متفونين عصور الانحطاط ..عضو المنبرمصطفي توفيق او اي كان اسمه نموذجا....!!!

Quote: بصراحة القميص زوق فلاتة يشبه القماش الكنغولى ذو الالوان الصارخة

صاحب العبارة اعلاه عضو في هذا المنبر ورشح بانه فنان...!!!
اخر تقليعات الشباب قميص اسمو عودة عرمان ( صورة )
وانا ماعارف المنبر ده بجيب الفنانين الزي اخونا ده من وووين...؟؟
وياتو فن زاااتو ممكن يخدم البشرية ويكون اساسا هو طالع من مخيخ بني ادم بقول كلامات زي دي؟؟

كركبة نوعية علي خفيف كده..؟؟
ودعوي للعضو اعلاه الذي لو دق راسو بالحيطة ما بقدر يقنعني بانو فنان .. لانو الفن قيمة ورسالة ووعي متجاوز للفهم والوعي العنصري..
وفرصة زاااتو نشوف زوق الفلاتة ده كيف ملامحه وعلاقته شنو بقميص ياسر عرمان
ولو لقينا براااااح احتمال نقارن الازياء في افريقيا دي وندي الزول القالو فنان ده وانا بقول ما فنان درس عصر في أي حاجة مختصة بهذا الشان

وسنعود

أنا عنـصري وكافر بما تعتقدون فيه ....

Quote: وانا ماعارف المنبر ده بجيب الفنانين الزي اخونا ده من وووين...؟؟ وياتو فن زاااتو ممكن يخدم البشرية ويكون اساسا هو طالع من مخيخ بني ادم بقول كلامات زي دي؟؟

يا عبد الكريم اخوي و الله المنبر بقى زي البحر كل يوم جايبلو فطيسة

Quote: بصراحة القميص زوق فلاتة يشبه القماش الكنغولى ذو الالوان الصارخة

اهه هسى متل دا جا رمى كلامو ضربة لازب انتاشت قبيلة كاملة
دون ان يرمش له جفن.
اهه تعال يا ملك الذوق ورينا ذوق الفلاتة مالو و انت شفتو وين و عرفتو متين؟


تقديري الاكيد

Quote: يا عبد الكريم اخوي و الله المنبر بقى زي البحر كل يوم جايبلو فطيسة

هلا يا امجد وحبابك يااااخ
وكبيوردات يا امجد مطلوقة في السهلة سااااااااكت وفي كل حرف من حروفها تعكس وعيها الموغلة في الركاكة
واستهبال تاريخي وابتزال حقيقي لماهية الاشياء
ولمن زول يقولو عليهو فنان خليك من زول عااادي ينتج كلام خارم بارم وفيهو محاولة محمومة وسبق اصرار وترصد بالاخريين وعنصرية فجة تبقي القصة ابتزال ...
وزي ديل ضروري يتعمل ليهم زووووووووووم اووووووووووت وتجيبو في السهلة دي وتدرشو درش الجن عشان تاني قبل ما يكتب أي حرف في أي حتة يعمل حسابو

فاتني في هذه الزحمة ان اقول ليك

زوق فلاتة بتاع فنيلتك..!!

Quote: ولمن زول يقولو عليهو فنان خليك من زول عااادي ينتج كلام خارم بارم وفيهو محاولة محمومة وسبق اصرار وترصد بالاخريين وعنصرية فجة تبقي القصة ابتزال ...

و الله اضحكتني اضحك الله سنك
فنان يا عبد الكريم يا حليل زمن الفن
نحن في زمن

Quote: كل امرئ يحتل فى السودان غير مكانه المال عند بخيــــــله والسيف عند ########ه والمـرء ليس بأصغريـه بقـلبه ولســـانه بل باكـتمـال روائـه وريـائه ودهـانــــه وطن لو أن الحر لا يصبـو إلى أوطانه ما كان لى شأن بذلـــته ورفعــة شـــانه

انت قايل الذوق تردى من شوية ما من النوعية دي
و و الله رأيت منهم بام عيني ما يندى له الجبين
معظمهم صعاليك يتقحمون الفن و هناك قلة مهذبة
محترمة جدا و لكن ظهورها قليل لا ادري لماذا

Quote: انت قايل الذوق تردى من شوية ما من النوعية دي و و الله رأيت منهم بام عيني ما يندى له الجبين معظمهم صعاليك يتقحمون الفن و هناك قلة مهذبة محترمة جدا و لكن ظهورها قليل لا ادري لماذا

هلا يا امجد وحياك الغمام والله...
وده زمن ردئي والمعايير فيهو مكوجنة كوجين شديد وصفصف ده نموذج حقيقي لما الت له الاشياء في السودان الفضل ده..
والغريبة في الامر وبعد نافوخو الفاضي ده متابط ليهو كيبورد ومدخل كيبوردو مع كيبورد الكتبة....
وجوهر مداخلته هي محاولة لنقد ياسر عرمان كسياسي يعني صفصف وبنقده هذا يقدم مشروع بديل لما ينادي به ياسر عرمان..
اها تعال شوف ادوات ولغة اخونا فنان الغفلة الداير يقدم بيها مشروعو البديل
سخرية من الاخر وعنصرية فجة ولسان طالع طويل من فاخورة جوفاء نالت الفلاتة وبدبل كيك رش معاهم اخوتنا في الكنغو...
---
يا سسلام يااخ ويا حليل زمن الوعي السوداني البغني للكنغو

عالم وهم يا امجد ومتعة مشحونة برنة حزن لهكذا حال واحوال مصطفية توفيقية قيل بانها فنانة ونحن نقول لعععععععععع
ليس بفنانة بل جاهلة وموغلة في الجهالة تلك هي المخيلة والمخيخ المصطفوي التوفيقي


وسنتابع

سلام ياهندسة
كلام شين شين

Quote: المستنير وهبة · الأكثر تعليقا · Khartoum, Sudan هلا يا كركبة يا حليلك وحليل ايامك ياخ هههههههههه رد · أعجبني · متابعة المنشور · منذ ‏13‏ دقيقة

يا خال و الله بكري منعنا من ان نستمتع بوجودك و حديثك
ما عارف لشنو بكري بجفف في مواضع الجمال في منبرو
على كل حال انت موجود بيننا.

عارف يا كيكي .

القميص دا موضته طلعت قبل سنوات ومنتشرة في دول أوربية كتيرة ..
أنا ذاتي إستغربت إنو يادوب وصل السودان ..مع إنو مع العولمة دي السودان بقى مواكب في القشور بالذات !

______

وغايتو العنصري البائس وقع وما سمى هههههههه

فنان آآآل ..
فنان بفن في ياتو نوع من أنواع الفنون إنشاء الله ؟!!

هسه كمان في الصراعات العنصرية في المنبر ما يفوتك ..
بقى في موضة (الدفاع بالصور ) ....:)

كل واحد يقول للتاني : أها دي صورتي ..نزل لي صورتك كان تقدر .

ومع صورتي وصورتك ..وكورتي وكورتك ..
البورد بقى نموذج لسودان المشروع اللا حضاري ولا إسلامي !

محن !!

سلامات يا كيكي
رغم قلة النشاط لكن برضو لياقة تك ما شا الله .

سلام مربع يا هندسة

تمام نواحى الفيس غيبتك عن المنبر الذى إمتلأ بالغث والعنصرية والإساءة

الآن معظم الكتاب المسؤولين تركوا المنبر ولا يتداخلون إلا فى بوستات الأتراح!

نشكو الأمر لله ولاحول ولا قوة إلا بالله....

ما بيهمنى ياسر عرمان يلبس شنو..
ولا الناس تلبس شنو وتقول عودة ياسر عرمان...
ان شاء الله يلبس بدلة اعدام حتى...
لكين لما نجى للازياء بتاعة الفلاته..
نشوف نيجيريا بتلبس شنو..
أجمل الازياء..
الفضفاضة ذات الالوان ألافريقية الخالصة..
بتعكس ثقافتهم وروحهم الشفافة...
أو نشوف نساء الآمبررو ونوع الازياء البيلبسنها...
هن ورجالهن..
وألاكسسوارات المافيش فى افريقيا كلها..
زوق يتحداها...

الاشارة الى الفلاته بالاسلوب القاسي والمؤلم دا...
يا هو سبب ازمة السودان كله...
وأقطع ضراعى لو القال الكلام دا فنان..
لآنه الفن ذوق مرهف....
و احساس بمشاعر الآخرين...
مش ساطور يشيله وينزل بيه على رؤوس قابائل كاملة..
على صمة خشمها..

غايتو السودان دا حيرانا عديل كدا..

المكبوت في اللا وعي يا كيكي يظهر للواقع في شكل زلة لسان أو فعل ما
ومصطفى توفيق ليس وحده. فالأمر موروث في المجتمع، لا يتم التخلص منه إلا عبر كفاح طويل ضد النفس
عليه لا بأس من جعل توفيق نموذجا يتم عبر تحليله كشف تجذر العنصرية في مجتمعنا
وقد تكون هذه مناسبة للقول للغافلين من السودانيين إن الآخرين أيضا ينظرون إليهم نفس النظرة الدونية
فالتعنصر آفة إنسانية لا تقتصر على عنصر بعينه أو أمة بذاتها
فرفقا صديقي كيكي، وليكن تشريحك درسا للجميع
وندعو الزميل مصطفى توفيق للاعتذار عن هفوته إذا اعترف بكونها كذلك

الأخ الكريم / عبد الكريم

مع التحية ، لست هنا بصدد الدفاع عن أخي مصطفي توفيق ولكن نقول الحق أن الكلام الصادر منه غير مقبول ، ولكن ليس بالذي يفرد له بوست لكي يتم إنتقاده من الجميع وباساليب مختلفة كأنه النموذج الذي يمثل عصر الانحطاط ، فمصطفى لم نراه يوم في موضع مشاكل بل هو إنسان مسالم ولم يسئ لأحد ، وإن كانت هذه هفوة فلا مانع من ترسل له في الخاص بكلام طيب مؤثر ، وهنا يدور في المنبر أساليب عنصرية قبيحة جداً علاوة على ذلك بعض الايحاءات الخارجة عن حدود الأدب واللياقة ، فمثل هذه الأمور أولى في الانتقاد . ولكم إحترامي والله من وراء القصد

كلام بايخ
ومرفوض

الأخ الكريم / عبد الكريم

(آسف الإقتباس ما شغال معاي .. فشلت كلام الأخ ولياب بضبانتو .. وجبتو هنا)

مع التحية ، لست هنا بصدد الدفاع عن أخي مصطفي توفيق ولكن نقول الحق أن الكلام الصادر منه غير مقبول ، ولكن ليس بالذي يفرد له بوست لكي يتم إنتقاده من الجميع وباساليب مختلفة كأنه النموذج الذي يمثل عصر الانحطاط ، فمصطفى لم نراه يوم في موضع مشاكل بل هو إنسان مسالم ولم يسئ لأحد ، وإن كانت هذه هفوة فلا مانع من ترسل له في الخاص بكلام طيب مؤثر ، وهنا يدور في المنبر أساليب عنصرية قبيحة جداً علاوة على ذلك بعض الايحاءات الخارجة عن حدود الأدب واللياقة ، فمثل هذه الأمور أولى في الانتقاد . ولكم إحترامي والله من وراء القصد..

بس حابي أضيف الكلمتين ديل ..

الأخ مصطفى راجل رائع للغاية يا عبد الكريم .. وصدقني لو قابلتو حتحبو من أول وهلة .. وأكيد .. أكيد .. هو لا يقصد الإساءة لأيِّ جنس ولا كتب ما كتب من منطلق عنصري .. وأتمنى إنه يجي هنا ويوضح موقفو وقصدو من الكلام الكتبو ..
والله من وراء القصد أيضاً ..

.

كتب ولياب:
***
مع التحية ، لست هنا بصدد الدفاع عن أخي مصطفي توفيق ولكن نقول الحق أن الكلام الصادر منه غير مقبول ، ولكن ليس بالذي يفرد له بوست لكي يتم إنتقاده من الجميع وباساليب مختلفة كأنه النموذج الذي يمثل عصر الانحطاط ، فمصطفى لم نراه يوم في موضع مشاكل بل هو إنسان مسالم ولم يسئ لأحد ، وإن كانت هذه هفوة فلا مانع من ترسل له في الخاص بكلام طيب مؤثر ، وهنا يدور في المنبر أساليب عنصرية قبيحة جداً علاوة على ذلك بعض الايحاءات الخارجة عن حدود الأدب واللياقة ، فمثل هذه الأمور أولى في الانتقاد . ولكم إحترامي والله من وراء القصد
***
صدقت ياولياب الكلام الصادر عن أخيك (ربما مجازا) مصطفى توفيق غير مقبول وهذا يحمد لك
لكن لست أنت يا ولياب من يحدد لعبدالكريم الطريقة الى يرد بها خاصة أن عبدالكريم ليس تلميذ او إبنك بل عضو منبر يفتح بوست متى شاء
والوحيد المناط به منعه هو بكرى صاحب المنبر ولست أنت .
هذه نقطة .
قلت أن مصطفى إنسان مسالم وليم يسي لأحد ..
طيب لماذا فتح عبد الكريم البوست إن لم يحس بإساءة تجاه قبيلته ؟؟
هل أنت فى موقع يتيح لك تحديد تعرض إنسان إساءة أم أنت مجرد عضو مثلنا جميعا ؟
قلت ياولياب لعبدالكريم لامانع من إرسال رسالة فى الخاصة لمصطفى بكلام طيب مؤثر
طالما تعرف ياولياب أن فى المنبر مسنجر لماذا لاتستعمله لمخاطبة مصطفى حول كلامه بدل عن توجيه نصح لعبدالكريم ليفعل ذلك
من أعطاك حق تحديد لعبدالكريم الوسائل التى يجب عليه إستعمالها ؟.
أخيرا مصطفى توفيق أول مرة أسمع إسمه فى هذا البوست
لكن وضح أن الفرق بينه والطيب مصطفى هو أن الثانى يكتب فى الإنتباهة والأول يكتب هنا فى المنبر العام
مع تأكيدى ان المنبر العام يعج كثيرا بنماذج عنصرية وجاهلة (حسب حديث المصطفى ) من لدن الطيب مصطفى ومصطفى توفيق
وأسِوأ إنجاز لبكرى هو توفيره مساحة للعنصريين مثل مصطفى توفيق وغيره فى دلق أورامهم العنصرية التى تنم عن جهل وقبح حتى إن سبقوا أسمائهم بلقب (فنان )
وما أقبح الفن حين يكون ملتصقا بعنصرى .
* تنبيه :
المنبر العام منبر حوار ولا يتوقع أحد يكتب مداخلة أن نبصم عليها بالعشرة ..
تحية وهبة فى المسنجر وقبحا لمنبر يتم إيقاف رجل شجاع زى وهبة عن التداخل فيه .

فوق

يحق لي ان اختلف معك سياسا او دينيا اومدهبيا او طائفيا
وان اهد اسس انتمائك (المدكورة اعلاه ) بالنقد المؤسس او بالسخرية
لكن ليس هناك مجال /فضاء /للاختلاف في الادمية والانتماء للانسانية
فكيكي التفكيكي لايحتاج الي كتابة (استرحام ) مؤثرعبر الماسنجر لصاحب الجلالة الفنان
او يعض اصابع الندم لعدم معرفته بالفنان ..... لان الفنان كان علي سجيته وقال بصراحة ....
هل يلتقي الفن بالجهل ؟
يصعب الاستشهاد بالمتنبي في منبرنا لكن للضرؤرة احكام
وفي الجهل قبل الموت موت لاهله
فاجسامهم قبل القبور قبور
وان امراً لم يحي بالعلم ميتُ
فليس له حتي النشور نشورB]

هلا والله بكبير دهاقنة التفكيك وحش الأسافير كيكي .. ليك الشوق عظيم يا خبير .
و عايز أؤكد لمصطفي توفيق يقيني من أن ذوق الفلاتة حلو وأنيق ويحتذي به موضة عديل كدا خصوصا في اللبس .
ويبقي السؤال ليك يا كيكي ما العنصرية فيما قاله مصطفي ؟؟ وهل مثلا لو قال اللبس
ذوق عرب واللا هدندوة واللا أية قبيلة غير الفلاتة سيحمل كلامو ذات تفسيرك عاليه ؟
...........................................

آدم صيام شايفك تحت قلتا عايز تنط هنا .. أوع .

هلا وغلا بالجميع وحياكم الغمام كلكم والله وبالاسم كمان
وعودة الي وصايا الاخ ولياب فيا ولياب سمبلي الكلام اتقال في الفضاء الطلق فعليه الرد عليه يجب ان يكون في الفضاء الطلق
فانا لست بالناطق الرسمي بجموع تلك القبيلة لذا لا ينبغي علي ان ابركت في الماسنجرات حتي انهي موضوع سخرية تمسهم ولكن طالما انا عضو في هذا المنبر والمتفونن المشهورر عضو فيه
فها نحن نمارس دورنا الطبيعي في الجدل ودي مهمتي ومهمته في هذا المنبر... هو يقول والتاني يقوووول وبيينا صفحات هذا المنبر...

ويا طلحة الزول ده لو سخر او كما سخر من أي قبيلة في العالم تبقي الاشارة العنصرية متواجدة.. فلاتا ..حبش.. شوايقية او هدندوة
وساعتها انا برضو لو لقيت فرصة بجي بقول نفس الكلام لانو القصة ما فلاتة وبس بل القصة مناهضة للفعل والوعي العنصري والاشارة السالبة في السخرية من القبائل ...

البوست ده جلست يومين قرفصاء عسي ولعل ان يمر الزول القالو فنان وانا بقول ما فنان ويشرح منطلقاته وسمح الكلام في خشم سيدو ..ولكن يبدو انو ابو الشباب ما داير معانا لتقديراته فعليه سيبقي البوست عاليا خفاقا...
وفرصة زااتو نوضح الجهل المركب المشحون بالوعي العنصري في اشارته
القميص ده ما لبس فلاتة زااااتو
وهو في سليل منطقة الكنغو (ويسمي الكنغولي) وانتشر سريعا في منطقة شرق افريقيا وغربها وصارت موضاته متنوعة وصا ر سمة افريقيا
وطالما افريقيا ما كلها فلاتة فوصف ارتداء هذا القميص بالذوق الفلاتي فهي اشارة تنم عن فهم مكوجن وحاصلة فيها بسترة عشان تغذي السخرية والوعي العنصري

تاملات علي السريع كده مربوطة بربط الذوق بالتركيبة الاثنية واسئلة للاجابة لمن استطاع الي الكلك سسبيلا...
افرض هناك زول من قبيلة معينة مولود فيي القضارف
وزول تاني من نفس القبيلة مولود في سنجة
وزول تاني من نفس القبيلة مولود في تمبكتو
زول رابع من نفس القبيلة مولود في العباسية...

وكل زول من الناس ديل قرر يمشي يشتري بنطلون وقميص وسروال
فهل هنالك في مخيخ كل واحد من الناس حاجة مشتركة تخليهم يشتروا القمصان والبناطلين والسراويل دي وتكون متجانسة علي مستوي الالوان
والحاجة المشتركة دي شنو...
واخونا رب الفن ده وصل لييها كيف وارسلها كمقولة بل سهولة ويسر وقفل كمبيوترو ومشي نام قرير العيون

Quote: افرض هناك زول من قبيلة معينة مولود فيي القضارف وزول تاني من نفس القبيلة مولود في سنجة وزول تاني من نفس القبيلة مولود في تمبكتو زول رابع من نفس القبيلة مولود في العباسية... وكل زول من الناس ديل قرر يمشي يشتري بنطلون وقميص وسروال فهل هنالك في مخيخ كل واحد من الناس حاجة مشتركة تخليهم يشتروا القمصان والبناطلين والسراويل دي وتكون متجانسة علي مستوي الالوان والحاجة المشتركة دي شنو...

شوف يا كيكى
حسب نظرية مصطفى المنحط:
وخليك من البنطلون والسروال - إذا كان القميص (عودة عرمان) الناس ديل بكونوا فلاتة تب

Quote: واخونا رب الفن ده وصل لييها كيف

قطع شك مصطفى المنحط كان شغال كمسارى فى باص
(ابشى - الفاشر - الخرتوم وبالعكس )

________________________

آخرة كوم تراب يا ناس
أضحكوا شوية.....

_________________________

الله يحفظ اهلنا الفلاتة
ما شفنا فيهم لا كذاب ولا حرامى ولا خائن.....

والله لو فعلا قاصد السخرية يبقي راكبو العين وما يعدلو إلا اعتذار واضح وصريح.
و ..................
يا هندسة ياخ رد السلام بايتين معاك ؟؟؟؟؟؟؟؟

Quote: يا هندسة ياخ رد السلام بايتين معاك ؟؟؟؟؟؟؟؟

هههههههههههههههه
والله يا طلحة مشتاقين
وياااخ حياكم الغمام الرشينا فووووق دي عوووودك راكب فيها...

شوق شديد يا طلحة ليك ولهذا المكان ولكل اهله بكل ما فيه من متورجغين

وكل الود يا زول يا مريخابي يا طائر ههههههه

Quote: يا مريخابي يا طائر ههههههه

أهاااااااااااا بدينا الغلط ؟؟؟
ما باقي ليك إلا تقول و نصلح الساعات .

Quote: وهو في سليل منطقة الكنغو (ويسمي الكنغولي) وانتشر سريعا في منطقة شرق افريقيا وغربها وصارت موضاته متنوعة وصا ر سمة افريقيا

كيكي التفكيكي
فكك كلامك يااخي حتي يتيسر الفهم
رجال امن نميري كانوا يرتدون (البدلة الكنغولي )
بدلة لاتنتمي لي بدل العالم الاول بل استمدت اسمها من افريقيا ومن الكنغو
والكنغوا لم تقتصر ريادتها في عالم الازياء والموضة المستنسخه بل هي رائدة
في التوثيق لفن(بما اننا بصدد الفنانين) الغناء في شرق ووسط وغرب افريقيا
فكما كانت مدينة حلب (في سوريا ) مركز لتسجيلات التراث الفني للعراق والشام ومصر
فالكنغوا تعد مركز توثيق لفن شرق ووسط وغرب افريقيا
فكفك يااخي ربنا يفكك همومك

هلا يا محجوب
والتحية عبرك لكل الاخوة والاخوات الذين ظلو يسجلون موقفا واضحا تجاه الاشارات العنصرية السالبة التي ظلت تجرجر الانسانية بصورة عامة وبلاد السودان الي عصور التخلف والجهل وارثتنا بكل اسف سلطة تدق اجراس العنصرية عيانا وبيانا عبرها كل حراكها المتورجغ...

وبعودة الي بلاد الكنغو ذلك البلد الجميل بكل مكوناته نجد بداية السبعينات هي الفترة التي شهدت سطوة التمدد الفني تحديدا في الدول المجاورة غربا وشرقا وشمالا ثم جنوبا لالحان الزايكو لانقا لانقا ولاحقا اتي كوفي لانقا لانقا وصرع بموسيقيته الافريقية الصاخبة ذات الايقاعات التي تحاكي روعة الغابة وسادت (الجالوه) وسكنت ليالي فرح كثيرة في البيوتات والنوادي والحانات التي لن يحلو لانسان تلك البللدان الجلوس علي كراسيها الا والحان الزايكو هي من تناديه للرقص المموسق الرهيب
المشحون بدراما حركة الجسد الافريقي المبدع...
الكنغو في سطوتها وبجانب تصديرها للالحان صدرت للجوار الافريقي بل لافريقيا كلها ازياء صارت وبعد سنين قليلة هي سمة من سمات الزي الافريقي فهذا القميص موضع النقاش في اول ظهور كان متوشح بصور الروساء الافارقة ثم رسومات مبدعة بالوان زاهية وصاخبة وكان رجالي ونسائي مع ملاحطة بان الفيرشن النسائي متعدد في انواعه فالبعص من يتكون من عدة قطع وهنالك ايضا ربطة في الراس بتكون بنفس الوان اللبسة...
---

البدلة الكنغولي التي كان يلبسها (امنجية النميري) ويمكن ان يطلق عليها (سفاري) والسفاري كلمة لو تتبعنا اصولها اعتقد بانها من السواحلية و كينيا ويوغندا ذات اللسان السواحلي هم اكثر الدول تاثرا بالصرعة الكنغولية في كل شي بحكم قرب المسافات والتداخل والتجارة ..نجد ايضا الجنوب السوداني وخاصة مناطق طمبرة وتوريت وانذارا مناطق ليس ببيعدة من السطوة المباشرة للسطوة الفنية واللبسية الكنغولية الساحرة

الفلاتة او استعملنا الوعي الشعبي السوداني الذي يربط ركزتهم بنجيريا
نجد ان الزي النجيري هو (القراند باو باو) او الرجل العظيم ويطلق عليه العامة (القرم بوبو) وجلابية نص كده وعليها سروال ثم طاقية بنفس اللون ... لاحظت في السودان في الاونة الاخيرة انتشار هذا النمط من اللبس ..ويشابه الزي الانصاري (علي الله)
ورغم انو نيجريا ليس هي الموطن الافريقي الوحيد للفلاتة او الفولاني فهنالك امتدادات في مالي وفي بوركينا فاسو والطبيعة الرعوية لتلك القبائل تجعل منها لابسة لبسات اقرب الي الجلابية والسروال الطويل ولكن ليس علي طريقة القراند باو باو بل زي اكثر بسالة واقل اناقة ويمثل زي الرعاة بصورة عامة...

ده جهل مريع وعدم حساسية
مافي حاجة اسمها زوق فلاتة و وزوق همباتة ، الازياء الشعبية هي منتوج ثقافي اولدته ظروف ثقافية - ايكولوجية محددة ويمكن ان يزول بزوال الظروف او ان يظل كسمة محددة للثقافة التي انتجته مثل الجلابية والتوب او الاسكيرت بتاع الايرلنديين ، القرقاب في اليمن والقرن الافريقي وغيرها ، ولذا لا مجال للسخرية ابدا في كل ما هو ثقافي ..
لا يجب الدفاع عن مثله حتى وان لم يقصد لأنه اساء لقطاع عريض من الناس ..
تحياتي

Quote: بصراحة القميص زوق فلاتة يشبه القماش الكنغولى ذو الالوان الصارخة

وين الشين في الكلام أعلاه.. [ذوق فلاتة] لأنو [ألوانو صارِخة] أها وين الشنا هِنا، ممكِن تنقُدو الكلام الفوق ده بِجِهة إنو [الألوان الصارِخة] جميلة/قبيحة.. مُحببه/بغيضة.. ظريفة/بايخه.. مُمكِن تقولو إنو الكتب الكلام ده ما عندو ذوق في ألأوان الألبِسة والموضة و... و... و لكِن يِكون الكلام إنتو قريتوهو ومرقتوهو كَدي بالصلاة على النبي، عُنصُري، والله السيف المُصلِتنو فوق رِقاب الناس ده ما عارفو حدو وين.

أي كلام ممكِن الزول المُتحَيِل يِحوِلو لِكلام عُنصُري، خُد عِنْدك قَول الله تعالى <يَوْمَ تَبْيَضُّ وُجُوهٌ وَتَسْوَدُّ وُجُوهٌ فَأَمَّا الَّذِينَ اسْوَدَّتْ وُجُوهُهُمْ أَكَفَرْتُم بَعْدَ إِيمَانِكُمْ فَذُوقُواْ الْعَذَابَ بِمَا كُنتُمْ تَكْفُرُون * وَأَمَّا الَّذِينَ ابْيَضَّتْ وُجُوهُهُمْ فَفِي رَحْمَةِ اللَّهِ هُمْ فِيهَا خَالِدُونَ> 106-107 آل عِمْران. يعني البياض والسواد الوردَن في الآية الكريمة دي وبِفهم مريض وملان عُقَدْ، هُما -أي البياض والسواد- بحدِدو مكانة البني آدم يوم القِيامة، نعم في زول أسود مِن الليل لامِن الكهربا تقطع زي ده حنشوف وشو يوم القيامة بِصالِح أعمالو أبْيَض الوجه وفي زول أبْيضَ مِن كريمة الفانليا يوم القِيامة بأعمالو الزي الزفت حنشوف وشو زي السجم، حتتفزلكو وتتنطعو وتأوِلو والمُفسِر قال كَدي والعالِم قال كَدي، ياهو البياض رب العالمين رافعو على السواد، أنا بتكلم عن فهم وعُقد الزول هو البسحبو على أي كلام أكان كلام زول ولا حتى كلام رب العِباد، الكلام الفوق -الإقتِباس- ما فوقو أي شنه بِالمره، إنتو بس نضِفو المُضغ الجُواكُم وبطِلو الإتهامات البترموها بِنشاب عُقدكُمْ دي.. ماف شي بِضُر بأي قضِية/فِكرة إلا السادة المُصفِقين السرمدِيين.. المُطبِلين.. ناس البَوْتقة المُتجزِة في سديم البُعد المُسخسِخ في إطار كيونة البنفسج

الألوان الصارِخة البلبِسوها الفلاتة أنا ما بحبها.. بلدِية وفيها إبْتِذال.. أها شنو

Up.

الف تحية يا عبدالله ادريس علي الموقف الواضح الصريح

----
وهلا ياعزام وبرضو الف تحية ياعزام علي تماسك خطابك العنصري المقيم في نواحي سودانيز ويا عزام لو قلت أي كلام غير كلامك ده انا احتمال حسسع ادور وامشي سوق الغنم نواحي الدوحة واجيب خروف واقول الانسانية كسبت معركة مع رائد الوعي العنصري وكاااااااخ اضبح الخروف وسجن سجن بلدية بلدية غرامة غرامة(كونك عارف انو الضبح في السلخانة وكدا في الدوحة دي)

وعموما شكرا علي مرورك وتاكد في مرورك بان المعركة مع الوعي العنصري لابدن ان تنتصر فيها الانسانية وينتصر فيها السودان وساعتها انت بالذات يا عزام الا تدق راسك في الحيطة او ترعوي وتادي فروض الولاء والطاعة للانسانية وللاسلام الشايل اياته وبتلصقها لينا علي هواك وعامل لينا فينا الزمخشري او أي كان اسمه

Quote: الأخ الكريم / عبد الكريم مع التحية ، لست هنا بصدد الدفاع عن أخي مصطفي توفيق ولكن نقول الحق أن الكلام الصادر منه غير مقبول ، ولكن ليس بالذي يفرد له بوست لكي يتم إنتقاده من الجميع وباساليب مختلفة كأنه النموذج الذي يمثل عصر الانحطاط ، فمصطفى لم نراه يوم في موضع مشاكل بل هو إنسان مسالم ولم يسئ لأحد ، وإن كانت هذه هفوة فلا مانع من ترسل له في الخاص بكلام طيب مؤثر ، وهنا يدور في المنبر أساليب عنصرية قبيحة جداً علاوة على ذلك بعض الايحاءات الخارجة عن حدود الأدب واللياقة ، فمثل هذه الأمور أولى في الانتقاد . ولكم إحترامي والله من وراء القصد

الأخ ولياب, بعد التحية...
رغم حسن نواياك لكن تبريرك عجيب! تقول لم يسئ لأحد! على هذا من وجهة نظرك ربما!
لو كان هذا الكلام صدر من شخص عادي, ربما يكون تبريرك ممكن و لكن ليس من إنسان يقدم نفسه كفنان يعبر عن أمة و يسئ لجزء منها خاصة في بلد يموت الألاف منه يوميا بسبب العنصرية.
التحية لصاحب البوست و ضيوفه الكرام

كيكي التفْكيكي

Quote: (كونك عارف انو الضبح في السلخانة وكدا في الدوحة دي)

ده كلام تقولو لِزول ما عندو حوش.. قال بلدية قال



يا كيكي إنتو بورداب الدوحة يعني -عدا المدعو بدرالدييييين الأمير- ما تنصِفوني ياخ.. إنت -وكل غرابا الدوحة- شعرت بِأي تعدي على إنسانيتك مني لامِن نتقابل؟! أنا موقِفي بِكون حاجة مِن إتْنين:-
(1) إسْتبداد البِكون كرِد فعل لِكلام زي الزفت مِن قِبل مُناضِلين الكبتشينو مِن الغرابا.
(2) مَوقِف سِياسي برفُض أي جسم غرباوي بقول بِتحرير السودان.

هلا يا عمر وشكرا علي الموقف المبدئي تجاه الاشارات العنصرية السالبة والشكر لكل الاخوان والاخوات الشجعان اعلاه الواقفين بصرامة وبمبدئية في مواجهة هذا المرض الحقيقي والذي وبانتشاره كافي ان يصدع وينهي وطن والانسانية في نواحي اخري من العالم تجازوت بطرق كثيرة هذه الامراض ونتمني ان ياتي الزمن الذي في سوداننا الفضل نقدر نصنع واقع انساني متسامي وقافز فوووق هكذا امراض مجتمعية حقيقية صار لها تيار وخطاب ومنابر بل صحف
اخونا ولياب عاوز يلم الكورة ويغتغها ناسيا بان هذه الامور لا تنفع مهما اللملمة ويجب ان يتحمل من اوردها مسئوليته كامل ويتم درشه حتي يكون عظة لمثله من المتورجغين

Quote: يا كيكي إنتو بورداب الدوحة يعني -عدا المدعو بدرالدييييين الأمير- ما تنصِفوني ياخ.. إنت -وكل غرابا الدوحة- شعرت بِأي تعدي على إنسانيتك مني لامِن نتقابل؟! أنا موقِفي بِكون حاجة مِن إتْنين:- (1) إسْتبداد البِكون كرِد فعل لِكلام زي الزفت مِن قِبل مُناضِلين الكبتشينو مِن الغرابا. (2) مَوقِف سِياسي برفُض أي جسم غرباوي بقول بِتحرير السودان.

هلا يا عزام وحبابك يا شحانية
وياعزام
الاشكال يا عزام ما ملاقتي ليك وانا لمن القاك بلقاك بشخصي انا في اطار علاقتي بيك ومابفكر اني غرابي او شرقاوي لاقي عزام فرح والكلام ده بنطبق علي كل سوداني اخر ومهما كانت احداثيات تكوينه الجغرافي او الاثني
وحتي ولو افترضنا بدرت منك او من شخص اخر انتهاكات او محاولات انتهاكات فانا بقراها محاولات انتهاك لي في شخصي مالم تصدر من هذا الشخص اشارات واضحة تربطني بجهة او قبيلة او غيره..وانا المحيرني انت لمن نلقاك زول كويس ياااخ وماعارف قاعد تجيب الورجغة والخطاب الشين البتقولو في المنبر ده من وووين ياااخ

--
نقاطك الا2 الذكرتهم ديل كلهن اسمح لي اقول ليك ما بعبرن عن موقف سياسي ومافي موقف سياسي بكون مربوط بمناهضة جهة اثنية معينة الا اذا كانت الحكاية كيري والسياسة دي غيرو معانيها وختو بدلها الورجغة الجهوية والعنصرية...
ونشر الكراهية ضد الاخر دي من اول الحاجات القاعدين الناس يحاربوها في الانظمة الديمقراطية والدول القاعدة تحترم ناسها
فانت ياعزام ما ممكن تبني مشروعك كلو علي كراهية الغرباوي...ولو عندك مشكلة مع زول من الغرب ذنب الزول التاني الماعندو معاك مشكلة شنووو..؟؟؟
وهل في الغرب ده في قالب طوب بدخلو فيهو الغرابة وكلهم بطلعو بنفس الفهم والمخيخ والوعي والموقف ...
وهل في الشمال نفس الامر..

آســـف ،،،،
،،،،

...








عزالدين عباس الفحل
ابوظبي
....

هلا ياعزالدين
وشكرا اولا للمعلومات التي اتمني ان تكون مفيدة لكل ما قراها عن الزهايمر او الزهمرير زي ما قاعد اسمهيو انا
ولكن انا ماعارف علاقة الزهايمر بالبوست ده شنننووو..؟؟
علما بانك كتبتها في مداخلتك السابقة فياريت تنورنا وتدينا لمحة ممكن نستفيد برضو

وتحياتي

Quote: وين الشين في الكلام أعلاه.. [ذوق فلاتة] لأنو [ألوانو صارِخة] أها وين الشنا هِنا، ممكِن تنقُدو الكلام الفوق ده بِجِهة إنو [الألوان الصارِخة] جميلة/قبيحة.. مُحببه/بغيضة.. ظريفة/بايخه.. مُمكِن تقولو إنو الكتب الكلام ده ما عندو ذوق في ألأوان الألبِسة والموضة و... و... و لكِن يِكون الكلام إنتو قريتوهو ومرقتوهو كَدي بالصلاة على النبي، عُنصُري، والله السيف المُصلِتنو فوق رِقاب الناس ده ما عارفو حدو وين.

عزام فرح, بعد التحية,
يعني ما في شين في الكلام دا في نظرك؟ِ! و حسب منطقك الملتوي هذا, هل يعني أن هذا " الفنان" كان يقصد التقريظ و الإعجاب من ذكره لألوان فلاته؟
الواضح لأي إنسان أمين مع نفسه إنه قصد الزراية بالفلاته و لكن أنت تحاول دائما لوي عنق الحقائق! تقول كل ما هو عنصري و لكن تصر إنك غير عنصري .... كما أشرت لكيكي و كيف تلقاه بالود و الإحترام في الدوحة! والله منطق أقل ما يقال عنه أعوج وغير مقبول طبعا! عنصري في البورد لكن محترم أمام الأفراد!!!
ألا تعتقد , بعد كل العنصرية التي تبثها هنا و تقابل كيكي لتعامله بإحترام, ألا تعتقد بأنه يمكن وصفك بأنك عنصري و منافق كمان؟

نرجع وراء شوية ونشوف التنميط الذى يتجلى عبر مراحل وقد يقود لتمرد :
1- المناضل يوسف كوه مكى فى مذكراته الشهيرة ذكر أن مدير المدرسة حين دخل الحصة وجد عدد من أبناء النوبة كتلاميذ فقال لهم :
اولاد النوبة بقيتوا تتعلموا ومين بشتغل للنساء فى البيوت كخدم أو كماقال .
أستطرد بوسف كوه ان ذات المعلم حين دخل الفصل الحصة القادمة وقف جميع الطلاب له عدا يوسف كوه ومن يومها بدأت بذرة التمرد فى داخل المناضل يوسف كوه
إثر إعتقاد هذا المدرس ( المقرف) أن أبناء النوبة الكرام تم خلقهم فقط للخدمة المنزلية وليس التعليم ..
دا يوسف كوه من جبال النوبة ..
خلى أمشى شمال السودان ( من الشلال الثالث وحتى حدود مصر ) حسب تقسيم هولت لجغرافيا السودان فى مقدمة كتابة عن الدولة المهدية (بالإنجليزى )
فى هذا السياق تحديدا الفنان المحترم (فنان أفريقيا موطن الفلاتة والكنغوليين ) محمد وردى ذكر فى حوار (أحتفظ بنسخة من الحوار بصوت وردى )
أن النوبيين الكرام حين عزموا التظاهر ضد حكومة عبود لأجل منع تهجير أهل حلفا وتناقلت الأخبار عزمهم ذلك صرح تنفيذى كبير جدا فى حكومة عبود ( محسوب على الشمال النيلى العربى وليس النوبى ) أن من يخرج فى تلك المظاهرة المزمعة لن يكون سوى الطباخين والسفرجية والبوابين ظنا منه وهذا خطأ أن النوبيين ( حسب الأفلام المصرية ) قد تم خلقهم للخدمة فى هذه المجالات تحديدا
وهذا خطأ لكنها الصورة النمطية القبيحة التى تعلب مجموعات ودول كاملة فة قوالب معينة إستخفافا بهم
المهم وردى ذكر فى الحوار أن كبار أبناء النوبيين فى الخدمة المدنية قد إستقال بعضهم من العمل الحكومى وقاموا بقيادة المظاهرات حين تعرض أهلهم لتنميط عنصرى
قبيح وذكر أن من أكبر المتظاهرين وقتها منصبا هو محمد توفيق ( جمرات ) وقد إستقال من منصبه ليقود التظاهرة النوبية ..
**
رجعت لبروفايل الفنان (الخواف ) مصطفى توفيق فوجدته للأسف الشديد ينتمى لإحدى المجموعتين أعلاه وهما من أكبر ضحايا العنصرية والتنميط بالسودان
القديم والجديد مع تأكيدى أن مصطفى توفيق لايمثل سوى نفسه حين يكتب ويفكر .
* تنبيه :
كلامى أعلاها مرده القول أن ليس هنالك قالب محدد من ذوق / مهنة يجمع قبائل ودول معينة والإنسان مجرد فرد من حقه إختيار أى لون فى الثياب حسب ذوقه ( وليس زوقه كما كتب الفنان ( القبيح ) مصطفى توفيق .

عبدالكريم تحية
أنا بتداخل كعضو فى المنبر غض النظر عن صلتى بك كشقيق
عليه بعبر بحرية حين أكتب حتى لو لم تكن أنت صاحب البوست ..
عليه حين تقرأ بوست فى منبر بكرى ( لم أقل الملجة ) إنتبه كثيرا جدا للمتداخلين
خاصة أن بعض المداخلات تكون موجهة لإنقاذ عضو فى ورطة وأرشيف المنبر يعج بذلك
عليه العضو المحترم ولياب حين دخل البوست مقدما مصطفى توفيق كرجل حبوب ومقدما لك نصحا أن تخاطبه بحسن العبارة فى المسنجر ربما
لم يفعل ذلك لأان ولياب رجل لايحب المشاكل لكن وضح أن ولياب (حسب بروفايله ) ينتمى لذات المجموعة التى يتنمى إليها مصطفى توفيق
علما أن أعلاه ليس إنتهاك خصوصية لعضو طالما البيانات التى اعتمدتها أنا فى ردى هنا مبذولة فى البروفايل ومن حقى الإستفادة من القراءة فى البيانات قبل أن أكتب .
بإختصار تداخل ولياب ليس جديدا فى أدبيات المنبر العام علما أن الكثير من الأعضاء يتداخلون فقط لنجدة قريب ..صديق ..زميل دراسة حين يكون فى ورطة أخلاقية فى المنبر
رغم أن صاحب الضمير الحقيقى حين يكون قريبه فى ورطه من تلقاء نفسه يقوم بنصحه وليس نصح الأخرين ..
ذكرتنى مداخلة ولياب بمكالمة تلفونية فى برنامح ( الواجهة ) بالتلفزيون قبل شهور ضيفها نافع على نافع
فقام سودانى مقيم بهولنده بالإتصال بالبرنامج وقال بالحرف : نافع من أفضل السودانيين وأنه زامله فى بعثة دراسية
عليه هل يحتاج كل زول لمزاملة نافع ليعلم أنه زول كويس بذات الدرجة هل نقوم بالتعرف على مصطفى لنعلم صدق شهادة ولياب فيه
ام نرد عليه على ضوء مايكتب ؟؟

هلا يا احمد وشكرا علي التداخل الموجب او كما تقول...
وما تشيل هم يا زول فانا ود سودانيز وصاحي للون كويس...!!
والنقاش في سطح هذا المنبر يحتاج الي تكتيكات واستراتجيات و كر ثم فر ومن ثم لم كورة وكلو بجي يا حمد حسب معطيات النقاش وفي وقتو

وعموما سنتابع او كما يقول المناضل الصادق اسماعيل حياه الغمام

في انتظار الفنان
و علي الطلاق و طلاق في تلاتة ما عارفو فنان أليل شنو
فتشتو في اليوتيوب كان جاني مارق توفيق عكاشة أليل قناة
الفراعين.
يا كيكي اخوي نورنا فنان في شنو الفنان دا؟

Quote: يا كيكي اخوي نورنا فنان في شنو الفنان دا؟

هلا يا امجد وحياك الغمام والله.. وشكرا علي المثابرة وعلي الزنقة زنقة
وحكاية انو الزول ده فنان شنوووو..؟؟
فانا زاااتي (مافي معلوم) او كما يقول اهل الهند والسند
ولكن كان يبدو جليا بانه فنان غفلة وورجغة ومهما كان نوع فنه الا انه ما بختا الغفلة والورجغة ديل ال2 معا

وتحياتي يا امجد ومعا من اجل زرنقة عنصري البورد ومسكاكتهم زنقة زنقة وقنطرتهم عاليا خفاقا في هذا الفضاء الاسفيري الواسع الانتشار


وسنتابع

شكرا لكم يا أخ / أحمد أمين
شكرا لكم يا أخ / أحمد أمين هي مجرد وجهة نظر نابع من ممارسات أكبر في العنصرية البغيضة التي تعج في كل الساحات ، وأنا لم أعتبر الاخ الكريم عبد الكريم تلميذ لي أو إبن بل إحترمه وأقدره كما أحترم كل أعضاء المنبر وأعلم أنه صديق لابن عمنا المحامي ياسر دوانة

قلت أن مصطفى إنسان مسالم وليم يسي لأحد ..
طيب لماذا فتح عبد الكريم البوست إن لم يحس بإساءة تجاه قبيلته ؟؟

**** بينت ذلك لأن مصطفى لم يسئ من قبل لأحد في هذا المنبر مع تأكيدي أن قوله غير مقبول ،

هل أنت فى موقع يتيح لك تحديد تعرض إنسان إساءة أم أنت مجرد عضو مثلنا جميعا ؟
****بالطبع مجرد عضو مثلكم ولا نرضى الاساءة لأحد

قلت ياولياب لعبدالكريم لامانع من إرسال رسالة فى الخاصة لمصطفى بكلام طيب مؤثر
طالما تعرف ياولياب أن فى المنبر مسنجر لماذا لاتستعمله لمخاطبة مصطفى حول كلامه بدل عن توجيه نصح لعبدالكريم ليفعل ذلك

***فعلا حاولت الاتصال عليه هاتفياً ولم أجد هاتفه ولكني بعثت له برسالة


من أعطاك حق تحديد لعبدالكريم الوسائل التى يجب عليها إستعمالها ؟

****يا أخ أحمد أعتقد أنك شقيق المهندس عبد الكريم ، وأنا لم أسيء الظن به ولم أخرج بحدود الأدب لكي تمطرني بوابل من الأسئلة ، كان بإمكاني أن أتجاهلها ولا أحد يستطيع إجباري في الرد عليكم ولكن ليس من باب الذوق والأدب أن أتجاهل شخص خاطبني ، ولا أود أن أقول مثلك من أعطاك الحق في توجه لي كل هذه الأسئلة ولكن نعم هو شقيقك ورمز لك وفي الختام تأكد حسن نيتي وأقول لها مرة أخرى والله من وراء .

****كان هذا الرد ، قبل يومين ولم أتمكن من إرساله ،،، ولاحظت اليوم تعليقاً للأخ أحمد أنني أدافع عن مصطفى لأنه من مجموعتي وقد عرف ذلك من البروفايل !!! هذا تحليلك ,,, ولكن يشهد الله أنا لم أدافع عنه بقصد الانتماء القبلي لأنني لا اعرفه شخصياً وكان وجهة نظري نابع من أن مصطفى ما زول مشاكل وكل المعلومات التي أعرف مخرج تلفزيوني ،،، وبعدين يا أحمد نحن من نفس المجموعة ومجموعتكم التي تقال عنا الكثير من النكات والسخرية ،،، وقد عرفت من خلال بوست سابق أن المهندس عبد الكريم صديقاً لابن عمي ياسر دوانة ويبدو أنكم عاشرتم مجموعتنا وتعرفونهم من خلال صداقاتكم .

*** المهم أنني دخلت بحسن نية لأن الذي يدور في المنبر من تشاحن وتغابض لا يسر أحد ، وحقيقة أنا أتأسف وأعتذر إن كان تعليقي أساء إليكم ، مع تأكيدي أن الناس سواسية في الوطن وابغض العنصرية والتعالي على الناس والنظر إليهم من منظور قبلي .

هذا ما وددت أن أبينه بكل وضوح وحسن نية .

هلا يا ولياب وتحياتي وعبرك تحية خاصة لصديقي المحامي النحرير ياسر سليمان الشهير بياسر دوانا
وياسر صديق شخصي واخو عظيم وسكنا في غرفة واحدة لسنين طويلة في هذه الغربة وهو نعم الاخ والصديق واحمد ده زاااتو كان ساكن معانا وكانت نعم الايام والاخوة الخالدة...
-
وعليه اتمني منك والاخ احمد الامين عدم المواصلة في هذا النقاش ويقفل بالضبة والمفتاخ وخلونا في الموضوع الرئيسي
وانت يا ولياب طالما اخو ياسر فانت اخوووي يا زول تبببببببببب ومافي كلام كثير تاني...

Quote: عبدالكريم تحية أنا بتداخل كعضو فى المنبر غض النظر عن صلتى بك كشقيق عليه بعبر بحرية حين أكتب حتى لو لم تكن أنت صاحب البوست ..

احمد المعبود والمعبد
مامحتاج للكلام الفوق دا .....
فانت اول من سما بالقيم وانتقد اخيه (ابن رحم امه )لا رفيق دارسة او عضو شلة اسيفيرية
ورغم اختلافي معك في بعض المواقف السياسية والفكرية ، فلاختلاف معك حسنة والخلاف معك اضافة ايجابية
وبما اننا نتاج للتنوع والتعدد (المغيب من قبل الساسة والفنانين واصحاب الجلد والراس الذين بيمينهم السلطة وبيسارهم المال وتحت اقدامهم وسائل الاعلام
) فحسنك ارث ،كان حراب ودماء وبسالة في المهدية وكان جهد وكد وعرق اسس لاكبر المشاريع الزراعية في السودان وكان هدي وكتاب منير في الخلاوي
وامتاع في الطرب والغناء وابداع في كرة القدم(ماخليتواللعالمين فرقه ) لذلك :
قيدت نفسي في ذراك محبة
ومن وجد الاحسان قيداً تقيد /B]

شكراً لك يا باشمهندس وأحلف لك صادقا ما كان تدخلي إلا لرأب الصدع وإيقاف إراقة المداد في بورد صار مليئاً بسقط الكلام وبذيئه ، وما كان تدخلي نابع من تحيلات الأخ أحمد وقد عرفتك من خلال بوستات سابقة وفي إحداهن أشرت لصداقاتكم لابنا عمي ياسر وقد كتبت عنه وعن مشاركتكم حياة العزوبية في الدوحة ، ولك مني الود والاحترام على كلامكم الطيب ومثله للأخ أحمد .

كتب ولياب :
***
*فعلا حاولت الاتصال عليه هاتفياً ولم أجد هاتفه ولكني بعثت له برسالة


من أعطاك حق تحديد لعبدالكريم الوسائل التى يجب عليها إستعمالها ؟

****يا أخ أحمد أعتقد أنك شقيق المهندس عبد الكريم ، وأنا لم أسيء الظن به ولم أخرج بحدود الأدب لكي تمطرني بوابل من الأسئلة ، كان بإمكاني أن أتجاهلها ولا أحد يستطيع إجباري في الرد عليكم ولكن ليس من باب الذوق والأدب أن أتجاهل شخص خاطبني ، ولا أود أن أقول مثلك من أعطاك الحق في توجه لي كل هذه الأسئلة ولكن نعم هو شقيقك ورمز لك وفي الختام تأكد حسن نيتي وأقول لها مرة أخرى والله من وراء .

****كان هذا الرد ، قبل يومين ولم أتمكن من إرساله ،،، ولاحظت اليوم تعليقاً للأخ أحمد أنني أدافع عن مصطفى لأنه من مجموعتي وقد عرف ذلك من البروفايل !!! هذا تحليلك ,,, ولكن يشهد الله أنا لم أدافع عنه بقصد الانتماء القبلي لأنني لا اعرفه شخصياً وكان وجهة نظري نابع من أن مصطفى ما زول مشاكل وكل المعلومات التي أعرف مخرج تلفزيوني ،،، وبعدين يا أحمد نحن من نفس المجموعة ومجموعتكم التي تقال عنا الكثير من النكات والسخرية ،،، وقد عرفت من خلال بوست سابق أن المهندس عبد الكريم صديقاً لابن عمي ياسر دوانة ويبدو أنكم عاشرتم مجموعتنا وتعرفونهم من خلال صداقاتكم .

*** المهم أنني دخلت بحسن نية لأن الذي يدور في المنبر من تشاحن وتغابض لا يسر أحد ، وحقيقة أنا أتأسف وأعتذر إن كان تعليقي أساء إليكم ، مع تأكيدي أن الناس سواسية في الوطن وابغض العنصرية والتعالي على الناس والنظر إليهم من منظور قبلي .

***هذا ما وددت أن أبينه بكل وضوح وحسن نية .
****
إنتهى كلام ولياب :
1- إن لم ترد أن امطرك بأسئلة فعليك عدم الكتابة فى منبر حوار مفتوح من حقق اى فرد طرح أسئلة دون إجبار المتداخل على الإجابة عليها ..
2- ذكرت أنك لاتعرف العنصرى المزعج مصطفى معرفة شخصية !! فكيف حكمت عليه أنه شخص طيب إن تم لعبدالكريم معرفته .
3- لماذا تحكم على شخص لاتعرفه وتمنحه شهادة أخلاق..
).
5- أكرر ياولياب أنت غير ملزم بالرد على أى سؤال أطرحه لكن ليس من حقك تحديد لشخص الأسلوب الذى يجب عليه التعامل به فى حوار تفاعلى بذات الدرجة ليس من حقك سؤالى عن سبب طرح أسئلة فى منبر حوار.
***
تحية وتقدير للأخ المحترم الشجاع محجوب على ولك الود على حسن الظن وثق الإختلاف فى الرأى لايفسد للود قضية .
***
عبدالكريم تحية مجددا و إنتهى مرورى ببوستك هذا لكن سوف (أتابع ) مع صحبك الصادق إسماعيل و كيبوردى على أهبة الإستعداد للتداخل مجددا متى ما دعا الداعى .
تحية للجميع
* تنبيه : بعد يومين من المداخلة عدلتها وحذفت الفقرة الخاصة بألاخ ياسر بعد إدراكى عدم وجود صلة منطقية بمعرفة عبدالكريم بياسر بجوهر البوست هذا للتوضيح .

الموهبة قد لا تتعارض والعنصرية! يعني/ ممكن توّفر موهوب/ة وعنصري/ة.
بل يمكن حسب وعي حاملها أن تخدم العنصرية – سلاح ارتكاسي-
بمعنى قد يكون الموهوب عنصري ولكن لا يمكن أن نطلق عليه فنانا واعيا وهنا الفرق بين الفنان الحقيقي والهاو!!

بكل بساطة يمكن أن ألصق صاحب البوست بأن الموضوع في غاية البساطة ولا يعدو كونه رأي فردي في حالة اللاوعي في موقف فردي.

إلا أن المحمول الجاهلي المتداول في السودان - رحّل النميري الفلاتي الفلاتا إلى نيجيريا وأغفل الزبيدية!!! أن – ولا يمكن أن أعفو منه صاحب المقوله لكونه سوداني نشأ في بيئة أقلها تمجد الأرومة القرشية وترفض أصل القارة الحقيقين – الفلاتة كمثال- وكذا الحروب السابقة والقائمة وتحالفات الجلابة الحالية كنتاج!!!
يعني ببساطة عدم الاستقرار للكل لأكثر من نصف قرن سببه العنصرية

المعلومة الحق التي تغيب عن الباشبوزقية (الفلاتة أصلا) ولا يدرون، أن الفلاتة هم أصل القارة الإفريقية وأرومتها من الشلوخ ولدن الألوان الصارخة في أزياء المتصوفة.
وأن ثقافة الزي مثالا لكل قوم يجب احترامها بغض النظر عن عدم هضمها (المجوبك) المزاجي ال######## لكل فرد يبول ويخرى.
لماذا؟
لأن الزي لكل أمة وكل شعب هو وليد ثقافته لآلاف السنين وله عوامله التي يتدخل فيها الطقس والمعتقد والزمكان وخلافه
أعجب جهلا من ذاك الهاوي هؤلاء الذين يزعمون أنه على صواب!!


كل من لم يجد فلاتيته في هذه القارة فليراجع تاريخ جيناته إن لم يرحل مأسوفا عليه.

الموهبة قد لا تتعارض والعنصرية! يعني/ ممكن توّفر موهوب/ة وعنصري/ة.
بل يمكن حسب وعي حاملها أن تخدم العنصرية – سلاح ارتكاسي-
بمعنى قد يكون الموهوب عنصري ولكن لا يمكن أن نطلق عليه فنانا واعيا وهنا الفرق بين الفنان الحقيقي والهاو!!

بكل بساطة يمكن أن ألصق صاحب البوست بأن الموضوع في غاية البساطة ولا يعدو كونه رأي فردي في حالة اللاوعي في موقف فردي.

إلا أن المحمول الجاهلي المتداول في السودان - رحّل النميري الفلاتي الفلاتا إلى نيجيريا وأغفل الزبيدية!!! أن – ولا يمكن أن أعفو منه صاحب المقوله لكونه سوداني نشأ في بيئة أقلها تمجد الأرومة القرشية وترفض أصل القارة الحقيقين – الفلاتة كمثال- وكذا الحروب السابقة والقائمة وتحالفات الجلابة الحالية كنتاج!!!
يعني ببساطة عدم الاستقرار للكل لأكثر من نصف قرن سببه العنصرية

المعلومة الحق التي تغيب عن الباشبوزقية (الفلاتة أصلا) ولا يدرون، أن الفلاتة هم أصل القارة الإفريقية وأرومتها من الشلوخ ولدن الألوان الصارخة في أزياء المتصوفة.
وأن ثقافة الزي مثالا لكل قوم يجب احترامها بغض النظر عن عدم هضمها (المجوبك) المزاجي ال######## لكل فرد يبول ويخرى.
لماذا؟
لأن الزي لكل أمة وكل شعب هو وليد ثقافته لآلاف السنين وله عوامله التي يتدخل فيها الطقس والمعتقد والزمكان وخلافه
أعجب جهلا من ذاك الهاوي هؤلاء الذين يزعمون أنه على صواب!!


كل من لم يجد فلاتيته في هذه القارة فليراجع تاريخ جيناته إن لم يرحل مأسوفا عليه.

Quote: الموهبة قد لا تتعارض والعنصرية! يعني/ ممكن توّفر موهوب/ة وعنصري/ة. بل يمكن حسب وعي حاملها أن تخدم العنصرية – سلاح ارتكاسي- بمعنى قد يكون الموهوب عنصري ولكن لا يمكن أن نطلق عليه فنانا واعيا وهنا الفرق بين الفنان الحقيقي والهاو!!

Quote: أصل القارة الحقيقين

Quote: الفلاتة هم أصل القارة الإفريقية

Quote: كل من لم يجد فلاتيته في هذه القارة فليراجع تاريخ جيناته إن لم يرحل مأسوفا عليه.

أشْهد بأنك يا آدم صِيام ماك فنان

عزام سلام

Quote: الألوان الصارِخة البلبِسوها الفلاتة أنا ما بحبها

اتعداك العيبب; انا زاتي ما بحب الالوان الصارخة

Quote: بلدِية وفيها إبْتِذال.. أها شنو

كيف يعني بلدية و مبتذلة؟؟

هلا وغلا
وحبابكم جميعا
ادم صيام
وناصر جامع
وعزام ..
ولياب
محجوب
واحمد

وياعزام كدي برواقة كده وبدون كركبة خت لينا كراهيتك للغرابة دي في نقاط محددة..الدوافع والاسباب والفائدة التي ترجوها انت للشمال او للسودان او الانسانية من هكذا خطاب
يعني بالعربي كده اخدني علي قدر عقلي وقعد لي الكلام ومنطقني واقنعني ممكن انا زاااتي اتحول معاك الي ناكر زاااتو او كما يقول بشاشا...ونردم معاك الغرابة ردم الجن...
وفي انتظارك يا عزام بكل جدية وهداوة وخلينا نتناقش ونصل ومع الجميع الي نقاشات يمكن لها ان تفيد هنا او هنوووووووك



وسنعود

Quote: وياعزام كدي برواقة كده وبدون كركبة خت لينا كراهيتك للغرابة دي في نقاط محددة..الدوافع والاسباب والفائدة التي ترجوها انت للشمال او للسودان او الانسانية من هكذا خطاب يعني بالعربي كده اخدني علي قدر عقلي وقعد لي الكلام ومنطقني واقنعني ممكن انا زاااتي اتحول معاك الي ناكر زاااتو او كما يقول بشاشا...ونردم معاك الغرابة ردم الجن... وفي انتظارك يا عزام بكل جدية وهداوة وخلينا نتناقش ونصل ومع الجميع الي نقاشات يمكن لها ان تفيد هنا او هنوووووووك

دقيقة بِالله يا كيكي نشوف ناصِر جامِع ده وبرجع ليك

Quote: كيف يعني بلدية و مبتذلة؟؟

دي أسبابي .. أها إنت أسبابك شنو

Quote: اتعداك العيبب; انا زاتي ما بحب الالوان الصارخة

Quote: ياعزام

نعم
ـــــــــــــــــــــــــــــــــــــــ

Quote: خت لينا كراهيتك للغرابة دي في نقاط محددة..الدوافع والاسباب

أثبِت لينا كراهية عزام فرح للغرابا.. لأنو ما بنفع تقول لزول: [إنت حرامي.. أثبِت إنك شريف] (أي كلام تجلبو يُرفق طيه رابِط لتوضيح السِياقات وبيان الكلام الأصيل مِن رد الفعل)
ــــــــــــــــــــــــــــــــــــــ

Quote: والفائدة التي ترجوها انت للشمال او للسودان او الانسانية من هكذا خطاب

برجو أن تنفصِل دارفور بِالكُلية عن السودان بعد أن أخذ التعارُف* وقت كاف إسْتبان خلاله إسْتحالتهِ.. والإنسانية ستكون سعيدة إذا لم نُكرِر في دارفور المآسي التي حدثت في حرب الشمال/الجنوب وأدت بعد عنت وإرهاق إلى الإنفِصال، والذي تأخر لدرجة أن مات 2 مليون إنسان ونزح مثلهم وتَوقفت التنمِية في كُل الأماكِن.. هل تُريد أن يحدُث ذلِك! سَوف يحدُث إلى لم تنفصِل دارفور






ــــــــــــــــــــــــــــــــــــ
* <... لِتَعَارَفُوا ...>
<يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ> 14 الحجرات

Quote: دي أسبابي .. أها إنت أسبابك شنو

اسبابي بسيطة...انا بحب الالوان الغامقة زي الاسود و الازرق
لكن انت ورينا كيف بلدية و مبتذله؟

هلا ياعزام وحبابك يا كركبة
واعتبرني يااخ صغت السؤال بطريقة خاطئة ووعندك عندي عدد واحد اعتذار
وخليني اخت ليك من دقنك وافتل ليك عشان ما نخش في شيل ودق وجيب وفرفر ارشيف وهكذا سودانيزات..
ذكرت في باطن هذا البوست

Quote: (2) مَوقِف سِياسي برفُض أي جسم غرباوي بقول بِتحرير السودان.

وليه جسم غرباوي تحديدا وما شرقاوي او شمالي او وسطي..؟؟
وياريت بالمرة تعرف لي مفهومك للجسم الغرباوي ..ملامحه..خطابه.. وهكذا اشياء ولو اديتني سامبول بتكون ريحتني

up

هلا يا ناصر
وشكرا علي الدعم والمساندة والمشاركة الفعالة في حملة مساككة الفلول

----------
ويا جماعة مصطفي توفيق او اي كان اسمه ده
لو في زول قريب منو او بعرفو يقول ليهو يا زول اظهر وبان وليك الامان
وفي اشاعة انو في عفو كركبي
فحقو تغتنم الفرصة دي يا درش يا حبيبي

سلام يا هندسة
انا بس محتار في حكاية ابتذال الفكاها لينا عزام سمبهار
كمان قاشر في البروفايل بي سديرية و قال البلدي ما بعجبو؟

التحية للجمييييييييع ...

كتب العنصري الجاهل المتخلف الرجعي . المدعو عزام فرح !!!!!

ده كلام تقولو لِزول ما عندو حوش.. قال بلدية قال
يا كيكي إنتو بورداب الدوحة يعني -عدا المدعو بدرالدييييين الأمير- ما تنصِفوني ياخ.. إنت -وكل غرابا الدوحة- شعرت بِأي تعدي على إنسانيتك مني لامِن نتقابل؟! أنا موقِفي بِكون حاجة مِن إتْنين:-
(1) إسْتبداد البِكون كرِد فعل لِكلام زي الزفت مِن قِبل مُناضِلين الكبتشينو مِن الغرابا.
(2) مَوقِف سِياسي برفُض أي جسم غرباوي بقول بِتحرير السودان

عزام اخجل يا اكريني اخجل ليك !!!!!
انت مروج العنصرية يا جاهل يا متخلف !!!

هلا ناصر وحباب مني عمسيب
ونناشد عزام بالعودة الي ساحة النقاش


وسنتابع