Post: #1
Title: بالله أنسوا ناس جواهر وستونة ديل .. كما نسيتوا حلايب وشلاتين .. دي كلها أصبحت ممتلكات مصرية 150%
Author: Ali Abdalla Hassan
Date: 02-27-2014, 01:26 PM
والله أنا أستغرب ..
بين الحين والآخر ..
أرى بوستات على شاكلة (الفنانة السودانية ستونة) أو (المطربة السودانية جواهر)..
يا سودانيين .. نفسي أفهم .. حتفهموا أمتى؟
ناس جواهر وستونة ديل .. كانن سودانيات أيام زمان .. لما كن بنات صغار .. بيلعبن في شوارع الموردة والخرطوم .. وبياكلن في الكسرة والويكة ..
كن سودانيات .. لما كانت حلايب وشلاتين سودانية ..
أما الآن فحلايب وشلاتين ممتلكات مصرية 150%
وكذلك جواهر وستونة ممتلكات مصرية 150%
والمصريون سوف يحاربوا السودان في حالتين :
الحالة الأولى: إذا فكر السودانيون في إسترداد حلايب وشلاتين ..
والحالة الثانية: إذا فكر السودانيون في إسترداد جواهر وستونة .. وإعادتهن إلى السودان بصورة نهائية ..
فبالله أرحمونا من بوستات (الفنانة السودانية ستونة) .. ولا (المطربة السودانية جواهر) ..
أبقوا عشرة على باقي السودانيات ..
|
|