صور حفل الفنان القدير شرحبيل أحمد بجدة (صور بس)

بالنسبة للصور الكتييييرة العندي دي...

محتاجة زمن كتييييير للإختيار وللمعالجة ثم الرفع المرهق جداً..

وبعدين ..يا بكري يا ترفع البوست دا فوق..يا ما حا أرفع الصور..

أي زول حر في العدة بتاعتو...هههههههههه

..

..

من اجمل الحفلات التي حضرتها مؤخرا بمدينة جدة ... تنظيم وترتيب عالي .. قاعة انيقة ... وحضوكبير وجميل ... وامتع الاستاذ شرحبيل الحضور وشنف اذانهم بغناء جميل بمصاحبة الفرقة الموسيقية التي كانت علي الموعد ... دلق فرحا كبيرا في هذا الحفل وخرج الجميع سعيدا ومبتهجا ... شكرا لكل من جعلنا نستمتع بهذا اليوم السعيد


ـــــــــــ

يا محمود للاسف الصور الاخدها بجوالي ابو كمرتين طلعت ما ظابطة وتتقاصر امكانيات امام صورك الماخوذة بتلك الكاميرا الاحترافية التي تأبطت حقيبتها وفكيتها فينا يومها بالبدلة الاسبور الانيقة
نزل الصور ولا رسلها في الاميل وبلاش حركات ديش

اساسي
يعنى دى الحاله جوالك بكمرتين وصورك طلعت فشوش !!!

اعتذر عن عدم حضورى الحفل لارتباطات اسرية وجاهزين لسداد دعمنا طالما الحفل (خيري) وكفاية (اساسي) استمتع نيابه عنا

صديقي الوجيه أساسي

أنا على اتفاقنا..بس الصور نزلتها في لابتوب البيت..

أبشر بالخير.. بعدين أرسلها ليك "صرة وخيت" في إيميلك..

زاتو تكون ريحتني من "الرفع" الحار ده..

تسدير ما معانا يا "قديم"...

..

.

Quote: وبعدين ..يا بكري يا ترفع البوست دا فوق..يا ما حا أرفع الصور..

كما اطلب من الاخ بكرى تفعيل اللائحة لوضع حد لهكذا تهديد ...

قلت لى يرفع ليك البوست ..ات قايل روحك معاوية عبيد

شكرا يامحمود شايفك تقمصت التصوير وتركت التنوير ( الغناء بمسئولية والتزام )
داير اشوف صورتى ياصاحب وانا وسط الدارة بنطط ولا مابرفع البوست دة تانى.

النصيحة شرحبيل احمد كيفنا تمام وعدل مزاجنا قهوة وزنجبيل يسلمو ناس عزة قروب
من الكسلاب جبت صديق رحمة بس .. ادروب ماتنسى ياها التصاوير جيب يامصطفى.

نور الدين الفحل يا حبيب..تكرم عينك..

غنى الراحل عبدالعظيم حركة:

إنتو يا ناس كسلا..من مدة بعيدة...

نحن ما شفناكم..والله ما شفناكم.. بس نار الشوق..

في قلوبنا شديدة...في قلوبنا شديدة..





سنة يا كدا؟؟

..

.

أحلى أبو عروس بوردابي في الدنيا..

أو

أحلى بوردابي أبو أحلى عروس بوردابية..برضو كدا





مبروك يا صديقي الجميل هشام ود أبوي شيخ الدين جبرين..

..

.

النون دي أنا قاصدا يا تبارك ...ما تحمر لي ساي..

..

.

الإبنة النجيبة سارة الصائم تبتسم للكاميرا..بينما انهمك "أحدهم" في رقص أشتر كعادته..





يضع سره في أضعف خلقه..

..

وفي رواية: يخرج الحي من الميت..

..
.

وقار؟؟

وقار وين يا الماحي ياخ مع شرحبيل دا؟؟

وقار البحر؟؟




صورة لطيفة جداً..

..

.

التشكيلي محمد دهب...

دي هدية ليك

وبالمرة كدا..عشان تعرف إنه الزمن دا....الكاميرات الحديثة دي ممكن تخلي أي زول يعمل فيها فنان..زي حالتي دي كدا..





عليك النبي دي تربية دي؟؟

..

..

دي بت التشكيلي محمد دهب...

الله يحفظها ويغطي عليها يا محمد ياخي..




من أجمل أطفال الملتقى..

..

.

الأستاذ الراقي محمود
تحية طيبة
تسلم يا الحبيب فقد كنت أنت وشرحبيل نجوم الحفلة بلا منازع



يوتيرن : أنا الى الأن نجم الصور كوني حظيت بلقطتين أكتر من شرحبيل ذات نفسه هههههههههههههه ، وين صورة سارة وهي باركة بتصور ؟؟؟

الجميل عبدالعزيز كنزي..

صاحب القلب المفتوح على الجمال..

وقد أجرى عملية قلب مفتوح بجدة..

هذه المدينة التي أحبها..وأحبه أهلها...

تسلم يا جميل..

حتو ساي..الحبة ما بتجيك..





صحي ابتسامة الزول بتنبع من حواسه ومن شعورو..يوم يقابلك يبتسم ليك من ضميرو...

الإبتسامة دي من ضميرك يا عزو صاح؟؟؟

قد يلاحظ البعض إني مية مية لكن إنتو ما تمام..


..

.

Quote: يوتيرن : أنا الى الأن نجم الصور كوني حظيت بلقطتين أكتر من شرحبيل ذات نفسه

يوتيرن وإنت عافص الرصيف: كنت فعلاً يا صديقنا صديق رحمة أحد نجوم الحفل الرائع للرائع شرحبيل..

..

.

فاصل ونواصل.

شايف بكري لسه ما رفع البوست فووووووووق...

..

.

Quote: شايف بكري لسه ما رفع البوست فووووووووق...

خلاس ما مشكلة ... برفعو برااااااي..

..

...........

أخونا ناصر عزالدين الليندي..

الصورة دي حقو تدفع لينا فيها حاجة...

شكراً يا هندسة...ولا عزاء لناس معاوية الصائم والعالم دي...

..

.

استعدوا للمثير القادم..

..

.

صورة نادرة تجمع أبرز فناني جدة...من اليمين: ناصر عدلان ، محمد مهدي ، والفنان البوردابي الجداوي خالد علي "خالد زيدان"...

أبو العروس.."يقالد" الأخ معاوية شيخ الدين...

دي غايتو "المقالدة" رقم خمسة في نفس الحفلة... فشنو..حقو نكون واضحين ...أنا ابتديت فعلاً أصدق إنه الناس ديل أخوان..

نجم كالعادة يا حوووودة
متعدد المواهب غنا وبتقعدوا ، تصوير ابهى ما يكووووون
بالمناسبة الصورة دي المفروض يدفع ليك فيها شرحبيل ، تسلم من كل شر يا محمود

يا الله عليكم من شباب عند الموعد كما يقول اساسينا الشيوعي المتخبئ وراء كوزنة غير حقيقية (هههههههه) دا هزار بالطبع يا الدايرين ترشو أساسي

تحياتي للجميع وناسف للوصول متأخر من رحلة عمل لم أتمكن وسعادتكم تبهجنا الف الف الف مبروك لبنتنا نبراس وربنا يسعدهم ونستغل البوست لنعتذر للزميل


الجميل هشام شيخ الدين عن التخلف عن الحضور في هذا الحبور ونسأل الله السداد للعروسين ومبروك نجاح الحفل الخيري يا شباب .







..............................................................................................................حجر.

ليلةٌ ولا أروع
و
تسلم يا حبة ع التوثيق السنين



.....

البوست مرفوع فوق..ما محتاج رفعة.. لكن ممكن نرد على أي استفسارات

على بال ما نستأنف رفع الصور مجدداً..

..

.

ودي رفعة تاني مني فنجرة بس..

غايتو يا محمود.. قرررررربت تنافس عصام محمد يوسف..

مبرووووك يازول وربنا يهنئ العرسان ويرزقهما صالحا


ياسلاااااااام يامحمود ياخ
شكراً لهذا التوثيق .


بغض النظر ماشغال بيهو ولا بينا اشغلة.

مبرووووك يازول وربنا يهنئ العرسان ويرزقهما صالحا


ياسلاااااااام يامحمود ياخ
شكراً لهذا التوثيق .


بغض النظر ماشغال بيهو ولا بينا اشغلة.

سنيرنا .... محمود يا جميل
تصوير رائع والف مبروك وأدام الله أفراحكم ...

طيب يا أهل اللغة أفتونا في معنى أسم ((شرحبيل))


أزهر محرك البحث الأتي :-





وقال محرك بحث أخر - ليس ببعيد عن الأول - أنه :-
.

Quote: اسم نجراني أو سرياني، وكل اسم فيه (ايل) فهو منسوب الى الله تعالى.

عاوزين النجيضة والتأكيد ... من الراسخين في اللغات واللسانيات ...

محمد مصطفي _ عشان خاطر الاطفال المشاركين ديل ظبطنا ليك الصورة دي ,, وشكرا علي مجهودك ...

هسي يعني يا صديقي صديق رحمة عايز تقول إنه "شرحبيل" معناهو "مركب على الله"؟؟

كاااااااااااااااااك..

يخرب بيت كدا زاتو...

صباحك "على الله"..

..

.

أبو عبيدة ود أمي أنا...

كيفك يا حبيب..

النصيحة لله..

أخوك زي راح ليهو الدرب..

أو كما غنت إنصاف مدني : "غلبني كِتِر عليّا..ما ساهل ما شوية"..

ولكن طبعاً تبقى الأشواق في زيادة بمعدل أسرع من معدلات التضخم

في "وطن" وكت أشتاقلو أرحل ليهو من غير زاد..

..

بركة بالشوفة..

..

.

[]

محمود
تحياتى

ياخى صورك جميلة جدا لكن لية مامصور حامد اخوك نحتج نحن اصحاب حامد بالتجاهل المقصود من اخية ومن ظلم ذوى القربى

ثانيا من اجمل الصور صورة الطفلة الجالسة على ركبيها وتطالع فى الفنان شرحبيل . وراء بعض الصور احيانا اجمل من الواجهة بكثير

Quote: النون دي أنا قاصدا يا تبارك ...ما تحمر لي ساي..

سكتنا ...





... المهم ....

محمود يا صديقي


كمرتك غايتو سنينة سنة

بالله ورينة سنيتا وين

وبي كم

ياخي الكاميرا دي شدة ما سنينة الواحد في جبهتو عرقيهو ظاهر

Quote: ياخي الكاميرا دي شدة ما سنينة الواحد في جبهتو عرقيهو ظاهر

لا عليك الله جيب لينا "الكشة" بعد كدا...

كاااااااااااك..

..

يجازي محنك يا جمال ياخ..
.

Quote: سكتنا ...

كيف يعني يا تبارك؟؟

سكتنا وسميناها رضينا ولا قصدك سكَّتّنا...

التشكيل مهم برضك ..خاصة وأنت تشكيلي وأشكيلك..

..

علي أي حال..ألف مبروك وبالرفاء والبنين وكدي..

.

Last UP

>>

.

Ya salaaam.

حبيبنا د. إبراهيم عبدالحليم يا فنان..

Quote: Ya salaaam.

لمثل عيونك رفعنا البوست..

ويا مرحباً ألف..

..

.

,

واها يامحمود دى up تانية للبوست فنجرة وكدة
النبى فيك تزيدنا شوية عارفن صورك كتار ياحودة.