ياربي ده شمار ولا حسادة

معروف عرفا الشمار حق البنات
لكن شمار من ولد وولد صغيرون قدر ده ح يبقى عليه من شب على شئ شاب عليه
حصلوا لينا الولد مايجيب لينا الكدة او الكفوة ايهما اقرب الى فهمك ايها الشاب الرجل
ولا يكون حاسد السخيل ده على الرضعة المشبعة دي
غايتو من الشمار ماقتل

عادل خياري ود بلدي الحبيبة يا حبيب
سلام وتحية واحترام
.
.
عاين جاي
أنا مافي الشافع الزي المساعدي البعاين للزيت انقط من اللوري
انا في حلة الكتانة وجنبها حفرة دخان ؟ ياخ دا فنان محل التلميح يبقى بعيد يفنن فيهو حجر يرميهو
.
.
عليك الله عاين جاي .... عرفتو ولد كيفن ؟
عاين جاي عليك الله
خالي يوسف الله ارحمو كان سارح وبهايمو راتعات رتعة جد في البرقان
وهو متكيف منتكي على كوعو ويغني ساهي بتطعنو كيف يا الدكتور بتطعنوا كيف ؟
وفجأة جاهو جدي أمحمد نهروا وقال ليهو ابعد البهائم ديل من البرقان بقعن في القطن
خلاهو بعد فات ونظر اليه شذرا وقال ليهو
قول حرقتك الرتعة دي ساهي
قال بقعن في القطن قال

سلام ودالبوش يارهيب
يسعدني مرورك كفرحة صبي ابوه صارف الفردي وجايئ خرجو ملان موز وبرتكان وكمونية
علا عاين انت انا كان قادر اعاين وشفتكم مابفوتكم تاني
عاين واحد شاف الصورة قال
والدليل حب الشمار
وحلة الكنتوش
وحفرة الدخان
كلها حاجات تخص النسوان