Post: #1
Title: نكتة وارهاب لفظي للتخويف
Author: عبدالحفيظ ابوسن
Date: 03-03-2014, 11:41 AM
Parent: #0
قالو الولد مشي المدينة , واشتغل هناك
وبعد زمن الناس جابو الخبر لي اهلو
ولدكم في المدينة شغال شغل الخـــــــــــيابة وبقي خـــــــــــايس ساي
ها زول كيف الكلام ده ?
وحصلت جضة وجوطة , تقرر علي أثرها يمشو كبار العايلة , يشوفو الموضوع ده
اها
وصلو وسألوهو من الكلام الجاهم
إتلفت عليهم
إنت ابوي فلان ضوقتو
يا ولد اضوق شنو , يضوقك الما يتبلع ليك قول يامين
لا ضقتو ولا ما ضقتو
سأل اعمامو كلهم فأجابو كلهم بعد لأي بنفي قاطع وممتعض ومشمئز
قام وقف ليهم علي حيلو واتفدع ليك كده
وقال
والله جني وجن الزول الشئ ما ضاقو ويشنفو
|
Post: #2
Title: Re: نكتة وارهاب لفظي للتخويف
Author: عبدالحفيظ ابوسن
Date: 03-03-2014, 12:31 PM
Parent: #1
ليس ضروريا خوض النار لتعرف انها حارقة , في غير ابتذالا مني لضرب المثل
|
Post: #3
Title: Re: نكتة وارهاب لفظي للتخويف
Author: عبدالحفيظ ابوسن
Date: 03-03-2014, 02:03 PM
Parent: #2
الفظاظة في الحوار ,,, وتحويل النقاش العام لنقاش خاص ,, والاستفزاز من اجل انتزاع الاعترافات التي لا تضيف ركنا اساسيا للجدل
بروزة المحاور وادخاله في في إطار محدد ومحاكمته بأشياء لا دخل له فيها
|
Post: #4
Title: Re: نكتة وارهاب لفظي للتخويف
Author: عبدالحفيظ ابوسن
Date: 03-03-2014, 05:44 PM
Parent: #3
قالو واحد معرس اتنين سودانية ومصرية بعامل السودانية كعب شديد وعسل مع المصرية قامت السودانية سالت المصرية قالت ليها يختي انتي بتسوي ليه شنو قالت ليها اول مايدخل بشيلو من على الارض شيل واحطه عالسرير واغسل رجليه بميه سخنة وملح وااكله وانيمه وبصحا فل الفل .... تاني يوم الراجل خش للسودانية لقاها واقفة ليه جمب الباب قال ليها مالك واقفة لي كده قالت ليه مادايرة اشيلك يشيلك الشال ابوي and#58386;and#58386;and#58386;and#58386;
|
Post: #5
Title: Re: نكتة وارهاب لفظي للتخويف
Author: اميرة السيد
Date: 03-03-2014, 06:08 PM
Parent: #4
| Quote: وم الراجل خش للسودانية لقاها واقفة ليه جمب الباب قال ليها مالك واقفة لي كده قالت ليه مادايرة اشيلك يشيلك الشال ابوي |
>>>>>>>>>>>>>>>>>>>>>>
عزيزي ابو سن
اظن النكتة الأخيرة دي بتلخص واقع المشاكل المريرة والمستمرة بين الرجل السوداني وزوجته.... فقد نجد, ولا أعمم هنا ، ان زوجة تريد ان تتحكم وتسيطر على ما يدور في البيت وتريد ان تحتل المهام الملقاة على الزوج كي تقوم بها بنفسها وتهمش دور الزوج كي يقول المجتمع انها هي التي تدير امور الأسرة ... ولكن نجد في الجانب الآخر ان الزوج يشعر بمهانة من تصرف هذه الزوجة ويعتبر ان تصرفاتها تصرفات شاذة وهنا يتصيد كل منهما اخطاء الآخر وتنشأ المشاكل ويعملوا من الحبة فبة.. وترى الزوجة ان الاهتمام بزوجها وتدليله وبث الأشواق اليه نوع من المذلة وعدم الكرامة.... في حين ان الزوج ايضا من جانبه يهمل زوجته ويضعها في هامش اهتماماته وينحسر الحب الذي جمع بينهما في بداية حياته وتجده يقارن بين زوجته وبين الزوجات الأخريات -اي زوجات اصحابه - وتضطرب الحياة ويقترب الشيطان بينهما ويسوس لها بانهاء هذه العلاقة بالطلاق...
وهسع شوف الزوجة السودانية الكانت عاوزة تقلد الزوجة الثانية .. وواقفة قدام الباب ولكن بمجرد ما رأت الزوج غلب عليها حب السيطرة والشعور بالمذلة اذا دللته وقالت:: ما دايرة اشيلك يشيلك الشال ابوي.. يعنب بتتمنى ليه الموت...!!!
نكته قصيرة ولكنها تعتبر خلاصة مقالات ومواضيع للعلاقة الغير مستقرة بين الرجل وزوجته.... والحاجة إلى تصحيح هذا المسار لكي يكون مسارا ايجابيا والبعد عن السلبيات.. لأن هذه الحياة قصيرة مهما طالت ومن المؤلم ان يضيعها المرء في مشاكل لا بتودي ولا بتجيب...
والله يديك العافية
|
Post: #6
Title: Re: نكتة وارهاب لفظي للتخويف
Author: عبدالحفيظ ابوسن
Date: 03-03-2014, 08:22 PM
Parent: #5
حبابك ياخيه
ولي باكر
|
Post: #7
Title: Re: نكتة وارهاب لفظي للتخويف
Author: cantona_1
Date: 03-03-2014, 08:27 PM
Parent: #6
ما بدري يا ود أبسن ... نحن لسع ما تعشينا إنت عاوز تنوم؟ نوم العافية وقود نايت بالعنقليزي.
في وزراء ولائيين كانوا رعاة غنم ترقوا لرعاة بقر وبعدها بقوا وزراء ولائيين .. الله أداهم ما عندنا كلام في حكم رب العالمين. ندعو يدينا معاهم كمان .. خير الله كتير يكفينا ويكفيكم ويكفيهم. قول آمييييييييييييين.
كبـّاشي الصـّـافي
.
|
Post: #8
Title: Re: نكتة وارهاب لفظي للتخويف
Author: عبدالحفيظ ابوسن
Date: 03-04-2014, 04:22 AM
Parent: #7
مرحبا اميرة ياخية
العلاقة بين الزوجة والزوج شائكة , يسيطر عليها الفهم الشعبي حق السرج
منو البخت سرجو اول
والمجتمع المحيط زاتو بساعد في توسيع الشقة للتبادل العاطفي بين الزوجين , بالاستنكار واطلاق النعوت والسخرية , مثلا نحن في اسرتنا عندنا واحد قالو مرتو لامن تكون حامل ويجيها وجع الولادة بخمها في ضهرو ويوديها الداية , ولا بنتظر كارو ولا عربية , وقصص غيرها كتير , اها لو شافوك كبيت الحنان سلوكا او قولا لزوجتك يقولو ليك بقيت زي فلان ,
مش كده حتي النسوان زاتن حسادة منهم وغيرة بسون كده لاقرباهم المعرسين
الزوجة دايرة تدلع راجلها شان يحبها , لكن سيطر عليها الفهم الشعبي
|
Post: #9
Title: Re: نكتة وارهاب لفظي للتخويف
Author: عبدالحفيظ ابوسن
Date: 03-04-2014, 06:14 AM
Parent: #8
مرحبا كباشي
وحبابك
اخوك بجلد النوم بدري , النهار كلو جارين زي دوق الحر
تعرف
واحدة من مشاكل البلد واكبر ابواب الفساد , انو الحكومة دي اي واحد هتف معاها وكان مؤهلو الوحيد صوتو الجهوري عينتو مسؤول ,, بدون خبرة وبدون معرفة حتي ببروقراطية العمل الديواني ,, من تك وللمفك , ولا اقول للقلم
فأدارو المؤسسات اسوأ من ادارات كنتين بقرية صغيرة
و اولي لك ثم اولي ,,, لقطو اهلهم كلهم وكبوهم في دار سيدها مافي
افسدوا وافسد اهاليهم فضاع الوطن
وقيض لهم سؤ الحال من يدافعون عنهم مدفوعي القيمة كاشا
او رغبة
|
Post: #10
Title: Re: نكتة وارهاب لفظي للتخويف
Author: عبدالحفيظ ابوسن
Date: 03-04-2014, 06:24 AM
Parent: #8
شوفو القصة المضحكه دي ,, رغما انها عادية صارت
يعني اتكلمت ودافعت عن الشيوعيه انا شيوعي , عن الجمهوريين انا جمهوري عن انصار السنه انا انصار
والموضوع يبقي بدل نقاش تحقيق
لا جاوب بس
ما تتزاوغ
وابتذل المثل
لو مشيت للدكتور وقال لي ما تاكل اللحمة السمينة
حا اسالو
انت قاعد تاكلها
ويا ويلو
لو قال
آي
ويا ويلو لو قال
لاشوفو القصة المضحكه دي ,, رغما انها عادية صارت
يعني اتكلمت ودافعت عن الشيوعيه انا شيوعي , عن الجمهوريين انا جمهوري عن انصار السنه انا انصار
والموضوع يبقي بدل نقاش تحقيق
لا جاوب بس
ما تتزاوغ
وابتذل المثل
لو مشيت للدكتور وقال لي ما تاكل اللحمة السمينة
حا اسالو
انت قاعد تاكلها
ويا ويلو
لو قال
آي
ويا ويلو لو قال
لاشوفو القصة المضحكه دي ,, رغما انها عادية صارت
يعني اتكلمت ودافعت عن الشيوعيه انا شيوعي , عن الجمهوريين انا جمهوري عن انصار السنه انا انصار
والموضوع يبقي بدل نقاش تحقيق
لا جاوب بس
ما تتزاوغ
وابتذل المثل
لو مشيت للدكتور وقال لي ما تاكل اللحمة السمينة
حا اسالو
انت قاعد تاكلها
ويا ويلو
لو قال
آي
ويا ويلو لو قال
لا
|
Post: #11
Title: Re: نكتة وارهاب لفظي للتخويف
Author: عبدالحفيظ ابوسن
Date: 03-04-2014, 01:54 PM
Parent: #10
فوق
|
Post: #12
Title: Re: نكتة وارهاب لفظي للتخويف
Author: عبدالحفيظ ابوسن
Date: 03-06-2014, 06:43 AM
Parent: #11
من اسوأ الحوارات في تقديري
السجال
لا نقاط يتم حسمها , بل تدوير واستعادة للاسئلة والخلافات
وتوليد الاسئلة اللحظية مما يقود للتشتيت الذهني
حصر زاوية النظر في الشأن الشخصي
لا كده جاوب انت شيوعي ولا لا
انت كوز ولا لا
|
Post: #13
Title: Re: نكتة وارهاب لفظي للتخويف
Author: عبدالحفيظ ابوسن
Date: 03-06-2014, 03:42 PM
Parent: #12
من النفاج
شمس يا صاحب
ههههههه
اخوك بقا يجليها واقفه
النت سئ كم مداخلة فرت ساي والله في فضاءات السايبر
|
Post: #14
Title: Re: نكتة وارهاب لفظي للتخويف
Author: اميرة السيد
Date: 03-07-2014, 06:47 PM
Parent: #13
| Quote: والمجتمع المحيط زاتو بساعد في توسيع الشقة للتبادل العاطفي بين الزوجين , بالاستنكار واطلاق النعوت والسخرية |
................
عزيزي ابو سن
اصبت كبد الحقيقة( شوف كبد دي جات في محلها كيف) .. نحن كمات بنحاول نبقى اديبات ونطوع اللغة زي الشعراء الفطاحلة في المنبر) .. نعم زي ما قلت المجتمع زاتو بساعد في توسيع الشقة لتبادل العاطفي بين الزوجين... وهذا ما نقرأه دائما في الصحف عن المشاكل التي تنشأ داخل الأسرة الواحدة... الصمت بين الزوجين مدمر للحياة الزوجية .. وعدم التعبير عن الحب والعشق يضع الأشواك والمطبات في طريق السعادة الزوجية التي يتمناها الكل...لكن في يوم من الأيام المجتمع نفسه حيتفهم كل هذا وتبقى تبادل الحنان والحب والعشق من البديهيات بين الزوجين...
والله يديك العافية
|
Post: #15
Title: Re: نكتة وارهاب لفظي للتخويف
Author: عبدالحفيظ ابوسن
Date: 03-08-2014, 06:21 AM
اميرة السيد ياخية
في قرايات غبية وساذجة للنصوص التي تكتبها النساء
يعني هسه لو ألفتي قصيدة حب وجبتيها هنا , يخلو القصيدة كلها ويسكو ياربي اميرة قاصدة منو , وبتحب منو , وتتم محاصرتها بالظنون حتي تترك الشعر زاتو
وقس علي ذلك
|
|