بني كوز وبلوتيكا ال brain death....!!!

انها بلوكتيا الخزعبلات ويا سبحان الله او كما قال شيخي ابو ضفيرة في نواحي نشاط جامعة الخرطوم
والخزعبلة في جولة الانقاذ الاخير لم تاتي اعتباطا ورغم ان هذه السلطة ومنذ 89 كانت تبني اشيائها علي المتورجغة في كل شان في السودان القديم وقبل ان ينكجم
الا ان الشاهد والمتابع لاركلوجيا الانقاذية سيجد انها صارت هذه الايام كهربتها عالية وترسل الي الفضاء السوداني عيانا وبيانا ودون ان يرمش راسلها ..

في حروب الجنوب كان الصوت الاعلي خزعبلا هي تلك القرود التي اشيع في المخيخ الراقد تحت امطار التغبيش بانها تحارب مع ناس الدفاع الشعبي
وقالو التقلة (وهي جمع تقل) بتشيل المجاهد (كرنقلي ) من ارض المعركة وبتعمل ليهو انزال عمودي في المعسكر.. بجانب الحديث عن السحب والمزن وغيرها من الورجغات

ولكن الشاهد بان وبعد الانفصال وبعد تفليس وافلاس الخزينة وصار الحال مكشوف وجالس ام فكو في الصقيعة فقد بني كوز ظلهم ...
ومرحلة (البلف) والضب بتاع سنار والشيوعي المول مظاهرات بري الشهيرة تلك هي نقطة الانحراف الشديد المفاجي نحو الخزعبلة والورجغة وصلت اعلي نقاطها ومنها بدات الاشياء تتداعي والتهتك الخطابي اصبح عمل كيزاني يوماتي رحيل

تحياتي، الاستاذ عبد الكريم الامين احمد

حقا الابالسة اليومين ديل شبكتم ضاربة


برلمانيون : نطالب بالحوار مع أمريكا..امريكا ما منعتنا الصلاة و لا الصيام

هلا يا محمد عثمان
ونعم الشبكة ضربت ضرب تاريخي
والمخيخ الكوزي خلاص استوطن فيه عنكبوت الخوف والهلع من مصائر لصوص الشعوب...
ووما فضل ليهم ورقة الا ورقة الاستهبال واللعبثة

وقبل ان نفيق من استهبال (البلف) والضب السناري
عالجنا الوعي الكيزاني بالجراد الاسرائيلي ذلك الجراد الذي قيل بانه مدرب تدريب عالي علي احداث خراب ودمار ويتم توجيه بالرموت كنترول نحو احداثيات الزرع والضرع السوداني....


الانقاذ الخراب العملتو في الزراعة السودانية في طيلة فترتها من خراب
لو هجم جراد العالم كلو علي السودان وعلي مدار 25 سنة ما بعمل كده

الحاج ادم الشهير بابو ساطور ولمن اسرائيل ضربت العمق السوداني في قلب الخرطوم
اطلق مقولة اقترح بان يقام لاحقا وعقب انتصار الثورة السودانية معرضا للوعي في زمن الانحطاط
فسعادة دكتور الهندسة الزراعية لكي يبرر للسقوط العلني قال

كان يجونا بتحت عشان نضاريهم بالسواطير ..او كما قال

انت مبدع رغم سوداوية الحال الا انك البسته ثوب الدعابة ،،
رجاء خاص الا تنسى لزمتك الحلوة على قلبي ((فنيلتك)) حتى تكتمل اللوحة الحزينة المضحكة في بولتيكا الجولة الاخيرة
-----------
متابعة

ودي واحترامي

ولمن خلاص الفساد ونهب مال الشعب اصبحت سيرته عالية خفاقة في سماء السودان الفضل
نجرو ليهم حاجة كده اسمها (فقه السترة) يسترون بعضهم بعضا...وكانت هذه هي مرحلة(ابو قناية) الذي ذهب مع الريح

Quote: انت مبدع رغم سوداوية الحال الا انك البسته ثوب الدعابة ،، رجاء خاص الا تنسى لزمتك الحلوة على قلبي ((فنيلتك)) حتى تكتمل اللوحة الحزينة المضحكة في بولتيكا الجولة الاخيرة

تحياتي يا علي وحياك الغمام والله
ونعم يا علي الحزن يسكن في كل مسام الوطن والغضب الساطع اتي بلا ريب ومهما لف ودور بني كوز

سلسلة فنيلتك تواصلت كثيرا في نواحي الفيس بووووك وحتما ستجدها نااطة في هذا المكان مرة اخري طالما بشة ورهطه من لصوص الشعب لازالو علي سدة حكم ذلك الوطن الجميل

وكل الود والتقدير

وفي مرحله هذه البلوتيكا المستهبلة كان لزاما ان يكون لهذه المرحلة نجومها فلذا نجد شخوص مثل حسبو نسوان وربيع عبدالعاطي وزول كده اسمو سيف بشير
ومتطلبات المرحلة استدعت نفض الغبار عن دجال شهير يسمي بلة الغائب حتي يعود ويجد مكانه في المرحلة وفي الصحف ويبشر بسيادة العهد البشيري لاعوام قادمات...

وعلي المستوي الاسفيري كان عمر ود الباوقة هو الصوت المصاحب لاوركستر الورجغة في السودان الفضل

وان ننسي فلن ننسي عبقرينو العسكرية العربية والافريقية والاسلامية صاحب نظرية الدفاع بالنظر فلقد اتت مقولته كخير افتتاح لمراحل التهتك...

البنك الدولي يوقف تعاملات المركزي السوداني في التجارة الخارجية ( صادر ووارد)

والله ياكيكي ليك وحشة ياخ
ولا نقول كما قال الرجرجة "أردم"
إنما نقول أجزلهم العطاء من هذا الصنف فإنه معذبهم " وإن لبدوا"

هلا ويا صباحات الbrain death الكيزاني..
ونعم يا احمد فهذه الدولة الكيزانية هي دولة الان عابثة وقاعدة سمبلة وغير جديرة بثقة اي منظمة او دول قاااعدة تحترم حاجاتها
فعشان كده الضربات ستاتي من كل حارة وحلة ومنظمة...
انها الدولة التي شوطنت...!!

Quote: والله ياكيكي ليك وحشة ياخ ولا نقول كما قال الرجرجة "أردم" إنما نقول أجزلهم العطاء من هذا الصنف فإنه معذبهم " وإن لبدوا"

هلا يا منعم وشوق الشوق والله..
وقبل يومين قريت ليك مقولة هنا في امر الراعي السوداني اسكرني منطقها حتي الثمالة ووجدت نفسي خاشي لفت في كلك ودبل كلك وفجاة عتلتها الي الفيس بوووك حتي تسير بها الركبان... فالف شكر عليها..
بني كوز يا منعم واعوانهم من الجداد الالكتروني ماعندهم حاجة يقولوها فخلاص الموت الاكلينكي حصل والامور في انتظار الرصاصة الاخيرة التي حتما لن تكن رصاصة للرحمة بل للحساب والعقاب والقبقبة والضرب بالبوت والنبوت في قارعة الطرق لكل من افسد الحياة السودانية

تحياتي يا احمد
وبني كوز خلاص فقدو ثقة كل الدول والمنظمات التي تحترم حاجاتها والسبهللية بتاعتهم وورجغتهم دي مافي ليها طريقة يغشو بيها الناس

Quote: الموت الدماغي (بالإنكليزية: brain death) تعريف قانوني للموت ظهر في الستينات من القرن العشرين نتيجة تطور إمكانيات الإنعاش في المحافظة على التهوية والدوران. التعريف المبسط للموت الدماغي هو التوقف اللاعكوس لكامل نشاط الدماغ، بما في ذلك قدرته على التحكم اللاإرادي بالوظائف الحيوية، نتيجة موت عصبونات الدماغ والقطع الرقبية العليا للنخاع بسبب توقف الدوران والأكسجة، مع استمرار الدوران والتهوية بفضل التهوية الآلية المستمرة. يجب عدم الخلط بين الموت الدماغي والحالة الإنباتية المستديمة.

بعدما لعب المجرم علي عثمان طويلا علي بلوتيكا الاستغفار ولم ياتي ذلك الاستغفار الفشوشي باي مريسة تام زينية تقم صلب بني كوز
نراهم هذه الايام يلاعبون الدعاء الشطرنج وهم علي خيل خيبتهم التي تراكمت
وافتي نائب الريس بشة المشهور بحسبو 6 مليون دولار بان الدعاء هو السلاح النووي الذي تمتلكه الانقاذ....
وعليه نطالب هذه الحكومة الرشيدة بان توقع علي الاتفاقيات العالمية المختصة بالاسلحة النووية وكدا

فليكن عاليا الي حين مساحة وزمن

Quote: التعريف المبسط للموت الدماغي هو التوقف اللاعكوس لكامل نشاط الدماغ، بما في ذلك قدرته على التحكم اللاإرادي بالوظائف الحيوية،

عزيزي كيكي، هل يشمل ذلك ما يخرج من الدبر، فقد أزكموا أنوفنا ياخ
في انتظار عودتك للإجابة

Quote: عزيزي كيكي، هل يشمل ذلك ما يخرج من الدبر، فقد أزكموا أنوفنا ياخ في انتظار عودتك للإجابة

هلا بالصديق التاريخي معاوية
وyou made my day
اضحكتني حتي الثمالة في امر مخرجات الوعي الكيزاني..
والناس ديل يا معاوية خلاااص فاااتو مرحلة التهتك والبوصلة بتاعتهم عبرت (برمودا) سكتة الموت وطاشت اتجاهاتها في كل المناحي
اقتصاد
سياسة داخلية
سياسة اقليمية
مجتمع
دين
مجتمع دولي
تماسك الجسم كيزانية
تحالف مع المجموعات القبلية (الجنجويد نموذجا)
تهتك الخطاب الفكري وفلسفة الدولة الدينية التي قامت عليها ورجغة المشروع الحضاري

كل الحاجات دي وغيرها نجد ان الانقاذ تهتكت فيها وخشت في كوما التهتك وخلاص قاااعدة علي الهبشة والربشة...

وتحياتي يا معاوية وعذرا علي التاخير فاخوك اسفيرو صار اسفير اخير منو حكومة بني كوز ههههههه

صباح الاشطة يا كيكي

Quote: صباح الاشطة يا كيكي

هلا يا بقبق
وصباح الحرية وسلام وعدالة والثورة خيار الشعب

----
ومية مرة يا بقبق بقول ليك يا زول تلب
وفرتق من الناس ديل قبلما تزعمطك الجماهير