ده كلام يا حسين شيكات : الشيوعيون مالهم؟!

حسين خوجلي في برنامجه اصبح لا تخلو حلقة من حلقاته الا ويتحفنا بموضوع الشيكات ويظل يكرر في نفس الكلام مالك زردوك في شيكات قبل كده ولا شنو؟

قال البلد خلاص وصلت الحد وما بحلها الا استمارة يوقع فيها ابناء الشعب السوداني برفض كل الاحزاب الموجودة بما فيها المؤتمر الوطني ومبايعة حزب السودانيين بديلا " ولا ندري " هل هو الرئيس المرتجي لهذا الحزب؟

قال فيما قال بانه لما كان وزير الزراعة قنيف اكتفينا من القمح ولما جابوا الوزير داك الحكابة باظت وقال لو ولي الامر لاختار احسن الكفاءات ولو كان "شيوعي" مالوا الشيوعي كافر يعني؟ نفس المفاهيم القديمة البالية في تصنيف الناس

وقال فيما قال: البعثيين حكموا والشيوعيين حكموا والامة حكم والاتحاديين حكموا والاسلاميين حكموا والعساكر حكموا

بما معناه حقوا الناس يختاروا غيرهم وهو قاصد حزب السودانيين بعد ملء الاستمارة اياها من تأليفه مقلداً شباب مصر الذي اطاخ باخوان اخوانه ولو بما اسموه انقلابا وهو الذي بشر لانقلاب الانقاذ والآن يريد ان يلبسها ثوباً أخراً

انتهي عهد الوصاية يا حسين يا خوجلي

وزي ما قلت السودانيين اذكياء فأتركهم يختاروا مصيرهم بذكائهم

خليك واضح يا جميل

افتح الملفات العندك بمسمياتها وبشخوصها من اجعص جعيص لارخص رخيص وبعدين جيب استمارتك دي

وافتح خط مباشر مع المواطين ليحكوا ليك الحكي الجد