|
البغاء الواقف في عبيد ختف : تلفيق بليد !
|
طبعا لايمكن نفي وجود هذه الظواهر القديمة المتجددة ، لكن طريقة المقابلة مع اسماء رمزية مثل أ أ ، ع ر الخ
اثبتت تلفيق هذه الكتابة اذا لم تثبت تورط هذه الرموز التي تحكي !
تأويل أسماء الشوارع بحسب مقتضيات فتيات الليل 26 فبراير 2014
الخرطوم – سارّة المنا انتشرت في الآونة الأخيرة ظاهرة البنات اللاتي يقفن قرب الاستوبات وعلى أرصفة الشوراع الرئيسة والجانبية في انتظار السيارات الخاصة كي تقلهن إلى حيث (يتفق عليه) بدعوى شح المواصلات مع زوال الشمس، وهذه الحجة الثنائية القوية تجعل أعينهن (قوية) لا يخشين أحداً، فيرفعن أيديهن الناعمة، فلا يملك الرجال سوى الضعط على المكابح بقوة – والتوقف لهن، ومن ثم ستجري أحداث كثيرة، وحكايات الليل لا يمحوها النهار،
قال ايه ومن ثم ستجري احداث كثيرة وحكايات الليل !!! استنتاج دا مثلا ؟!
اين يقف كاتب هذا (المقال) وهو ينظر الشارع كله بهذه الدقة الHD ويشم روائح البنات جميعا !!
وكيف تأتي له ان يستنطق هؤلاء البنات وحفظ اسماءهن كانهن في مسابقة او تقديم لمهنة ، وكمان يتحفظ
عن ذكر الاسم ويكتفي بالرموز ...اوووووع
|
|
|
|
|
|
|
|
Re: البغاء الواقف في عبيد ختف : تلفيق بليد ! (Re: عبداللطيف حسن علي)
|
Quote: – قالت لنا إحداهن – إن بعض الفتيات يساومن على لحظات صارخة مقابل وجبة فراخ مشوي أوكيلو باسطة، وبعضهن طالبات (مش جامعيات وبس)، بل في المرحلة الثانوية، كلهن يخرجن إلى الشوراع (طعماً) فيصطدن أسماك قرش وحيتاناً كبيرة، ونادراً ما تخرج شباكهن (فاضية). [Email] [Profile] |
قالت لنا احداهن ، كيف يعني ، قالت لمن ، هل لكاتب المقال ، ام لمن علي وجه التحديد
ولماذا تنداح هذه البنت هكذا ، وتحي في تفاهة عن نفسها ، هل من تحكي له اعطاها مبلغ اكبر
ام اسكرها ، ومن هو !!!!!!!!
كيلو باسطة وفراخ مشوي ، تذكرت خطاب الثورة القوي الذي يرد علي الهوت دوغ
نحن مابنعلم الناس التفاهات دي ، نحن بنعلم الشعوب الثورات ....
| |
|
|
|
|
|
|
Re: البغاء الواقف في عبيد ختف : تلفيق بليد ! (Re: حامد بدري)
|
Quote: مرحبا وسلام عليكم شفتا لذة الدين والخلق القويم حصر الحته دي تحديدا في شهادة الشهود والاقرار غير كده كلو حكي جرايد ممكن نقول الظاهرة في تزايد بسبب محو الطبقة المتوسطة رمانة توازن الشعوب |
سلامات ياحامد
ولست ادعوا احدا للتخلي عن دينه ، هناك من يسعي لتبني اطفال مفقودي الابوين
بدافع ديني ، ومنهم من يتبني بدافع انساني مثلي وبيل قيتس !
ومنهم لايمنعه الدين من السرقة وهو قادم من المسجد لتوه !
اما لو اتبعنا الشريعة الاصلية وشهادة الشهود ، حتلقي اتنين متغطين بملاية
في نص شارع عبيد ختم دا زاتو ...
تعرف معظم الناس بيتكلموا عن الجنس يوميا ولم يمارسونه ولا مرة
لم انكر وجود هذه الممارسة ، بل المقال كذاب وخيالي !
| |
|
|
|
|
|
|
Re: البغاء الواقف في عبيد ختف : تلفيق بليد ! (Re: يوسف محمود)
|
سلام يا شباب بحسب ما شاهدته في إجازتي نهاية العام الماضي فالظاهرة في إنحسار شديد جداً مقارنة بما كان في بداية الألفية الثانية .. قبل أن أذهب للإجازة في السودان تخيلت الوضع بحسب ما أقرأ في الصحف و للمفارقة أغلب مشاويري في الخرطوم كانت بين أركويت و الحاج يوسف و عن طريق عبيد ختم و خلال شهر كامل لم ألحظ شئ مختلف و لم أصادف فتاة ليل واحدة واقفة في الشارع رغم إنو لما سافرت من السودان أول مرة في 2002 كان الشارع مليان بنات لذلكـ أستغربت جداً من التقرير ده
| |
|
|
|
|
|
|
Re: البغاء الواقف في عبيد ختف : تلفيق بليد ! (Re: خالد عبد الله محمود)
|
الى مايو 2013 كنت مغتربا ، كنت اسمع عن شوارع الخرطوم ووفتيات الشوارع في الخرطوم والبلد انتهت واولادنا وبناتنا الله يعوض فيهم الخ الخ ، كنت اصدق بصراحة ، لمن رجعت نهائي دي كانت من الحاجات الكنت متخيل انها حتقابلني في المطار ... اكتشفت انه تهويل السودانيين وتضخيمهم .. مرة اخرى .. الشوارع عادية جدا ، اللبس عادي جدا ، باستثتاء حفلات الاعراس ، مشيت الحفلات والصالات والجامعات والاماكن العامة ، لم اجد ما يشد الانتباه ، كل شي عادي جدا ؟؟ شنو يعني بت قاعدة مع ولد في حبيبي مفلس ولا شارع النيل ؟ دي جديدة؟ شنو يعني واحد يشيل بت من الشارع ، جديدة ؟ مافي اي شي لافت للنظر ، حاجات معتادة وقديمة .. كاتبة المقال ما عارف كيف اقنعت البنات ديل وخلتهم يحكوا ليها ، كيف توصلت ليهم ؟ يعني جات لقت بت واقفة في الشارع طوالي قعدت تسألها جنس الاسئلة دي ، اي انها افترضت مسبقا انها فتاة ليل؟ خاصة ان بعضهن ليسو فتيات ليل ... ما اظن انو السودانية صريحة في الحاجات دي ، ما ممكن تحكي لزول ما بتعرفو البلد ضيقة والحي بلاقي .. بعدين حكاية الباسطة دي برضو بالغت فيها ، باسطة شنو ياخ تجارة الدعارة في العالم مليارات الدولارات يعني حاجة دخلها عالي جدا ، ماممكن واحدة بكيلو باسطة والتانية تاخد منك 300 جنيه بدون ما تمشي معاك ؟؟ كل شي سعرو معروف .. هذا لا يعني ان الدعارة لم تزيد ، لكن في الشارع مافي حاجة واضحة ، يمكن وسائل الاتصال ساهمت في تنظيف الشوارع كما ذكر الزميل المتقدم .. سلام مهدي -------------------------------------------------------------------------------- مساهمتي في البوست الاول اضف ليها لو الموضوع موضوع معارضة دي قصة ميتة جدا ، الكيزان عملوا اسوأ من كده بكثير جدا .. وهل هناك اسوأ من قتل مئات الاف وتشريد الملايين؟ كم يعني عدد فتيات الليل والبغايا؟ قطعا لا يقارن بالموتى والمشردين ، لكن النجيضة بكررا تاني الشوارع البنحوم فيها كل يوم دي ما فيهاا اي شيء لافت مما يقال ، مالفت نظري حقيقة انو الناس كتيرة جدا ، مهمومة جدا ، مافي اي زول فاضي لزول لو وقعت في شارع الله ده زول برفعك مافي .. سلام
| |
|
|
|
|
|
|
Re: البغاء الواقف في عبيد ختف : تلفيق بليد ! (Re: مني عمسيب)
|
بكل صراحة و حسب ما ارى في شوارع الخرطوم البنت الصحفية دى خيالها اوسع من المحيط الاطلسى لا توجد مظاهر فساد في الشارع و لا في الجامعات الا في اضيق النطاق انا عارف الاغلبية يبتهجون بمثل هذه الاخبار لتسجيل نقاط ضد مشروع الانقاذ الحضارى لكنكم بالطريقة دى تقوون من نفوذ التيار المتطرف من امثال حسبو نسوان في تضييقهم على الناس و دفاعهم: شهد شاهد من اهل العلمانية بانتشار الفساد في البر و البحر خففوا الابنص شوية الجرايد الصفراء تكتب ما يدغدغ مشاعر القراء
| |
|
|
|
|
|
|
Re: البغاء الواقف في عبيد ختف : تلفيق بليد ! (Re: عبداللطيف حسن علي)
|
Quote: بكل صراحة و حسب ما ارى في شوارع الخرطوم البنت الصحفية دى خيالها اوسع من المحيط الاطلسى لا توجد مظاهر فساد في الشارع و لا في الجامعات الا في اضيق النطاق انا عارف الاغلبية يبتهجون بمثل هذه الاخبار لتسجيل نقاط ضد مشروع الانقاذ الحضارى لكنكم بالطريقة دى تقوون من نفوذ التيار المتطرف من امثال حسبو نسوان في تضييقهم على الناس و دفاعهم: شهد شاهد من اهل العلمانية بانتشار الفساد في البر و البحر خففوا الابنص شوية الجرايد الصفراء تكتب ما يدغدغ مشاعر القراء |
I Agree on this
| |
|
|
|
|
|
|
Re: البغاء الواقف في عبيد ختف : تلفيق بليد ! (Re: محمد مجيدو)
|
. . .
الاخ عبد اللطيف لك التحايا
بعد غيبه عن الوطن امتدت لربع قرن عدت في منتصف 2013 اجوب العاصمه المثلثه يوميا وامر كثيرا بشارع عبيد ختم لي اكثر من سبعه اشهر لم تتجرأ بنت واحده بالاشاره بيدها كي اقلها ولم الاحظ اي سلوك غير سوي في الشارع البلد بخير وبناتنا لله الحمد بخير ايضا
قد تكون هنالك تجاوزات وانحرافات في شارعنا ولكنا لسنا في المدينه الفاضله ولسنا مثل بانكوك واديس ابابا كما شبهت الكاتبه عموما لم الاحظ ما ذكرته كاتبة الموضوع
. . . . .
| |
|
|
|
|
|
|
Re: البغاء الواقف في عبيد ختف : تلفيق بليد ! (Re: عبداللطيف حسن علي)
|
كاتبة المقال ، الذي لايشبه المقال من كل النواحي ، تفهت نفسها ، بالانسياق
الي كائنات شبحية (لها اغراض معروفة) وانساقت الي مقام يمكن ان يؤدي بها الي
الجلد في ساحة عامة ، حسب رؤية من يطبقون الدين سياسيا علي معارضيهم
ويتقاضون النظر ، عن اولادهم ، دعك من الاخرين !!
| |
|
|
|
|
|
|
Re: البغاء الواقف في عبيد ختف : تلفيق بليد ! (Re: عبداللطيف حسن علي)
|
Quote: اين يقف كاتب هذا (المقال) وهو ينظر الشارع كله بهذه الدقة الHD ويشم روائح البنات جميعا !!
وكيف تأتي له ان يستنطق هؤلاء البنات وحفظ اسماءهن كانهن في مسابقة او تقديم لمهنة ، وكمان يتحفظ
عن ذكر الاسم ويكتفي بالرموز ...اوووووع |
ده كلام سليم ميه فى الميه
السنجك
| |
|
|
|
|
|
|
Re: البغاء الواقف في عبيد ختف : تلفيق بليد ! (Re: عبداللطيف حسن علي)
|
بس عشان الناس تعرف ليه الناس احتفلت بالراعي الطيب (اسم وصفة) الف من نوعية الصحفية دي لو ما زدنا صفر وبقت عشرة الف تسوأهم وتفوقهم دبلوماسية وصحافة الطيب الخلقية الاصيلة الناس الكعبين بالجد يتجملوا خليك من ناس حلوين زينا يتخلق بيناتنا من يشوهم وايما تشويه تشويه يفوق حد الوصف
الشكر اجزله لكل من سجل صوت انزاج واستنكار لذلك المقال القمئ
| |
|
|
|
|
|
|
|