تنادوا اخواني الي حملة ( حمل سعادة الرئيس ليعمل رايح )

اخواني في المهاجر .. اخواني في الداخل .. اي سوداني عندو ذمة وضمير ... فلنتنادى جميعا لحمل سعادة السيد المشير عمر حسن احمد البشير رئيس الجمهورية الي ان (يباصي) المشكلة -الخليجية الخليجية - وما يصرح اي تصريح .. سعادة الرئيس عليك الله ياخ الموضوع دا ما بخصك نسألك بالله انت واعوانك ما تعلقوا اي تعليق ولو كان ايجابيا زاتو .. امسكو خشمكم مرة واحدة بس مرة واحدة يا سعادة الرئيس من اجل شعبكم .. ساعدوا شعوبكم بالسكات وما دايرين موية باردة زاتو .. بس يا سعادتك ما تصريح ولا تعلق ولا تهتم بالموضوع ... بتعوقنا سعادتك .. بتعوق شعبك سعادة الرئيس اذا فتحت خشمت واتصديت للمايك معلقا علي ما يحدث بين الاشقاء الخليجية .. لو عوقتنا سعادتك بواحد من تصريحاتكم الغير مطلوبة اصلا منكم بنجيب الزيت نحن شعبكم في الخارج .. ونص شعبكم في الداخل الذين يعتمدون بعد الله تعالي علي رعاياكم في دول الخليج ...

والله يا أساسي حاسي بك بالجد

ذكرتني نكتة الزول العنده ولد دلاهة وسايقوا معاهو عشان يعرس ليهو

(قال لولده عليك الله ما تفتح خشمك بكلمة لحدما نتم الموضوع ونعقد ليك ) ............... لووووووووووووووول

.

هههههههههههههه

يازول لو (باصه) دى .. بتجيهو حشرجه فى الحلق تاني

. . .

يا زول كيفن ما خصاهو ، خصاهو ونص وخمسة ، ريسنا ما نوريغا ريسنا السيف البقطع

(بتعوق شعبك سعادة الرئيس)

فوق ما هو عليه ..
هرمنا من عشوائية المواقف.

شيرتها هذا الصباح في حائطي بالفيسبوك ..
ذلك - أن أشير لك شيئا - يدخل في باب ان المصائب تجمعن المصابينا ليس الا ..

Quote: ساعدوا شعوبكم بالسكات وما دايرين موية باردة زاتو ..

Quote: بتعوقنا سعادتك .. بتعوق شعبك سعادة الرئيس

Quote: لو عوقتنا سعادتك بواحد من تصريحاتكم الغير مطلوبة اصلا منكم بنجيب الزيت

هو العولاق دا كان اتكلم ولا جوعر الشغال بيه منو رئيس محاصر ومطارد ومنبوذ قريب دا السعودية مرمطت كرامتو ورجعتو مهيون وذليل،،

قال سعادتو ،،،،،،،،،،،،،،،،، هو كان اتكلم لا ما تكلم اصبح ممل ومقرف وكل الدول بتعافو زي الاجرب عشان كدة ما تخافو ساي اصلا مافي زول خاتي اعتبار
وبعدبن هو عاوز يهبب شنو ولا يصلح شنو هو بابو مخلع وعاوز يصلح ابواب الغير
قريبا هو نظامو الوســخ الى اقرب مزبلة


خلاص بح دويلة قطر الراعي الرسمي لنظام العهر في الخرطوم بقت في روحا تاني مافي دعم عااااااااااااااااااااجل زي اخبار الجزيرة النصها عااااااااااااااااجل

قرف يقرف المؤتمر الوســـخي وسنينو

Quote: جرستك مبلوعة يا اساسي واقدرها شديد وفي البال سبهللية الانقاذ في غزو العراق للكويت والضرر الذي لحق بالسوادنة هناك - معقول الريس يكون مصرج للدرجة دي وما يتذكر ؟

Quote: (قال لولده عليك الله ما تفتح خشمك بكلمة لحدما نتم الموضوع ونعقد ليك ) ............... لووووووووووووووول

لكن المصيبة إن الولد إتكلم في الآخر!!!
ويا ريت عن حبه ما اتكلم!!
اها زولك دا هسع نضمنه ليك كيــــــــــــــــــــــــــــــــــــــــف؟؟؟


تحياتي

Quote: ... فلنتنادى جميعا لحمل سعادة السيد المشير عمر حسن احمد البشير رئيس الجمهورية الي ان (يباصي) المشكلة -الخليجية الخليجية - وما يصرح اي تصريح

هو الحمدلله (لحدي الآن) باصى الموضوع... لكن قرار السعودية الجديد ده، كان سكت كان اتكلم حيجيب للناس كفوات... حتى الما منتمين للأخوان المسلمين...