مورتا و ألاء

العديل والزين العديل وياعديلة الله
العديل والزين الليلة العديلة تقدمو وتبرا
في اليوم البخيت عجنوليك الحنة
وفي اليوم البخيت والدرتو تتمني
داروق الصفاح من الخصيم جنة
سيف الصاقعة اخوي المابدور سنة
امك تقول عند الله ليك دايره
يكون عندك عيال وايدك تكون طايلة
الليلة العريس ساير علي النايرة
أبواتك تلوباً يدرجوا العايلة
فشاشين غباين للدمعتن سايلة
الليلة العريس من امو سار طربان
لاشرب المريسة ولاجاجا في الخيران
جبدوك جدودك رجال السبحة والايمان
من بيت العلم لي مجلس الحيران
العريس سيرو والعقبي للاصحاب
شدو لو و ركب فوق قارحاً شباب
اب قلباً شجيع من السلاح مابهاب
اكان جبدوك جدودك كان بدرسوا كتاب
وكان جيت متل ابوك لي قروشوا موحساب

ألف مبروك للأخ مورتا وألاء
إن شاء الله بيت مال وعيال

تحياتي الأخ الشفيع

جمع الله بينكما
بالحب
وجمل أيامكما
بالحب
ورزقتما بمن يملأون جنبات حياتكما
بالحب



مباركٌ لكما
...



تحياتي واحترامي ومحبتي

بي فرحك فرحت وجيت اقول مبروك
واشارك لي صحاب اتلمو سارو ..وجوك
من شافع صغير سديت محله ابوك
وشفاي للجروح يازول..محل ختوك
ما انت القمر ما اديتنا أي مساحه
نورك يا عريس ضواها كل الساحه
بيك ست الجمال غرقانه في افراحه
غبشاء وبت رجال بان في وشيها ..صباحه
عماتك...يعرضن بي فرح في الداره
خالاتك..يرقصن صفقه..والنقاره
عزاك الجميع ما انت لينا بشاره
حتي الصحراء بيك الليله شفنا...خداره

نسأل الله أن يبارك لهما وفيهما ويجمع بينهما على خير.

مورتا الرجل الظريف يستاهل كل خير ربنا يسعده.
شكراً أخى الشفيع وجزاك الله ألف خير وعقبال أولادك .