حنين

إلى صديقي الفنان الجميل خلف ود الشيخ ..بمناسبة قدوم حنين لتملأ داره العامره حباً وحناناً ....

حنين

جاتني زي كون من هنا
إشراق ونور ودهب لجين
ولطافه خفة دم وروح
الرقه من ألطاف ولين
والبسمه يا ناس زي ملاك
أزهار بنفسج وياسمين
أجمل هديه من الاله
سميته إبداع من حنين

******

زوله أكوان من براءه
مكسيه أشواق مترفات
ترنيمه من لحناً أصيل
أشعار ورقه ودندنات
اغنية الشوق والحنين
والبسمه همسة أمنيات
يا بنيه موسيقى ونغم
عسووله من المولى جات
طلت تخاوي فجر وزاهر
وتوثق الريد والصلات
يا ربي تحفظها وتصون
شر العيون الحاسدات
ونشيله في الأحداق أمل
أفراح زبهجه وأغنيات

إدريس محمد إبراهيم

عبرك اهنئ الاخ والزميل الاستاذ خلف الله ود الشيخ بقدوم حنين والف مبروك وجعلها الله من الصالحات ..
كلام جميل ومعبر استاذي ادريس نسال الله ان يحفظك ويحفظ حنين ...


تحياتي : ياسر العيلفون