Post: #1
Title: ***** أديلو فرصة تاااااااااااااااااااااااااااانية *****
Author: ABUHUSSEIN
Date: 02-27-2014, 06:09 AM
أمس و حيث الناس نيام ....
كالعادة ....
حدث ما يحدث تقريباً يومياً ....
...............................................
...............................................
...............................................
...............................................
إتذكرت نكتة الصعايدة بتاعة أديلو فرصة تاااااااااااانية
***********************
قاليهو الدنيا دي كلها مآسي
قال ليه : ليه إنت مقاسك كم ...؟؟؟
|
Post: #2
Title: Re: ***** أديلو فرصة تاااااااااااااااااااااااااااانية *****
Author: ABUHUSSEIN
Date: 02-27-2014, 06:37 AM
Parent: #1
فحقو شنو الزول دا يدوهو فرصة يشبع رغباته في تناول هذا الموضوع الهام
و يخلوهو يسترسل في الموضوع دا ...
يعني يخلوهو يتجدع و يتفكفك و يطلع كل الجواهو ...
سبحان الله يمكن تحل كل عقده و يزول ما به من أمراض .....
.
|
Post: #3
Title: Re: ***** أديلو فرصة تاااااااااااااااااااااااااااانية *****
Author: HAIDER ALZAIN
Date: 02-27-2014, 06:47 AM
Parent: #2
الواحد تاني الا يخت كاميرا مراقبة على المنبر عشان يجي الصباح طوالي يفهم بدل يخش في معضلة تشافيرك دي !!!
غايتو للضمان الزول العمل كدة باااااااالغ 
اما اذا كان العمل كدة صاحبنا خدر طبقة فأكيد ما مؤاخذ والغلط ماعليهو غلط البيديهو مصاريف يمشي يطش بيها..:)
|
Post: #4
Title: Re: ***** أديلو فرصة تاااااااااااااااااااااااااااانية *****
Author: ABUHUSSEIN
Date: 02-27-2014, 10:21 AM
Parent: #3
Quote: الواحد تاني الا يخت كاميرا مراقبة على المنبر عشان يجي الصباح طوالي يفهم بدل يخش في معضلة تشافيرك دي !!!
غايتو للضمان الزول العمل كدة باااااااالغ
اما اذا كان العمل كدة صاحبنا خدر طبقة فأكيد ما مؤاخذ والغلط ماعليهو غلط البيديهو مصاريف يمشي يطش بيها..:) |
يا عربي ياشين
النايم ليها شنو و إنت عضو مؤثر في سودانيز ...؟؟؟
ياخ سودانيز دي أجمل ما فيها الليل ... تجيك الناس الطاشة شبكة تردم ليك البوستات إياها لم تحيرك
ما تعرف تتابع ياتو بوست .. و كل يغني ليلاه .... و كل يطلع عقده المستعصية و بعضهم يصر على المعصية...
ياخ تاني ما تنوم بالليل يا شين ...
واحد مدور ليك في حتة ضيقة يمشي و يجيها راجع .... و نحن نعاين فيه و نضحك ... و قدر ما حاول يمنطق ليك الأسباب برضو ما أقنع ليك الزعيم
و من لهفتو على الموضوعين رغم بعدهم عن بعض لكن ليه كم يوم قدر ما حاول يربط بيناتهم الإتنين لكن ما قدر...
ياخ عوارة فايتة الحد ....
غايتو الزول دا لو فرش ليه شوال ليمون في سوق أم درمان بي عوارتو دي بجيب زباين كتيرين و الله الشوال ما ياخد معاه دقايق يبيعوا
و يمشي يجيب التاني برضو دقايق و يتباع ليه ...
عارف الجماعة اللي بيبيعوا في الشارع ديل بعتمدوا على جذب الزباين بي لسانهم مش بي جودة بضاعتهم عشان كدا زولنا دا بنجح في الحتة دي ...
الطريفي حاول نوم بالعصرية و ساهر بالليل لأنو كلام الليل يمحوه النهار و بتجي الصباح تلقى الواطة نضييييييييييييييييفة
.
|
Post: #5
Title: Re: ***** أديلو فرصة تاااااااااااااااااااااااااااانية *****
Author: زهير عثمان حمد
Date: 02-27-2014, 03:14 PM
Parent: #4
أخي أبو حسين
تحياتي
مشتاق يا عميد وينك المهم واصل!!! وتعال أمدرمان أعمل محل مستحضرات تجميل ح تنجح أكيد !
لك كل الاجلال
|
Post: #6
Title: Re: ***** أديلو فرصة تاااااااااااااااااااااااااااانية *****
Author: ABUHUSSEIN
Date: 02-27-2014, 03:51 PM
Parent: #5
.
Quote: أخي أبو حسين
تحياتي
مشتاق يا عميد وينك المهم واصل!!! وتعال أمدرمان أعمل محل مستحضرات تجميل ح تنجح أكيد !
لك كل الاجلال |
أوووووووووووووووووووووووووو حبيبنا أبو الزهور
تسلم يا راجل يا طيب
و الله شوقي أكتر
موجود و بي كثرة كمان ...
بس مستحضرات التجميل دي يا حبيبنا لسه سوقا ماشي مع الغلاء الفاحش دا ...؟؟
غايتو إلا تكون قاصد حاجة تانية ....
و بالمناسبة العنوان مأخوذ من نكتة المصريين اللي بتقول.....
الصعايدة قدمو شكوى لي حسني مبارك بحتجو على النكات اللي بتوصفهم بالغباء
قالو مساعدين حسني قالو ليهم خلاص نجمع الجماهير في ميدان كبير و الموضوع بتحل إن شاء الله
جمعوا الناس في ميدان كبير و جهزوا المكرفونات و جابو واحد صعيدي و سألوه 2+2 بتساوي كم ...؟؟
الصعيدي وقف يفكر و إبتسم و قال ليهم تساوي 5
حسني إضاير و المساعدين إضايرو...
قالو الصعايدة قامو يكوركو ... أديلو فرصة تااااااااااااااااااااانية
قالو ليهم خلاص نديهو فرصة تانية
يا راجل 2+2 بتساوي كم
قال ليهم 3
حسني زعل و المساعدين زعلو
قامو الصعايدة بي صوت واحد كوركو ....أديلو فرصة تااااااااااااااااااااانية
قالو ليهم خلاص نديهو فرصة تانية
يا راجل 2+2 بتساوي كم...؟؟؟
قام قال ليهم 4
قامو الصعايدة بي صوت واحد كوركو ....أديلو فرصة تااااااااااااااااااااانية
أبو الزهور تحياتي و إحترامي
|
Post: #7
Title: Re: ***** أديلو فرصة تاااااااااااااااااااااااااااانية *****
Author: طلحة عبدالله
Date: 02-27-2014, 04:02 PM
Parent: #6
أنزلط في الركب كان فاهم حاجة
|
Post: #8
Title: Re: ***** أديلو فرصة تاااااااااااااااااااااااااااانية *****
Author: ABUHUSSEIN
Date: 02-27-2014, 05:30 PM
Parent: #7
.
| Quote: أنزلط في الركب كان فاهم حاجة |
يا طلحة يا أخوي قبل كدا إقترحت على أخونا بكري إنو يعمل إختبار ذكاء لكل الأعضاء
و بناء على هذا الإختبار يتم تقسيم الأعضاء إلى خمسة درجات
1 - الدرجة الأولى ... أذكي الأعضاء
2 - الدرجة الثانية .... أقل ذكاءاً من الدرجة الأولى
3 - الدرجة الثالثة
4 - الدرجة الرابعة
5 - الدرجة الخامسة ........أقل الأعضاء ذكاءاً في المنبر
أهو إنت مكانك الدرجة الخامسة ...
ما ممكن يا طلحة ياخ عذبتني و عذبت صاحبي ود البشرى من ما عرفناك نشرح ليك لي أسي ما فهمت حاجة ....
|
Post: #9
Title: Re: ***** أديلو فرصة تاااااااااااااااااااااااااااانية *****
Author: طلحة عبدالله
Date: 02-27-2014, 07:45 PM
Parent: #8
طيب والله كويس ما طلعت من العشرة الأوائل كعادتي من زمن الإبتدائي ولا فخر
|
Post: #10
Title: Re: ***** أديلو فرصة تاااااااااااااااااااااااااااانية *****
Author: ABUHUSSEIN
Date: 02-28-2014, 08:57 AM
Parent: #9
.
| Quote: طيب والله كويس ما طلعت من العشرة الأوائل كعادتي من زمن الإبتدائي ولا فخر |
غيااااااااااااااااااااااااااظ بي درجة ممتاز يا طلحة و صاحبي ود البشرى ليه مليون حق يرشك في كل لحظة...
|
|