الدفاع الشعبي: قواتنا تستعد للوثبة الثانية في عمليات الصيف الساخن.....................

أكد المنسق العام لقوات الدفاع المجاهد عبد الله الجيلي ان القوات المسلحة وكتائب الدفاع الشعبي على أهمية الاستعداد لإطلاق
الوثبة الثانية وكسر شوكة العدو ضمن عمليات الصيف الساخن. وأشار إلى أن
كل عناصر الاستعداد من دورات متخصصة في القناصة والمدرعات قد اكتملت .
وأشاد خلال مخاطبته تخريج مجاهدات دورة "أم حرام" الثانية يوم أمس بالمركز العام للدفاع الشعبي،
أشاد بدورة "أم حرام" الثانية ووصفها بالإستثنائية لما شملته من العمل العسكري والميداني والأمني.
واضاف عبد الله في حديثه أن المرأة ظلت تشكل على الدوام فصيلاً متقدما مع المجاهدين، مؤكداً أن هذه الدورة
تعتبر إضافة حقيقية لبرنامج الصيف الساخن، من جانبها أشادت السيدة فاطمة خالد حرم رئيس الجمهورية بقوات الدفاع الشعبي
في الدفاع عن الوطن ومكتسبات الأمة وذلك بمساهماتها المستمرة في رد العدوان عن كل ولايات السودان واشادت السيدة "فاطمة
" بمنتسبات دورة "أم حرام" الثانية وبالجرعات العالية التي تلقونها مؤكدة أنها ستفيد البلاد كثيراً. إلى ذلك قالت الدكتورة
"أمنة ضرار" وزيرة الدولة بوزارة الموارد البشرية والعمل إن المرأة السودانية ساهمت في بناء
هذا الوطن بمجاهداتها المستمرة وأثبتت للعالم أن نساء السودان لا يستهان بهن.

الله اكبر

كع

محمد عثمان

هاك اقبض البكادلي دا

نجضت

ان شاء الله كلهم يكونو كيزان ,, ويأخذهم اخذ عزيز مقتدر
ويقلل عددهم ويرحنا منهم . امييين اميين اميين .

Quote: لوثبة الثانية وكسر شوكة العدو ضمن عمليات الصيف الساخن. وأشار إلى أن كل عناصر الاستعداد من دورات متخصصة في القناصة

والقناصة دي لناس المظاهرات ولا مع الجبهة الثورية ؟؟؟؟؟؟؟؟؟؟؟؟؟؟؟؟؟
علي علمك اغلب معارك مليشيات البشير مع قوات الجبهة الثورية لم تستغرق اكثر من نصف ساعة
اسأل الراحوا الميدان ناس الابنسي ديل حربهم كيف ,,, قال قناصة ديل بقتلوا في اولاد المدارس من اسطح البيوت ويقولوا ليك الحرب هنا !!

ها الجنجويد فكوا رجلهم للريح ووصلوا دارفور بدلا من ما يمشوا لجنوب كردفان وقالوا والله ما ندواس دواسن ما دواسنا بعد ان خسروا ثلث قوتهم
ناس الجبهة الثورية منتظرين الفاسدين امثال ناس عبدالله الجعلي ديل يمشوا ليهم ..
. قال قناصة ههههههههههههههه

ام حرام
ديل اوع يكون جهاد النكاح ضمن الدوره دي

عشان الاسم ده بيشبه لي حاجه كده

خليهم يمشو لمحرقتهم

كع

بت عمسيب اخرجي

هم لسع ما مرقوا ؟؟؟
ألعبوا غيرها جهاد بالمجان مافي ... تاني حروب وقرود وعطور وحور وساحات فداء مافي ... تدفعوا مقدم بطلعوا ...
الشفيع

لسه الكيزان ديل في ضلالهم القديم ..
بفكروا في انو الحرب والدمار بحل المشكلة ..
هم فضلوا يحاربوا 20 سنة في الجنوب هل حلوا المشكلة ..
المشكلة ما اتحلت الا بعد ضغط المجتمع الدولي عليهم واجبرهم على التفاوض ..
عقليات غريبة ما بتتعلم ولا بتستفيد من الدروس ..
كفاياكم تدمير للوطن وتقتيل لي ابناؤه ..
كفاياكم زرع الفتن والحروب ..
وكاودا دي سيدك الرئيس الرقاص الكذاب كم مرة قال ح يصلي فيها ..
ولسه منتظرين صلاتو دي زي حجوة ام ضبيبينة ..
الكيزان زي البوم ما بعيشو الا في الخراب ..
وبعدين هو المجاهد عبد الله الجيلي دا مرتو مع النسوان الخرجهم ديل وعاوز يحسم بيهن التمرد ؟
ولا مرتو في التكييف والراحات والملذات .. ؟
وهو ذاتو بدل يودي النسوان ما يمشي هو يشوف الموت ؟
والسيدة فاطمة خالد رامية مع الخريجات ديل قدام
ولا فالحين في رمي اولاد الناس في النار وهم قاعدين ورا لي اللهط والسرقه
وانت يا ود الباوقه مالك قاعد ما تمشي برضو بدل النسوان ديل
ما عاوز الجنة والحور العين ..
وزي ما قال اديبنا الطيب صالح من اين اتى هؤلاء ..
ربنا يقلعكم اليوم قبل بكرة ..

جمعة مباركة