Post: #1
Title: الشكر للباشمهندس بكري ابوبكر
Author: اخلاص عبدالرحمن المشرف
Date: 03-05-2014, 12:01 PM
مكثت زمنآ ارقب وقد وجدت ان هذا المنبر يضيف لي فطلبت عضويته واني من الشاكرين للباشمهندس بكري ابوبكر الذي فتح طاقة للوعي والتواصل http://www.sudaneseonline.com/db/attention/110_Idea.gif
|
Post: #2
Title: Re: الشكر للباشمهندس بكري ابوبكر
Author: معتصم سليمان
Date: 03-05-2014, 12:09 PM
Parent: #1
حباب إخلاص بت المشرف
انتو أهلنا ناس الهلالية ؟؟
وكان ماهم برضو ياهم
ناس المشرف لاتخطئهم العين
|
Post: #3
Title: Re: الشكر للباشمهندس بكري ابوبكر
Author: معاوية الزبير
Date: 03-05-2014, 12:12 PM
Parent: #1
| Quote: وقد وجدت ان هذا المنبر يضيف لي |
وانتِ أيضا تضيفين إليه، وكنتِ كذلك من نافذة الفيسبوك
مرحب بيك يا إخلاص
|
Post: #4
Title: Re: الشكر للباشمهندس بكري ابوبكر
Author: جمال خضر
Date: 03-05-2014, 12:14 PM
Parent: #3
مرحبا بإخلاص المشرف
دماء جديدة فى شرايين سودانيز اون لاين
أرجو ان يطيب بك المقام
|
Post: #5
Title: Re: الشكر للباشمهندس بكري ابوبكر
Author: Asim Fageary
Date: 03-05-2014, 12:21 PM
Parent: #4
مرحب بإخلاص المشرف
فعلاً أنتي إضافة لهذا المنبر ولقد تابعناك من على نافذة الفيسبوك
إنشاء الله تكوني قريبتنا صديقنا حيدر المشرف ؟
|
Post: #6
Title: Re: الشكر للباشمهندس بكري ابوبكر
Author: Farida Mahgoub
Date: 03-05-2014, 12:28 PM
Parent: #5
اهلا بيك يا زميلة
اتفضلي لي جوه ...حللت اهلا ونزلت سهلا
الشاي في النار وبسكويت اليانسون في انتظارك
|
Post: #7
Title: Re: الشكر للباشمهندس بكري ابوبكر
Author: خالد علي محجوب المنسي
Date: 03-05-2014, 12:30 PM
Parent: #6
حبابك عشرة وبلا كشرة
|
Post: #9
Title: Re: الشكر للباشمهندس بكري ابوبكر
Author: ابو جهينة
Date: 03-05-2014, 12:35 PM
Parent: #8
مرحبا بك إخلاص في حوش بكري الماهل
|
Post: #10
Title: Re: الشكر للباشمهندس بكري ابوبكر
Author: haroon diyab
Date: 03-05-2014, 12:42 PM
Parent: #9
|
Post: #11
Title: Re: الشكر للباشمهندس بكري ابوبكر
Author: اخلاص عبدالرحمن المشرف
Date: 03-05-2014, 01:46 PM
Parent: #10
الاخوة الاعزاء شكرآ لكم
الاخ معتصم سليمان ناس الهلالية اصدقاء وتعرف حتي الاسماء مشتركة . جزء منهم بالملازمين وهنالك مصاهرة مع اهل الوالدة ,دمت بخير
الاخ معاوية الزبير شكرآ علي الترحيب = ما بتتجاهل زول يا زول يا راقي =
الاخ جمال خضر يخضر في وشك ويجعل قدمنا خضراء عليكم قول امين
Asim Fagey
شكر آ يا عاصم وكم مرة اتداخلت معاك ويشرفني ترحيبك بي شكرآ
|
Post: #12
Title: Re: الشكر للباشمهندس بكري ابوبكر
Author: اخلاص عبدالرحمن المشرف
Date: 03-05-2014, 02:07 PM
Parent: #11
الاخ عاصم نعم محمد حيدر =ود اخوي = ومعذرة الكيبورد انجليزي
الاخت فريدة محجوب شكرأ واظن التقينا قبل هذا = لو حلفاوية اكيد قابلتك بس بدري وشكرآ علي = عزومة المراكبية = وانشاء الله ح البي الدعوة
الاخ خالد المنسي لك التحية
الاخ محمد نور عودو مرحبآ واشكرك كتير
الاخ ابوجهينه شكرآ يا اخ انت ابو قبيله كده انا استقبلتني قبيلة من الاماجد
الاخ هارون دياب لك الشطر اجزله
وتحية لابو الزهور زهير عثمان حمد
ما منعوك وما سجنوك ولكنك جعلت خوفهم من الرأي الاخر باينآ يا لهم من بائسين
|
Post: #13
Title: Re: الشكر للباشمهندس بكري ابوبكر
Author: elhilayla
Date: 03-05-2014, 02:13 PM
Parent: #11
أهلا بآل المشرَف في شخص الأستاذة إخلاص
عمة صديقنا الوقور دكتور حيدر المشرَََف
حللتي أهلا ونزلتي سهلا
نحن ناس بدو عندنا مقولة تقول:
كان داير تعرف فاطنة في التكل
شوف أمحمَد في السوق
ــــــــــــــــــ
الحليلة
|
Post: #14
Title: Re: الشكر للباشمهندس بكري ابوبكر
Author: يحي قباني
Date: 03-05-2014, 02:17 PM
Parent: #13
مرحبتين اخلاص يا بت ام در ..
زول جميل دائما ...
من الناس البنفتش لي اسمهم في ردود الفيسبوك ...
شرفتينا الان ... و ده اختيار موفق من اخونا بكري ...
و مرحب بكل الاخوه و الاخوات الجدد في شخصك يا ستي ...
|
Post: #15
Title: Re: الشكر للباشمهندس بكري ابوبكر
Author: شمس الدين ساتى
Date: 03-05-2014, 02:18 PM
Parent: #13
ألف مرحب بت المشرف
|
Post: #16
Title: Re: الشكر للباشمهندس بكري ابوبكر
Author: Ahmed Alim
Date: 03-05-2014, 02:25 PM
Parent: #15
مرحب بيك يا أخلاص مع خالص امنياتي ليك بإقامة طيبة..
|
Post: #19
Title: Re: الشكر للباشمهندس بكري ابوبكر
Author: محمد حيدر المشرف
Date: 03-05-2014, 02:34 PM
Parent: #16
ده خبر سعيد جدا أن تنضم د. إخلاص عبدالرحمن المشرف لنا في هذا المنبر ..
قلم شديد الذكاء وكتابة واعية تستند على معرفة واسعة وثقافة عالية و وطنية شديدة الرسوخ ..
ف .. عشرات حبابك بين الأصدقاء هنا والصديقات ..
|
Post: #18
Title: Re: الشكر للباشمهندس بكري ابوبكر
Author: Sudany Agouz
Date: 03-05-2014, 02:33 PM
Parent: #13
الأخت الحبيبة إخلاص ..
وبكل إخلاص .. أهلاً بك .. وشرفتينا .. وشرفت هذا المنبر العامر ..
و ممكن كمان تجرّى البمبر .. وتقربى لجاى .. جنب صينية الجَبَنَة ..
تُرّى لجاى .. أى .. قربى .. عشان تشربى معانا ..
الجَبَنَة .. .. أم شرغرغ .. والفناجين حقات زمان ..
شوفيهن .. كيفن مدهبات ..
..
ويا حليل الزمن الروح .. ويا حليل سودانا القديم ..
..
وتعرفى .. يا إخلاص .. كم أنا شاكر لاختيارك عنوان البوست:
" الشكر للباشمهندس بكرى أبو بكر " ..
حقيقة الشكر وكل الشكر له .. لأنه جمّع الحبايب .. جمع شتات
السودانيين من الرياح الأربع ..
الرب يبارك حياته .. وحياتكم جميعاً ..
أخوك وعمك العجوز ..
أرنست أرجانوس جبران ..
+++
|
Post: #17
Title: Re: الشكر للباشمهندس بكري ابوبكر
Author: محمد مجيدو
Date: 03-05-2014, 02:26 PM
Parent: #1
مرح بالاخت اخلاص ..
ونتمنى لك طيب الاقامه في حوش بكري العامر ..
تحياتي ...
|
Post: #20
Title: Re: الشكر للباشمهندس بكري ابوبكر
Author: Asim Fageary
Date: 03-05-2014, 02:47 PM
Parent: #17
Quote:
ده خبر سعيد جدا أن تنضم د. إخلاص عبدالرحمن المشرف لنا في هذا المنبر ..
قلم شديد الذكاء وكتابة واعية تستند على معرفة واسعة وثقافة عالية و وطنية شديدة الرسوخ ..
ف .. عشرات حبابك بين الأصدقاء هنا والصديقات .
. |
ود أخوها لـ إخلاص
من قبيل مستغرب أنا ود المشرف وين ما جا رحب بعمته
أها يا ود المشرف عرفنا إنها عمتك يعني ما حنشاكلها في البوستات عشان ما نضطراك تجي تدافع ههههههههه
طبعاً فهمت
ومرحب مرة أخرى ببت المشرف
_________________
غايتوا المنبر دا بقى عوائل كمان + الشلليات
|
Post: #21
Title: Re: الشكر للباشمهندس بكري ابوبكر
Author: علاء سيداحمد
Date: 03-05-2014, 03:01 PM
Parent: #20
مراحب بالاخت الاخلاص مع الامنيات ان تكونى اضافة نوعية للبورد ..
|
Post: #22
Title: Re: الشكر للباشمهندس بكري ابوبكر
Author: اخلاص عبدالرحمن المشرف
Date: 03-05-2014, 03:40 PM
Parent: #21
الشكر للاخ هارون دياب والشكر للاخ elhilayla والاخ يحي قباني والاخ شمس الدين ساتي و الاخ Ahmed Alim والاخ sudany Agouz والاخ محمد مجيدو والاخ علاء سيداحمد والتحية ل وداخوي النابه محمد حيدر ولكل الاخوة والاخوات الذين يقرأون هذا البوست ولكم الشكر اجزله
|
Post: #23
Title: Re: الشكر للباشمهندس بكري ابوبكر
Author: باسط المكي
Date: 03-05-2014, 06:20 PM
Parent: #22
مرحب حبابك سلامات
|
Post: #24
Title: Re: الشكر للباشمهندس بكري ابوبكر
Author: الشفيع وراق عبد الرحمن
Date: 03-05-2014, 06:26 PM
Parent: #23
حبابك بت المشرف
شرفت ونورت
ود اخوك هارينا كلام كبار كبار
ما تجي تهرينا كمان :)
|
Post: #25
Title: Re: الشكر للباشمهندس بكري ابوبكر
Author: عبدالحفيظ ابوسن
Date: 03-05-2014, 06:31 PM
Parent: #24
مرحب حبابك سلامات
والقبلي شابك سلامات
بالتأكيد
إضافة للوعي والإستنارة
|
Post: #26
Title: Re: الشكر للباشمهندس بكري ابوبكر
Author: عاطف عمر
Date: 03-05-2014, 07:26 PM
Parent: #1
مراحب د. إخلاص المشرف
تحياتي وسلامات
سوف تكونين حتماً إضافة نوعية للمنبر
لقد قرأت لك من نافذة الفيسبوك مشاركات نيرة ،واضحة المعاني ، رصينة العبارة
أرجو أن نكون كما تظنين
|
Post: #27
Title: Re: الشكر للباشمهندس بكري ابوبكر
Author: الطيب رحمه قريمان
Date: 03-05-2014, 09:01 PM
Parent: #26
ارحب بك الاستاذة اخلاص
فى المنبر و واضح انك سوف تكونين اضافة نوعية للمنبر ..
الف مرحب بك ...
|
Post: #28
Title: Re: الشكر للباشمهندس بكري ابوبكر
Author: صديق الموج
Date: 03-05-2014, 09:05 PM
Parent: #27
تشرفى بلد يا بت المشرف
حبابك الف نتمنى ان يطيب لك المقام
منتظرين مساهماتك،،،
|
Post: #29
Title: Re: الشكر للباشمهندس بكري ابوبكر
Author: د.محمد حسن
Date: 03-05-2014, 09:08 PM
Parent: #27
بت المشرف حبابك بالدرب
هي فريدة الحلفاوية
بتكون شايفاك رهاب رهاب باقي زهمرت
برد السويد كمل العندها
|
Post: #30
Title: Re: الشكر للباشمهندس بكري ابوبكر
Author: اخلاص عبدالرحمن المشرف
Date: 03-06-2014, 00:21 AM
Parent: #29
ناس ال فيس Ummoayad
شرفتني كثير وانتو = رفقة طريق يعني زي ما بقولو (ناس حجتي ) احلي ناس
Mohand Elnajme تحياتي يا اخ انت مرطب في ال فيس بس ما عارف والله فوق ده فيهو جنس جلد = زي بطان الجعليين = بس الواحد يكتر من المسوح بزيت السمسم و الفولترين وال بروفين والبندول
الاخوة الاعزاء الاخ باسط مكي لك الشكر الاخ الشفيع وراق عبدالرحمن لك الشكر وارفع من الابنص لك التحية الاخ عبدالحفيظ ابوسن لك الشكر = سبق اتداخلت معاك من نافذة ال فيس لك وودي الاخ عاطف عمر لك الشكر الاخ الطيب رحمة قريمان اشكرك الاخ صديق الموج لك الشكر د/ محمد حسن كيفك وبخصوص فريدة يا اخ ما تحبطنا = تهبطنا = ..... ومنتظرين لك سلامي
|
Post: #31
Title: Re: الشكر للباشمهندس بكري ابوبكر
Author: Sudany Agouz
Date: 03-06-2014, 11:40 AM
Parent: #30
الى الأخ الحبيب مهند النجم .. ( الفيس بوك ) ..
Quote:
Mohand Elnajme · الأكثر تعليقا · سكرتير تنفيذي في المحفظة الاستثمارية
يعني يا بكري نااس تضيفهم وناس ما تشوف ... لقد هرمناااااااا في السنتر ليق عايزين نحترف ياااخ ونضوق مكيفات سودانيز اون لاين دي ...
رد · أعجبني · متابعة المنشور · تم التعديل · منذ 19 ساعة |
تابع يا أخى الكتابة .. حتى لو كنت فى صقيعة الفيس بوك ..
و تأكد سيأتى اليوم ناس الإحتياطى سيلعبوا فى ( السنتر ) ..
وتبقى محترف يا مهند أخوى .. لاكين حكاية المكيفات دى ..
ما صاح .. بعد مرات .. فى قطوعات كهربا .. والحراية
تضرب فى النافوخ .. أى .. حر يقطع ضنب الفار .. !!
لكن يازول ..
أنا واثق انو المدرب بكرى أبو بكر .. زولاً حقانى بالحيل ..
عشان كده .. خليك فى تمريناتك .. يعنى .. إن شا الله تجرى
حوالين الملعب .. واللياقة .. حتجيبك لى جوه ..
إن شاء الله .. وقول يا رب ..
...
ودمتم أخى ..
عمك العجوز ..
ارنست .. لاعب درجة تانية .. !!!
+++
|
|