تجاني سيسي رئيس السلطة الإقليمية يدعو أهل دارفور إلى وثبة كبرى لمناصرة البشير

دعا رئيس السلطة الإقليمية لدارفور دكتور التجاني السيسي، جميع أهل دارفور إلى وثبة كبرى، من أجل مواجهة كل التحديات وتخطى المشكلات التي تعاني منها ولايات دارفور.
حيث خاطب الدكتور تجاني سيسي ورشة السلم الإجتماعي التي اقامتها السلطة الإقليمية لدارفور في مدينة الفاشر بالاشتراك مع حكومة ولاية شمال دارفور وبمساعدة الينوميد حيث تم مشاركة القيادات الأهلية والتنفيذية والتشريعية والقوى السياسية، ومنظمات المجتمع المدني.
وقال السيسي إن السلطة الإقليمية وحكومات ولايات دارفور، تعمل بكل جد وإخلاص من أجل تحقيق وثبة السيد الرئيس وايضا نعمل عبر الوثبة لرتق النسيج الاجتماعي واعادة اللاجئينواننا نريد وثبة حقيقة ولا تسمعوا الي صوت الخارجين عن القانون لانهم ضد وثبة الرئيس ومها طال الزمان سوف يعودون اليها في اشارة الي الوثبة.
وأقر رئيس السلطة الإقليمية، بوجود بعض المؤثرات الخارجية السالبة على الصراعات في دارفور، وقال سيادته المهدد الحقيقي للسلطة الاقليمية والدولة السودانية نهار يومنا هذا هي الحركات المسلحة التي لا تزال تحمل السلاح، بجانب الاستقطاب الأثني.
وأضاف السيسي أن انتشار السلاح بدارفور يعد من اكبر المهددات الأمنية بالإقليم، داعا إلى ضرورة تكامل الادوار ولمحاربتها هذا الأمر بقدر كبير من المسئولية لنزع السلاح حتى يعود الأمن والطمأنينة والسلام لأهل دارفور وتستطيع السلطة الاقليمية في القيام بعملها علي اكمل وجه والا الامور تخرج من السيطرة.

هل اهل دارفور في حاجة الي الوثبة يا تجاني؟؟؟؟؟؟؟؟؟؟؟
اهل دارفور في حاجة لمن يوقف طائرت النظام من القاء البراميل المتفجرة علي القري الامنة ومصادر المياه
اهل دارفور في حاجة الي من يطعم النازحين والاجئين منهم لا الي وثبة البشير التي عجز هو عن تفسيره لمرتين
اهل دارفور لا في حاجة الي مثلك الذي يقيم الولائم لاتباع النظام في الخرطوم من مال السلطة الاقليمة واهله يتلقون المعونات من المنظمات ، وكان تكلفة الدعوة بلغت اكثر من 200 مليون
اهل دارفور في حاجة لمن يطالب باكمال طريق الانقاذ الغربي ...عمرها اكثر من عشرين سنة ولم يبلغ الحلم بعد
اهل دارفور في حاجة لمن يخاطبهم بكلماتهم وبلغة يفهمونها لا بالوثبة التي تعجز حتي انت لمعرفة مبتغاه
اهل دارفور في حاجة لمن يطالب لهم بالعدالة في السلطة والثورة
اهل دارفور في حاجة لمن يطالب لهم بالمحاكمات عادلة لجرائم التي ترتكب كل يوم من اتباع النظام
اهل دارفور في حاجة لمن يوقف ارجاع مليشيات الجنجويد في تركيبته الجديدة( قوات التدخل السريع) الي مدن الولايات

هذا الببغاع الوثبة الوثبة ؟؟؟؟؟
هو الوثبة حتي في الخرطوم ماتت بعد الاسبوع الاول وتجاني سيسي يريد ان يطبقه في دارفور

ماشاء الله يا سيسي ناس دارفور ما منتظرين عشان يترجموا ليهم خطاب بشة الاصلا هم ذات نفسهم ما فاهمنو ،، والله حيرتونا معاكم هسي ما لقيت ليك حاجة تبشر بيها غير هذا الخطاب المســـخرة ،،

يمين طلعت ام سيسي عدبل ،، في حاجات كدة تخلي الواحد تجيه خمة نفس عديل ، انت ليك قريب سنتين مرطب في المكاتب هسي جاري تبشر ناس دارفور بالوثوب يا اخي الناس دي وثبت وصلت لي اسرائيل من الموت وما خلوا قارب موت ولا صحراء ما دقشوها ،، يا ناس دارفور لا خيار امامكم غير الاقتصاص قبل الوثوب والجلاد والقاتل موجود زلزلوها تحت اقدامهم ولكم مطلق الحرية في اختيار طرق تعبيركم سلما او حربا ،

عليك الله شوف السيسي الما بخجل دا ، قال الرئيس قال ،،

إدريس
سلام
كان يجب علي الدكتور التجاني سيسي يتحدث عن تجييش حكومته لمليشيات الجنجاويد لقتل وتشريد الأبرياء في دارفور.
بدل يقلد رئيسه في كلمة بقت في طي النسيان حتي عند عمر البشير

العزيز محمد نور
كيفكم من البرد

السيسي اكبر كارثة لاهل دارفور
عامان وما في شي ملموس ومطالب بالوثبة
وثبة في السعير انشاء الله

الاستاذ علي دفع الله

Quote: ماشاء الله يا سيسي ناس دارفور ما منتظرين عشان يترجموا ليهم خطاب بشة الاصلا هم ذات نفسهم ما فاهمنو ،، والله حيرتونا معاكم هسي ما لقيت ليك حاجة تبشر بيها غير هذا الخطاب المســـخرة ،، يمين طلعت ام سيسي عدبل ،، في حاجات كدة تخلي الواحد تجيه خمة نفس عديل ، انت ليك قريب سنتين مرطب في المكاتب هسي جاري تبشر ناس دارفور بالوثوب يا اخي الناس دي وثبت وصلت لي اسرائيل من الموت وما خلوا قارب موت ولا صحراء ما دقشوها ،، يا ناس دارفور لا خيار امامكم غير الاقتصاص قبل الوثوب والجلاد والقاتل موجود زلزلوها تحت اقدامهم ولكم مطلق الحرية في اختيار طرق تعبيركم سلما او حربا ، عليك الله شوف السيسي الما بخجل دا ، قال الرئيس قال ،،

المصيبة في امثال ناس سيسي ديل بسمعوا كلام الرقاص دا وببشروا به الشعب !!!!
القصاص سوف ياتي مهم طال الزمن