الخرطوم تفتتح أطول جسر بأفريقيا نهاية العام.....

أعلنت حكومة ولاية الخرطوم أنها ستفتتح جسر الدباسين الذي سيربط المناطق الجنوبية الواقعة على ضفتي النيل الأبيض في
مدينتي الخرطوم وأمدرمان نهاية العام ، ويعد الجسر هو الأطول من نوعه بأفريقيا بطول 1670 متراً وعرض أكثر من 18 متراً،
وتبلغ كلفة الجسر حوالي45 مليون دولار بعد إعادة تصميمه بمواصفات روعي فيها تحمل الجسر للأحمال الثقيلة، وفرغت الجهات
المختصة بإنشاء الجسرمن العمل الخاص بالمنشآت الخرسانية،ويجري العمل حالياً في تركيب الأجزاء الحديدية التي سيكتمل
العمل فيها بنهاية أبريل المقبل وعزا مسؤول الطرق والجسور بالولاية م. عبد القادر حمد، توقف العمل بالجسر لأكثر من مرة
في السابق لأسباب فنية، لافتاً إلى أن الجسر سيرتبط من الناحية الغربية بشارع المطار الجديد الذي يجري إنشاؤه في
المناطق الجنوبية لمدينة أمدرمان وشرقاً بشارع محلية جبل أولياء عبر كبري طائر، وأكد أن المشروع
يمثل إضافة كبيرة لحركة النقل في ولاية الخرطوم معتبراً أن الجسر سيكون متنفساً حقيقياً لوسط العاصمة.

[IMG]https://encrypted-tbn1.gstatic.com/images?q=tbn:ANd9GcRRlAEbj-aQVmjp9MRLJQl_FWPcbFidqI1QDtYZ938PnGU2f6W-eA[/IMG

هيكل الجسر

يا باوقة
سلام عليكم
دا ياهو حق الصالحة؟
لو ياهو عندي واحد صاحبي عنده قطعتين فاتحات على الشارع بعد الكبري مباشرة عشان نمشي نرمم علاقاتنا معاهو
اها الراعي سويت معاهو شنو؟ غايتو لو ما عشيتو من كودو يكون بالغت

Quote: اها الراعي سويت معاهو شنو؟ غايتو لو ما عشيتو من كودو يكون بالغت

الراعي واعي

شكرا عمران

بارك الله فيك

السُحُب اللي في الصورة يا باوقة، أأنتم انشأتموهابرضو.
بلكي،، على قولة الشوام

Quote: السُحُب اللي في الصورة يا باوقة، أأنتم انشأتموهابرضو. بلكي،، على قولة الشوام

نحن عملنا الكبري بس

ما قلت رايك فيهو شنو

طوالي مشيت للسحب

سبحان الله

حتبقي علينا قصة الزوول القال لصاحبو: شايف الكبري دااك؟
قال ليهو لا ما شايفو.وينو؟
قال ليهو كله في جيبي هنا..
غايتو البلد بقت قاعدة هكرة..

منقول ..

جسر 6 أكتوبر، أو كوبري 6 أكتوبر كما يعرف في مصر، يعد أطول الجسور في مصر وأفريقيا ويمتد من المتحف الزراعي بالدقي بمحافظة الجيزة وحتى طريق النصر بمدينة نصر بالقاهرة مرورا بالزمالك وأشهر ميادين القاهرة وهو ميدان التحرير وأكثر ميادين القاهرة ازدحاماً وهو ميدان رمسيس.
السيارت على الجسر. يبلغ طول الكوبري 20.5 كم وتكلف 477 مليون جنيه مصري ،تم تنفيذه على 9 مراحل وبدأ انشاؤه في مايو 1969 وانتهي اغسطس 1999 وقد توقف البناء فيه لمدة 10 سنوات نتيجة للظروف الاقتصادية التي مرت بها مصر وأثناء بناء المرحلة الرابعة منه عام 1973 قامت حرب أكتوبر فتم تغيير اسمه من كوبري رمسيس إلى 6 أكتوبر ويمثل العمود الفقري لشبكة الطرق الداخلية بالقاهرة ويربط مصر الجديدة ومدينة نصر ووسط البلد والجيزة

طول جسر الدباسين حسب خبر الأخ ود الباوقة "ويعد الجسر هو الأطول من نوعه بأفريقيا بطول 1670 متر" يعني كيلو و نص مع حبة ذيادة.

طول كبري ستة أكتوبر " يبلغ طول الكوبري 20.5 كم " .

ما بعرف ولعنا شنو بأكبر ؟؟ أطول ؟ أضخم ؟

Quote: مدينتي الخرطوم وأمدرمان نهاية العام ، ويعد الجسر هو الأطول من نوعه بأفريقيا بطول 1670 متراً وعرض أكثر من 18 متراً،

بلاش كذب وتلفيق


اطول جسر علي الماء يوجد في نيجيريا طوله 11200 متر
يعني 11 كيلو وحبه كده

جسركم ال 2 كيلو ما تاميها يبقي كيف يعني اطول جسر
في إفريقيا

إتقوا الله عشان يجعل لينا مخرج من الدمار الدخلتونا فيه

.
.
.
.
.

طول كوبري كوستي ربك 2130 منر
تم تنفبذه بواسطة شركة ايطالية اوائل الثمانينيات
..
..

يا جماعة براحة على ود الباوغة

ود الباوغة قصدو أطول كبري في افريقيا من ناحية الزمن الأخدوا لحدي ما خلص. أو حيخلص.


برضه عندنا المدينة الرياضية حتكون أطول مدينة في العالم من ناحية الزمن الإستغرقته لحدي ما حتكمل، شايفين كيف؟

ما يقصده ود الباوقة جسر فوق النيل. كوبري 6 أكتوبر يعبر النيل في مسافة لا تتعدي ال50 متر والباقي ماشي في الهواء وفوق الشوارع ولهذا لا يمكن مقارنته بكبري الدباسين. يقول الإنجليز:
Compare like to like.
بس حكاية أحلى السكر ولا أسرع الحصان ما بتمشي هنا. ما زال جسر الدباسين أطول كبري في القارة الأفريقية. عندنا نيل تمام مش زي المجرى المائي في مصر.
تحياتي.

كبـّاشي الصـّـافي
(العوج راي والعديل راي) .

والله ياجماعة حكاية اكبر وارقي وشنو ماعارف في افريقيا والوطن العربي انا ماعارف الناس بتقيسها كيف! الواحد يبني ليهو غرفتين خلف خلاف وبرندة يكون ليك دا اكبر مصنع في افريقيا..!! والجامعة الفلانية التي كانت في الاصل مدرسة متوسطة ستكون منارة العلم لافريقيا جنوب الصحراء...صحيح ماشاف البحر بندهش بالترعة..

سؤال بري ياباوقة
الكوبري ده ح يعملوه قبل مترو الانفاق بتاعك الزماااااااااااااااااااااااااااان داك ولا بعدو
سلام لسيد البوست والمتداخلين المتفائلين والمشككين

لا تكذب يا ود الباوقة
انا ساكن الفتيحاب وعارف محل الكبري في الصالحة

ارجوك ان تتحرى الصدق قبل فوات الاوآن
فالمصريون سبقونا في الكباري
وكثير من الدول الافريقية
وراقب نفسك قبل كل كلمة
واتقي ربك
وسوف تحاسب يوم مماتك في قبرك ويوم بعثت في القيامة
والله هو الهادي
يارب اهدينا ولاتجعلنا من الكذابين والمنافقين
اللهم اصلح حالنا فنحن عبيدك نرفع اكفنا اليك يا الله
اللهم لاتكتبنا مع ذمرة الكذابين فاجعلنا من الصادقين الذين لايخافون سلطاناً جائر واصحاب اموال
اللهم امتنا مع الصادقين واحشرنا مع الحبيب المصطفى محمد صلى الله عليه وسلم
ولاتجعل لنا بيتاً تم تشيده من الحرام ولاسيارة اشتريته بالحرام
اللهم ارزقني رزقناً حلالاً الى يوم مماتي واجعل رزقي واموالي صدقة للبشرية

امين .. امين ..امين