الجمهوريون .... كاريكاتيرات

يا ترى لو عملت كاريكاتير في الجمهوريين أو الشيوعيين .. هل أط...نوقا في أعلى البورد؟

هذا لا يعتبر كاراكاتير يا حمادة !

أنا مقتنع زيك يا أيمن إنو ما كاراكتير
لكن ماذا تسمي هذا الذي شنقه بكري فوق

أووووووووووو الكاريكاتيرست محمد جلال ....

تعرف كاريكاتير (ود أبو) ده شخصياً ما عجبني كفكرة ..... لكن شايفو دوّرك تدويرة شديدة ،،،،،، فا شنو ............

ليهو التحية.

Quote: لكن شايفو دوّرك تدويرة شديدة ،،،،،، فا شنو ............ ليهو التحية.

يعني انت مبسوط يا شوشو؟؟؟
مافي مشكلة على الاقل بسطناك ^___^

Quote: هذا لا يعتبر كاراكاتير يا حمادة !

يعني يا ايمن وبعد التحية ..

ديل ناس قاعدين لينا ! والضل والضلال حتتوقع منهم اكتر من كده شنو
خليهم يقعدوا لي جنس ده علي الأٌقل يحللوا قعادهم !!!!!!!!!
وفعلآ من الليلة ما مفروض استغرب في الراعي لما كرموهو
, وقت ده نموذج امثال ( محمد جلال )
من حماة الاسلام بالهيافة وقلة العقل للدرجة دي !!! ربنا يصلح الحال .

البعجبني فيــك يا شيــخ محمد انك مُراعي الضوابط الشرعيـة حتى في كاريكاتيراتك ؛)

Quote: البعجبني فيــك يا شيــخ محمد انك مُراعي الضوابط الشرعيـة حتى في كاريكاتيراتك ؛)

كتب الأخ حيدر الزين

Quote: البعجبني فيــك يا شيــخ محمد انك مُراعي الضوابط الشرعيـة حتى في كاريكاتيراتك ؛)

شكرا يا حيدر الزين يا حبيب رفعت معنوياتي والله
تعرف من الصباح مصاقرني ليك أبو ريش بالانجليزي وأبو الريش بالعربي بالله زي مرغني المامون وأحمد حسن جمعة
وجات بت عمسيب تمت الناقصة .. ناس تحطم المواهب وتدمر المعنويات
تشكر يا حبيب

اليست الرسوم و التصاوير حرام في معتقدكم يا هذا؟

هل لك أن تأنيني بالحديث أو الآية التي تبيح فن الكاركاتير؟

يمكنك الاستعانة بمن هم على دينك

يا محمد جلال عبدالله

أنا شايف مؤهلاتك الكاريكاتيرية تعبانة شوية ..

عشان كده أنا إتبرعت ليك بده ..

سلام صاحب البوست

لست من الجمهوريين.. هذا اولا...
لكني قرأت أغلب كتب محمود محمد طه، بل وخالطت مجتمع الجمهوريين...

وجدت في أفكاره ما وافقته عليها...
ووجدت في أفكاره ما اختلفت معه فيها...


كاريكاتيرك الاول.. فيه مجافاة للحقيقة الماثلة في سلوك الجمهوريين الى اليوم
وان اطلعت على كتب محمود محمد طه فستعلم عن ماذا يتحدث... ارشح لك كتاب (طريق محمد)
حتى تفهم مستوى التوقير الذي فيه للنبي الأمي محمد صلى الله عليه وسلم..

أما ان ترسم كاريكاتير بناء على أقاويل خصوم الكيزان من كيزان وخلافهم فهذا لا يغني عن الحق شيئاً...

من الفيس بوك

Quote: Ahmed Mohammed يا محمد جلال جاااااتك بت عمسيب الرازة ونطاحة و اكل السبع منها كمان ههههه .. غايتو البورد دا فيه جنس خلايق .. يا بت عمسيب اخ تشي رد · أعجبني · متابعة المنشور · منذ حوالي ساعة

حياك الله أخي الحبيب
نسوي شنو ياخ والله بس الله يلزمنا الصبر
شاكر مرورك واهتمامك

حبيبنا الأستاذ/ علي عبد الله حسن

Quote: يا محمد جلال عبدالله أنا شايف مؤهلاتك الكاريكاتيرية تعبانة شوية .. عشان كده أنا إتبرعت ليك بده ..

مرحب بيك يا حبيب
وكاريكاتيرك في السلك
ومنك نستفيد والله

الأستاذ أشرف السر

Quote: أما ان ترسم كاريكاتير بناء على أقاويل خصوم الكيزان من كيزان وخلافهم فهذا لا يغني عن الحق شيئاً...

لم أرسم بناء على أقاويل الكيزان
بل بناء على أقاويل الجمهوريين الذين يقولون أن محمودا جاء بالرسالة الثانية وأنه رسول
وأن محمدا خاتم النبيين وليس خاتم المرسلين .. دي واحد

الشي التاني: الكاريكاتير يعكس حالة التناقض الشديد
فمن جهة هم يزعمون أنهم يؤمنون بمحمد عليه الصلاة والسلام
ومن جهة أخرى يزعمون أن رسالة محمد عليه الصلاة والسلام قصرت عن احتياجات القرن العشرين!

وبالمناسبة: رأيت في أكثر من بوست أنهم يذكرون اسم (محمد) حاف كده بدون صلى الله عليه وسلم

Quote: فمن جهة هم يزعمون أنهم يؤمنون بمحمد عليه الصلاة والسلام ومن جهة أخرى يزعمون أن رسالة محمد عليه الصلاة والسلام قصرت عن احتياجات القرن العشرين!

يا محمد ما قالوا كدا ياخ.. قالوا رسالة محمد عليه الصلاة و السلام زي طاقة القماش تكون طفل تقطع منها جلابية مقاسك، تكبر لازم مقاسك يتغير تقع طاقة القماش دي ذاتا تفصل منها جلابية قدرك.

*

أيوه يا أستاذ .. إديلهم بالله
تسلم إيدك

دايرين واحد لي قصة النفس الطالع ونازل صلاة
وواحد لي قصة إنو محمود رسول القرن العشرين ونحنا هسي في ال 21 :)

الأخ محمد جلال..
بداية انا جمهورية... ... لاني كنت ما موجوده في المنبر فترة طويلة، ولما جيت وجدتك .. الحقيقة انه مساهماتك في فتح نقاشات جادة بقصد منّك أو غير قصد هو مجهود مقدّر وفعّال جداً في رفع نسبة الوعي حول الفكرة الجمهورية، بالمناسبة انا من مواليد 1980، ومعتبرة نفسي صغيرة يعني... صحيح انه انا جايه من أسرة جمهورية، لكن كتير جداً من أبناء جيلي بعرفوا الفكرة بفضلكم... فاستمر الله يديك العافية، ويجعلك سبب عشان زول/ة ما عارف اي حاجه عن الفكرة وعن الاستاذ محمود يعرف... حتى لو كلام مشوّه يزيد الفضول عشان الناس تقرأ عن الأستاذ وتعرف عنّه أكتر... الدنيا دي علّمتني انه الواحد بمثّل أفكاره ومعتقداته + تربيته إلى حد كبير... في نفس الوقت، الأفكار والمعتقدات دي ما بتتضرر بسلوك أفراد.. صحيح الكلام في الاتجاهين سواءاً من جهتي أو من جهتك... يعني لو الناس شافو انه اسلوبك في التعامل مع الاخرين ما مناسب، ما بعني انه كل من ينتموا لفكرك ما كويسين والعكس صحيح... الأفكار بتتلاقح بالافكار، واي فكرة او منهج بصمد محتاج انه الناس تعرف عنّه اكتر... وعلى الرغم من صعوبة الكلام ده علي، بشوف انه الخير موجود في اي زول... والحمدلله الأمل موجود في الله...


نجي لموضوع البوست الأصلي وهو اعتراضك على الكاركتير النزلو بكري امبارح.. مع تحفّظي على اللغة بتاعته.. خاصة الكلمة الخاصة بالنبذ للحكومة... لكن ما خالف الحق في شي... يعني لو ناس الحكومة رفعوا فيه قضية باعتباره قذفهم ببقى على ناس الحكومة اثبات انه الشيوعين والجمهورين سرقوا البلد، وإنهم (اي ناس الحكومة) ما سرقوا البلد... بناءاً عليه، اتمنى اعرف اعتراضك على شنو في الكاراكتير... عشان برضه الموضوع يكون على بيّنة... ثانياً... شايفه الكلمة الطيبة في الجمهوريين بتكون سبب اعتراض من جهتك... لأنك خصصتنا بالبوست (مع الشكر ليك)، واستثنيت الشيوعيين... طبعا انت حُر تركّز في ياتو ناس، بس قلت ألفت النظر للنقطة دي..



انا بشكل عام ما بتجاوب مع اي بوست يكون في "نبذ" للاستاذ، فلو زهجته من كلامي ممكن تكتب ليك كلمتين تلاته كده ما مناسبات وما حتلقاني تاني... هذا بس للتنويه

محمد جلال

أنا سعيد حقا بكاريكاتيراتك

واصل التعبير عن أفكارك بالكاريكاتير وبالكلمة

ونرجو أن لا يعود أحد يحاول فرض رؤيته بالسيخ أو بالكلاشنكوف أو بأي نوع من الإرهاب


أطرح فكرتك

وغيرك يطرح فكرته

والمتلقي يحكم



الباقر

كتبت مريم بنت الحسين

Quote: صحيح انه انا جايه من أسرة جمهورية

يعني نفهم من العبارة دي إنك يا مريم بنت الحسين جمهورية لإنك من أسرة جمهورية ..

يعني بالضبط زي كثير من السودانيين الواحد يقول ليك

أنا أنصاري لأن أهلي أنصار

أنا شيوعي لأن أبوي وأمي شيوعيين

أنا سلفي لأنني من أسرة سلفية

وهذا أكبر خطأ في مجتمعنا السوداني .. يعني الواحد - مع كل الإحترام - زي الغنماية تابع للمراح

ما ممكن

الله سبحانه وتعالى أنعم علينا بنعمة العقل .. فالمفروض في مسألة العقيدة والفكر الإنسان لا يتبع أبوه ولا أمه ولا أسرته ولا أهله وأصدقائه ..

عليه أولاً أن يستخدم عقله ويميز الحق من الباطل .. فيتبع الحق حتى لو كان مخالفاً لفكر وعقيدة الوالدين أو الأهل والعشيرة ..

الاخ على عبد الله

حلو كاريكاتير زواج الشريعة والحقيقة

وأظن الجمهوريين حسيعدوا بإنو لغتهم وصلت

وحيكونوا أسعد بنقاشها


هذه فائدة الحوار المتحضر

أنه يبلور الإفكار

وإن احتفظ كل بفكرته

ثم هو ينتج المزيد من الإنتاج الفكري المكتوب والمرسوم وغيره

وكل ذلك رقي بالعقل .. والروح البشرية


طبعا عكس الحوار بالكلاشنكوف والسيخ


الباقر

شاكر مروركم .. مريم بنت الحسين
الباقر عثمان
وبالطبع الأستاذ علي عبد الله حسن :)

سأعود بإذن الله

Quote: يعني نفهم من العبارة دي إنك يا مريم بنت الحسين جمهورية لإنك من أسرة جمهورية .. يعني بالضبط زي كثير من السودانيين الواحد يقول ليك أنا أنصاري لأن أهلي أنصار أنا شيوعي لأن أبوي وأمي شيوعيين أنا سلفي لأنني من أسرة سلفية وهذا أكبر خطأ في مجتمعنا السوداني .. يعني الواحد - مع كل الإحترام - زي الغنماية تابع للمراح ما ممكن الله سبحانه وتعالى أنعم علينا بنعمة العقل .. فالمفروض في مسألة العقيدة والفكر الإنسان لا يتبع أبوه ولا أمه ولا أسرته ولا أهله وأصدقائه .. عليه أولاً أن يستخدم عقله ويميز الحق من الباطل .. فيتبع الحق حتى لو كان مخالفاً لفكر وعقيدة الوالدين أو الأهل والعشيرة ..

الأخ محمد .. شكرا على السؤال... رغم اني لما ذكرته انه انا من أسرة جمهورية كان قصدي أقول انه انا استثناء للشباب والشابات البقو جمهوريين لأسباب غير وجودهم ضمن المجتمع الجمهوري... لكن برضه سؤالك محل تقدير وممكن أجاوبك عليه بكل أريحيه... والدي جمهوري مما كان في خامسة جامعة، وبتكون اتناقشته معاه هنا في المنبر كتير (د.أحمد الحسين)، ووالدتي جمهورية من الثانوي وبتربطها صلة قرابة بالأستاذ محمود... على الرغم من انه صلة القرابة للأستاذ ما سبب يجعلني أو يجعل والدتي نكون جمهوريين.. ممكن أدلل على كده بإنه كتير من أقرباء الاستاذ معارضين لأفكاره .. وفي اخوان لوالدتي ما جمهوريين... والدي جا للفكرة من غير ما يكون في قرابة أو صلة بالأستاذ... نجي لمريم... ما بخفي أبداً انه الوالد كان حريص انه يناقشنا كتير خلال تربيتنا... ويوجّهنا بي اننا نقرا الكتب ونعرف أكتر عن الاستاذ.. وما بخفى انه كان بعلن رغبته في اننا نكون جمهوريين... لكن في نفس الوقت ما كان بجبر زول فينا على حاجه... أكيد تأثير الأهل ليه دوره.. وأكيد كمان محبتهم لأولادهم بتخليهم يدوروا ليهم الخير زي ما بدوروه لأنفسهم... لكن الأكثر تأكيدا انه مافي زول ممكن يُجبر على اتباع فكر ما لم يقتنع بيه... بالذات في محيط البيت عندنا... جزء من الفكرة الجمهورية انه الإنسان يدي الآخرين مساحة من حرية الفكر، لكن كان أهم شي بعمله الوالد انه يطرح الأسئلة الصعبة، الممكن أي عقل ذكي يكون شايفها لكن مع تابوهات الدين والمجتمع يخاف يسألها... انا اتربيت في الامارات، في فترة كانت البلد فيها هوس شديد بشبه الموجود في السعودية... وعلى الرغم من كده اتمكن والدي من انه يحرّك الأفكار الراكده جواي... لو متوقع اجابتي تكون أيوه انا جمهورية عشان اهلي جمهوريين، فحأقول ليك صح وخطأ في نفس الوقت... صح لأنه وجودي في بيت جمهوري اختصر علي كتير من خلال وجود البيئة المتوفرة، والمصادر والكتب والمجتمع الجمهوري... وخطأ باعتبار انه الفكرة الجمهورية لو ما كنت اقتنعت بيها كان وجدت ألف طريقة أرفضها... برضه شي تاني، انا بقيت جمهورية سنة 2001، بعد ما اتخرجت من الجامعة...

اتمنى ما اكون طوّلته عليك بالرد..

Quote: . لكن برضه سؤالك محل تقدير وممكن أجاوبك عليه بكل أريحيه... والدي جمهوري مما كان في خامسة جامعة، وبتكون اتناقشته معاه هنا في المنبر كتير (د.أحمد الحسين)،

الاستاذة مريم بنت الحسين سلام الدكتور الوالد شخص يمتاز بطول البال وحسن الحوار وربنا يحفظه ويهديه ويهدينا الي الحق والطريق القويم

الأخ محمد جلال

وقت ربنا هداك لاستخدام سلاح الكاريكاتير

زح لينا الزول الزعلان وشايل ليهو سيف وبحمر لينا ويقول قاعدين ليكم

جيب ليك زول شايل ليهو ريشة أو فرشة


الباقر

Quote: الاستاذة مريم بنت الحسين سلام الدكتور الوالد شخص يمتاز بطول البال وحسن الحوار وربنا يحفظه ويهديه ويهدينا الي الحق والطريق القويم

الاخ محمد المسلّمي
الوالد حتى معانا في البيت باله طويل الله يديه العافية... بالذات لما يكون الموضوع نقاش فكري... اهم حاجتين عنده في تربيتنا كانت الصدق والأدب... الصدق بجبر الناس تحترمك، والأدب بجبرك تحترم الناس... وبكده يكون الحوار هادف مثمر وفيه فايده... عدا عن ذلك بكون حوار بين أطرشين... كل واحد مقفّل اضنينه وبكورك عشان ما يسمع التاني... الصدق برضه بخلي الناس تدي بعض حقّها، يعني لو انا شفته فيك خير بقوله حتى ولو على نفسي... انا بحاول احاكيه، لكن لقيت الموضوع ما بالسهولة دي..

قيمة الصدق في كل تفاصيل الواحد بتخلي الزول ما يخاف من شي، او بي دقّة أكبر، بخلي الواحد يتجاهل خوفه ويتوكل على الله... حأقول قصّة لكن ما حأقول ابطالها منه... كان في زول عايز يبيع عربيته... كانت كرسيدا جديدة موديل التسعينات، والقصة دي في التسعينات، العربية ما كانت تمت ليها تلاته سنين... لكن كانت عملت حادث خلا الشركة تشيل الكبوت بتاع العربية كله وتستبدله بي واحد جديد.. الزول البشوف العربية لا يمكن يعرف انها حاصل ليها حادث... جوه ناس عايزين يشتروا العربية، أول شي قالوا ليهم انه عايز فيها كم، وانها عملت حادث والتصليحات الحصلت ليها كده... بي فهم ناس الدنيا ده زول عوير، لكن بي فهم الدين ده زول صادق... ما عايز يغش الناس ديل، حتى لو مافي طريقة يكتشفوه... وما عايز يشيل قروش ما حقته.. لانها بتدخل في اكله وشرابه واكل اولاده... واثرها ما بقيف في لحظة استلامه ليها... ده مستوى الصدق المطلوب... وقيس على كده، كسب مناقشة عشان يثبت انه الزول القدامه زول كعب، حتى لو ما حقيقي... ده كله عشان يكسب لحظة، لكن جواه بكون خسر معركة الصدق في نفسه....

تحياتي ليك وشكرا

الأستاذة مريم بنت الحسين .. مرحبا بك

Quote: نجي لموضوع البوست الأصلي وهو اعتراضك على الكاركتير النزلو بكري امبارح.. مع تحفّظي على اللغة بتاعته.. خاصة الكلمة الخاصة بالنبذ للحكومة... لكن ما خالف الحق في شي... يعني لو ناس الحكومة رفعوا فيه قضية باعتباره قذفهم ببقى على ناس الحكومة اثبات انه الشيوعين والجمهورين سرقوا البلد، وإنهم (اي ناس الحكومة) ما سرقوا البلد... بناءاً عليه، اتمنى اعرف اعتراضك على شنو في الكاراكتير... عشان برضه الموضوع يكون على بيّنة... ثانياً... شايفه الكلمة الطيبة في الجمهوريين بتكون سبب اعتراض من جهتك... لأنك خصصتنا بالبوست (مع الشكر ليك)، واستثنيت الشيوعيين... طبعا انت حُر تركّز في ياتو ناس، بس قلت ألفت النظر للنقطة دي..

أنا في الحقيقة اعتراضي بس إنو بعض الناس بتقول كاريكاتيراتي دون المستوى وما بتستاهل ترفع
ولذلك استدليت بالكاريكاتير داك على أنه دون المستوى ومع ذلك بكري رافعو .. ده مكمن اعتراضي
ما ناقشت أصلا محتوى الكاريكاتير ولا مراميه

أنا ما استثنيت الشيوعيين ولا حأرحمهم بس بداية البوست ده مخصص للجمهورين
وأما الشوايعة فدورهم جاي بإذن الله

Quote: انا بشكل عام ما بتجاوب مع اي بوست يكون في "نبذ" للاستاذ، فلو زهجته من كلامي ممكن تكتب ليك كلمتين تلاته كده ما مناسبات وما حتلقاني تاني... هذا بس للتنويه

وأنا كذلك والله لا أميل للسب ولا للشتم والإساءة
مالم يبتدئني أحد بذلك .. ولا إخالك من هذا النوع

*

Quote: وان اطلعت على كتب محمود محمد طه فستعلم عن ماذا يتحدث... ارشح لك كتاب (طريق محمد) حتى تفهم مستوى التوقير الذي فيه للنبي الأمي محمد صلى الله عليه وسلم.. أما ان ترسم كاريكاتير بناء على أقاويل خصوم الكيزان من كيزان وخلافهم فهذا لا يغني عن الحق شيئاً...

ود جلال وضيوفه ، يمين ويسار سلام
الأخ أشرف لك تحية خاصة
بخصوص مكتوبك أعلاه ، دعني إختلف معك قليلا ، فالمهندس محمود لم يسيئ الى النبي الكريم لفظا ولكنه تجاوزه عملا وكتابة ودعوة ، وقره بلسانه ولم يوقره في إتباع نهجه وإنصاف شريعته ، محمود أهان شريعة المصطفى عندما قال أنها لا تناسب إنسان القرن العشرين ، وإسقط هيبة الرسول الكريم عندما كتب وإدعى بان الأصيل يترك تقليد النبي ، مقلدا الله بلا واسطة النبي (هكذا بالنص ) ، اي تعظيم بقي للنبي عندما تدعي انك ند له ( أصيل مثله ) وتتلقى شريعتك من الله مباشرة وقد تجاوزت تقليده لتقلد الله ، هنا الإساءة المبطنة لنبينا ، من رسم الصور المشينة جرح شعورنا ولكنه لم يجرح شرعنا ، سيزول أثر ما كتب كما زالت إساءات من قالوه عن النبي مجنون وكاهن وكذاب ولكن ستظل كتابات محمود في رفض الشريعة وفي رفض تقليد النبي والتعبد بشرعه وبطريقته إهانة بالغة وإساءة الي دينه ونهجه الى يوم الدين .
تلك هي القراءة الخفية والصفحة المطوية التى علينا ان نفتحها للناس ليطلعوا عليها بوعي لا بعاطفة .
يقول محمود :
http://www.alfikra.org/chapter_view_a.php?book_id=8andchapter_id=15

Quote: لقد تحدثنا في آيات سورة ((والنجم)) التي أوردناها آنفا عن سدرة المنتهى، حيث تخلف جبريل عن المعصوم، وسار النبي بلا واسطة لحضرة الشهود الذاتي، لأن الشهود الذاتي لا يتم بواسطة، وقد كان تخلف جبريل عن النبي لأنه لا مقام له هناك، والنبي، الذي هو جبريلنا نحن، يرقى بنا إلى سدرة منتهى كل منا، ويقف هناك، كما وقف جبريل، بيد أنه إنما يقف لكمال تبليغه رسالته، ولكمال توسيله إلى ربه، حتى يتم اللقاء، بين العابد المجود وبين الله بلا واسطة. فيأخذ كل عابد مجود، من الأمة الإسلامية المقبلة، شريعته الفردية من الله بلا واسطة، فتكون له شهادته، وتكون له صلاته وصيامه وزكاته وحجه، ويكون، في كل أولئك، أصيلا، ويكون، في كل أولئك، متأسيا بالمعصوم في الأصالة.. وإنما يتم كل ذلك بفضل الله، ثم بفضل كمال توسيل المعصوم إلى ربه.. ذلك لمن جود التقليد. وإلى هذه الأصالة الإشارة بقوله تعالى ((لكل جعلنا منكم شرعة ومنهاجا، ولو شاء الله لجعلكم أمة واحدة، ولكن ليبلوكم فيما آتاكم فاستبقوا الخيرات، إلى الله مرجعكم جميعا، فينبئكم بما كنتم فيه تختلفون)).

ويقول:
http://www.alfikra.org/chapter_view_a.php?book_id=10andchapter_id=26

Quote: وحين يتطور الإنسان بفهم الدين ، في فهم الدين ، يطـور شريعتـه ، تبعا لحاجتـه ولطاقتـه ، من القاعـدة الغليظة إلى قاعدة أقل غلظة .. فالأفراد يتطورون في فهم الدين فيدخلون في مراتب الشرائع الفردية ، والمجتمعات تتطور ، تبعا لتطور الأفراد ، فترتفع شرائعها من قاعدة غليظة إلى قاعدة أقل غلظة

ومما تقدم نعلم أن الشريعة الجماعية التى أتى بها نبينا الكريم تنتهي بالسنة التى يدعيها محمود ، وفي السنة يكون كل مسلم أصيلا تأسيا بالمعصوم ، فيأخذ شريعته وعباداته من الله بلا واسطة ، والأمر الأخطر هنا هو القول بالإستمرار في التطوير:

Quote: يطـور شريعتـه ، تبعا لحاجتـه ولطاقتـه

ويقول:
http://www.alfikra.org/chapter_view_a.php?book_id=8andchapter_id=15

Quote: الله تبارك وتعالى هو الساير أمامنا جميعا، ولكن مواضع أقدامه خفية لا ترى إلا بنور قوي، لم يكن يملك هذا النور غير جبريل فسار يضع أقدامه على مواضع أقدام الله تماما وبدقة.. ومواضع أقدام جبريل خفية أيضا، لا ترى إلا بنور قوي، لم يكن يملكه غير محمد، فسار محمد يضع أقدامه على مواضع أقدام جبريل تماما، وبدقة، ويحاول جاهدا أن يوضح مواقع أقدام جبريل بضغط أقدامه هو عليها، فأصبحت واضحة لكل منا على صور متفاوتة.. وأدنى هذه الصور وضوحا، واضح بشكل كاف، ليتبعه من هذه الأمة أقلهم نورا، ولكن بعض الناس اكتفى بالسير خلف النبي، من غير أن يهتم بمواقع الأقدام، فذلك هو المقلد العادي، وبعضهم اهتم بأن يسير خلف النبي، وبأن يضع أقدامه في مواضع أقدام النبي، بضبط وإتقان، حتى لا يزيد أثر قدمه على أثر قدم النبي، ولا ينقص عنه، حيث أمكنه ذلك، فذلك المقلد المجود للتقليد. ثم إنه، بفضل هذا الاتباع، انعكست الأنوار المحمدية على المقلدين، كل على حسب بلائه، فأصبح نظره يقوى حتى استطاع أن يرى مواقع أقدام جبريل، التي كانت خفية عنه في أول أمره، ثم سار في إتقان تقليده، حتى رأى مواقع أقدام الله التي كانت خافية على محمد، فأخذ يوضحها له جبريل بسيره عليها، وسار محمد بسير جبريل، حتى قوي، فاستقل بالرؤية والاتباع.فإذا رأى المقلد ، المجود لتقليد النبي ، مواضع الأقدام الإلهية فإنه يستقل بالرؤية وبالاتباع . فيكون في آخر أمره، وبفضل إتقان تقليد النبي، مقلدا لله بلا واسطة النبي.

فهل تريد كلاما أوضح من هذا :

Quote: وبفضل إتقان تقليد النبي، مقلدا لله بلا واسطة النبي.

فاي إحترام وتقدير للنبي الكريم وأنت تسقط شريعته وتسقط إتباعه من منهجك ومنهج الأمة من بعدك أصلاء كانوا ام مقلدين ؟؟؟
وزي ما بقولوا اهلنا الشوام ( شو بدك اكتر من هيك ) .
مع تحياتي للجميع

حياك الله يا شيخ محمد الزبير
وشكرا على الاضافة الثرة

Quote: الأخ محمد .. شكرا على السؤال... رغم اني لما ذكرته انه انا من أسرة جمهورية كان قصدي أقول انه انا استثناء للشباب والشابات البقو جمهوريين لأسباب غير وجودهم ضمن المجتمع الجمهوري... لكن برضه سؤالك محل تقدير وممكن أجاوبك عليه بكل أريحيه... والدي جمهوري مما كان في خامسة جامعة، وبتكون اتناقشته معاه هنا في المنبر كتير (د.أحمد الحسين)، ووالدتي جمهورية من الثانوي وبتربطها صلة قرابة بالأستاذ محمود... على الرغم من انه صلة القرابة للأستاذ ما سبب يجعلني أو يجعل والدتي نكون جمهوريين.. ممكن أدلل على كده بإنه كتير من أقرباء الاستاذ معارضين لأفكاره .. وفي اخوان لوالدتي ما جمهوريين... والدي جا للفكرة من غير ما يكون في قرابة أو صلة بالأستاذ... نجي لمريم... ما بخفي أبداً انه الوالد كان حريص انه يناقشنا كتير خلال تربيتنا... ويوجّهنا بي اننا نقرا الكتب ونعرف أكتر عن الاستاذ.. وما بخفى انه كان بعلن رغبته في اننا نكون جمهوريين... لكن في نفس الوقت ما كان بجبر زول فينا على حاجه... أكيد تأثير الأهل ليه دوره.. وأكيد كمان محبتهم لأولادهم بتخليهم يدوروا ليهم الخير زي ما بدوروه لأنفسهم... لكن الأكثر تأكيدا انه مافي زول ممكن يُجبر على اتباع فكر ما لم يقتنع بيه... بالذات في محيط البيت عندنا... جزء من الفكرة الجمهورية انه الإنسان يدي الآخرين مساحة من حرية الفكر، لكن كان أهم شي بعمله الوالد انه يطرح الأسئلة الصعبة، الممكن أي عقل ذكي يكون شايفها لكن مع تابوهات الدين والمجتمع يخاف يسألها... انا اتربيت في الامارات، في فترة كانت البلد فيها هوس شديد بشبه الموجود في السعودية... وعلى الرغم من كده اتمكن والدي من انه يحرّك الأفكار الراكده جواي... لو متوقع اجابتي تكون أيوه انا جمهورية عشان اهلي جمهوريين، فحأقول ليك صح وخطأ في نفس الوقت... صح لأنه وجودي في بيت جمهوري اختصر علي كتير من خلال وجود البيئة المتوفرة، والمصادر والكتب والمجتمع الجمهوري... وخطأ باعتبار انه الفكرة الجمهورية لو ما كنت اقتنعت بيها كان وجدت ألف طريقة أرفضها... برضه شي تاني، انا بقيت جمهورية سنة 2001، بعد ما اتخرجت من الجامعة... اتمنى ما اكون طوّلته عليك بالرد..

أخانا المحترم محمد جلال
لو تكرمت لي بالإذن في محاورة مريم بنت الحسين في ناط:
* يا مريم والله أنا لا اشك أنكم كجمهوريين- تبحثون عن الحقيقة
لكن أهم قاعدة للوصول إلى الحققة هي "التجرّد" والتحلّل من التقليد و"الأابوية" كشاكلة قول بعض
الناس: أنا أبوي كان كذا..
**أنصحك يا مريم -كما أنصح نفسي- بكثرة الاضطلاع والقراءة وتغيير البيئة، فهناك بيئتان:
بيئة فاسدة كالماء الراكدة، وبيئة نظيفة كالماء الطاهرة النظيفة

وكثير من الناس يقعون ضحايا لبيئة "متكلسة" تجاوزها التاريخ والواقع والفطرة والعقل.
***لو تأميت هذه "الفكرة" تجديها لم تأت بجديد، هي امتداد لأفكار الفلاسفة الهنادكة والصوفية الفلسفية
الموغلة في "الغنوصية" التي تحاول ادّعاءً- الزعم بانه ليس هناك من إله..اللهم إلا هذا العالَم الذي هو فيضٌ
منه-عياذا بالله..لذلك تأملي كيف نفض الصوفية -أقرب الناس لمحمود- الفكرة الجمهورية وصاحبها، بل حاكموه وأدانوه
مع أن محمود يعترف بأن زعمه بترك الصاة وادّعاءه الوصل له سلف من صوفية(ذكر 3 من كبار الصوفية الضالين لايصلون مثله)
****http://www.google.com.sa/url?sa=tandrct=jandq=andesrc=sandfrm=1andsour...lB92Lql3NgJ6ycialWFA
***
جمهوري سابق يعترف بأن محمودا كان يعتقد هذا:
http://www.google.com.sa/url?sa=tandrct=jandq=andesrc=sandfrm=1andsour...jIXq8OdCeFn54Prw1Gpg
***
لذلك لو فكّرت بتجرّد يا مريم لوجدتِ أن الفكرة تشبه تماما فكرة "وحدة الوجود" و"الحلول" ويرها من الدعوات الباطنية التي
عدّها علماء الإسلام من الفرق المنحرفة عن الإسلام
فليه يا بت الناس تقليد الآباء والأجداد؟
شكري

حياك الله يا شيخ عماد
والموضوع موضوعك

Quote: Ahmed MohammedUmalhassan Bashir Mohamed ..طيب يا ام الحسن ما اختلفنا واعتبر كلامك كله صاح وحكم ودرر .. اها رايك في كلام بت عمسيب البتشتم في المشايخ وتطعن فى كلام الله والرسول شنو .. يا ام الحسن يا اختي ما تدفقي مويتك على الرهاب .. الشى ديل ماهن نساوين ديل شوطّن راسهن عديل .. يا ام الحسن دائما اجد ردودك على تعليقاتي ولا مرة ما وجدت منك رد فيه شتيمة ولا كلام خارم بارم بل بالعكس بنبسط لما اجد ردك .. دحين يا اختي اسمعيها نصيحة مني ما تباري الجداد بوديك الكوشة وتفقدي الدنيا والاخرة .. نحن المرأة قسماً بالله تختها فوق راسنا من فوق بدون كوزنة بدون اى شى ولعلمك انا ما كوز

حياك الله يا شيخ عماد
مفتقدنك والله

Quote: وكثير من الناس يقعون ضحايا لبيئة "متكلسة" تجاوزها التاريخ والواقع والفطرة والعقل.

شكــرا يا عمـدة جزاك الله خير.. هـذه أبلغ عبارة فى هـذا البوست..

و اخـر الزمن الوهابيـة بقوا فنانين.. دى زاتها تستحق التشجيـع..
لكن يا شباب ما دام اخترتو الكركتير كاسلوب للحوار او لنقل ارائكم، فما عندى مانع شخصيـا.. بس ما تزعلوا بالله ولا شئ شخصى.
بالمناسبة شفتو الامير السعودى سلمان بن عبد العزيز يسلم على هلارى كلنتون؟ شفتوها واللا لا.. والسؤال الاول حأضطر اعيدو لأنكم إتغابيتوه وعملتم رايحين


الكراكاتير الاول حيكون إنسان راكب جمل.. لأن ملوك السعودية بكل ذكاء وحذق استعملوا الوهابيـة كمطيـة لتأسيس الدولة، وهو ليسوا وهابيين بالمناسبـة ..
ومن نفاق الوهابيـة إنو شيخهم قال من اكبر القربات الى الله هدم قبـة الرسول.. طيب ما تهدموها واللا ما فى زول داير يخش الجنة او يتقرب الى الله..
امشوا اهدموها بالأول بعدين تعالوا للقبب الخارج المملكة..

ارجو ان يستمر النقاش بهذا الهدوء والمنطق وجاييكم ببقشــة من الكريكاتيرات..

Quote: شكــرا يا عمـدة جزاك الله خير.. هـذه أبلغ عبارة فى هـذا البوست.. و اخـر الزمن الوهابيـة بقوا فنانين.. دى زاتها تستحق التشجيـع.. لكن يا شباب ما دام اخترتو الكركتير كاسلوب للحوار او لنقل ارائكم، فما عندى مانع شخصيـا.. بس ما تزعلوا بالله ولا شئ شخصى. بالمناسبة شفتم خادم الحرمين الملك عبد الله حفظه الله، يسلم على هلارى كلنتون؟ شفتوها واللا لا.. والسؤال الاول حأضطر اعيدو لأنكم إتغابيتوه وعملتم رايحينئ.. الكراكاتير الاول حيكون إنسان راكب جمل.. لأن ملوك السعودية بكل ذكاء وحذق استعملوا الوهابيـة كمطيـة لتأسيس الدولة، وهو ليسوا وهابيين بالمناسبـة .. ومن نفاق الوهابيـة إنو شيخهم قال من اكبر القربات الى الله هدم قبـة الرسول.. طيب ما تهدموها واللا ما فى زول داير يخش الجنة او يتقرب الى الله.. امشوا اهدموها بالأول بعدين تعالوا للقبب الخارج المملكة..

أبوريش .. إنت زعلت يا باشمهندس؟ ^__^
بالمناسبة ده منو شيخ الوهابية القال تكسر القبة النبوية؟؟؟
بالمناسبة التانية: أنا ما وهابي
بالمناسبة التالتة: ما عندي أدنى علاقة بدولة آل سعود المسماة: المملكة العربية السعودية

وأخيرا:

Quote: ارجو ان يستمر النقاش بهذا الهدوء والمنطق وجاييكم ببقشــة من الكريكاتيرات..

يمكنك فتح موضوع خاص لأي نقد/شتيمة/سخرية تريد توجيهها لم أسميتهم بالوهابية
ولكن هذا الموضوع مختص بكاريكاتيرات الجمهوريين فلو عندك كاريكاتيرات من النوع ده مرحبا

Quote: يمكنك فتح موضوع خاص لأي نقد/شتيمة/سخرية تريد توجيهها لم أسميتهم بالوهابية ولكن هذا الموضوع مختص بكاريكاتيرات الجمهوريين فلو عندك كاريكاتيرات من النوع ده مرحبا

يعنى اعمل كريكتيرات على الجمهوريين والله شنو الفكرة؟!!!

يا سيدى الفاضل مافى قنابير فى روسينـا.. بعدين بالمناسبـة انا لا اسيئ ولا اشتم.. دى ما واردة.. وفيما عدا ذلك هـذا منبر حر، فلو رأيت ان هناك من الوهابية يتجمعون هنا فأرد حسب للموقف..
والوهابية فكر ومنهج أقرأه فى كتابة الوهابى حتى لو لم يعلن انه وهابى.. لو فى زول كتب ضـد القبب وضد التصوف وضـد النوبة والذكر، بإسلوب وطريقـة معروفة عند الوهابية، فلا يحتاج ان يتعب
ويقول انه وهابى..

ما اختلفنا هذا منبر حر
لكن هنالك آداب وأخلاقيات متعارف عليها
فلمن أنا أكون فاتح بوست مسميهو كاريكاتيرات في الجمهوريين
وتجي انت تغرقه لي بكاريكاتيرات في السلفيين مثلا،، دي حاجة ما مقبولة
وعلى العموم لو مصر على كده خد راااااحتك البوست بوستيك

Quote: فلمن أنا أكون فاتح بوست مسميهو كاريكاتيرات في الجمهوريين وتجي انت تغرقه لي بكاريكاتيرات في السلفيين مثلا،، دي حاجة ما مقبولة

لا لا لا يا سيـد محمد..

انت لو فتحت بوست عن تراث الحقيبـة، وجيت انا جبت اغانى بوب مارلى ممكن كلامك دا يكون صحيح 100%..

لكن الكريكاتير فى الخصوم السياسيين والفكريين دا عبارة عن مقال زى ما تكتب ليك مقال او نقد ليهم من منطلق سلفى تمثله.. لا تخلط الاوراق

ياااا،مريم بت الحسين...
بالله الانسان لما يكون باق ضي،عامر بالسماحة،وحمال للمسك،
ذواق خلوق،،محب ومحترم للاخرين،،ذي مريم بت الحسين دي،،مش حقو احتفو بيهو...
والله لم اعرفك الا في ده الحوش،،وماني جمهوري،،لكن يمين يابت اخوي،،الفهم وحسن الخلق،ماخليتي فيهو تب فرضا ناقص..
مع احترامي لكل من ينافح الراي بالراي..