Post: #1
Title: فيما يخص .. المفاجأت- المفاوضات- تشكيل الحكومات
Author: عباس الدسيس
Date: 02-24-2014, 08:08 AM
فيما يخص .. المفاجأت- المفاوضات- تشكيل الحكومات
.......
....
..
.
تخيل لو فينا شبه بسيط من الصينيين
تضحك مع اخوك وتديهو كف
وفي الاخر اطلع ابوك
غايتو الكيزان جاطو لينا الامور جوطه
مسطول بكلم في روحو !!!!!!!!!!!!!!!!
|
Post: #2
Title: Re: فيما يخص .. المفاجأت- المفاوضات- تشكيل الحكومات
Author: عباس الدسيس
Date: 02-24-2014, 08:26 AM
Parent: #1
معقوله الناس ديل خلو البلد بقت طاردة للدرجة دي .
أي واحد اقابلو جاي من السودان بعد الونسة واخبار البلد احكي لي نكتت المسطول القديمة......
سألوهو أحلي مكان في السودان وين ؟؟؟
قال ليهم صالة المغادرة
طيب المفاجأت والمفاوضات وتشكيل الحكومات لي شنو !!!!!
|
Post: #3
Title: Re: فيما يخص .. المفاجأت- المفاوضات- تشكيل الحكومات
Author: عباس الدسيس
Date: 02-24-2014, 12:40 PM
Parent: #2
اها دي مني انا ما من مسطول:
عجوز معزومة علي عرس شالت معاها في شنطتها فازلين ومرطب ونيفيا وكريم اساس.
قالو ليها ليه ؟؟؟
قالت انا عارفه ولد بتي قال لي مكتوب في الكرت حاجة فلانه وكريماتها.
حاجة فلانه وكريماتها تلفق مع حكاية الجبهة الاسلاميه القوميه ثم المؤتمر الوطني ثم المؤتمر الشعبي ثم الاصلاح الان وهلم جرا.
ياخ ناس الاصلاح العام ديل لذيذين بشكل ناس كانو في الحكومة وخربو البلد اها بعد اقتنعو بي هم سبب خرابها اسسو حزب سموهوالاصلاح الان يعني نخربا ونجي نصلحا العاجبو عاجبو والما عاجبو ما اصوت لينا في الانتخابات.
وعمك الجلكين الترابي بالله اتقول دبيب اصلو ما بموت شغال بي نظرية الفلم الهندي بطل ما بموت... وكمان قال عندو مفاجأت بتعامل معانا زي ست الروضة مع الاطفال شايله بي وراها حلاوة حربه وتقول ليهم مفاااااااااااااجأة... الحربه التلفحك تاخذك وتريحنا منك.
كده الترابي عندو اربعه احزاب بعد رجوع علي الحاج بمسمي الجبهة الاسلامية القومية عايزين اشكلو حكومة قومية وانزلو انتخابات بالله احنا ريسينا ما فيها قنابير .......... عجيب
|
Post: #4
Title: Re: فيما يخص .. المفاجأت- المفاوضات- تشكيل الحكومات
Author: مني عمسيب
Date: 02-24-2014, 01:10 PM
Parent: #3
الأخ الفاضل الدسيس ..
تحية وطنية خاصة ,,
Quote: .
تخيل لو فينا شبه بسيط من الصينيين
تضحك مع اخوك وتديهو كف
وفي الاخر اطلع ابوك
غايتو الكيزان جاطو لينا الامور جوطه
مسطول بكلم في روحو !!!!!!!!!!!!!!!! |
حقيقة تعبير مبالغة ... وحالتو ده ما بنشبهم يا دسيس يا خوي وعاملين فينا ده كله لو بنشبهم
كان قتلونا كلنا وقالوا مشتبه في الشبه هههههههه . الله يديك العافي يا دسيس وارفع عنا البلاء
حقيقة السودان حبيبنا لكن الحيكومة هم العوازل هههههههههههه . في امان الله ولي قدام .
|
Post: #5
Title: Re: فيما يخص .. المفاجأت- المفاوضات- تشكيل الحكومات
Author: عباس الدسيس
Date: 02-25-2014, 07:45 AM
Parent: #4
Quote: حقيقة تعبير مبالغة ... وحالتو ده ما بنشبهم يا دسيس يا خوي وعاملين فينا ده كله لو بنشبهم
كان قتلونا كلنا وقالوا مشتبه في الشبه هههههههه . الله يديك العافي يا دسيس وارفع عنا البلاء
حقيقة السودان حبيبنا لكن الحيكومة هم العوازل هههههههههههه . في امان الله ولي قدام . |
استاذة مني
سلام وتحية وتقدير
الجماعه جاطو افكارنا وجاطو البلد بصورة خياليه
ما تعرف تركز وين وشغالين بنظرية شتت الكورة والما بتقدر عليهو اكسرو عشان اطلع بره الملعب
بعد ما فقدو كل البطولات العالمية والمحلية رجعو افتشو للكتوش القديم ابو هول النظام الترابي
تحياتي وتقديري
|
|