بتجيبو الكلام من الفراغ التام/ مالين الصحف من زمان أوهام/ تاني ما تصدقوا الإعلام (قصيدة للبطيخاب)

بتجيبو الكلام من الفراغ التام
مالين الصحف من زمان أوهام
تاني ما تصدقوا الإعلام

مزمز فى الصحف انصارو مجتمعين
كم حلفوا اليمين وقالوا منتصرين
من جوة البلد قالوا هم ضامنين
من اول دقايق اتكبسوا بي قونين

تيّمهم فى الاصل تمهيدي عارفنو
بالكاش التقيل والجلاكسي تاهمنوا
سموهو العالمي وقالوا حاسدنو
ووالي الشروق طار المنام منوا

مدرب كمبالا قال الفريق مهزوم
البشجع الوصيف من عينو طار النوم
الاعلام العجيب ما بختى من اللوم
زارع للكضب وباقي الكلام مسموم

بالكاش التقيل بنولوهم كم دور
لمولهم خرد بالطيارة ما بابور
عجايز من زمن الفردة والدمور
في ناس جعرت وناس مشت دكتور

التيم المرق تمهيدي في الأبطال
لمولو الكشف سيكافا ذاتا النار
ود الزومة زعل نفسو طاقي بخار
ود جابر أكيد عارف الزمن دوار

الاعلان صدر واتململ المزنوق
بى عينى بشوف كمبالا طالع فوق
القون بالشمال وباليمين مطلوق
ما كان بنبطح أكرم المزنوق


الاعلان صدر وغادروا الأبطال
من تمهيدي الخروج اتغيرت أحوال
عارفين الفرق البينا كم أميال
أفريقيا الرجال الديمة ليها هلال


( مع الاعتذار لشاعر القصيدة الاصلية .. بتريد اللطام)

جمال كيف الحال

الجماعة يا خى طووا صفحة افريقيا دى و بدأوا يفكروا فى المحلى تقوم تانى ترجع ليهم الحالة

ويا ها عادتهم كل سنة يجيك مزمل يقول تسجيلاتنا ما فى مثيلها و لعيبتنا يحيروا المدرب فى الاختيار
و مقصورتنا تحير الناظرين و رئيسنا رئيس طوالى و نبدا نقول بسم الله نلقاهم من التمهيدى و على المحلى

حيدر

والله الفيلم ده ياهو بتاع كل سنة

بس السنة دي كتبوا العالمي

دنيا الوصيف دنيا عجيبة

اخر سفرة السنة دي لي كمبالا

ناس اللهط زعلانين شديد

فواتير تاني مافي

والضرع ما بحلب