Post: #1
Title: وين حفيد كرداش*عبدالعزيز عثمان*
Author: سليمان القرشي
Date: 02-24-2014, 06:46 AM
فاقدينك والله ومشتاقين
لي كتاباتك الجميلة
الراقية ان شاء الله
انت بس تكون طيب
والباقي كلو هين
|
Post: #2
Title: Re: وين حفيد كرداش*عبدالعزيز عثمان*
Author: بدرالدين بابكر مصطفى
Date: 02-24-2014, 07:43 AM
Parent: #1
الأخ سليمان
ومعك نسأل عن الزول السمح الفات الكبار والقدرو
هو في السودان غايتو
وشايف في الفيس بوك واحد كدي منزل صور كتيرة
أظنو دا هو ذاتو
واحتمال يكون داير يرتاح من قعاد المكاتب ومناقرة الكيبوردات دي
عموماً إجازتو ما طويلة
نتمنى أنو يكون مستمتع مع أهلو وحبايبو
ولك تحياتي
|
Post: #3
Title: Re: وين حفيد كرداش*عبدالعزيز عثمان*
Author: بدرالدين بابكر مصطفى
Date: 02-25-2014, 07:42 AM
Parent: #2
هذه من صفحة صديقه بانقا النويري
| Quote: لزول ده الايام دي في السودان وعليك امان الله بقي شيخ عديل يفك العارض ويسوي المحايه وإمرق ام الصبيان وغايتو فتوحات شديده |
| Quote: والايام دي متابع لي فحوصات لوالدته وشقيقته وتبقي له اربعه ايام من رجوعه |
|
Post: #4
Title: Re: وين حفيد كرداش*عبدالعزيز عثمان*
Author: عبدالحفيظ ابوسن
Date: 02-25-2014, 07:48 AM
Parent: #3
سلامتهم
وكلمو عليك الله
قول ليهو كملت رصيدي
قدر ما ألقي مس كول ارجع ليهو
|
Post: #5
Title: Re: وين حفيد كرداش*عبدالعزيز عثمان*
Author: بله محمد الفاضل
Date: 02-25-2014, 08:10 AM
Parent: #4
الوصية
نطلب زيارة الشيخ عبد العزيز إلى بلاد الحرمين
وأن تشملنا زيارته الكريمة
ويشوف لينا طريقة في الاكتئاب المغروس في تربة الروح دا
محاية ولا حجاب
والله شوق يا عبد
أخبارك والدنيا أم كرعين مشوية
تحياتي، محبتي واحترامي
|
Post: #6
Title: Re: وين حفيد كرداش*عبدالعزيز عثمان*
Author: سليمان القرشي
Date: 03-01-2014, 01:21 PM
Parent: #2
حباب بدر الدين
ربنا يطمنك ياخ
ونسال الله الشفاء
لاسرته وان يعود
سالما
تسلم ياحبيب
|
|