..
واتكرف الشوق الحنين...
من نار اسايا ولوعني ...
واصبحتي كيف ؟...
*****
يا ساكنه اصلاً في الحنايا ..
بتنقسك اشواق وريده ومشتهيك ....
شايلك امل مزهر جميل ...
أدمنت زاتك والحنان الفطري فيك ....
وانا كلي ليك ..
لا بستلف خاطراً يضمخ روحي حب ...
يستجدي حنك ... يسألك ...يترجى ليك ...
لا انتي محتاجه السؤال ...
لا شاحده ريداً كنت داخرو العمر كلو عشان يجيك ...
وعندك يقيف ...
يا روحي انتي ومنيتي ...
اصبحتي كيف ؟....
اصبحتي كيف ؟...
ادريس محمد ابراهيم
6 مارس 2014
|
Post: #2
Title: Re: أصبحتي كيف؟ ....
Author: مني عمسيب
Date: 03-07-2014, 10:41 AM
كويسة وانت كيف ؟
|
Post: #3
Title: Re: أصبحتي كيف؟ ....
Author: ابو جهينة
Date: 03-07-2014, 10:44 AM
Parent: #2
نص بديع
صادق الزفرات
تسلم قريحتك
|
Post: #4
Title: Re: أصبحتي كيف؟ ....
Author: عبد اللطيف بكري أحمد
Date: 03-07-2014, 11:19 AM
Parent: #3
إبداااااااع
|
Post: #8
Title: Re: أصبحتي كيف؟ ....
Author: إدريس محمد إبراهيم
Date: 03-09-2014, 07:00 AM
Parent: #4
سكرا بقدر قامتك السامقة وحسك الشفيف عبد اللطيف اخوي
وإن شاء الله تسلم يا رجلمع االامانياليانعات واصدق ايات الحب
وخالص ودي وتقديري
|
Post: #5
Title: Re: أصبحتي كيف؟ ....
Author: عبد الحميد البرنس
Date: 03-07-2014, 11:25 AM
Parent: #3
Quote: يا زخة رزاز ...
رطب سنيني الجافه.. قشقش دمعتي..
رجع فرح كان مني تاه ..
نساني نوحي ووجعتي ...
رتب جواي انا من جديد ...
موسق مشاعري ودنيتي |
صورة بديعة, يا أستاذ. تحياتي.
|
Post: #6
Title: Re: أصبحتي كيف؟ ....
Author: إدريس محمد إبراهيم
Date: 03-08-2014, 10:00 AM
Parent: #5
كويس انك كويسه يا منى ياخ ....
مشتاقين والله
|
Post: #7
Title: Re: أصبحتي كيف؟ ....
Author: إدريس محمد إبراهيم
Date: 03-08-2014, 06:55 PM
Parent: #6
Quote:
نص بديع
صادق الزفرات
تسلم قريحتك
|
ان شاء الله تسلم انت ده يا جلال ياخ....وسعيد بحق ان لاقى النص استحسان مثلك
ولك كل الحب وخالص المنى والاشواق ؛؛؛؛
|
Post: #13
Title: Re: أصبحتي كيف؟ ....
Author: إدريس محمد إبراهيم
Date: 03-11-2014, 08:43 AM
Parent: #5
Quote: صورة بديعة, يا أستاذ. تحياتي.
|
شكرا كثيقا استادي الكريم عبد الحميد البرنس واعشم ان اكون دوما عند حسن الظن .....
تشريفك وسام مؤتلق تيهاً يشابي للثريا ويحتضن الشموس ....
مع خالص حبي وتقديري ؛؛؛؛؛
|
Post: #9
Title: Re: أصبحتي كيف؟ ....
Author: عواطف علي
Date: 03-09-2014, 05:46 PM
بتسأل أنته اصبحتي كيف ؟!
أصبحتي كيف ؟ !!
اصبحته بي عافيه الصباح !!
وشايلي الحليلي علي المراح
شن باقي لينا من الحلال ؟ ما كلو راح !!
***
اصبح تمام يا سر سعاتي والامان
أصبح قريت الفاتحي والاخلاص كمان
يا ضحكة الطفل البريء ,,
يا بسمة الزول الوفي ومليان حنان
***
قول ليا انته ,, اصبحته كيف ؟
يا أحلي من عسل النحل وكتين يكون عاطننو بي عجوة خلاص
يا الجووه جووه .. وجوه داخل أعماقي غاص
***
اصبحته كيف ؟! واصبحته كيفن يا ملاك ؟
فديتك انته فديت شذاك
وحتي لو ختاك جوووه ,, وجووه نن العين ,,
وغطاك بي رموشي أنا .. ما كفاني وما كفاك !
اصبحته كيفن يا ملاك ؟
بت علي
|
Post: #10
Title: Re: أصبحتي كيف؟ ....
Author: بشرى محمد حامد الفكي
Date: 03-09-2014, 10:52 PM
Parent: #9
تاني أصبحتي كيف
أيوه تاني
بعد الغنا من حلاة أصبحته كيف إنشرق بأحلى المعاني
خلاني أرجع لي عيونك
أغني ليها وليها تاني
أغني لي تحنان وريده
لي زماناً ما زماني
وأنظم الآلام قصيدة
أترجم الآهات أغاني
ومن عصب شوقي البيسافر
لي عيونك ومن كماني
بشدد الوتر أبني بيهو
زمناً ربيعاً أقحواني
ولغاية ما وردة من زمانك
تبدأ تطلع في زماني
ترتِّب الزمن المشاتر
تنظِّم إيقاع الثواني
وتبقي أملاً بحيا بيهو
وتحيي في جواي أماني
ولسه تاني وبرضو تاني
أصبحتي كيف أيوه تاني
|
Post: #11
Title: Re: أصبحتي كيف؟ ....
Author: ياسر السر
Date: 03-10-2014, 05:51 AM
Parent: #10
ابداع وامتاع حد الثمالة ... استاذنا ادريس تلك المعاني السامية ادخلت البهجة في قلبي وجعلت الامل يدقدق دنيتي .. متعك الله بالصحة والعافية ,,,
الاستاذة عواطف علي ,, ما هذا الالق كلام يشرح الصدر من الصباح ويا ليت كل نساء بلادي مثلك فالصباح تنطلق منه بشريات اليوم وصباحك انتي حقو الناس يجوه يشيلو منو الفال .. متعك الله بالصحة والعافية ..
استاذنا بشرى يا لبت الزمان يعود بنا لتلك الايام التي مرت كالسحابة فقد كنا نعيش على الحاضر ولكن اصبحنا نعيش على الماضي وزامانا الراح ,, كلام جميل يدخل جوة الحنايا ويجعلنا نغني على الماضي ونتحسر على الايام .. متعك الله بالصحة والعافية ..
لكم جميعا ودي وتقديري وولا تقطعو هذا الحبل واصلو ..
تحياتي : ياسر العيلفون
|
Post: #12
Title: Re: أصبحتي كيف؟ ....
Author: عواطف علي
Date: 03-10-2014, 11:48 AM
Parent: #11
( ياسر العيلفون )
تسلم ,, تسلم ,, تسلم كتيييير ,,
ردك ادخل السورور لي قلبي ,, وزادني دفعة ,, بل دفعات الي الامام لكي اواصل الكتابة ,,
كم انت رائع !!
تحياتي واحترامي ,,
|
Post: #14
Title: Re: أصبحتي كيف؟ ....
Author: Tagelsir Elmelik
Date: 03-11-2014, 02:44 PM
Parent: #12
اخي إدريس
قصيدة في منتهى الجمال شكلا وموضوعا.
|
Post: #15
Title: Re: أصبحتي كيف؟ ....
Author: الامين موسى البشاري
Date: 03-11-2014, 03:06 PM
Parent: #14
حضور في حضرة هذا البهاء ..
تسلم يا درش .. ولينا طوله
|
Post: #16
Title: Re: أصبحتي كيف؟ ....
Author: إدريس محمد إبراهيم
Date: 03-13-2014, 07:30 PM
Parent: #15
Quote: بتسأل أنته اصبحتي كيف ؟!
أصبحتي كيف ؟ !!
اصبحته بي عافيه الصباح !!
وشايلي الحليلي علي المراح
شن باقي لينا من الحلال ؟ ما كلو راح !!
***
اصبح تمام يا سر سعاتي والامان
أصبح قريت الفاتحي والاخلاص كمان
يا ضحكة الطفل البريء ,,
يا بسمة الزول الوفي ومليان حنان
***
قول ليا انته ,, اصبحته كيف ؟
يا أحلي من عسل النحل وكتين يكون عاطننو بي عجوة خلاص
يا الجووه جووه .. وجوه داخل أعماقي غاص
***
اصبحته كيف ؟! واصبحته كيفن يا ملاك ؟
فديتك انته فديت شذاك
وحتي لو ختاك جوووه ,, وجووه نن العين ,,
وغطاك بي رموشي أنا .. ما كفاني وما كفاك !
اصبحته كيفن يا ملاك ؟
بت علي
|
يا سلام عليك يا عواطف ياخ ..... أكيد بجيك للرد عليك بي رواقه يا بت ثغرنا الحبيب .... عارفه اني برضو من بورسودان ؟
أديها صنه بس
ولك أختاه من صادق المودة ما تستحقين ....
|
Post: #19
Title: Re: أصبحتي كيف؟ ....
Author: إدريس محمد إبراهيم
Date: 03-17-2014, 05:32 PM
Parent: #14
Quote: اخي إدريس
قصيدة في منتهى الجمال شكلا وموضوعا.
|
يا سلام عليك يا تاج السر ياخ
تشريفك بلا شك وسام أعنز به وأفخر
إن شاء الله تسلم أيها الجميل ...
مع خالص الحب الدي تعرف ؛؛؛؛
|
Post: #17
Title: Re: أصبحتي كيف؟ ....
Author: إدريس محمد إبراهيم
Date: 03-14-2014, 07:54 PM
Parent: #10
Quote: تاني أصبحتي كيف
أيوه تاني
بعد الغنا من حلاة أصبحته كيف إنشرق بأحلى المعاني
خلاني أرجع لي عيونك
أغني ليها وليها تاني
أغني لي تحنان وريده
لي زماناً ما زماني
وأنظم الآلام قصيدة
أترجم الآهات أغاني
ومن عصب شوقي البيسافر
لي عيونك ومن كماني
بشدد الوتر أبني بيهو
زمناً ربيعاً أقحواني
ولغاية ما وردة من زمانك
تبدأ تطلع في زماني
ترتِّب الزمن المشاتر
تنظِّم إيقاع الثواني
وتبقي أملاً بحيا بيهو
وتحيي في جواي أماني
ولسه تاني وبرضو تاني
أصبحتي كيف أيوه تاني
EmailProfile |
يا سلام عليك يا بشرى الفكي ياخ ....
إن شاء الله تسلم يا رجل ...
مع خالص ودي وتقديري ؛؛؛؛
|
Post: #18
Title: Re: أصبحتي كيف؟ ....
Author: إدريس محمد إبراهيم
Date: 03-16-2014, 10:11 AM
Parent: #17
Quote: عصام محمد الحسن · Ahfad University for Women
كلمات رائعه وجميله واصبحنا في عافيه وامان انشاء الله صباحكم زين
رد · 1 |
شكراً جزيلاً أخي عصام محمد الحسن وعسى أن نراك قريباً عضواً فاعلاً في هدا الكيان ...
وإن شاء الله تسلم ياخ ....
مع خالص الود والتقدير |؛؛؛؛
|
Post: #20
Title: Re: أصبحتي كيف؟ ....
Author: إدريس محمد إبراهيم
Date: 03-20-2014, 05:44 PM
Parent: #18
Quote: حضور في حضرة هذا البهاء ..
تسلم يا درش .. ولينا طوله
|
الامين موسى البشاري
شكراً يا هندسه على تشريفك وسعيد بحق ان لاقى النص استحسانك
يا الله بس لو ما كنت مريخابي ...كنت بقيت حاجع ما تخلص ....هههه ....
إن شاء الله تسلم يا حبيب ....
مع فائق ودي وتقديري """"
ا
|
Post: #21
Title: Re: أصبحتي كيف؟ ....
Author: اميرة السيد
Date: 03-20-2014, 06:37 PM
Parent: #20
Quote: اصبحتي كيف .... يا اغلى من ضي مقلتي ...
يا رحمه ... يا زخة رزاز ...
رطب سنيني الجافه.. قشقش دمعتي..
رجع فرح كان مني تاه ..
نساني نوحي ووجعتي ...
رتب جواي انا من جديد ...
موسق مشاعري ودنيتي ...
رست المراكب الطاشه من زمناً بعيد ...
في أحلى قيف .. |
......................................
عزيزي الشاعر النحرير ادريس
انت بتسأل :" اصبحتي كيف؟
وانا برد ليك انا اصبحت مهمومة ومشغولة بال : يا ربي الكلمات المموسقة دي والأزاهير المتفتحة دي طريقها لـ " وين؟؟
اصبحت مليانة آمال واحساس بالكون البديع وانا احلم ان الشعر الانسيابي الجميل يتسلل بين جوانحي ويجري في عروقي ..
اصبحت حيرانة وشفقانة ان هذه الدنيا الجميلة تحمل في طياتها الغم والهم والكرب ولكن في نفس الوقت بيحمل الأمل والسعادة والشعور الجميل بالابداع وبكل مبتكر وجميل..
والله يديك العافية يا من تلهمنا بكل هذا الجمال والألق البديع لكي ننسى غربتنا.. غربة الروح والجسد..
|
Post: #22
Title: Re: أصبحتي كيف؟ ....
Author: إدريس محمد إبراهيم
Date: 03-22-2014, 10:03 PM
Parent: #21
Quote: ......................................
عزيزي الشاعر النحرير ادريس
انت بتسأل :" اصبحتي كيف؟
وانا برد ليك انا اصبحت مهمومة ومشغولة بال : يا ربي الكلمات المموسقة دي والأزاهير المتفتحة دي طريقها لـ " وين؟؟
اصبحت مليانة آمال واحساس بالكون البديع وانا احلم ان الشعر الانسيابي الجميل يتسلل بين جوانحي ويجري في عروقي ..
اصبحت حيرانة وشفقانة ان هذه الدنيا الجميلة تحمل في طياتها الغم والهم والكرب ولكن في نفس الوقت بيحمل الأمل والسعادة والشعور الجميل بالابداع وبكل مبتكر وجميل..
والله يديك العافية يا من تلهمنا بكل هذا الجمال والألق البديع لكي ننسى غربتنا.. غربة الروح والجسد..
|
يا اميره
سعيد بحق بطلتك البهيه واحتفاءك الجميل بالنص ...والله اسأل بداية ان يزيل عن دنياك كل هم وكآبه ...وان يكسيك ثوباً من السعادة السرمدية لا يبلى ولا يعتريه التعب .... وان يرد غربتنا جميعا لوطن نحبه ونتمنى له افضل ما بالوجود ...
كل معاني الشكر لا تحتوي ما طوقتيني به من جميل وما خطه يراعك الشقيف ...
ان شاء الله تسلمي يا اميره ياخ ...
مع خالص ودي وتقديري ؛؛؛
|
Post: #23
Title: Re: أصبحتي كيف؟ ....
Author: إدريس محمد إبراهيم
Date: 03-25-2014, 04:50 AM
Parent: #22
لا بستلف خاطراً يضمخ روحي حب ...
يستجدي حنك ... يسألك ...يترجى ليك ...
لا انتي محتاجه السؤال ...
لا شاحده ريداً كنت داخرو العمر كلو عشان يجيك ...
وعندك يقيف ...
يا روحي انتي ومنيتي ...
اصبحتي كيف ؟....
اصبحتي كيف ؟...
|
Post: #24
Title: Re: أصبحتي كيف؟ ....
Author: إدريس محمد إبراهيم
Date: 04-01-2014, 05:18 AM
Parent: #23
يا رحمه ... يا زخة رزاز ...
رطب سنيني الجافه.. قشقش دمعتي..
رجع فرح كان مني تاه ..
نساني نوحي ووجعتي ...
رتب جواي انا من جديد ...
موسق مشاعري ودنيتي ...
رست المراكب الطاشه من زمناً بعيد ...
في أحلى قيف ..
واتكرف الشوق الحنين...
من نار اسايا ولوعني ...
واصبحتي كيف
|
|