Post: #1
Title: حكومة الظل من نساء المنبر_ وحديث عن الجندر!!!!
Author: alsngaq
Date: 02-16-2014, 10:21 AM
شخصيا وصلت لمعيار خاص من خلاله بكون وجهة نظر فى المرأة داخل العمل العام التطوعي فى السودان والمنبر هنا بشكل خاص .
مشاركة المرأة فى هذا العمل دائما بتثير اهتمام الرجل السوداني بشكل لايخلو من ربكة فى المجمل الى يومنا هذا بالرغم من اقتحامها للعمل العام منذ عقود!!؟؟؟
اولاا المرأة زميلة فى العمل الوظيفي تختلف كثيرا عن زميلة فى العمل العام؟
فى واقعنا بالعموم الاتنيين بعملوا تحت سقف معد مسبقا بامتيازات اكتر للرجل. ام في العمل العام التطوعي فالوضع مختلف حيث ان الفرص
متاحة من خلال الاداء وهنا الرجل بفقد اول امتياز عرفي اعتاد عليه. المنبر هنا لا يختلف كثيرا عن واقع العمل العام
فشكل الرجل هو هو وكذلك شكل المرأة. ما عايز اكتر حكي كثير المعيار الذي اقصده موجود فى المنبر هنا وسوف
اردفه بأمثلة للمساعدة فى توضيح الفكرة من اجل الفائدة وليس من اجل التهليل او التقليل من شأن نساء/رجال المنبر
للاسف معظم نساء المنبر هنا الا عدد قليل منهم (سوف اذكر امثله لهم) نجحوا فى تحقيق معادلة ابعاد اعتبارات الجندر عن اذهان الرجال
طبعا لدي قناعه تامه انو الحتة دي مسؤولة عنها المرأة فقط وليس الرجل فى هذا العمل (المنبر مثالا). بعكس كثيرين بعتقدوا انو
الرجال مفروض يجوا جاهزين عشان يعاملوا النساء معاملة بعيدة عن اعتبارات الجندر ناسين تماما انو فى عدد كبير جدا من النساء
دخلوا العمل العام (المنبر مثلا) ولا يعتمدن الا على اعتبارات الجندر! كلامي بستدل عليه بشئ واحد فقط انو النساء النجحوا فى التحدي
ده مش لانو واقع العمل العام او المنبر مناخ مثالي لا ابدا. ببساطة نجحوا لانهم فعلا دخلوا وما معاهم اعتبارات الجندر اصلا ومع ذلك انوثتهم لم تغب
عنهم لحظة(وده ابداع). المشكلة لمن تربط المرأة انوثتها بمفهوم الجندر فى حد ذاته. هنا بتظهر المشكلة ! كل النساء يشعرن بلحظات احباط اثناء معارك العمل
العام ويشعرن بالهزيمة مثلهم مثل الرجال وهنا بظهر النوع الاول من النساء الذي قصدته وديل طوالي فى اللحظة دي بكونوا عايزين معاملة خاصة كونهم اناث
وعشان كده لازم يكون خط الدفاع الاول ابتاعهم دائما انوثتهم والنماذج دي بتكون اكثر وضوحا فى كوزات ضل طريهم لليسار (كوزة مركبة مكنة شيوعية).
النوع التاني الذي لا يعتمد على اعتبارات الجندر وخط دفاعه الاول دائما طبيعة عمله وطرحه فاجبرونا انو نشوفهم من خلال كتباباتهم قبل انوثتهم.
وديل ممكن عادي جدا يشكلوا حكومة ظل محترمة:
1. رئيسا للدولة مريم بنت الحسين( بتعرف تسمع وتشوف جيدا قبل ما تتصرف اي تصرف)
2. رئيس وزراء امنة مختار ( كبير عندها الله بس )
3. وزيرة مالية اشراقة مصطفى ( تعرف تضع الامور فى نصابها الصحيح)
4. وزيرة الثقافة والاعلام اسمارت انا ( اسمارت فى تعاطيها مع الاحداث وتجعل العادي منها مثير جدا)
4. وزيرة التربية والتعليم د.نجاة ( ما يتخاف على اجيالنا معاها من اي شئ)
6. وزيرة خارجية نور تاور (تعرف جيدا من تخاطب وكيف تخاطبه)
7. وزيرة داخلية تراجي مصطفى ( ما بتحب الظلم وبتدي الضعيف دائما اولوية)
8. وزيرة الشباب والرياضة دي ما لقيت ليها وزير الله يسامحك يا المريخ هارون دياب اتصرف
سبحان الله كلهم بينهم صفة مشتركة مابعرفوا اللون الرمادي فى مواقفهم.
السنجك
|
Post: #2
Title: Re: حكومة الظل من نساء المنبر_ وحديث عن الجندر!!!!
Author: alsngaq
Date: 02-17-2014, 06:25 AM
Parent: #1
up
|
Post: #3
Title: Re: حكومة الظل من نساء المنبر_ وحديث عن الجندر!!!!
Author: smart_ana2001
Date: 02-17-2014, 08:05 PM
Parent: #2
شنو يا جماعة؟
بوست طويل عريض و ما في زول يعلق!!!
الحكومة دي ما عندها معارضة؟؟؟
موافقين كلكم؟؟؟
|
Post: #4
Title: Re: حكومة الظل من نساء المنبر_ وحديث عن الجندر!!!!
Author: Tragie Mustafa
Date: 02-17-2014, 08:24 PM
Parent: #3
وزيرة الرياضه كيف ما عارفها يا السنجك؟!
وحاتك مواهب ادريس اخطر محلله رياضيه تشهيك تحليلاتها كرة القدم يبقي وزارة الرياضه مضمونه.
اما صفاء فقيري صاحبة اللغه الرصينه تمسك وزراة الثقافه.
والاستاذه احسان عبد العزيز تنفع مسؤلة الاعلام (بعيد عن انحيازها الاعمي للحركه الشعبيه)
وعييييييييييييييييك الكفآت راقده.
|
Post: #5
Title: Re: حكومة الظل من نساء المنبر_ وحديث عن الجندر!!!!
Author: Afraa Sanad
Date: 02-17-2014, 08:26 PM
Parent: #4
طبعا يا أسمارت أنا زعيمة كتلة المعارضة....نرجاكم لمتين عشان تدونا منصب....تسقط حكومة النساء...وقد خاب قوم ولوا أمرهم نساء
|
Post: #17
Title: Re: حكومة الظل من نساء المنبر_ وحديث عن الجندر!!!!
Author: alsngaq
Date: 02-19-2014, 07:16 AM
Parent: #5
عفراء المعارضة حتكون كلها رجال هههههه انت متاكدة عايزه المعرضة ؟
|
Post: #16
Title: Re: حكومة الظل من نساء المنبر_ وحديث عن الجندر!!!!
Author: alsngaq
Date: 02-19-2014, 07:13 AM
Parent: #4
موضوع الرياضة ده صعب شديد لكن بالجد اختيارك سليم وصادف اهله
نرحب بمواهب وزيرة للرياضة واول حاجة ياريت تبدا لينا بالمريخ قطع قلبنا
|
Post: #6
Title: Re: حكومة الظل من نساء المنبر_ وحديث عن الجندر!!!!
Author: alsngaq
Date: 02-18-2014, 06:47 AM
Parent: #3
اسمارت
تم اختيار الحكومة بعنايه
لكن بالجد عند فضول لمعرفة المعارضة ؟؟؟
|
Post: #7
Title: Re: حكومة الظل من نساء المنبر_ وحديث عن الجندر!!!!
Author: عفاف الصادق بابكر
Date: 02-18-2014, 09:37 AM
Parent: #6
ومن هنا ... نرسل التهاني ونشد على ايديكم .. ونقف معكم وقفة .. واحده ... بالتوفيق
|
Post: #8
Title: Re: حكومة الظل من نساء المنبر_ وحديث عن الجندر!!!!
Author: smart_ana2001
Date: 02-18-2014, 08:53 PM
Parent: #7
عفراء، اسمعي، نديك وزارة السياحة، كيف معاك؟
بتختي البندقية ؟
أخونا السنجك، شكرًا جزيلا، علي حسن الظن.
انا شخصيا عاوزة وزارة الصحة. ما دكتورة، و ما حصل عملتا في الحقل الصحي، لكن اظن انها من اهم الوزارات. او التعليم العام. و ما اظن مريم او تراجي يبخلوا علي بميزانية محترمة تحل مشاكل التعليم و الصحة في الهامش و حتي في الوسط.
حقيقي - عكس الأغلبية-انا ما كان عندي اعتراض علي حكومة الظل. بالعكس فكرة كويسة جداً. ما دام الحكومة دي قاعدة علي قلوبنا بالغصب، خلينا نحاول نساعد المواطن البسيط ده.
|
Post: #9
Title: Re: حكومة الظل من نساء المنبر_ وحديث عن الجندر!!!!
Author: مريم بنت الحسين
Date: 02-18-2014, 09:06 PM
Parent: #7
دقيقة.. النهظر وبعدين نجي للرد... الحكومة دي موش مفروض اشكّلها انا؟ اعتقد انها محتاجة شكّه....
برجع بكره ان شاء الله... لكن اعتقد انه فكرة الرئاسة دي لصقت فيني لما زمان نزلت بوست في اول سنيني ف المنبر وقلت اني عايزه اكون رئيسة السودان... لكن اكتر شي عجبني في البوست هو انه السنجك وراني جانب لمشاركاتي في المنبر ما كنت منتبهة ليه... وسعيدة بيه جداً... وده بالضبط البتمنى اني اعكسه...
لبكرة..
|
Post: #10
Title: Re: حكومة الظل من نساء المنبر_ وحديث عن الجندر!!!!
Author: أيمن محمود
Date: 02-18-2014, 11:24 PM
Parent: #1
انا اعترض على آمنة وتراجي ... شكلك ختيتن تمومة جرتق ساي
|
Post: #11
Title: Re: حكومة الظل من نساء المنبر_ وحديث عن الجندر!!!!
Author: Afraa Sanad
Date: 02-19-2014, 00:55 AM
Parent: #10
كتر خيرك يا سمارت ما قصرتي تديني وزارة السياحة حقت أنصار السنة !!!أها داخلة الغابة عديل شوفو ليكم طريقة عاد ....
|
Post: #12
Title: Re: حكومة الظل من نساء المنبر_ وحديث عن الجندر!!!!
Author: Tragie Mustafa
Date: 02-19-2014, 01:16 AM
Parent: #11
بالمناسبه يا ايمن محمود
انت منو السالك؟!
افتح…..بوستك الخاص….وكون من تشاء من تحفط التشوف البيدخل لك منو ذاته!
انت نصيح!!
نحن لو ما السنجك زول محترم هظار ذاته ما بنهظر معاهو.
|
Post: #13
Title: Re: حكومة الظل من نساء المنبر_ وحديث عن الجندر!!!!
Author: nour tawir
Date: 02-19-2014, 01:23 AM
Parent: #12
يا السنجك وين القائد الآعلى للقوات المسلحة ؟ّ!
ووزيرة شئون الاسرة؟
والنفط والتعدين؟
والمالية والآقتصاد الوطنى ؟
والآوقاف والشئون الدينية؟!
وبعدين مندوبة السودان الدائم فى الآمم المتحدة ؟
أت حكومتك دى مخستكه كدى مالها ؟
أهى المعارضة من هسى قالت ليك تسقط الحكومة..
كدا كويس ؟
|
Post: #14
Title: Re: حكومة الظل من نساء المنبر_ وحديث عن الجندر!!!!
Author: مريم بنت الحسين
Date: 02-19-2014, 06:10 AM
Parent: #13
يا اخوانا هدّو شويه... وخلونا نتفاهم في الحكومة دي ... اول هام، الناس القاعده توزّع وزارات دي براها كده، موش انا رئيس الحكومة المنتخب ولا تعيين من رئيس دولة أعلى منّي!؟ عشان أفهم صلاحياتي وكده...
على جانب اكتر جدّية، اعتقد يا السنجك انه عشان الحكومة تكوّن فعّالة ويكون في تأثير من العنصر النسائي على زملاؤهم الرجال، محتاجين حكومة متوزانة تضم رجال ونساء... والحقيقة انه مهمة رئاسة حكومة للمرأة محتاجه لمواصفات اكبر من الكتبتها عني (ده ما تمهيد استقالة، فبالله مافي زول يجي ناطي)، انا محاولة اعكس نقطة مهمة، وهي انه رئاسة الجمهورية (الديموقراطية) في ظل دولة بتسمح بحرية الاعلام والنقد بتحتاج لقوّة شديدة... ومرات كتيرة قسوة كمان... بقول الكلام ده وفي بالي المرأة الحديدة مارغريت تاتشر ... من فترة قريبة شفته trailer للفليم العملته Merl Streep... المشاهد براها بتدي إيحاء بمدى قوّة المرأة دي ومدى الصعاب الواجهتها في سبيل انها تقود بريطانيا وتصبح واحده من أعظم رؤساء الحكومات المرّت على المملكة المتحدة... الفليم بالجد رائع وبستاهل انه الزول يحضرو، منتظراه ينزل مجاني اونلاين عشان احضره... اعتقد انه ملهم من كل النواحي ولأي إمرأة موجودة في موقع مسؤولية وموقع قرار...
على صعيد آخر، وبنفس الجدّية.. اعتقد من منطلق الجندر برضه، الحكومة دي محتاجه عناصر رجالية.. عشان نأسس لمبدأ الكفاءة كسبب للترشيح... يعني المرأة السودانية لازم تكون كفؤة بالصورة الكافية لإنها تستحق المنصب بدل ما تكون مناسب تشريفية زي الحسي حاصلة في السودان حسي....
انطلاقاً مما سبق (ممارسة حقي في تحديد اعضاء الحكومة، وضرورة وجود عنصر رجالي)، اعلن حل الحكومة الحالية في انتظار اعلان تشكيل وزاري جديد...
شكرا شعبي
|
Post: #15
Title: Re: حكومة الظل من نساء المنبر_ وحديث عن الجندر!!!!
Author: عبدالحفيظ ابوسن
Date: 02-19-2014, 06:33 AM
Parent: #14
اها
ووزارة الشئؤن الدينية والحج والعمرة ?
|
Post: #18
Title: Re: حكومة الظل من نساء المنبر_ وحديث عن الجندر!!!!
Author: علي دفع الله
Date: 02-19-2014, 07:17 AM
Parent: #15
انا عاوز وزارة في حكومة النساء دي اتصرفوا بقىىىىىىىىىىى
مش النعاج الصدروهن للسعودية الجماعة اتصرفوا
خلاص انا عاوز وزارة في حكومة النساء يا سنجك
ههههههههههههههههههههههههه
-----------
بصورة اكتر جدية صدقني اي نظام مفروض الحكومة تكون فيه اكتر من 50% نساء لأنهن بصراحة اكتر جدية من الرجال وبرضو مهنيات وملتزمات بالتوقيت والبرنامج ودائما بكونن في حالة تحدي لأثبات النظرة السالبة ونظرية(المراءة كان فاس ما بتكسر الراس) وحكاية الضلع الاعوج وناقصة لم ودين وعيييييييك عشان كدة التحدي بكون هو العنوان العريض لأي امراة بتكون على مهمة عامة
وانا اضيف لقائمة الوزيرات الاستاذة تيسير عووضة كوزيرة للثقافة فقط من غير اعلام والاستاذة سلمى رئيسة للوزارة
|
Post: #19
Title: Re: حكومة الظل من نساء المنبر_ وحديث عن الجندر!!!!
Author: alsngaq
Date: 02-19-2014, 08:18 AM
Parent: #18
Quote: وهي انه رئاسة الجمهورية (الديموقراطية) في ظل دولة بتسمح بحرية الاعلام والنقد بتحتاج لقوّة شديدة... ومرات كتيرة قسوة كمان... بقول الكلام ده وفي بالي المرأة الحديدة مارغريت تاتشر
|
بتفق معاك يا مريم فى كلامك ده بس بصراحة ده مش وقته!!! شخصيا وبكتب فى البوست كان في بالي امنة مختار لكن بصراحة السودان وتحديدا الرجل السوداني ما مستعد
للنموذج ده الآن وعدد من نساء بلادي ايضا للاسف.
| Quote: على صعيد آخر، وبنفس الجدّية.. اعتقد من منطلق الجندر برضه، الحكومة دي محتاجه عناصر رجالية.. |
اذا حصل كلامك حتلقوا مناصبكم تشريفية بعد شويه ده مؤكد
تاني بأكد ليك الرجل السوداني ما جاهز انو يقبلكم فى مناصب قيادية حقيقية وليس تشريفية لسه بدري
اذا لم تكن حكومة معظمها نساء ما اعتقد تواجدكم حيكون فعال بالشكل المطلوب. نحن لسه
ماجاهزين انا اسي البتفلسف وعامل ليكم بوست لحكومة الظل ده ما ضامن نفسي ميه الميه
وقت ما تبقى جد يا مريم . كلام السوشال ميديا ده شئ والواقع بعدين شئ تاني خالص
ده مرض عضال ضارب منذ سنين عايز مضادات بكميات كبيرة قدر المستطاع.
|
Post: #20
Title: Re: حكومة الظل من نساء المنبر_ وحديث عن الجندر!!!!
Author: مريم بنت الحسين
Date: 02-19-2014, 08:38 AM
Parent: #19
Quote: ماجاهزين انا اسي البتفلسف وعامل ليكم بوست لحكومة الظل ده ما ضامن نفسي ميه الميه
|
اهاااااااا، ده نسميه شنو يعني؟! الرجال بنديهم مناصب تشريفية.. مافي حقيبة مهمة بتمشي لي راجل...
| Quote: ووزارة الشئؤن الدينية والحج والعمرة ? |
د.مهيرة...
| Quote: وانا اضيف لقائمة الوزيرات الاستاذة تيسير عووضة كوزيرة للثقافة فقط من غير اعلام والاستاذة سلمى رئيسة للوزارة |
تيسير عووضة دي بنخليها وزارة الداخلية... عشان هرّاشه... ومنصب رئاسة الوزراء ده مأخود، هاردلك لي صاحبتي سلمى سلامة... تشكك في إرادة الشعب يا علي دفع الله!
أهم شي عايزين وزارة براها للنظافة يا اخوانا... البلد دي دايراه ليها غسيل بي كلوروكس.... .. أدونا شهر بس البلد دي تبقى انضف من ابوظبي!
|
Post: #21
Title: Re: حكومة الظل من نساء المنبر_ وحديث عن الجندر!!!!
Author: abuguta
Date: 02-19-2014, 08:53 AM
Parent: #20
الاخ السنجك
انا بصدد بوست لعودة القدامى
لكن انت اخترت ليك طريق سريع لكسب الركاب
ولقيت ليك محطة زى حقت الصهريج الحاج يوسف
بوست موفق
كسرة
ما عاوزين ليكم سواقين ,,طبعا ما ممكن رئيسة ولا وزيرة
تسوق العربية براها
|
Post: #38
Title: Re: حكومة الظل من نساء المنبر_ وحديث عن الجندر!!!!
Author: alsngaq
Date: 02-23-2014, 08:00 AM
Parent: #21
شاعرنا الجميل والله مرورك اسعدني ياخ عايزين نشوفك
معقول فى الرياض دي وما نتقابل اظهر علينا بلييز
عدد كبير كبير من القدامى مختفي بالجد نتمنى ظهورهم
|
Post: #34
Title: Re: حكومة الظل من نساء المنبر_ وحديث عن الجندر!!!!
Author: alsngaq
Date: 02-20-2014, 08:03 AM
Parent: #18
على دفع الله فى الشاشة! مافي ليك هههههههههه
البلد دي رجالها طلعوا عينها مافي شئ ما جربوا فى الشعب المسكين ده
اخر امل للبلد دي فى الحكومة دي . عموما اذا عايز تشارك فيها
على كيفك بس بكره بعملوك سبب هههههههههههههه
|
Post: #33
Title: Re: حكومة الظل من نساء المنبر_ وحديث عن الجندر!!!!
Author: alsngaq
Date: 02-20-2014, 06:23 AM
Parent: #13
| Quote: شكلك ختيتن تمومة جرتق ساي |
ايمن اخوي شخصيا الحكرة دي نفسي اتعلمها المجاملة بقصد
صدقيني لسه ماعرفتهم كويس.
نور ياخ اشراقة مصطفى دي كلها ما عاجباك بالغتي ؟؟؟
بالنسبة للقوات المسلحة دي تكون تابعه بشكل مباشر لتراجي
| Quote: أت حكومتك دى مخستكه كدى مالها ؟ |
دي حكومتكم بعد ده شكلوها زي ما عايزين وامسكوا فيها قوي
كان سقطت تاني ما بتشموها نهائي ههههه.
|
Post: #22
Title: Re: حكومة الظل من نساء المنبر_ وحديث عن الجندر!!!!
Author: أيمن محمود
Date: 02-19-2014, 08:55 AM
Parent: #12
شنو يا تراجي ! الواحد ما يعبر عن تعابيرو ؟
البلد دي ما فيها ديمقراطية والا شنو؟
انتي وآمنة ما تبقن وزيرات الا على جثتي ...
|
Post: #23
Title: Re: حكومة الظل من نساء المنبر_ وحديث عن الجندر!!!!
Author: Abdel Aati
Date: 02-19-2014, 11:02 AM
Parent: #22
فعلا دي حكومة الشمس وبيس الظل ؛
يا ريتنا لو يحكمونا النساء السودانيات؛ لانعدل حال الوطن حينها
والحكومة اعله خير مثال على امكانيات المرأة السودانية
التحية لنساء المنبر ونساء السودان ..
|
Post: #24
Title: Re: حكومة الظل من نساء المنبر_ وحديث عن الجندر!!!!
Author: عفاف الصادق بابكر
Date: 02-19-2014, 11:33 AM
Parent: #23
| Quote: أهم شي عايزين وزارة براها للنظافة يا اخوانا... البلد دي دايراه ليها غسيل بي كلوروكس.... .. أدونا شهر بس البلد دي تبقى انضف من ابوظبي! |
والله يا مريوم دي اهم حاجة تبدئي منها .. واستعينى بـ انعام حيموره هههههههههه ...
تعرفي اكتر شيء مستغربين ليهو اولادي اكياس البلاستيك في الشارع وعدم البراميل لل###### ... يعنى تعتذري ليهم كيف ما تعرفي ..
مرات كده اهرشهم واقول ليهم عشان السودان الكبير والناس كووووتااار ... وابقى صغيييييرة بالكلام ده ده هههههههههه ..
|
Post: #25
Title: Re: حكومة الظل من نساء المنبر_ وحديث عن الجندر!!!!
Author: مريم بنت الحسين
Date: 02-19-2014, 12:53 PM
Parent: #24
ههههههههههههههه والله يا عفاف جبتيها جيبه بي انعام حيمورة دي، تنفعي مستشارة رئيسة الوزراء... يبقى اتفقنا، إنعام حيمورة وزيرة النظافة الاتحادية... أما أولادك ديل فقولي ليهم الحقيقة أسلم ليك عشان ما يضحكوا فيك ويمسكوها ليك لما يكبروا
أيمن محمود، انا حأعينك في المخابرات، موش انتو البتعملوا بالدس الحاجات الماعايزه الحكومة تعملها في العلن؟ ... تراجي وآمنة مختار Just kidding يا قول سمارت....
على سيرة سمارت، حأتكون وزيرة الكباري والسدود، يعني مهندسة قدر الدنيا وخبرة في بلاد العم سام ما ممكن نضيعها... سمارت عليك الله كتري من السدود، وكبري بحري-الخرطوم ده عليك الله صلحيه، انا قدر ما امشي بيه اقول يقع بينا، يتارجف كله زي الجلي.. كبري شمبات علّي لينا السياج وكان عملتيه زي جسر البوابة الذهبية تكونوا ما قصّرتي...
وزارة الزراعة بنديها لعم كوستاوي... صحي هي وزارة مهمة للاقتصاد، لكن ما وزارة سيادية .. وشكله كده ليه في الزراعة، كان مجنن سمارت بي الجرجير الزارعو...
|
Post: #26
Title: Re: حكومة الظل من نساء المنبر_ وحديث عن الجندر!!!!
Author: أيمن محمود
Date: 02-19-2014, 01:25 PM
Parent: #25
تمام يا مريم - المخابرات فرع الاغتيالات السياسية بالله
|
Post: #27
Title: Re: حكومة الظل من نساء المنبر_ وحديث عن الجندر!!!!
Author: AMNA MUKHTAR
Date: 02-19-2014, 04:52 PM
Parent: #26
شكرا يا السنجك على العشم .
بوستك دا أنا من شفتو طوالي مصراني العصبي وجعني ههههههه
هو أنا ناقصة يا أخوي ..
_____________
ويا مريم
رئيس الوزراء هو المن مهامه تكوين الحكومة :)
وفعلا كلامك صحيح ، لا يمكن أن تنجح امرأة كرئيسة لو ما كانت حديدية عدييييل كدا ..
والنماذج كثيرة حول العالم .
وشخصيا النموذج المفضل بالنسبة لي أنجيلا ميراكل .
القائدة الحقيقية لأوربا ..وليس لألمانيا فقط .
وفعلا كلام السنجك صحيح .
الشعب السوداني ليس مستعدا لهذا النموذج بعد ..
بل ليس مستعدا لتقبل أحزاب تؤسسها أو تتزعمها نساء ( عن تجربة طبعا ) .
.............
وشخصيا ياريت لو تدوني وزارة الشؤون الإجتماعية ..
عشان نفسي في شغل كتيييير في الحتة دي .
|
Post: #28
Title: Re: حكومة الظل من نساء المنبر_ وحديث عن الجندر!!!!
Author: Tragie Mustafa
Date: 02-19-2014, 05:10 PM
Parent: #27
مريوم
هوووووووي خلاص قمتي في بيع القضيه؟!
رجال شنو النجيهم كمان؟!
ما شايفاهم مركبننا الطروروه في كل حاجه
قال رجال قال!!
احنا الرجال يا بمواصفات عادل عبد العاطي و السنجك ديل يا يدونا عرض اكتفاهم ههههههههههههه.
ويا آمونه بطلي الزوغان
انت وزارة البيئه حقتك
مش هارينا بالبيئه اها خمي و صري
طبعا اكبر دمار بيء حصل علينا و كفايه نمط التنقيب الصيني للبترول ودي البلد في داهيه رغم انه الجنوب انفصل لكن نحن عارفين اثر التدمير البيء للتنقيب الصيني علي مناطق مثل هجليج و جنوب كردفان عموما.
د.صفيه يا جماعه زوله ما ساهله
انتو زارة الصحه اديتوها لمنو؟!
نور تاور افضل من يعرف للتنميه الريفيه و هي تحدياتنا الحقيقه.
ونسيت اقول د.احسن فقيري ممكن تنفع للصحه معليش يا د. صفيه انت تبقي نائبتها.
رجاء العباسي ما تنسوها اعلاميه ما ساهله
ولو جينا لناس الزمن الجميل د.عائشه حميده ما نسينا وجودها هنا رغم قصره.
وناس شاديه عبد المنعم
وأميمه مصطفي سند
وعييييييييك العمده تماضر شيخ الدين
نقبل وين من غيرهم
انا غايتو بادعد اذنك يا آمونه بقول الشؤن الاجتماعيه لتماضر شيخ الدين لانها طورت تجربتها فيها هنا في الغرب.
وفي داخل و زارة الصحه المسؤله من الاسنان ضعوها د.نبراس شيخ الدين.
اها نسينا يا جماعه شذي بله ما طبيبه برضو شوف ليها مكانه في وزارة الصحه.
اه الاديبات ناس عزاز الشامي وديل يمسكوهم ياتو وزاره؟!
وطبعا ما ناسين دينا خالد
اسمارتي دي للمواصلات السلكه و اللاسلكيه
مش شابكنا كل يوم بتثقف فينا حول الاي فون!
التخطيط باش مهندسه سلوي السعيد
طبعا ديل زوله علامه بتاعت تخطيط مدن.
اه وزارة الجندر ضعوا فيها د.ندي مصطفي.
الا ما قلتوا لي د.بيان اديتوها شنو؟! التربيه و التعليم؟!
|
Post: #29
Title: Re: حكومة الظل من نساء المنبر_ وحديث عن الجندر!!!!
Author: علي دفع الله
Date: 02-19-2014, 05:20 PM
Parent: #28
| Quote: احنا الرجال يا بمواصفات عادل عبد العاطي و السنجك ديل يا يدونا عرض اكتفاهم ههههههههههههه |
زعلان منك يا ام حازم يعني نحن اوف بوينت شوفي مداخلتي الاولى هههههههههههههههه عموما كان داير اكون تاجر سياسة اسرح وادور بين الحسان لكن قطعت تراجي قول كل سياسي وانشاء حكومتكن دي شهر ما تعديه وتنقلب ويعتقلوكن كلكن بس كيتا في عدم اختياري انشاء وزير دولة بشئون المراسم دي احسن وزارة بتخليك قريب من الكل ههههههههههههههه
|
Post: #30
Title: Re: حكومة الظل من نساء المنبر_ وحديث عن الجندر!!!!
Author: عبدالحفيظ ابوسن
Date: 02-19-2014, 05:34 PM
Parent: #29
السلام عليكم السيدات اعضاء الحكومة
الضيوف
صاحب البوست
الموضوع شكلو جادي كده
الفكرة من أساسها فيها جندرة ,, يعني نحن بتكلم عن ياتو دولة ? ديمقراطية ? مامهم جندر الوزير مادام أتي وفق للعملية الديمقراطية , لكن ما بنضع شرط انو يجب ان يكون انثي وإلا انهدت الديمقراطية من اصلها
حكومة ديكتاتورية عسكرية صعبة شوية إلا نساء الامازون المقاتلات
لكن بكون سخن مع الرجال يعني تاني مافي مسؤول بعرس اربعة وماحنسمع فتاوي زواج المتعة
|
Post: #31
Title: Re: حكومة الظل من نساء المنبر_ وحديث عن الجندر!!!!
Author: AMNA MUKHTAR
Date: 02-19-2014, 05:48 PM
Parent: #30
يا أم حازم وزارة البيئة دي عندنا ليها الخضراء د.ماجدة ميرغني .
متخصصة في شؤون البيئة .
ويا ود أبوسن .
نموذج نساء الأمازون دا ذاته عندنا ..
وأي عنكبة جنكبة ..طوااالي بنعمل ليكم إنقلاب عسكري ..
ونجيب ليكم المقاتلة إحسان عبد العزيز ..
( نساء في مرمى البندقية ) .
........
مع أن العالم لو حكموه نساء ..
أووووول حاجة حا يوقفوا كل الحروب العبثية المدورة كل يوم دي ..
وحا نمنع صناعة وتجارة السلاح ظاتو ...:)
|
Post: #32
Title: Re: حكومة الظل من نساء المنبر_ وحديث عن الجندر!!!!
Author: Ishraga Mustafa
Date: 02-19-2014, 06:12 PM
Parent: #31
Quote: 3. وزيرة مالية اشراقة مصطفى ( تعرف تضع الامور فى نصابها الصحيح)
|
ماااااااااااااااااااالك على يالسنجك؟؟؟؟
مالية؟
هو انا بعرف امسك قروش؟
|
Post: #35
Title: Re: حكومة الظل من نساء المنبر_ وحديث عن الجندر!!!!
Author: عفاف الصادق بابكر
Date: 02-20-2014, 10:16 AM
Parent: #32
Quote: أما أولادك ديل فقولي ليهم الحقيقة أسلم ليك عشان ما يضحكوا فيك ويمسكوها ليك لما يكبروا
|
يا مريوم يا بت امي الحقيقة مرررررررررررة اقول شنو واخلي شنو .......... غايتو العشم في التشكيله بتاعتكم دي كبيررررر ههههههههههههه
اعا قصة مستشارة دي ... انا غايتو شورتى صعبة خلاس وما بالهين تطلع منى حاجة إلا بعد لوووووووواقه على قول ابوي ...
اما انعام حيمورة وزارة الله يعينها فيها ........ عايزه مجهود كبير بعد جهودها بعدين الناس تقدر تفكر كويس ...
جنى وجن البيت ال######ان ههههههههههههههه (البيت الما نضيف )
|
Post: #36
Title: Re: حكومة الظل من نساء المنبر_ وحديث عن الجندر!!!!
Author: مني عمسيب
Date: 02-20-2014, 10:58 AM
Parent: #35
الأخ الفاضل \ السنجك وضيفاتك نساء الحكومة .
التحية الخاصة لك ولهن..
ولكن اختلف معك اخي السنجك . في هذا الاقتباس :-
| Quote: سبحان الله كلهم بينهم صفة مشتركة مابعرفوا اللون الرمادي فى مواقفهم. |
وقت ما تديها كمان التربية والتعليم !!!؟؟ يعني اسه عملت شنو !!؟
عمومآ الحمد لله انا لسه معارضة . هههههههههههه .
تسلموا كلكم بدون فرز احلي بوست من احلي سنجك . ولي قدام .
|
Post: #37
Title: Re: حكومة الظل من نساء المنبر_ وحديث عن الجندر!!!!
Author: Tragie Mustafa
Date: 02-20-2014, 01:00 PM
Parent: #36
يا علي دفع الله
والله حقك علي
وصدقني…..انا قبل الارسال اتذكرتك و و د ابو سن برضو و لكن قلت بطول اللسته كده
السنجك صاحب البوست ود عبد العاطي نعرفه سنينا هنا فاعتبرهم هم راس جبل الجليد
ولكن اكيد لولا اخوة كثر داعمين لمسيرة النساء هنا لما صمدنا.
التحيه لك يا ملك و ابقوا عشره
مافي دوله بتقوم بنساء لوحدهن ولا رجال ولحدهم
وانما بتفرغ المخلصين من الجنسين.
واديك شايف اه ظلمنا اختنا بت عمسيب دي ذاتها ولم نشرحها لوزاره عارف ليه؟!
برضو لانها جديده. فحقها علينا.
يا مني انا برشحك للتوجيه المعنوي لانه تنفعي في الحراك الثوري و مليان نشاط و افكار طيبه تقدميه .
|
|