جامع كوستي الكبير يدخل السياسة

وللجامع قصة حدثت معي قبل عام او تنقص قليلا او تزيد قليلا

استاذ محمد محجوب مدير التعليم بالمعاش , خاشي الجامع يصلي العشا ,, وقع وانكسر ,, الجامع تنعدم فيه الاضاءة الخارجية ,, والميضنة برضو طافية !
المهم وهو طالع العتبة مع كبر سنو وضعف نظرو وقع وانكسرت كراعو , لامن ودوهو الخرطوم

كتبت بوستا في كوستي سيتي منتقدا الوضع ,
www.kosticity.net/forums/showthread.php?t=13655
وتبرع الاخ كمال ابشر بتكلفة الإنارة شاملة , وكمال من ضمن هيئة التدريب بنادي الاتحاد بجدة وهو من كوستي
فسعيت لذلك , اتصلت بالعم عباس العوض رئيس لجنة الجامع لأخذ الأذن بالإنارة , وارجأني حتي يتصل بالاوقاف ,, وعاد ليخبرني
ان الاوقاف تقول انها كفيلة بذلك واعتذرت لكمال ابشر مع ثبات اجره بصدق نيته
ولم تتم انارة الجامع حتي الآن , بل يعاني من مشكلة داخلية في توزيع الكهرباء حتي الآن
ويغلق الجامع إلا للصلاة حتي لا يصبح مكانا للنوم حسب رأي اللجنة !

يا ود ابو سن من عرفنا الجامع الكبير مافيو نورالله المستعان ما قالو ادم الصاحب متكفل فى الجامع ؟رحم الله كوستى

وبذلك عرفت حقائق مذهلة ومخجلة
للجامع الكبير اوقاف تخصه
دكاكين تحيط به إحاطة السوار بالمعصم , وتفتح علي اهم الشوارع وانشطها بكوستي , شارع المستشفي , دكاكين بوتيكات وعطور واواني منزلية وتصوير ,, وحمامات تؤجر داخله ,, وهسة دي في دكاكين قامت وتم دفع عشرة مليون لكل دكان تبرع للجامع غير الايجار الشهري
ولسه

والشحادين مشو وين ..اكيد الولاية بنت ليهم بيوت

أكبر عمارتين لاوقاف الجامع بقلب سوق كوستي الكبير , وبها اغني وارقي البوتيكات
وله حوالي طاشر دكان شرق السوق , وطاشر مخزن بالمرابيع
يعني
جامع ممكن يبني جامع كل سنة

عبد الحفيظ
ربنا يحفظك ويغطى عليك واولادك
حليل زمن الجامع الكبير الفاتح فى ميدان المولد (الحريه)

Quote: للجامع الكبير اوقاف تخصه دكاكين تحيط به إحاطة السوار بالمعصم , وتفتح علي اهم الشوارع وانشطها بكوستي , شارع المستشفي , دكاكين بوتيكات وعطور واواني منزلية وتصوير ,, وحمامات تؤجر داخله ,, وهسة دي في دكاكين قامت وتم دفع عشرة مليون لكل دكان تبرع للجامع غير الايجار الشهري

Quote: أكبر عمارتين لاوقاف الجامع بقلب سوق كوستي الكبير , وبها اغني وارقي البوتيكات وله حوالي طاشر دكان شرق السوق , وطاشر مخزن بالمرابيع

يمكن القروش دي بتمشي لنصرة المسلمين الروهينغا في ميانمار
بيّض النية يا أبو سن، سياسة شنو ياخ!

ظهر في الصحف ان مجموعة من قيادات المؤتمر الوطني بولاية النيل الابيض تطالب بإقالة
والي ولاية النيل الابيض
يوسف الشمبلي

دعا السيد صديق طلب لإجتماع امس بالجامع الكبير , حضره الوالي ووزير المالية ومعتمد ربك وكوستي ولفيف من اثرياء ووجهاء كوستي
وحددت مشكلة الجامع بسقفه الزنك ,, وملئ بالوطواط
اقترح ابوعبيدة عراقي بصيانة اساسية للجامع ,, وثني الوالي ذلك وستقوم شركة زادنا بصيانته بمبلغ مقترح 4 مليار

وتبرع اهل كوستي الحضور
بمبلغ 420 مليون
كتر خيرهم
وكتر خير ابوعبيدة عراقي والوالي
الجامع الكبير من معالم كوستي التاريخية لموقعه رغما انه ليس العتيق
لماذا تسؤ حالته لهذه الدرجة رغما عن ثراءه بالاوقاف
لقد اصيح خرابة مظلمة
لماذا يسؤ
ولماذا كل هم لجانه هو الشحاذين خارجه وكيف يتخلصون منهم

مرحب ايمن خليفة
وحبابك
الجامع الكبير ليهو ربا يحميه
لا معتمدية ولا اوقاف ولا ولاية شغالة بيهو
ولا تجار او مصلين
بقي خرابة والوطواط معشش فيهو
وقلة من ناس المرابيع بتصلي فيهو
وبقي طارد , إضاءة شحيحة مكيفات منظر
وكل زول نضمت معاهو يقول ليك الشحادين
ياخ ده جامع الله , ماحق زول ,,
قالو بقفلو من الناس مايقيلو فوقو
ياخ ما يقيلو فوقو , وينومو
وتأكدو برضو حيصلو وحيقرو قرآن
مستخصرين المراوح في الناس التعابي
يعني معقول زول عندو مكان يجي يقيل في الجامع
العجزه الحول الجامع ديل قصه براهم وكتبنا عنهم في كوستي سيتي
ومن هنا التحية لعضو كوستي سيتي معاوية كشة , ولطلاب الطب بجامعة الامام المهدي , ولجمعية الاخوه المسيحين وللهنود بكوستي وللمرحوم عبدالله طه بكتاش ,, الذين لم تتوقف مساعدتهم لاولئك العجزة حتي رحلوا واحد واحدا !
وفروا لهم الغذاء والكساء والدواء والماء
طردوا حتي لا يشوهو منظر الجامع او لعلهم حتي يحجزوا اماكن تباع كدكاكين

مرحب ايمن خليفة
وحبابك
الجامع الكبير ليهو ربا يحميه
لا معتمدية ولا اوقاف ولا ولاية شغالة بيهو
ولا تجار او مصلين
بقي خرابة والوطواط معشش فيهو
وقلة من ناس المرابيع بتصلي فيهو
وبقي طارد , إضاءة شحيحة مكيفات منظر
وكل زول نضمت معاهو يقول ليك الشحادين
ياخ ده جامع الله , ماحق زول ,,
قالو بقفلو من الناس مايقيلو فوقو
ياخ ما يقيلو فوقو , وينومو
وتأكدو برضو حيصلو وحيقرو قرآن
مستخصرين المراوح في الناس التعابي
يعني معقول زول عندو مكان يجي يقيل في الجامع
العجزه الحول الجامع ديل قصه براهم وكتبنا عنهم في كوستي سيتي
ومن هنا التحية لعضو كوستي سيتي معاوية كشة , ولطلاب الطب بجامعة الامام المهدي , ولجمعية الاخوه المسيحين وللهنود بكوستي وللمرحوم عبدالله طه بكتاش ,, الذين لم تتوقف مساعدتهم لاولئك العجزة حتي رحلوا واحد واحدا !
وفروا لهم الغذاء والكساء والدواء والماء
طردوا حتي لا يشوهو منظر الجامع او لعلهم حتي يحجزوا اماكن تباع كدكاكين

اوقاف الجامع الكبير
4‏ عمارات في السوق
لوكاندة روضة المدينة
10‏ مخازن في المرابيع
15‏ دكان السوق الكبير
دكاكين بالجامع
حمامات بي قروش
روضة اطفال بي قروش

مرحبا محمد
وحبابك
ولا يذكر الجامع الكبير وإلا ذكر مولانا محمد الطيب الكتيابي , كان عالما مهذبا ورعا
سألو عمنا يوسف عبدالسلام
انت يا ابونا الشيخ رأيك شنو في النسوان البخشن السوق
قال ليهو
وهو في نسوان بجن السوق
ومولانا يوميا في السوق ,
وهو امام صلاة الاستسقاء الشهيرة
صلو ناس نميري زمن في الميدان وماجات مطره , ورفض ان يصلي مولانا حتي تزاح خيمة محكمة الاسعار , وانصاعوا لأمره اخيرا
وكنت صبيا مع ابي في السوق
وكنت شاهدا
نصة نهار ,, والشمس فاقعة وقبل ان يسلم المطرة صبت
الجامع الكبير تاريخ كوستي
ولكن فساد السلطان لم ير فيه سوي دكاكين لموقعه الجيد

Quote: الجامع الكبير تاريخ كوستي ولكن فساد السلطان لم ير فيه سوي دكاكين لموقعه الجيد

bingooooo
انت قال ليك من زمااان بنقول في شنو
مش "لم ير فيه سوى دكاكين" دي ياها المتاجرة بالدين؟ وتيب!

معاوية يا صاحب
اشتروا بكتاب الله ثمنا قليلا فبارت تجارتهم وهم يحسبون انهم يحسنون صنعا , حولوا الجوامع لاسواق وجعلوا المصلين يدفعون ثم وضوءهم وجمارهم وحق كهربته
واشتروا بصحة الشعب دكاكينا حول الاسبتاليات , فمنعوا التهوية فتراكمت الامراض للجو الآسن , تخش بي ملاريا تطلع بسرطان ,, انت تدفع والزايرك يدفع
تحولت جوامع الله لدكاكين
تحولت مشافي الشعب لدكاكين
ولم تشبع نار جهنمهم
فتاجروا حتي في لبن الاطفال
ثم يتشدقون ويرفعون عقيرتهم بنشيد نشاز يخادعون الله والناس ولا يخادعون إلا انفسهم
هي لله
ما لدنيا قد عملنا
طيب العربات والعمارات دي حقت منو ?
وتييييييب
كديس ضيله وين معاوية يا صاحب
اشتروا بكتاب الله ثمنا قليلا فبارت تجارتهم وهم يحسبون انهم يحسنون صنعا , حولوا الجوامع لاسواق وجعلوا المصلين يدفعون ثم وضوءهم وجمارهم وحق كهربته
واشتروا بصحة الشعب دكاكينا حول الاسبتاليات , فمنعوا التهوية فتراكمت الامراض للجو الآسن , تخش بي ملاريا تطلع بسرطان ,, انت تدفع والزايرك يدفع
تحولت جوامع الله لدكاكين
تحولت مشافي الشعب لدكاكين
ولم تشبع نار جهنمهم
فتاجروا حتي في لبن الاطفال
ثم يتشدقون ويرفعون عقيرتهم بنشيد نشاز يخادعون الله والناس ولا يخادعون إلا انفسهم
هي لله
ما لدنيا قد عملنا
طيب العربات والعمارات دي حقت منو ?
وتييييييب
كديس ضيله وين

سلمت معتمدية كوستي منطقة الحفر قرب البحر لشركة زادنا , مقابل 84 مليار لا تعطي نقدا , بل عبارة عن مشاريع تنفذها بكوستي , منها 30 كيلومتر شوارع زلط تم تكسيرها قبل سنوات وصارت ردميات ترابية بإتفاق مع شركة مام التي لم تنجز العمل
كما هو واضح للجامع حصلت اخفاقات وله من الاوقاف مما لا يحوجه للتسول , تخصيص جزء من مال التنمية للجامع فيه ظلم للمدينة كلها , وفيه تغاضي عما حدث للجامع من اهمال

من النفاج
مرحبا يحي سليمان
وحبابك
الدروس في الرجولة واجبة , فنحن نتعلم كل يوم من النماذج الانسانية العالية , نتعلم منها كيف يجب ان نحيا موفوري الانسانية
عن تجربتك مع ابناء كوستي لاشك انها تجربة مريرة جعلتك تري بضعة اشخاص كسكان مدينة كاملة
مع اكيد الود

من النفاح
مرحب يحي
وحبابك
نماذجك لتقيم سكان مدينة كاملة تعدادها يقرب المليون هو
1/‏ ‏ سيدة متهتكة !
2/‏ اثنين من الغرب الاقصي انتهازيين وسئ الاخرق
3/‏ طبيب اختلفت معه بسبب عاهرة
لن ارد
سأترك الحكم لغيري
مع أكيد الاحترام

من النفاج
مرحب عباس الشريف حازم
مرحب بيك يا صاحب
بلاشك كوستي مدينة نفخر بها نحن من نعيش فيها