من هو حامل أحذية الميرغني في الصورة ؟؟؟

وكمان مبسوط ويضحك :)

الزول ده بدل ما يشيل النعلات ما كان أحسن ليهو يشيل أسياد النعلات زاتم

ولا تُقال ؟؟

الفاضي اعمل قاضي

خلوا الخلق للخالق

وهل تظن أن هذا يرضي الخالق ؟؟

الهاديء لا تحزن

عمك الزبير ده شوف بروفايله و الجواب يكفيك عنوانه

هو ذاته اكيد من (حملة النعلات) هؤلاء المبتسين بلا خجله.



اللهم انقذ شعبنا من الطائفه و انصارها.

اللهم انر بصيرتهم

فما تشعبط الكيزان فوق رقابنا الا من سلوكيات هؤلاء.

وما توالدوا و تكاثروا في طالحب الطائفيه هذه.

وهل يمكن لحامل النعلات هذا أن يلي شيئاً من أمر الناس في يوم من الأيام ؟؟

وهل هو حوار ساي؟ ولا زول مسئول وذو منصب ؟؟

ما هو عادي في عرف السادة

مستغرب عند البعض


وقد ذهب الزمن الذي يمتلك فيه الناس بعضهم

فالجميع لادم وادم من تراب


الحزب الاتحادي والختمية كان لهم دور بارز ابان طيب الذكر التجمع

وقد تم البيع في مزادات جده والقاهرة والان الحزب الاتحادي شريك مثل المؤتمر الوطني
في كل ما يحدث فإبن السيد مشارك على مستوى رئاسة الجمهورية واعضاء الحزب وزراء ووزراء دولة
وغيرها من الادارات الحكومية ...

الرجل الباسم في الصورة اعلاه قد تناله البركة وقد تناله لعنة الناس هذا لا يهم طالما هذا السلوك لا يتأذى منه احد

ما يهمنا دور الحزب الاتحادي في الساحة واضرار مشاركته الحالية على الشعب السوداني

وهل بالامكان محاسبة الحزب الاتحادي على الجرائم التي ارتكب اثناء فترة مشاركته للطاغية

ام ما زلنا ننظر للحزب الاتحادي على أنه معارض للنظام في حين انه جزء اصيل منه


وشكراً

............................................................................


ياربي ماركة الجزمة شنو (مجرد فضول)

الخاله تراجي

بروفايلو ما لو

فيه شنو معيب

انا ختمي الطريقه ، اتحادي

في شنو يا خاله

الزبير الختمي

سلام يا تراجي

أنا ما عارف والله الفهم شنو يعني من قبل كل من الميرغني وابنه في أن يجعلا أحد الناس يحمل نعلاتهم " أحذيتهم "

يحمل الميرغني العصا ويستطيع كذلك أن يحمل نعليه بيديه إن كان ولابد..

أو يديهم للبارجغل الوارهو ده ليحمل نعله ونعل والده

لكن الزول ده حريف حرفنة شديدة في شيل النعلات

بالله طابق ليك النعلات الاتنين two bundles بحرفنة شديدة عشان ما يتخلبتوا

وخالي اليمين فاضية لاستخدامها في أي غرض آخر.. هتاف .. تبشير.. الخ ..

الظاهر عليهو مدرب ومحنك وخبرة .. ينفع وزير خارجية

لأنو ده لو زول ساي كان طبق كل نعال في يد :)

وأنا ما عارف الماركة بالتحديد يا الجنيد...

لكن أتوقع البني هو نعال مولانا ..

بينما الأسود تبع البارجغل

الزول شايل ثلاثة نعلات .. واحدة الضابيها في أبطه هى خاصته ..

والأثنين التانيات واحدة لأبو هاشم .. والأخرى لأبنه ..

يا أخوانا لا تستهزأوا بسلوك هذا الأنسان .. سرقة الأحذية في السودان أصبحت مبالغة ..


بريمة

الهادي

ياخي انت المزعلك شنو بالضبط كده، ديل ناس ودا عالمهم كده، حاجة بتخصهم، هل انت متتضرر بشكل او بآخر من التصرفات دي؟

كل الشعب البريطاني يركع وينحني امام الملكة

ودا من الموقع الرسمي للعائلة المالكة

The Queen meets thousands of people each year in the UK and overseas. Before meeting Her Majesty, many people ask how they should behave. The simple answer is that there are no obligatory codes of behaviour - just courtesy.

However, many people wish to observe the traditional forms of greeting.

For men this is a neck bow (from the head only) whilst women do a small curtsy. Other people prefer simply to shake hands in the usual way.

On presentation to The Queen, the correct formal address is 'Your Majesty' and subsequently 'Ma'am'.



في اليابان يقوم الطلبة بغسل ارجل اساتذتهم


وفي اليابان ايضا يقوم المدراء بمسح احذية الموظفين الجدد

(موقع بكري حرن وما داير يرفع صور)


وممكن نجيب قصص وصور كتيرة في تقدير بعض الشعوب والجماعات لبعض الشخصيات لاعتبارات اجتماعية او دينية او سياسية
والقصص دي ممكن نجيبها من مجتمع متخلف او متقدم جدا.

طالما الأمر لا يمسك ولا يضرك شخصيا، فاحسن تجلي الموضوع

وفرضا كده قلت ليك حامل الاحذية دا انا، اها، وبعدين، داير تقول لي شنو

الفاضي اعمل قاضي

خلوا الخلق للخالق

----------
الخالق كرم بني آدم وبعث فيهم محمد صلي الله عليه وسلم
ليخرجهم من عبادة العباد الي عبادة رب العباد

Quote: وممكن نجيب قصص وصور كتيرة في تقدير بعض الشعوب والجماعات لبعض الشخصيات لاعتبارات اجتماعية او دينية او سياسية والقصص دي ممكن نجيبها من مجتمع متخلف او متقدم جدا.

سلام يا ابنعوف دى صورة من اليابان لمدراء يقومون بمسح احذية الموظفين كنوع من كسر التعالي .

شكرا يا بدر

وفي صورة لطلبة يابانيين بغسلوا ارجل اساتذتهم

Quote: سلام يا ابنعوف دى صورة من اليابان لمدراء يقومون بمسح احذية الموظفين كنوع من كسر التعالي .

حجتك غلط .. مفروض أبو هاشم يكون شايل جذمة الزول السجان دا عشان يتطابق مع كسر التعالى.

بريمة

ما غلط يا بريمة

انا جبت تلاتة نماذج لاوضاع مختلفة

شعب مع ملكته

تلميذ لاستاذه

مدراء مع مرؤوسيهم


وقاصد كده

ابداء الاحترام لشخص قد يسير في اتجاهين، من الكبير للصغير او الصغير للكبير
يترك التفسير لمن يقومون بالفعل فقط، والتانين ما عندهم دخل في الموضوع

الهادي

ما عندك سالفة تصدق
انت مالك ومال ابوهاشم رضي الله عنه
انت لم تقابله ولم تتعرف عليهو وربنا سبحانه وتعالى لم يشرفك بهكذا شرف انت بعيد المنال منه بما كسبت يديك ويدا تراجي بنت مصطفى التي تلعق احذية اوباما والامريكان بيض كانوا م سود لتعيش وتكسب الدولارات

ابوهاشم رضي الله عنه من اهل الصدق واقصد ممن صدقوا مع الله فاكرمهم في الدنيا برضاه لأنهم لا ينامون الليل عندما تنام انت وتظـــــــــــرط الليل كلو لمن ظـــــــــــــــــراطك ملأ الدنيا عفناً

استقم وابعد نفسك عن اهل الصالحين لكي لا تقع في شر اعمالك

هداك الله انت وتراجي ومحمد المسلمي الى سواء السبيل

ببساطه شديدة .
ممكن الراجل ده فقير وبسيط ودى مهنتة البياكل منها عيش .
وومكن يكون الميرغني جدو ولا عمو وكلنا بنوقر كبيرنا وبنحترمو وعادى الصغير بشيل احذية كبيرو عندما يذهب للمسجد.
وممكن يكون من المريدين المحبين للميرغني ومعروف أدب الصوفية وتسابقهم على خدمة شيوخهم ودى قناعاتهم الشيخصية .
وبالمناسبة دى وين أخونا الختمية والصوفية عشان نعرف رأيهم.

احمد اخوي

كلامك ده مافي محلو خلي الختمية ديل يعملوا نص البعملو الاسر الحاكمة دي والله مش نشيل جزمهم والله نرقد ليهم ارضي عديل ويمشوا فوقنا
ياخ هم سايبين الناس فى حالهم عشان تطلب من الناس تسيبهم فى حالهم!!!!!! والله العظيم الانقاذ دي ما مستمرة فى السلطة دي والكيزان ديل ما مرتاحين فى السودان
ده الا بسبب احزاب البيوت دي وانتو وناس حزب الامة تخلف وضعف برامجكم الحزبية هو السبب الارتباط اللاإرادي بين الشعب السوداني وحكومة الانقاذ

ارحمونا ياخ


السنجك

السنجك اخوي (وانا زاتو سنجك وش مبتسم)

ياخي انا ما اتحادي ولا ختمي وان كان اهلنا الكبار كذلك، خطي السياسي يسير في اتجاه يجعل من الختمية والانصار
او الامة والاتحادي في موضع الخصم السياسي ومنافس، ولكنه ليس عدائي، ايماني بالديموقراطية يستلزم ايماني
واحترامي لوجود منافسه سياسيه بل وبضرورتها لمصلحة الشعب. دا ما موضوع البوست، خليك منو

البوست بتكلم عن تبجيل شخص لشخص آخر، وقلنا التبجيل دا عادي في كل الشعوب والامم، المسلمة منها والمسيحية والكافرة رسمي
المتقدمة والمتأخرة.

الطائفية حكمت البلد وما قدمت ليها حاجة، معاك في الكلام دا مية مية، لذلك اتخذنا ضدها موقف.

لكن دا دخلو شنو بزيارة السيد محمد عثمان لمسجد وفي زول شال ليهو جزمتو؟ يعني دي قضية عليك الله يتفتح بيها تلاتة بوستات او اربع؟
العلاقة بين هذا الشخص والسيد انا لا اعرفها ولا اريد ان اعرفها لانها لن تضرني او تنفعني في شيء.

وفي تقديري الشخصي، قد اكون اعرف لماذا السيد لم يترك حذائه عند باب المسجد وتبرع من حلمها له.

تحياتي

اخ احمد و الاخوة المتداخلين تحية طيبة
ذكرت يا احمد

Quote: الشعب البريطاني يركع وينحني امام الملكة

اذا كانت بريطانيا دولة كافرة و حاكمها كافر و من يقوم له بذلك بكافر و معروف انه ليس بعد الكفر ذنب
و كما ذكر احد الاخوة المتداخلين اظنه بريمة بقوله لو كان حصل العكس ربما كان دلالة عن تواضع
عمر بن الخطاب حين جاء لفتح بيت المقدرس جاء على حمار يتبادله معه غلامه
رسولنا الحبيب عليه افضل الصلاة و السلام كان في يوم ما رديف بن عباس رضي الله عنه
الصور الزاهية تعكس مدى تواضع الناس لا تعاليهم
اذا كان البعض ينظر لهولاء كقدوة و الامر فيه من العموم ما يخص الناس فلا باس ان يتناولو مثل هذه الامور بالنقد
و الى اي مدى ممكن للرجل ان يحترم شيخه
و النعال كما معلوم ان صاحبه ينتعلها و يدخل بها بيت الادب او الخلاء و مكانها معروف لما هذا الشطط
اخش ان لا يدخل في غمط الناس و الكبر ( )

Quote: الْكِبْرُ بَطَرُ الْحَقِّ وَغَمْطُ النَّاسِ

تحياتي

Quote: بالله طابق ليك النعلات الاتنين two bundles بحرفنة شديدة عشان ما يتخلبتوا وخالي اليمين فاضية لاستخدامها في أي غرض آخر.. هتاف .. تبشير.. الخ ..

ليس للهتاف ولا للتبشير بل لاستعمالها في رفع يد (السيد) لتقبيلها!

الاخ احمد عمر
تحياتي

يردوا عليكم باليمين تجوهو بالشمال

الناس قالوا دا جهل وتخلف وقلنا بتحصل في ارقى الامم، مرقتوا لينا بقصة كفار.

المهم، 80% من السودانيين بمشوا المساجد بكونوا شايلين احذيتهم في يدهم، ودا الحصل مع السيد، والموقف موقف خطاب بدليل المكرفون
يعني متوقع مثلا في زول ح يخطب يكون شايل مكرفون بيد وجزمة في التانية، ياخي دا لو عملها بكون قليل ادب زاتو

يعني القصة ابسط مما بتتخيلوا، موقف اكتر من عادي

Quote: عمك الزبير ده شوف بروفايله و الجواب يكفيك عنوانه هو ذاته اكيد من (حملة النعلات) هؤلاء المبتسين بلا خجله.

هون عليك يا شيخ الزبير، المابعرفك ما بعزك، أنت بتحمل CPA ومعها حاجات أخر........

طيب الواحد ممكن ينحني لابوه ويقبل يديه ويحمل نعليه؟؟؟
في الأدب الصوفي شيخك اولى باحترامك من ابيك
والأحترام يكون بالطريقة التي تراها مناسبة وليس الطريقة التي يراها الآخرون
في السعودية هنا يتم تقبيل كتف الملك احتراما من اعلى حاملي الدرجات العلمية

عاش ابو هاشم....

يعني اسي انت يا ابنعوف وبدر الدين عاوزين تقولوا انو السلوك ده سلوك عادي وممارس في كل الدنيا

لا خلاص..

أنا شخصياً لا طاقة لي على احتمال مثل هذا الجدل العقيم واللا موضوعي

ومعليش، لكن مثل هذا المنطق يصيبني بالملل والغثاثة ..

ــــــــــــــــــــــــــــــــــــــــ

بريمة ماشاء الله عينك نجيضة فعلاً "الرجل" يحمل ثلاثة أحذية

و الله يا جماعة شئ غريب، عزة نفس و حرارة قلب ساي فى زول بشيل نعلات الناس؟ انتو خلقتو وين؟
على اليمين الميرغني دا لا يعرف فى الدين ولا فى الدنيا. بس زول ماشي ساكت، ياخي فى القرآن دا
الله قال و لقد كرّمنا بنى ادم، يجى الميرغني سوى البنى ادمين حملة نعلات ليهو و لا اولاده؟

أبوبكر صالح.

Quote: الزول شايل ثلاثة نعلات .. واحدة الضابيها في أبطه هى خاصته .. والأثنين التانيات واحدة لأبو هاشم .. والأخرى لأبنه ..

الزول دا ضابي اتنين وشايل اتنين... الزول دا يا بريمة أحرف مما تعتقد!

القصة يا الهادي ما مسالة عادي وللا ما عادي

احنا بنقول طالما انت "الهادي" شخصيا غير متضرر من تصرفات هذا الانسان وشيخة، فاترك الخلق للخالق


وما تصدق هوجة بريمة دا، بريمة لو لقى نعلات سيدو المهدي كان موش طبقها في اباطو، كان لليلة ما رجعا ليهو تاني

Quote: احنا بنقول طالما انت "الهادي" شخصيا غير متضرر من تصرفات هذا الانسان وشيخة، فاترك الخلق للخالق

يا ود ابنعوف، ياخي نحنا متضرريين من الزول دا و شيخه. ياخي ما قلنا الديمقراطية دي مسؤولية. الزول حامل النعلات دا موش بصوّت فى الانتخابات؟ اذا هو بصوّت بعقلية حمل النعلات دي بكسر الطربيزة، زي الكيشة فى طربيظة الهارت. و الكلام دا ما نظري ساكت لكن التجربة ورتنا ليهو بعيان بيان من خلال ممارسات الميرغني فى فترة الديمقراطية الثالثة. ياخي الميرغني رجل لا يختشى على الاطلاق. مسك مسودة القانون الجنائي البديل لقوانيين سبتمر من يوليو 1986 حتى جاء انقلاب الجبهة الاسلامية فى 1989. ولازال الميرغني بكل تصرفاته غير المسؤولة خلال فترة الديمقراطية لا يزال صاحب نفوذ سياسي من تجمع مثل هؤلاء الرجرجة و الجهلاء حوله.

غايتو ما يحدث فى السودان شئ يشيب لهوله الولدان و الله. أفضل حاجة الزول يعملها انو يتفرج و يضحك، لكن للاسف دي بلدنا ما قادرين نشوفها و نشوف أهلها يئنون تحت وطئة مثل هذه المحن و نضحك عليهم. اشقياء نحن.

أبوبكر صالح.

عزيزي ابوبكر

كلام جميل واتفق معاك في معظمه، بس عشان احنا زاتو نرتقي للمسئولية، نقوم نفتح بوست نلعن فيهو سلسلفيل الطائفية حيثما وجدت
بس بعيدا عن مدخل الجزم دا. دا المزعلني في الموضوع، نحاكم الطائفية كما يجب، لكن ليس عبر مدخل صورة كل ما يدور حولها
حوار شايل جزمة شيخة.

الطائفية كحزب سياسي طبعا

هذا موجود في الثقافة الاسلامية يا الهادي ففي السيرة تجد أن من الصحابة من كان يخدم الرسول (ص) خدمة شخصية
و منهم من كان يحمل له وضؤه و من من كان يتبعه اذا خرج لقضاء حاجته يحمل له الماء او الاحجار او غيرها مما
كان يستخدمه الناس حينها. و في الأدب الصوفي يضع المريد نفسه في خدمة شيخه و يسلم اليه كل امره.
في رأيي أن هذا سلوك شخصي و خيار يختاره المرء لنفسه ، و هو إن لم يكن على سبيل الاكراه و أتى بمبادرة
و رضا من الشخص فليس فيه شئ و كما قال ابنعوف اي عمل لا يتضرر منه أحد الناس بصفة شخصية يقع
في دائرة الحريات الخاصة. اعتقد أن اختلاف زوايا النظر تجعل كل واحد منا يرى الموضوع بشكل مختلف
عن الآخرين. هذا الرجل يبدو فخورا بفعله و هو يعتقد أن هذا ما ينبغي عليه فعله فبالتالي هو حر تماما في ما يعتقد.

و الله يا جماعة يدينى وجعوني من توضح مخاطر حمل النعلات دا على حياتنا السياسية و نشيل و نعيد و الناس تطنش لكن نحتسب اجرنا عند وجه الوطن. أما بعد،

يا حبيبنا سيف النصر قلت لى المسالة دي تقع فى عداد الحرية الشخصية. طيب ياخي اذا الشيخ دا منغمس فى العمل السياسي العام و مثل هذه الممارسات يمتد اثرها علينا، فما العمل؟ عندكم واحد من حلين، اما ترفضوا مثل هذه الممارسات لانها تتعارض مع قيم الديمقراطية و ثقافتها. الميرغني ليس زعيم ديني ساكت، بل زعيم سياسي كمان، و الزعيم السياسي فى الديمقراطية يجب ان تتعامل معه الجماهير بالعقل النقدي و الرقابي و المحاسبي الحريص ليس العقلي التسليمي التابع. او حلكم التانى انكم ترفضوا الديمقراطية، اي و الله، تقولوا صراحة نحن مجتمع بمثل هذا التخلف القادم غيابة جب التاريخ و بالتالي ابحثوا عن نظام سياسي اخر.

أبوبكر صالح

يا بكور الديمقراطية هي الاطار الوحيد الذي يسمح بوجود التباين و الاختلاف و تعدد الخيارات
بعكس الشمولية التي تقوم على مبدأ لا اريكم الا ما أرى.
في المجتمعات الديمقراطية العتيدة ذات القيم الليبرالية الراسخة تجد التعددية الحقيقية و تجد الفصل التام
بين الفضاء العام و الفضاءات الشخصية ، لذا يسمح فيها بالتعددية الدينية و الفكرية و يقبل فيها التنوع
في الاذاواق و الميول.
صحيح السياسيين يخضعون لعين المجتمع الفاحصة و هم إن ارادوا النجاح و كسب الاصوات لابد لهم
من مجاراة الاغلبية و الخضوع لسلطان ال mean stream و لكن حتى هذا كما ترى آخذ في التغير
كما في الحالة الاوربية حيث يعبر الرؤوساء و الوزراء و البرلمانيون في كثير من البلدان عن ميولهم
الجنسية و افكارهم الدينية او اللادينية بكل اريحية طالما كانت هذه الاشياء في اطار حرياتهم الفردية.
مولانا ده بتحرك في اكثر من دائرة و كل واحدة منها تفرض عليه تبعات ، دوره كشيخ طائفة دينية لها
مريدين يفرض عليه بوس الايادي و شيل الجزم ، و اقول لك عن تجربة الرجل لا يفرض بل لا يتوقع
من غير افراد طائفته أن يعاملوه هذه المعاملة و هو أصلا لا يطلب ذلك. عادي تقابلو و تمد ليهو يدك
فيمد هو يده مسلما عليك بدون اي مشاكل.

.

Quote: من هو حامل أحذية الميرغني في الصورة ؟؟؟

هو نفسه الشخص الذي يبرر له في هذا البوست

Quote: يعني متوقع مثلا في زول ح يخطب يكون شايل مكرفون بيد وجزمة في التانية

؟
متوقع لو الزول ح يخطب يكون شايل المكرفون في يد ومخلي جزمتو برة الحتة البتكلم فيها

الاخ محمد المسلمي

يا زول انت جدك القطب الشيخ ابراهم الكباشي رضي الله عنه .

و له تشابهت علينا الاسماء .

بالله التوضيح ضروري


الزبير الختمي

أكرم بآل الميرغني وقومه
لسيدي الشيخ عبدالرحيم البرعي


أكرم بآل الميرغني وقومه == سادات أعراب الحجاز وعُجمه
فهم البدور وهم شموس أشرقت == في كونهم بل هم ثواقب نجمه
آل النبيّ محمدٍ خير الورى == ورثوا به سر الكتاب وأمه
صلوا عليهم بعد جدهم الذى == صلى عليه الله معشر قومه
هم نسل فاطمة البتول وبعلها == وخُلاصة السبطين طبّ الأكْمَهِ
لله من أصل علا بأُبوةٍ == وسما على سمك السماء بأُمه
قد أُكرموا بطهارة قدسية من == كل رجس بوعد ومن ذمّه
وتوارثوا حِكَم الوصيّ عليهم == باب العلوم المرتضى مع علمه
لم يسأل المختارُ أجراً قومَه == إلا مودتهم هُديتَ لفهمه
يردوا مع القرآن حوض محمدٍ == ولهم بدار الخُلد أعظم قَسْمِه
وعلت منازلهم بواحد عصره == عثمان شيخ الطريق وختمه
قطبٌ يربي السالكين بهديه == وبنصحه لا بالثريد ولحمه
أهلاً بزائرنا الكريم وصحبه == في دارهم مأوى الكتاب وحكمه
فليفخر السودان في أقطاره == كُلاً بآل البيت وشمّهِ
ما ضرهم إنكار جاحد فضلهم == من كل مطموس البصيرة أعمه
أيضرُ عين الشمس جاحد ضوئها == بل لا يضر العَذبَ مُنكر طعمه
سلكوا الطريق المستقيم وأرشدوا == من كان حقاً صادقاً في عزمه
والشيخ واسطة المُريد لربّه == قد جاء نصاً كالنبي في قومه
والشيخ شرط لا وصول لسالكٍ == إلا به يا مُدّعيهِ بجزمِهِ
من لا له شيخٌ يؤمُّ فشيخه == شيطانه يسعى به في المَهْمَهِ
مولايّ هب لي منك علماً نافعاً == للقلب من سِنَة الغرور ونومه
وكذا الشفا من كل أسقامٍ == ببسم الله لا شئ يضر مع اسمه
ثم الصلاة على النبي وآله == لا سيما قطب الوصال وختمه
واقبل بها المنظوم من بُرعيكُمُ == أكرم بآل الميرغنيّ وقومه
|

Quote: اذا كانت بريطانيا دولة كافرة و حاكمها كافر و من يقوم له بذلك بكافر و معروف انه ليس بعد الكفر ذنب

الأخ احمد عمر سلام
من وين جبت تأكيد انو بريطانيا دولة كافره وحاكمها كافر

الاخ عبدالحافظ
تحية طيبة
قولك

Quote: من وين جبت تأكيد انو بريطانيا دولة كافره وحاكمها كافر

لم افهم مقصد سوالك اهو استفساري ام تهكمي
لان الموضوع بكفر بريطانيا و نظامه لا يحتاج لشطارة او تمحيص
يكاد يكون من المسلمات التي لا تحتاج لجدال
تحياتي

الأخ احمد عمر لك السلام مجددا
وانا أربا بنفسي ان أتهكم على اي إنسان
فلكل إنسان كرامته والحق في ان يحترم رأيه مهما كانت درجة الاختلاف معه
ولك انت كل الاحترام
بريطانيا ليست دولة كافرة
بل هم اهل كتاب سماوي
وشتان ما بين الكفر وإنكار الإيمان بالله والشرك به
وبين ان تكون على ملة دين سماوي
ذكر في القران ومنهم رهبان وقساوة
وهم أقربهم مودة للذين آمنوا من اهل الاسلام
ورغم ان هذا ليس الموضوع الأساسي للبوست فإنني استميح
صاحبة عذراً ان اخذنا منه هذه المساحة من النقاش

خلاص يا جماعة نحن فى اٍطار الديمقراطية و حرية التعبير عن الرأى من حقنا ان ننتقد ممارسات الميرغني و اتباعه. الله فى القران قال و لو لا دفع الله الناس بعضهم ببعض لفسدت الارض. خلاص اعتبروا نقدنا ليهو هو و اتباعه دا فى اٍطار دفع الله الناس بعضهم ببعض حتى لا تفسد الحياة على سطح هذه الارض. هذه حكمة الله عندما جعل دفع الناس لبعضهم البعض ميكانيزم لحماية الحياة. نقدنا ليهو دا أفضل له لانه يطوّره و يفقّهه فى الدين. الميرغني لا يخلو من جاهلية ولا يعرف دين الله الحق. الدين هو تكرّيم الانسان، لان الله قال فى القران لقد كرّمنا بنى ادم، فالانسان مكرّم لا يجوز اٍمتهانه ولا يجوز للانسان ان يضع نفسه ذاتها فى محل اٍمتهان لان النفس الانسانية كرّمها الله.

أبوبكر صالح.

****

Quote: عمك الزبير ده شوف بروفايله و الجواب يكفيك عنوانه هو ذاته اكيد من (حملة النعلات) هؤلاء المبتسين بلا خجله.

عجبتني ليك يا الزبير يا قريبي .. تستاهل
لأنو مافي بوست بهاجم السلفيين إلا خاشي فيهو متضامن مع العلمانيين
أها ضوق العلمانية هنا كويس
العلمانيين يا زبير ما بعرفوا توقير الكبار ولا الشيوخ وبعتبروها تخلف ورجعية
طبعا أقول قولي هذا مع كامل التحفظ على الطريقة التي تتبعها وآل الميرغني بتوعك ^___^
طبعا الشيخ ذاتو مفروض ما يرضى القصة دي .. لكن مافيها حاجة

التعديل لإضافة السطر الأخير ^_^

اخونا محمد جلال

كيفك

ياخي زول زيك ببقي وهابي ( افو عليك )

تعال لي اهلك الخلفاء

ياخي انتو تعرضو في النار الشالعه , اخرتها يا ابن عمي تتابع لي الوهابيه .

تعرف صاحب هذا البوست ماعونه فاضي .

بعدين يا اخي محمد جلال

اين مكان و موقع المتكبرين في هذه الدنيا و في الاخره

هدنا الله و اياكم .

سمعت بي نكته الوهابي الترك مدينه دبي قال فيها الفجور و الخمور و مشي اليمن ، نسيبه زعلان لانو اشتري ليهو فيزه الامارات ، قام اتصل عليه قال ليه انتي ليه تركت دبي قال ليه بلد فجور و خمور ، طيب ليه مشيت اليمن ما كان ترجع السودان . قال ليه جيت اليمن اكمل بيتي في السودان ، النسيب زعلان قال ليه علي الطلاق من اليمن جلابيتك القصيره ده ما تمها خلي بيتك .




تخريمه : يا محمد جلال انت من سقادي غرب .

Quote: الاخ محمد المسلمي يا زول انت جدك القطب الشيخ ابراهم الكباشي رضي الله عنه . و له تشابهت علينا الاسماء . بالله التوضيح ضروري الزبير الختمي

الزبير الختمي نعم انا جدي الشيخ ابراهيم الكباشي ونسأل الله ان يغفر له ويرحمه