نحن اهل الطيب الأبا يبيع النعجة

علي لسان السودانيين المغتربين في السعودية ... البقوا يطلعو ا الشارع ويخلوا اقاماتهم في البيت ... لأنهم بقوا بعرفوا نفسهم بالطيب الابي يبيع النعجة للسعوديين ... وهو بالنسبة للسعوديين حسب الفيديو الاخرجوهو لهم شرف ما بعده شرف خصوصا حينما رتبط بالعقيدة واعادة احياء قيمة من الدين والتاريخ الأسلامي ...
عن نفسي شخصياً ورغما عن اني كثيرا ما اعتبر بعض سلوك السودانيين التلقائي والبسيط نوع من أنواع السذاجة ...
لكني الحقيقة اتشرف بأن اترك إقامتي في البيت وأقول لكل شرطي مرور يقابلني .... انت ما بتعرفني ياخي انا من أهل الطيب الابي يبيع النعجة

والحقيقة برغم كل ما قيل عن الموضوع وعن الفيديوهات المتناقلة عن السودانيين كان ده الفيديو الوحيد الاتبرعت اوزعه علي كل سعودي بعرفه .... احتمال لانو لي زمن طويل كنت كل البسمعو هو تهكم او شكر وعرفان للسودانيين اشبه بالاستنهبال ...

أنا اخو الطيب الابا يبيع النعجة ورأسي مرفوع
---
مهداة لصفاء عبر الواتس أخت الطيب الابا يبيع النعجة - التي ارسلت الفكرة
ألي الحبيب عمران -- شكرا للصور

الطيب،
سلامات .. أنا من ولدونى وقبل ما أدخل المدرسة راعى غنم.

ثم راعى بقر عديل ..


أنا أخو الطيب راعى الغنم الأبى يبيع النعجة.

بريمة

بل
هي فرصة طيبة لإزالة الشخصية النمطية لنا
لإظهار ان ماحدث هو سلوك سوداني اصيل وطبيعي

تسلم يا أخو الطيب .. محمد ادم

نحن ناس الجزيرة ... ناس زراعة في الغالب العام .. قليل من الغنم وأقل من البقر .. لكن أخوان الطيب

طبعا كان ما لقحت نفسك ب (ثم راعي بقر عديييل) كان شككت في اصولك البقارية ....
تحياتي

Quote: بل هي فرصة طيبة لإزالة الشخصية النمطية لنا لإظهار ان ماحدث هو سلوك سوداني اصيل وطبيعي

تعرف يا عبدالحفيظ
انا ما سالت نفسي .. انو ليي انا حبيت الفيديو ده وليي شعرت براسي مرفوع ولي من اسئلة كتيرة
ما لقيت اجابة محدةة او ما اديت نفسي وقت افهم الحاصل شنو ... لكن حقيقة من المواقف الخلتني اعتز كثير بسودانيتي .. بس كدة مجرد احساس طاغي ... لمن القي اجابات واضحة برجع ليك ...
وصحيح ان هذا أصلنا لكن الله المستعان علي ما تفعله مثل قناة الشروق وغيرها التي تمسح اعواما من محاولة اثبات اصلنا بمجرد سخافات تخصم من رصيدنا كل ما انجزناه
نعم هي فرصة ولنحاول استغلالها باكثر ما يمكن يمكن ده واحد من دوافع اني رسلت الفيديو لكل البعرفهم
أخو الطيب

سلام عليكم أخي جعفر ......

مهنة راعي الغنم --- مهنة الأنبياء -- لأنها تعلم الصبر والجلد والأمانة وليس بغريب هذا السلوك من الراعي السوداني لأن ذلك الأصل فيه وعليه تربى ....

بالجد زول يرفع الرأس في زمن رفعت فيه الأمانه ...

Quote: بالجد زول يرفع الرأس في زمن رفعت فيه الأمانه ...

سلامات احمدونا
وفي زمن كل يوم راسنا بنزل فيهو للأرض من القتل والسرقة والنهب ... والسلوك الملتوي
السودان ده بقي حالة عجيبة وين ما تقبل وين ما تمشي ... تهز راسك وتستغرب ونحن جزء من كل ده نعمل الحاجات وننزل راسنا بعدها ..... في زمن زي ده بجي واحد بذكرك انو نحن افضل من كدة كتير

ابو الجعافر التحية ليك و لولد اهلك الطيب
اخونا الطيب راجل اصيل وتعامل مع الموضوع من ذات الاصل الطيب وخوفاً من الله
شوف الفرق بينة وبين بتاع كنانة ..... 5 مليون دورار يا مفتري
دحين يا ود اخوي دي بتساوي كم نعجة ؟؟؟

الأخ الفاضل جعفر | تحياتي لك ولضيوفك الكرام .

اخي حقيقة انا مندهشة جدآ في تناول هذا الموضوع وبكثافة وانبهار لا يسبق ليهو مثيل !!!
هذا الرجل الراعي له قيم واخلاق ومبأدي لم يتخطاها فما العجب !!؟ ولا ننسي انه رجل يحمل
معتقده الاسلامي الاصيل بمنتهي الرعاية والاخلاص فما العجب اذن ؟ يعني المووضوع ده لو حصل
في دولة اوربية لا علاقة لها بالاسلام لم تكن ردة الفعل هكذا !!! احكي ليك قصة من ملييييييييييون
قصص بتلاقينا حكي لي عراقي قال مرة فقد الموبايل حقو وافتكروا ضاع ففجأة ضربت ليهو هولندية
قالت ليهو لقيت تلفونك واقع في القطر لو سمحت حدد لي محل عشان تجي تشيلو وفعلآ لاقاعها لما سلمتو
ليهو تخيل اداها خمسين ايرو فاستغربت جدآ وردت عايهو قالت ليهو لو انا بشيل منك قروش ما كنت رجعت
ليك الموبايل فعلآ رد في محلو . عشان كده بتسأل ليه كل الاهتمام باراعي نحن ما بنستحق الامانة والصدق
الطبيعي الربونا عليهو وهو جزء من معتقدنا !!!؟

Quote: هذا الرجل الراعي له قيم واخلاق ومبأدي لم يتخطاها فما العجب !!؟ ولا ننسي انه رجل يحمل معتقده الاسلامي الاصيل بمنتهي الرعاية والاخلاص فما العجب اذن

الأستاذة مني عمسيب

خالص تحياتي ...
انا ذكرت انو الاجابة علي سؤال زي ده ما عندي لانو الموضوع في النهاية مرتبط باشياء كتيرة جزء كبير منها التواجد في مجتمع زي المجتمع السعودي والاستفزازات البلاقيها السودانيين اثناء حياتهم اليومية والتظلمات البعانوها من الكفلاء السعوديين وجزء منها كم النهب والفساد الموجود في السودان ...
يعني انت بتتكلمي عن معتقد اصيل وسلوك انساني قويم باتعباره سلوك السودانيين ... لكن الوقع بكذب الكلام ده ... من وين جاء كل الموجود في السودان لو الليلة عايز تعمل اي حاجة في السودان لازم تدفع .. بعرف واحد من السعوديين الشغال معاهم مشي السودان عشان يستثمر لانشاء مصانع وفي النهاية قنع من الموضوع لانو ارباحه كلها حايدفعها في الاساس عشان يعمل بيها الاجراءات ... عايز تطلع مجرد اوراق ثبوتية لازم تدفع وتدفع وتدفع .. ده البقي سلوك طبيعي في السودان وفي كل مكان ...

فاهم كل البتقولي فيهو .. ماهو العجب في شخص طبيعي يحمل معتقده الاسلامي الاصيل بمنتهي الرعاية
اقول لك ان هذا النموذج ليس هو الاصل سواء كان في السودان او كان في السعودية من السودانيين او الجنسيات الاخري هذا القدر من الامانة والتصالح مع الذات بغض النظر عن الواقع

Quote: شوف الفرق بينة وبين بتاع كنانة ..... 5 مليون دورار يا مفتري

العزيز احمد العربي

الفساد في السودان اصبح يمشي علي رجلين ويسكن جميع الشوارع والطرقات والأبنية ... لم نعد نصدق حتي اذا ما رأينا ان هنالك مسئولاً امينا او حتي موظف مستقيم .. تلوثت جميع المرافق وما كان مستهجنا اصبح الاساس ... لذا فضوء في آخر النفق يعيد الينا بعضا مما فقدناه

تحياتي

و الله قبل فيديو الراعي سمعة السودانين في السعودية كانت ممتازة ..

أيام الكشات الفاتت دي صدف إني كنت عند الحلاق و فجأة جات الكشة و داهمت السوق
و أنا لازلت جالس في كرسي الحلاق
و قفو الناس كلها بالصف و بدو يسألو عن الإقامة و مطابقة المهنة و أمور زي دي و أقل خطأ يرفعو الزول في البص طوالي
لما جاء الدور على و أنا لسه جالس في الكرسي سألني العسكري أنت سوداني ؟ قلت ليهو أيوة قال لي حياكـ الله و مشي ..

سلام يا سيف اليزل

نموذج اخر لا يقل جمالاعن الراعي .. والحقيقة الحكاوي كتيرة بس يمكن دي لانها صورت فيديو مافي مجال لاي نفي ليها او تشيك فيها والانتشار الواسع اداها صوت أكبر ....

تحياتي

Quote: العزيز احمد العربي

الطشاش في بلاد العمي شوووووووووووووووووف تسلم يا ابو امنه

Quote: الطشاش في بلاد العمي شوووووووووووووووووف تسلم يا ابو امنه

يا عمي خلينا من الطشاش


كدي اكتب لي رقم تلفونك
طشاش شنو والله شكلها خرف عديل

الله المستعان يا ابوعرب

Quote: و الله قبل فيديو الراعي سمعة السودانين في السعودية كانت ممتازة ..

الكلام ده صحيح لحد كبير يا خالد

يمكن يكون الموضوع قناعات داخلية اكتر ونحن شايفين وسامعين نوعية واشكال الجرائم البتظهر كل يوم والتاني في السودان... في اختلاف اكيد حتي لو ما كبير الان ماشي في الاتجاه الاكبر ... شكل السودانيين وسلوكهم اتغير كتير خلال فترة الانقاذ وما اظن انو لو طلعو برة السلوك بختلف كتير ... وفي حاجات حاتبدا تتغير مع مرور الوقت اذا ما بدات فعليا

تحياتي

يا جعفر سلام
يا أخوي ات عارف ناسنا ديل بخير محل ما يقبلوا زادهم كرامتهم وعموما السودانين بخير والاستثناء وارد في كل مجتمع ..تحياتي لأهل العوض ولي عظيم الشرف أني منهم وبهم

Quote: تعرف رغم فرحنا بإننا من أهل الطيب الأبا يبيع النعجة ، إلا إنني أتأسى كثيراً بأننا نفرح ( قدر ده ) عشان واحد مننا طلع أمين للدرجة دي ، لأنو دي الصفة الكنا بنتميز بيها عن بعض ( الخلايق ) في السعودية . و تاني يوم يجينا واحد مع ناس الشروق يطلعنا كضابين

تحياتي كمال

تعرف دي العوجة .... اننا عايشين علي الاطلال
لكن زي ما قال الكثيرين انو الدنيا لسة بخيرها ودي الحاجة البفتش ليها كل واحد مننا ... انو يستعييد الثقة في نفسو كسوداني وانو هو لسة عندو حاجة بتميزو برغم كل البحصل في الاتجاه المعاكس من المسئولين والاعلام الردئ ...

ما عارف نقول سلوك الراعي سلوك فردي لا ينطبق علي الجماعة ولا سلوك اعلامنا سلوك فردي لا ينطبق علينا اتخيل لي كل الناس الكانت بتفتكر انو ده سلوك عادي جدا للسودانيين بكونوا اتصدموا من موقف قناة الشروق وفهموا انو الزمن اتغير كتير وميزة الامانة ماشة في اتجاه ما جميل بسبب ثقافة الكذب واستغباء واستحمار الاخرين والفساد الاستوطن بلدنا

Quote: تسلم ي الطيب رفعته راسنا فوف كسودانيين

واديتنا ثقة في نفسنا اننا لسنا بنحتفظ بميزاتنا الافتكرنا اننا فقدناها ... حاجاتنا الاصيلة

شكرا كمال

سلام يا جعفر ومشتاقين يا خي ..

السودانين بشكل عام محترمين بالفطره وماعندنا غير طيبتنا دي والكل يعرف ذلك الا حكومة السجم دي ..

حصلت لي قصة غريبه جدا في سلطنة عمان وانا في الترانزيت بمطار مسقط وانا كنت السوداني الوحيد من بين كل الجنسيات ..

كان الترانزيت طويل شويه ..
تجيني ليك بنت موظفه يا خي انت سوداني قلت ليها نعم

قالت والله انت ما تبيت هنا في المطار دون الجميع

واخذتني الي للجوازات فطلبت منهم ان يعطوني فيزة دخول..

اسمع ليك الموظف اااي يا زول بطريقه جميله تدخل علي راسنا وتااااخ دخول في الجواز
والاكثر من ذلك خرجت معي الي خارج المطار حتي مكان التاكسي فقالت لي لا تستغرب
فانا احب الشعب واكن له كل التقدير لانهم اساتذتي وجيراني حتي اقشعر بدني وشكرتها وشكرت الجاليه السودانيه هناك لانه التي عكست هذا بين العمانين ..
...
فالسوداني معروف يا جعفر الا عند اهل الانقاذ معروف با خو النعجه الابا يبيعها الطيب ..

Quote: يا جعفر سلام يا أخوي ات عارف ناسنا ديل بخير محل ما يقبلوا زادهم كرامتهم وعموما السودانين بخير والاستثناء وارد في كل مجتمع ..تحياتي لأهل العوض ولي عظيم الشرف أني منهم وبهم

الله يطمنك يا حلاوي .. الواحد بقدر ماهو مقتنع بالسودانيين وسلوكهم المستقيم بقدر ما بشوف وبسمع قصص .. اتمني ان تكن فقط حالات شاذة ولا تصبح هي الاصل

Quote: فالسوداني معروف يا جعفر الا عند اهل الانقاذ معروف با خو النعجه الابا يبيعها الطيب ..

ههههههه

اسامة يا حبيب
ماعندي شك طبعا والمواقف كتيرة البتحصل لي بشوف فيها صوت تقدير للسودانيين ولامانتهم ... وفي نفس الوقت بشوف ناس تانية بتاكد علاقتهم الجيدة بالسودانيين زي كانو الاصل انو السودانيين الناس علاقتها بيهم ما جيدة .... بشوف خليط من البشر ...
تعرف اليم كان معانا واحد ... مقاول كبير او في الحقيقة المقاول الرئيسي .. وماخد مننا شغل علي الاقل 3 ملايين ... انا واحد من الناس سكيت شديد موضوع انو يمسك المقاولة عشان عندو امكانات كبيرة وما حايتعبنا بعدين ... في اثناء ما خلاص بقينا علي التوقيع النهائي ... قلت خلاص الحمدلله الواحد ارتاح من القصة المدورة ليها شهر في الاسعار دي .... قام عاين لي كدة وقال لي ... كلو محسوب وبي تمنو .... طبعا كلامو كان واضح .. لكن هو اصر مرة تانية يوضح لي اكتر . ولما البقية مشوا قال لي .... انشالله موركم طيبة ... ضحكت بس ... تعرف بكرة بعد بكرة اعمل ليك ليهو عملية الراعي دي عشان يآمن ... خصوصا وانو في واحد مصري معاهو اكيد حياخد مكافأته لانو طبيعي وده شغلة واجتهادو ...

والله يعين