إقتراح لبكري والبورداب انقذوا عامر صالح

تردد في هذا المنبر حديث حول تشرد الفنان التشكيلي عامر صالح بشوارع اليمن

دون هتافية وتدبيج الكلام
اقترح ان يقوم البورداب بتبني قضيته أكراما له , وإكراما لذكري بهنس
جمع المال لحالته
عرضه لطبيب
البحث عن اسرته والاتصال بها
اعادته للسودان

شكرا الاستاذ عبد الحفيظ ابوسن،
كما يقولون ييد على ييد تجدع بعيد.

كنتب قد كتبت فى البوست الاخر الاتى:

(شكرا الاخ زهير،
أتفق مع الاخ عبد الحفيظ ابوسن.
فأن كنت الاخ زهير مقيما فى اليمن وبصدد تجميع مساهمات لشراء تذكرة لترحيل الاخ عامر صالح للسودان أتمنى أن تتولى مهمة تجميع المساهمات.
أو أى أخ آخر مقيم فى اليمن أتمنى أن يقوم بهذه المهمة.)

أتمنى من الجميع المساهمه بمايقدروا عليه.

نريد ان يتقدم أحد الاخوان أو الاخوات فى اليمن ممن يعرفون الا× عامر صالح لتولى هذه المهمة حتى نرسل مساهماتنا.

شكرا خالد كودي
البديل لا العويل
ان نفعل شيئا يحترم انسانيتنا نحن اولا , ان نقدم ما عجزنا عنه ل بهنس
البحث عن عامر صالح , التنسيق مع بعضنا
عرضه اولا لجهة طبية , ثم نري كيف نفعل
الأمر اولا امر مال , التبرع لجهة محددة بوردابي او لجنة صغيرة , ولن نعدم بوردابي باليمن او من له صلة باليمن

فوق

نعم آ ود اب سن القول قولك
و جاهزين لما ترونه و يا ريت تتبنى الموضوع
عشان يكون اكثر جدية.




مع تقديري الاكيد

الاخ عبدالحفيظ
سلام
حتىي يتحول الاقتراح الى مبادرة ارجو تقسيم الموضوع لمرحلتين,
الاولى يجب العناية به الان... اعنى مسكن وفحوصات طبية وتغذية جيدة,
لان الرجل كما ذكر فى العقد السابع وبالضرورة تدهورت حالته بالتشرد,
وفى هذه الحالة ارجو تسمية شخص هناك فى اليمن حتى اتمكن وغيرى من المساهمة,
بعدها الناس تشوف الخيارات الاخرى معه سواء كانت عودته للسودان او غيرها من الحلول.

المرحلة الاولى مهمة جدا فى تقديرى كمجرب.

تحية ليكم جميعا
ارجو ان يتبني الاقتراح احد البورداب خارج الوطن
وسمعت خيرا من بوست العزيز عثمان عن ان احد افراد اسرته سيذهب لليمن , واعتقد اننا حتي الآن يمكن ان نقدم شيئا لهم , بمتابعتهم وتوفير الدعم المعنوي والمادي

فوق

No comment

سلام عليكم ود ابو سن

انتوا مسكونا راس الخيط كيف نوصل ليه والباقي نحن بنتكفل بيه
كم مرة انا قلت الكلام دا بس ما لقيت اى تفاعل

تحياتى يا ملك

مرحبا وضاحة يا خية
حتي لا نعض بنان الندم
وحتي لا نفوت الفرصة لإنقاذ مبدعي الوطن في الخارج وندعي إننا لم نكن نعرف
نحن الآن عرفنا
والبورداب مشرورين في كل اركان الدنيا
نحن ناس الداخل خلونا لي همنا ,, فنحن مقيدون ومكبلون بلقمة العيش وقهر السلطة

يا ود ابو سن
كيف نوصل ليه ؟؟؟؟
الخبر دا الجابوا منو وعن طريقوا ممكن نقدر نوصل لى ابونا عامر وننقذوا
انت بس ورين الدرب وانا دى براى بنقذوا

حبابك ياخية
الخبر جابو الصديق زهير عثمان وآخرين , هنا في المنبر ده
بشوفو ليك

قولي واحد
وابحثي في قوقل
بهنس اخر في اليمن!

خلاص يا ود ابو سن
الحين انا اتصلت فى زهير خبرنى الموضوع بتاع عامر خلاص خلص
واهلوا سافروا يجيبوهوا وهو ماعندوا اى مشكلة واهلوا ناس كويسين وما محتاج لى اى مساعدة
شكر ليك يا زول يا راقي والف تحية لك ولى زهير

تحياتى
اختك وضاحة

حبابك ياخية
نعم كما ذكرت آنفا ان زهير افاد بأن احد افراد اسرته ذهب لليمن , وطلبت ان نوفر لهم الدعم المعنوي والمادي إن احتاجوه دون من ولا أذي
ماذا حدث له حتي الآن ? هل توفقت اسرته ام قابلتهم مصاعب
شاكر اهتمامك ياخية