Post: #1
Title: الحكاية دي بتشبه حكاية تضامننا مع الصحفي زهير
Author: Balla Musa
Date: 03-05-2014, 05:53 PM
جماعة من عطبرة إبنهم أعتقل إبان عهد المخلوع الأسبق جعفر نميري
مشوا للشيخ حاج حمد الجعلي واشتكوا له بأن الحومة اعتقلت إبنهم
ويبدوا أن الأسرة علي الطريقة القادرية
قام الشيخ حاج حمد الجعلي رحمه الله قال ليهم: نرفع الفاتحة ربنا يفك أسره
معاهم شاب ناصح قال للشيخ: كدي ياشيخنا الفاتحة دي خليها بعدين, نحنا عايزينك تكتب لينا جواب لعمر محمد الطيب عشان يفكوا
(طبعا عمر هو حوار ناس الشيخ الجعلي)
الناس الكبار زعلوا من طلاشة ولدهم وقلة أدبه أمام الشيخ
لكن الشيخ مسك ورقة وكتب المطلوب ووقع عليها وظرفها بطريقة يعرفها عمر محمد الطيب.
والزول فكوه طوالي ومشى بيتو.
فأنا بستلف طلاشة ذاك الشاب وبقول لناس قوى الاجماع الوطني:
عندكم محامين يسدوا عين الشمش
أمسك من فاروق أبوعيسى مرورا بكمال الجزولي وساطع وهالة عبد الحليم
ديل ممكن يتولوا القضية من ناحية قانونية..
وناس المؤتمر الشعبي المتضامنين كفاية بس تكلموا الترابي يكلم الحكومة
وناس حزب الأمة بدل التضامن كلموا الامام الصادق يكلم عبد الرحمن وبشرى أولادو عشان يكلموا الحكومة دا إذا ماعايز يكلم الحكومة مباشرة
وناس الاتحادي المتضامنين شرحو
ويناس المنبر بدل تدخلوا يدينكم في الكيبورد دخلوها في جيوبكم..
ولو غلبكم البتسوه الزول دا شوفوا طريقة تخارجوه من السودان لأن القتل عند هذه الحكومة (الاسلامية الربانية) هواية ولايحتاج لأكثر من حادث مروري .
|
Post: #2
Title: Re: الحكاية دي بتشبه حكاية تضامننا مع الصحفي زهير
Author: Balla Musa
Date: 03-05-2014, 08:51 PM
Parent: #1
المابنو دا برفعو ولو بنقطة
|
Post: #3
Title: Re: الحكاية دي بتشبه حكاية تضامننا مع الصحفي زهير
Author: Balla Musa
Date: 03-06-2014, 04:08 AM
Parent: #2
.
|
Post: #4
Title: Re: الحكاية دي بتشبه حكاية تضامننا مع الصحفي زهير
Author: يحي قباني
Date: 03-06-2014, 04:13 AM
Parent: #3
الحقيقه يا بله ...
انا داير اشكر زهير نفسه لايقاظ روح التضامن الكيبورديه دي...
|
Post: #5
Title: Re: الحكاية دي بتشبه حكاية تضامننا مع الصحفي زهير
Author: Balla Musa
Date: 03-06-2014, 02:21 PM
Parent: #4
Quote: الحقيقه يا بله ...
انا داير اشكر زهير نفسه لايقاظ روح التضامن الكيبورديه دي... |
ياباشا
روح التضامن في سودانيزاونلاين روح يغلب عليها الطابع القبلي, فسودانيزاونلاين كونت قبيلة اسمها البورداب. وهذه لها محاسنها ومساوئها.
مع ذلك فهذه الروح لم يوقظها زهير رغم ظلامته البائنة ولكن أيقظها الظالم بتمدد ظلمه أفقيا ورأسيا عبر أكثر من ربع قرن.
فكل له وجعته التي ينكأها مايحدث لأي شخص من ظلامة ناهيك أن يكون هذا الشخص أحد أفراد قبيلة البورداب التي شيخها بكري أبوبكر.
إضافة لذلك الكيبورد لوحده لن يخرج سجينا ولن يدفع ملتزمات مالية لمن قطع الظالم عيشه ومصدر رزقه. كما أنه لوحده لن يقف مجنا عندما تنطلق سهام الموت الغادر نحو المغدور.
|
|