بيان بالعمل المصارف السعودية توقف تعاملها مع السودان

قبل قليل مشيت مصرف الراجحي احول
من الباب رجل الامن طردني
قال لي تحويل للسودان مافي











---------------------------------------------------------------
ملحوظة للناس الطالبني : والله الحوالة دي ما حقتي وصية ساهي

الحكاية شنو يا ايها المختصون والمختصات ؟

عبداللة
تحياتى

من فترة طويلة بعض البنوك السعودية موقفة التحاويل للسودان بس دخل فى الخط بعض البنوك الجديدة والموضوع ما جديد ( الحكاية شنو) دى الانقاذ تعلم

Quote: ( الحكاية شنو) دى الانقاذ تعلم

يا محمد احمد سعيد
اتا ذاتك بتكون عارف لكن خايف الدحيشة تعنفض بيك
.
.
.
ثم انه اشكرك للجهود المبذولة بغرض الاسكان الفئوي المخفض

Quote: الحكاية شنو يا ايها المختصون والمختصات ؟

أخوى ود البوش نعلك طيب
قلت لى : من الباب !!!
علييك بربيع عبد العاطى
الزول ده خبير وطنى ومختص

ثم انه ايها المواطنون الشرفاء الطيبون
احذركم من التعامل بالسوق الاسود او السوق الموازي او ائ كانه اسمه
فان حكومة المملكة سوف تضرب بيد من حديد كل من يتعامل بالسوق الاسود
تمسكوا قروشكم عندكم وتصموا خشمكم لحدي ما ينادوكم
ول عندي ليكم طريقة ذكية
جيبوا الناس الدايرين تحولوا ليهم هنا وخلاص تاني في شنو ؟
منها تدوهم قروشهم في يدهم صرة وخيط ومنها اعملوا عمرة ول كان حج
.
.
.
هههههههههههههههههههههه
طيب اجو كيف يا عميكة ؟
.
.
اذكرت حكاية الخروف والكليقة والزول الداير اعرس ههههههههههههه

إنتو يا السودانيين السعاودة والخلايجة ..

ما عندكم صوماليين؟

لو عندكم صوماليين .. ديل طوالي معاهم شركة إسمها دهب شيل Dahabshiil .. لو عندك زول في القمر ولا في المريخ بحولو ليك قروشك .. خليك من السودان الجنب الصومال

يا الاستاذ علي عبدالله
هنا مافي فوضى يا تحول بالدرب العديل
يا كمان تتخارج تمشي اهلك

Quote: لو عندكم صوماليين .. ديل طوالي معاهم شركة إسمها دهب شيل Dahabshiil .. لو عندك زول في القمر ولا في المريخ بحولو ليك قروشك .. خليك من السودان الجنب الصومال

يا علي عبدالله يا حبييبي زي ما قال ليك ودالبوش تانى خرمجة مافي.

دهبشييل ذاتم واقعين في مشكلة مع البنوك البريطانية والتى هي عصب نشاط حوالات الصوماليين

خرمجة بنك السودان حتسمع بيها قريب جدا. دي المناظر بس

تحياتى للجميع

شكرا اخي سيف اليزل للمعلومات القيمة
تحياتي

Quote: من الباب رجل الامن طردني

الله في ..!!
الناس دي سيقننا لوين ...؟؟؟
كل يوم مصيبة

Quote: كل يوم مصيبة

في مصايب بتتباصر يا ناصر لكن لمن تصل الحلقوم حقو القيامة تقوم

Quote: علييك بربيع عبد العاطى

دا مش اياهو يا جمال القال دخل المواطن السوداني 1800 دولار في الشهر
بكون هو السبب ذاتو
المحولن ليها شنو ودخل الزول في بطن بيتو 1800 دولار

Quote: منها تدوهم قروشهم في يدهم صرة وخيط

صرة في خيييييت لو سمحت.. لا تخربو لغتنا الجميلة

Quote: لا تخربو لغتنا الجميلة

بل لا تعولقو نضمينا السمح

عرفتك حريص يا نادر من زمن الباظ السريع القام

يا أخونا يا عبدالله ود البوش

أنا غايتو لو جيت السعودية ولا الإمارات أو قطر .. ما بعرف الراجحي ولا أي بنك تاني ..

بشوف لي أقرب صومالي .. يوريني دهب شل هنا وين ..



كده إنتو وطدوا علاقاتكم مع الصوماليين .. وخلوهم يحلوا ليكم مشكلة التحويلات دي .. بواسطة شركة دهب شل

سلام ود البوش

التلموني (البنك العربي) اخبارو شنو؟

يا استاذ عبدالله
تحياتي

احنا ناس المصاريف ديل امرنا هين، الكلام في الاستثمارات السعودية في السودان والذي سيصيبها هذا القرار في مقتل

Quote: يا استاذ عبدالله

بتقصد منو يا استاذ احمد ؟
عاين جاي
محمد ولدي كان صغير كلما نكون ماشين لناس اقول عندهم ولدي قدري ؟
مرة ماشين لناس وقلنا ليهو ماشين ناس خلدوي
قال لا لا انا ما ماش
لشنو ؟
قال ديل الواحد تناديهو اقوليك نعم اتقول نحن في مدرسة ههههههههههه
.
.

Quote: احنا ناس المصاريف ديل امرنا هين، الكلام في الاستثمارات السعودية في السودان والذي سيصيبها هذا القرار في مقتل

ناس الاستمار طايرين والحكومة ماسكة في ضنبهم
نحن دايرين نحول لاهلنا ياكلو كسرة بملاح لحم ويشتروا حقن الملاريا
.
.
افففففففففف حقن الملاريا ذاتا اجيبوها كيف الطير ديل ؟

شكرا يا ابن عوف

Quote: التلموني (البنك العربي) اخبارو شنو؟

طبعا انا قلت بيان بالعمل يا اخونا محمد هاشم
فشنو التلموني ما مشيت ليهو

.
.
ولكني اعتقد بانه تعميم شامل من مؤسسة النقد العربي لكل الشركات المصرفية
.
.
تحياتي

Quote: كده إنتو وطدوا علاقاتكم مع الصوماليين .. وخلوهم يحلوا ليكم مشكلة التحويلات دي .. بواسطة شركة دهب شل

Quote: Barclays is one of many banks that have made the decision to close the accounts of money transfer organizations over the past fifteen years. Faced with ever-greater regulatory scrutiny since September 11, the inherently anonymous nature of money transfers represents a significant risk for large international financial institutions. Most recently, Minnesota-based Sunrise Bank cancelled its money transfer accounts after two Somali women were convicted of sending money to the Al Shabab terrorist organization.

Quote: أنا غايتو لو جيت السعودية ولا الإمارات أو قطر .. ما بعرف الراجحي ولا أي بنك تاني .. بشوف لي أقرب صومالي .. يوريني دهب شل هنا وين ..

من اسع انا بقول ليك يا اخونا علي مافي حاجة هنا اسمها دهب شل ولاشركة شل ذاتا مافي
.
.
اخونا سيف اليزل شايفو رد عليك بالانجليزي عديل كدا

تحياتي

Quote: قبل قليل مشيت مصرف الراجحي احول من الباب رجل الامن طردني قال لي تحويل للسودان مافي

الناس ديل لمن يزعلوا من الحكومة السودانية بفكوا ليهم شفع البنوك والجوازات ورجال الأعمال،
طوال العمر فقط بتعاملوا مع الناس الجادين القدر كلماتهم،
الموضوع ليهو علاقة بالسياسة وتعاملات الحكومة السودانية مع سوريا وروسيا وإيران وحزب الله،
وهم العدو الاول للسعودية ،
ولا نستبعد القوافل التي قيل أنها ضربت في شرق اليلاد هي التي أججت الموضوع.
بمعنى آخر:
حلفاء روسيا غير حلفاء الولايات المتحدة الأمريكية.
بكرة الرئيس بمشي السعودية وبسلك عملية التصريف المالي الصَحِي!

13سنة في السعودية ..ما بتذكّر مرّة واحدة مشيت البنك حوّلت قروش...


هو بالله في ناس بتحول بالبنك!!!


بركة شيخ ودبدر ...الهوا زاتو يقفلوا...ينقرضوا الناس الموجوديين ديل.(حكومة +معارضة)..بعد داك يفّكوا بلف الهوا ...يجوا سودانيين جُداد يعرفو يديروا ليهم بلد إسمو السودان


______
تحياتي يا ودالبوش...

Quote: 13سنة في السعودية ..ما بتذكّر مرّة واحدة مشيت البنك حوّلت قروش... هو بالله في ناس بتحول بالبنك!!! بركة شيخ ودبدر ...الهوا زاتو يقفلوا...ينقرضوا الناس الموجوديين ديل.(حكومة +معارضة)..بعد داك يفّكوا بلف الهوا ...يجوا سودانيين جُداد يعرفو يديروا ليهم بلد إسمو السودان

حليل ابوى!!
اها الصادرات والواردات ناس الااعتمادات والتحصيل يسوو شنو!
جنى

Quote: حليل ابوى!! اها الصادرات والواردات ناس الااعتمادات والتحصيل يسوو شنو! جنى

هههههههههههههههههههه

بل حليلو هو ذاتو يا جني لو ما عدل المداخلة
مما اقبضو واقولوا ليهو كيف حولت رواتب 13 سنة
وحينها ببقى في حاو وهش
.
.
وتحياتي لكما جني وبشير

ههههه..قلت لي شنو ياود البوش؟

Quote: بل حليلو هو ذاتو يا جني لو ما عدل المداخلة مما اقبضو واقولوا ليهو كيف حولت رواتب 13 سنة

ده كلام تقولو لي زول ماعندو حديدة ....
بشيلهم صُرة وخيت في جيب التكّة ...وياناس البندر سلام ويا ناس كاب الجداد سلام...

اها تعال تاني أفتن فيني ناس الامن الاقتصادي...

Quote: اها تعال تاني أفتن فيني ناس الامن الاقتصادي...

اقعد اتحرول لي كدا يا دكتور لمن باظ كاب الجداد افوتك
.
.
.
ياخي نحن عيال بلد وبننصح بعض ولا نفتن فالفتنة اشد من القتل

ودالبوش
تحياتي

Quote: بيان بالعمل المصارف السعودية توقف تعاملها مع السودان

جئتك بخبرين م الشيخ (قوقل)، فيهما (كضب ) و(صاح) شيل البيعجبك:

Quote: الخرطوم: رشا التوم نفى بنك السودان المركزي اتجاه المقاصة العالمية لإيقاف تعاملاتها مع البنوك السودانية، وإيقاف بعض البنوك السعودية تعاملاتها مع المصارف السودانية. وأوضح البنك في بيان له أمس أنه لا توجد أصلاً ما يسمى المقاصة العالمية، علماً أن السودان أوقف التعامل الرسمي عبر مقاصة الدولار في نيويورك مع بداية الحظر الأمريكي على البلاد منذ العام 1997م. وقال إن الأداء الاقتصادي بالبلاد والتعامل مع الخارج ظل في مجمله عادياً ولم يتأثر كثيراً بالاستغناء عن المقاصة الأمريكية، بل ونجح البنك المركزي والمصارف في تعميق ثقافة التعامل بالعملات الأخرى مثل اليورو والإسترليني والريال السعودي والدرهم الإماراتي وغيرها. وأكد البنك توسع أعمال البنوك السودانية وتوطدت علاقاتها مع البنوك المراسلة في الخارج رغم تواصل الحظر. المصارف السعودية توقف التعامل المصرفي مع السودان بشكل رسمي: كشفت مصادر اقتصادية مطلعة إن المصارف السودانية تلقت إخطارا رسميا من نظيراتها السعودية وبعض المصارف الغربية، بإيقاف التعامل المصرفي معها، ابتداء من 28 فبراير الجاري.وأكدت المصادر، إن بنك السودان المركزي تلقى إخطارا رسميا بإيقاف كافة التحويلات والمقاصات من وإلى المصارف السعودية، وبررت الجهات السعودية الأمر لتعرض المصارف السعودية إلى ضغوط من جهات غربية بإيقاف التعامل المصرفي مع السودان في إطار العقوبات الاقتصادية المفروضة عليه الا ان مراقبون نفوا ان تكون الضغوط الغربية هى السبب فى الخطوة السعودية سيما وأنّ تلك الضغوط ليست وليدة اليوم فالعقوبات الامريكية على السودان لها اكثر من 10 سنوات ظلت فيها السعودية تتعامل مالياً مع السودان باستمرار وعزوا تلك الخطوة لطلب مصرى للتضييق على السودان إقتصادياً عقاباً له على موقفه من سد النهضة الذى ترى مصر انه ضد مصالحها إضافة لموقف السودان الداعم للأخوان وعلاقته بإيران وهما موقفين ضد رغبات السعودية .الى ذلك افادت مصادر صحفية ان المملكة العربية السعودية استقبلت فى الايام الماضية القيادى فى الجبهة الثورية مبارك الفاضل المهدى وابدت استعدادها لدعم الجبهة الثورية والعمل ضد حكومة السودان بالتنسيق مع الحكومة المصرية .ذات المصادر قالت ان زيارة وزير الدفاع عبدالرحيم محمد حسين الآخيرة للقاهرة هدفت لقطع الطريق امام تلك الخطوة.

اووووووووو حبيبنا شيخ حماد الطاهر
ياخي مشتاقين عديل كدا

.
.
والله اتا عارف الكضاب منو لكن ما داير تنزل من الزلط وتدلا بالدقداق

ياشيخ قصي محمد عبدالله
وعليكم السلام ورحمة الله تعالى وبركاته
دعواتك يا شيخ تنفك كربنا وربنا احلنا من العولق ديل قبل ما اجيبو عاليها سافلها
.
.
يامراحب قصي

Quote: قبل قليل مشيت مصرف الراجحي احول من الباب رجل الامن طردني قال لي تحويل للسودان مافي

ود البوش الله يخرب عقلك مالك ما قلت ليهم
نحن اهل الطيب الابا يبيع النعجة..
بالمناسبة الطيب ده حا يحول قروشو دى كيف؟؟

ود البوش ما تسويلك سبب ساااي حوّل للناس قروشهم ياخ

Quote: ود البوش الله يخرب عقلك مالك ما قلت ليهم نحن اهل الطيب الابا يبيع النعجة.. بالمناسبة الطيب ده حا يحول قروشو دى كيف؟؟

ومنو القال ليك الطيب بحول قروشو؟
الطيب يا ود الموج قريشاتو ديل بشيلهن صرّة في (خيت) وبسافر بيهن
وصدقني ما عايز اقول بربطهن وين

Quote: ود البوش ما تسويلك سبب ساااي حوّل للناس قروشهم ياخ

سبب اكتر من كدا كيف ؟ اقع ليكم فوق رقبتي دي اكسرا
ثم وانه تعال هنا
بعت كم من الجريدة السويت ليك اعلان ليها هنا دا
كل ورقة تبيعا عند فيها عود
اتا قايل الاعلان دا رخيس ساهي
ول قايلني لاسع عميكة
فتحت خلاس وقريب دا بشتري التلفون البقشو باللصبع
.
.
صاحبي اللمين سلامات ومشتاقين ياخي

Quote: بالمناسبة الطيب ده حا يحول قروشو دى كيف؟؟

اشتري بالقروش دي نعاج واشغل كفيلو راعي
واجو سودانيين واقولوا ليهو تبيع النعاج ؟ ابيعا جت
وارجع الطيب الابا ابيع النعجا راعي تاني
.
.
قالوا في راعي نص بهائم الحلة راحن منو
ولمن سعلوا منهن قاليهم كان حمدتو الله علي ديل ما شوية
.
.
ود الموج طمنا علي الخال بالله

الاخ ودالبوش،
عليييييييييييك الله في واحد بحول عن طريق البنوك!
ياخي والله حتى اليمنيين الكلو يوم عندهم تفجير ومواجهات
بحولوا عن طريق البنوك، ومستغربين من الفرق الشاسع الحاصل عندنا!
هسي منتظرين الأخ الطيب الزين، نشوف قروشو دي حولوها ليه بالعملة
الحرة ولا بالعملة المستعبدة!
ولا بالعملة المستعبدة...
حسبو ليهو الريال بكم!
انتظروا مفاجآته!!!!!!!!!

Quote: عليييييييييييك الله في واحد بحول عن طريق البنوك!

وهو في ناس بحولوا عن طريق غير البنوك يا شيخ قصي ؟
اوصيك ونفسي بتقوى الله ثم الالتزام بتعليمات الدولة المضيفة
والكلام دا لائ زول منطر عيونو

ود البوش ،سلام ، هذا تحليل لفهم ابعاد المقاطعة:

مقاطعة البنوك السودانية .. عقوبات اقتصادية دولية

اعتبارا من الجمعة 28 فبراير 2014، تبدأ بنوك سعودية وغربية ايقاف تعاملاتها المصرفية مع نظيراتها السودانية،وتلقى بنك السودان اخطارا رسميا بايقاف كافة التحويلات والمقاصات من والى تلك البنوك .وفي السياق ، اقر وزير الماليةبدر الدين محمود، بتعليق بنكين سعوديين معاملاتهما مع السودان، ووصف ايقاف بعض المراسلات الخارجية خاصةً من الدول العربية بالمؤثرة على العمليات المصرفية لحرمان التواصل عالمياً وبحسب"سودان تريبيون" اتهم الوزير واشنطن بالضغط على بعض البنوك الخارجية لايقاف تعاملاتها المصرفية مع البنوك السودانية وقال "لم نستطع الاستفادة من المبادرات الدولية لاعفاء الديون لاسباب سياسية.

فما تأثير هذه الخطوة على السودان؟وهل تعتبر اجراءات مالية بحته ام تنفيذ وتفعيل للعقوبات الاقتصادية المفروضة منذ 1997؟وهل تتعلق بدوافع سياسية في ظل ما يشهده السودان من حروب وانتهاكات لحقوق الانسان والحريات الاساسية،وتوتر علاقاته الخارجية مع الولايات المتحدة الامريكية ودول الخليج ، خاصة السعودية والامارات،ومصر بعد اطاحة الجيش المصري بحكم الاخوان؟
ليس صحيحا،إن الاخطار ورد من البنك الدولي،لان ذلك ليس من مهامه،ولمؤسساته الخمس اهمية لاقتصاد الدول الفقيرة،منها تسليف حكومات هذه الدول لتمويل عمليات التنمية،وتقديم قروض بدون فوائد وضمان حكومات هذه الدول،وتقديم المشورة في مجال القطاع الخاص،وتعزيز عمليات الاستثمار الخارجي،والمساعدة في تسوية المنازعات الاستثمارية.والعلاقة بين السودان والبنك الدولي غير مثمرة،رغم المساعي في الحصول على شهادة "حسن سلوك" لاقتصاد يتداعى .
تأثير خطير
مما لاشك فيه إن هذه الخطوة لها تأثيرها الخطير على السودان، بتعثر التحويلات المالية للاستيراد،حيث كشفت الهيئة العامة للامدات الطبية،عن رفض بنوك عربية وعالمية تحويلات السودان لاستيراد الدواء، وان معالجة هذا الوضع سيتم بالتحويل عبر السفارات السودانية بتلك الدول،هذا خلافا لمحاولة بنك السودان التقليل من تأثير هذه الخطوة ، في وقت بات تصنيفه متدنيا لوجود مخاطر عالية في التعامل معه – حتى من الدول الصديقة- فمنذ فرض العقوبات الامريكية 1997 اوقف السودان التعامل عبر مقاصة الدولار في نيويورك،واتجه للتعامل بـ"سلة عملات" تشمل اليورو والاسترليني والريال السعودي والدرهم الاماراتي،فليس طبيعيا خروج بنوك المراسلة في السعودية ودول غربية، ما يشل شبكة المراسلين،وحركة التحاويل والتجارة الخارجية التي تاثرت كثيرا بالعقوبات وتدهور العلاقات مع دول تمثل مظلة امان وجوار حيوي مثل السعودية، وحتى عائدات المصدرين باتت في الخارج .
اقتصاد يترنح
الشاهد ان اقتصاد السودان يترنح منذ ربع قرن،وتعمقت الازمة الاقتصادية بعد انفصال جنوب السودان 2011،وذهاب جل انتاج النفط الى الدولة الوليدة،هذا فضلا عن الحروب التي اهلكت الحرث والنسل،وفاتورتها كبيرة على الاقتصاد مليون دولار شهريا، او نحو ذلك ،بل ان خطورتها في تفتيت بلد لا يزال يعد "سلة غذاء العالم"، وفقد السودان حقه في الاستفادة من مؤسسات الدولية، ولا توجد بارقة امل في اعفاء ديونه التي تمثل عبئا ثقيلا،وهذا يحتاج على علاقات خارجية طبيعية،ولكن في ظل استحكام الازمة الداخلية وانسداد الافق في حل سياسي وطني يفكك دولة الحزب وبناء دولة السودان يبقى الوضع شبيها بالعراق في ظل العقوبات التي اسقطته وفتت وحدته واشعلت حربا اهلية وطائفية ، والعاقل من يتعظ بتجارب غيره.
السودان جزء من عالم متغير،تحكمه مؤسسات مالية،ودول تحركها مصالحها، وامنها القومي، وهذه مفردات غائبة في قاموسنا السياسي،وبات الوطن رهينة،يحتاج لمن يفديه، لا ان يبحث عن سلامته،فالاوطان تفتدى بالارواح،والبنوك الوطنية ليست جزر معزولة، وانما ترتبط بنظيراتها في شتى انحاء العالم،واي خروج لبنوك عربية او غربية عن شبكة المراسلين يكون له تأثيره على السودان،فجميع الانشطة التجارية والمعاملات المالية تتم عبر جمعية الاتصالات المالية العالمية والتي يرمز لها اختصارا بـ (SWIFT) ،وتمكن المؤسسات المالية في جميع انحاء العالم من ارسال واستقبال المعلومات حول المعاملات في بيئة موحدة وآمنة وموثوق بها كما تبيع رموز البرمجيات،وترتبط بـ 9 آلاف مؤسسة مالية في 209 دولة ويتم خلالها تبادل اكثر من 15 مليون رسالة في اليوم الواحد ، وتسهل نقل الاموال،ومن اهم مجالاتها:
- اسواق الاوراق المالية
- ادارة النقد
- خدمات التجارة
وتنقل الرسائل البريد الالكتروني،ووثائق تجارية وبيانات حساساة امنيا،من خلال شبكة (Swift Net)،وكشفت تسريبات "سنودن" تدخل الحكومة الامريكية، من خلال وزارة الخزانة الامريكية، ووكالة الاستخبارات المركزية الامريكية(CIA)،والوصول الى قاعدة بيانات المعاملات بعد هجمات 11 سبتمبر من خلال برنامج" تتبع تمويل الارهاب" ما يعد خرقا لقوانين الخصوصية البلجيكية والاوروبية،وكشفت صحيفة دنماركية ان لدى السلطات الاميركية سيطرة على الشبكة،واوضحت مجلة"ديرشبيجل" الالمانية في سبتمبر 2013 ان وكالة الامن القومي كانت تراقب المعاملات المصرفية على نطاق واسع عن طريق (SWIFT).
العقوبات الامريكية والاوروبي
ليس هناك توصيف دقيق،لحالة السودان والعقوبات المفروضة عليه، من قبل الولايات المتحدة 1997، ومجلس الامن 2004، والاتحاد الاوروبي 2011، سوى عنوان مقال لاحد السفراء "الموالين" بان السودان تحت الوصاية الامركية،فبرنامج العقوبات الامريكية على السودان بدأ عام 1997 عندما اصدر الرئيس بيل كلينتون الامر التنفيذي E.O 13076 ، وبموجبه تم فرض حظر تجاري شامل على السودان وتجميد ارصدة حكومة السودان، بعدها اصدر كلينتون الامر التنفيذي E.O 13400،ويستهدف المتورطين في حرب دارفور.وينفذ العقوبات مكتب مراقبة الاصول الاجنبية،Office of Foreign Assets Control (OFAC) ،والذي اصدر في يوليو 2011 استثناءات متصلة بالصناعات البترولية والبتروكيماوية في جمهورية جنوب السودان. لكن العقوبات الامريكية شملت استثناءات لتخفيف المعاناة الانسانية في تصدير واعادة تصدير الغذاء والكساء والدواء والتحويلات المالية الشخصية ، والمعاملات المتصلة بالاتصالات السلكية واللا سلكية،وبعض المبادلات الاكاديمية والخدمات القانونية.كما استثنى الصمغ العربي الذي يدخل في صناعات الادوية والمشروبات الغازية.وترتب على خرق العقوبات من الشركات الامركية والافراد غرامة مالية تصل 250000 دولار او الضعف، وتشمل قائمة العقوبات الامريكية نحو 15 دولة .بلغ توتر العلاقات الامريكية – السودانية ذروتها بقصف مصنع الشفاء للادوية بصواريخ كروز 1عام 1998.وقبلها في 1994 اجريت حوارا – عبر اسئلة مكتوبة – مع السفير الامريكي دونالد بيترسون حيث قال" مستعدون ان نحارب من اجل مصالحنا، ويمكننا ان نخرب الاقتصاد " ومعلوم ان بيترسون صاحب كتاب "في داخل السودان: الإسلام السياسي والصراع والكوارث" .وجدد الرئيسان جورج بوش ، وباراك اوباما العقوبات المفروضة على السودان سنويا، باعتبار ان الحالة تعتبر تهديدا للامن القومي وللمصالح الامريكية.وجمدت الولايات المتحدة 48,200 مليون دولار حتى عام 2007 ورفضت 5,575 معاملة بقيمة 45,300 مليون دولار حتى 2008.علما بن حجم التبادل التجاري مع اللملكة العربية السعودية يبلغ 4 مليارات دولار يتوقع ان يرتفع الى 8 مليارات دولار .
في 26 يناير 2004 ،فرض الاتحاد الاوروبي اجراءات مشددة (عقوبات) فيما يتعلق بالسودان وجنوب السودان ، بموجب المادة 215 من لائحته المعدلة، EC رقم 131/2004 ،وبموجب القرارات في إطار السياسة الخارجية والامن،والتي تم تبنيها في 29 يناير 2014، وشملت حظر تقديم المساعدة التقنية ذات الصلة بالأنشطة العسكرية وتوفير وتصنيع وصيانة واستعمال الأسلحة والمواد ذات الصلة بجميع أنواعها، بما في ذلك الأسلحة والذخيرة والمركبات والمعدات العسكرية والمعدات شبه العسكرية وقطع الغيار لها، بصورة مباشرة أو غير مباشرة إلى أي شخص أو كيان أو هيئة في، أو للاستخدام في السودان أو جنوب السودان؛لتوفير التمويل أو المساعدة المالية المتعلقة بالأنشطة العسكرية، بما في ذلك على وجه الخصوص المنح والقروض وتأمين ائتمان الصادرات، أو تقديم المساعدة التقنية ذات الصلة، بصورة مباشرة أو غير مباشرة أي شخص أو كيان أو هيئة في، أو للاستخدام في السودان أو جنوب السودان،وفي اغسطس 2011 تم اتخاذ تدابير تقييدية المحددة الموجهة ضد بعض الأشخاص العرقلين لعملية السلام وخرق القانون الدولي في الصراع الدائر في إقليم دارفور. وفرض قيود على دخول الأفراد، الذين يعرقلون عملية السلام، ويشكلون تهديدا للاستقرار في دارفور والمنطقة، أو يرتكبون انتهاكات للقانون الإنساني الدولي أو حقوق الإنسان أو غيرها من الأعمال الوحشية، وتجميد اموالهم.

قرار مجلس الامن
فرض مجلس الامن الدولي بموجب القرار 1556 في 30 يونيو 2004 حظرا على توريد الاسلحة الى جميع الكيانات غير الحكومية وجميع الافراد – بما فيهم الجنجويد- الذين يؤججون الحرب في دارفور،وتم تعديل وتعزيز نظام العقوبات باعتماد القرار 1591 ، الذي وسع نطاق حظر الاسلحة ليشمل الحكومة واطراف اتفاق انجمينا لوقف اةطلاق النار،وفرض تدابير اضافية بحظر سفر وتجميد اصول افراد تحددهم لجنة كانت تراسها ماريا كرستينا ( الارجنتين) انتهت ولايتها 31 ديسمبر 2013.
وفي المحصلة، وبعد استعراض الوضع، يمكن القول، ان الاجراءات التي اتخذتها البنوك المذكورة تجاه نظيراتها في السودان،بانها تندرج في إطار العقوبات الاقتصادية التي ظل يرزح السودان تحت طائلتها منذ تسعينيات القرن الماضي، ولا سبيل من الخروج منها، إلا بخارطة طريق وطنية، تبدأ بحل الازمات الداخلية،وان يقتنع المؤتمر الوطني،الحزب الحاكم، والاسلاميون على اختلافهم، بان الازمة استحكمت، وان الحل في الحل، بمشاركة الجميع ودون اقصاء، بتكوين حكومة انتقالية،اقترحناها عام 2007 في مذكرة ارسلت الى رئاسة الجمهورية،وعدم ترشح المشير عمر البشير، وتنازله طواعية،وان تكون مهمة الحكومة الانتقالية، محددة بثلاث سنوات،وبرنامجها وقف الحرب واصلاح الاقتصاد ومحاربة الفساد ،واعمار العلاقات الخارجية، والقوانيين والغاء المقيدة للحريات،ووضع دستور جديد بمشاركة الجميع، والاعداد لانتخابات حرة ونزيهة،وسيادة القانون وضمان عدم الافلات من العقوبات ومحاكمة كل من ارتكب جرما.ودون ذلك فان الاسوأ قادم

ود البوش
سلام
غايتو دي قصة واخره لسه
تحويل نهي
كان كدي الشاف الناس في الشارع ما كضب

قاصد ناس السودان يا زول

بعدين الناس الشمتانة في مغتربين السعودية الدور جايهم يبلو راسهم بس
العالم بقى ما فيهو خبر بدسه

المشكلة الكبيرة انو بنوكنا ومؤسساتنا المالية اصبحت غير موثوق فيها
ودي ليها تبعاته على الصادر والوارد والاستثمارات
لا دواء لا قمح لا قطع غيار لا كثير لا قليل

Quote: وهو في ناس بحولوا عن طريق غير البنوك يا شيخ قصي ؟ اوصيك ونفسي بتقوى الله ثم الالتزام بتعليمات الدولة المضيفة والكلام دا لائ زول منطر عيون

صدقني كلامك ده لوكان مدعم بالآيات والأحاديث كنا أخذناه في الإعتبار،
ما تقول لي كلام خبير اقتصادي ولا مدير مصرف عالمي!
يعني ما تجيب لي مصطلحات مبهمة مثل تضخم وفائدة وقروض!
الدولة المضيفة مهيأة التكنلوجية للقيام بالعمليات المصرفية
من تحويلات وسداد وشراء وبيع وانت سائق سيارتك،
لمن الدولة الأم تساوي السعر الأبيض مع الأسود بنحول عن طريق البنوك!
مخرج سري فجائي:
كدي فكر في الشغلانة دي(تحويل من البلد المضيف للبلد الأم) ،
ولو بقيت عليها ، وسعرك عالي أديني خبر أحول عن طريقك!

........