Post: #1
Title: لوبيتا نيونق الكينية وصلت.. عاوزين ممثلة سودانية تصل!!
Author: اميرة السيد
Date: 03-04-2014, 04:12 PM
Parent: #0
لوبيتا نيونق كينية الأصل ودرست الدراما في الولايات المتحدة وتسكن في مدينة نيويورك ونالت جائزة الاوسكار ونافست ممثلات هوليود.. وبدأ كبار الممثلين والمخرجين يتقربوا اليها ويطلبون ودها.. حتى ان ممثلا شهيرا وتحصل على الأوسكار ايضا وقف امام المسرح وهو يتسلم جائزته ويقول:" انني افكر فيك يا لوبيتا..
اجهزة الاعلام المرئية والمسموعة والمقروءة لا هم لها خلال الأسبوع الماضي وحتى الآن سوى اخبار لوبيتا نيوينق واصبح اسمها ملء الأسماع والأبصار...
ونحن من هنا نتمنى ان تتمكن ممثلة سودانية وخصوصا الممثلات اللاتي درسن الدراما في المعاهد المتخصصة من تلحق بلوبيتانيونق .. طبعا في البداية كنت اظن انها من السودان( واقول السودان بوجه عام لأن جنوب السودان وشمال السودان جسد واحد وروح واحد)..وضروري يوم ستصل احداهن لهذا المجد الهوليودي..
والله يديكم العافية
|
Post: #2
Title: Re: لوبيتا نيونق الكينية وصلت.. عاوزين ممثلة سودانية تصل!!
Author: يحي قباني
Date: 03-04-2014, 05:00 PM
Parent: #1
حتي ال lip balm حقها ايلين ختتوا في جيبها ...
و مرقتو في لحظه استخدمته ... وقالت ده حيكون ليهو تمن كبير ...
لكن البت ما ابدعت يا اميره...
تمثيل احترافي للحد البعيد ...
تخيلي انها تقلع اوسكار وقصادها جوليا رورتس و جينيفر لورانس
حقيقة البت عسل ...
|
Post: #3
Title: Re: لوبيتا نيونق الكينية وصلت.. عاوزين ممثلة سودانية تصل!!
Author: Mahjob Abdalla
Date: 03-04-2014, 05:10 PM
Parent: #2
غايتو ان شايف بنتها او ولدها حيكون رئيس امريكا بعد كم و اربعين سنة كدا
___________
كينيا دي ما بتجيب ناس ساكت
|
Post: #4
Title: Re: لوبيتا نيونق الكينية وصلت.. عاوزين ممثلة سودانية تصل!!
Author: اميرة السيد
Date: 03-04-2014, 06:06 PM
Parent: #3
عزيزي يحي
بالفعل يبدو ان هذه الممثلة لوبيتا قد ابدعت في فلمها ( 12 سنة من العبودية" وانا لم ار الفلم بعد ولكن الصحف الأمريكية كتبت عن الفلم وكل الصحفيين اشادوا بالفلم واشادوا بأداء لوبيتا .. وهذا يدل على براعتها في التمثيل
والله يديك العافية
|
Post: #5
Title: Re: لوبيتا نيونق الكينية وصلت.. عاوزين ممثلة سودانية تصل!!
Author: اميرة السيد
Date: 03-04-2014, 06:20 PM
Parent: #4
عزيزي محجوب عبد الله
والله اذا كانت مولودة في امريكا كانت هي ذاتها حتبقى اول رئيسة( امرأة) للولايات المتحدة.. ولكنها مولودة في المكسيك على حسب رواية ( قوقل)..( كينيا يتنجب النجباء والنجيبات) .. وكينيا جارتنا حيطة بالحيطة..وان شاء الله العدوى تنتقل لينا!!!
والله ديك العافية
|
Post: #6
Title: Re: لوبيتا نيونق الكينية وصلت.. عاوزين ممثلة سودانية تصل!!
Author: Zakaria Joseph
Date: 03-04-2014, 07:49 PM
Parent: #5
سلامات اميرة,
و هى جا لو كمان مثل اوباما.
|
Post: #7
Title: Re: لوبيتا نيونق الكينية وصلت.. عاوزين ممثلة سودانية تصل!!
Author: اميرة السيد
Date: 03-04-2014, 09:00 PM
Parent: #6
مرحبا زكريا
الظاهر ان قبيلة الـ لو Luo بتنجب العباقرة .. وحتى ان والد لوبيتا كان وزير سابق للخدمات الطبية. في كينيا... يا ربي ما عندنا فرع من القبيلة دي في السودان؟؟
والله يديك العافية
|
Post: #9
Title: Re: لوبيتا نيونق الكينية وصلت.. عاوزين ممثلة سودانية تصل!!
Author: Zakaria Joseph
Date: 03-04-2014, 09:27 PM
Parent: #7
قبيلة اللو هى نفس المجموعة بتاعت اشولى شلك جور شول و نوير و دينكا, يعنى المجموعات النيلية و اصلا نزحت جنوبا لشرق افريقيا فى فترة ما.
و فى الحقيقة, اشولى مثلا او جا لوو انا بقدر اتحدث معمهم بدون مترجم.
يعنى زى واحد استرالى و واحد من مسيسيبى.
|
Post: #8
Title: Re: لوبيتا نيونق الكينية وصلت.. عاوزين ممثلة سودانية تصل!!
Author: خالد علي محجوب المنسي
Date: 03-04-2014, 09:01 PM
Parent: #6
اميرة ازيييييييك
لوبيتا روعة شفت لقطات من فلمها في اسكوب
لكن نحن محرومين لو ما قشطو جيوب البشر في الشباك ما بنشوف الفلم
ههههههههههههه
بختكم دولارك يمتعك والشئ جديد لنج
الغايظني أنو سلمى سلامة حا تشوف الفلم قبلنا هههههههه
زمان في بنت سودانية درست معنا أو الاصح قبلنا حضرناها في سنواتها الاخيرة طب أسمها سامية كتش ( كتش تعني بالمجري 2 )
يبدو كانت قبلها سامية اخرى
ساميه هذه سمعت انها بعد هجرتها لامريكا مثلت في بعض الافلام كومبارص
هههههههههههههه
يعني ظهور سوداني لكن ما وصلت
اظنها خلت التمثيل وهي السلم العتبة الاولى
تحياتي اميرة
|
|