أتوقع أداء ونتيجة أفضل للمريخ بكمبالا

ولا أستبعد تأهله لكن لا أجزم به ......
تماما كما توقعت ظهور لافت لبلجيكا في البرازيل .
مدخل للخروج
كدا كيف يا أمنحتب السادس عشر ؟
خروج .

تحية


لا مستحيل في كرة القدم لذلك سميت بالمجنونة.

اللاعبون في الحصة الاولي بالسودان ظلوا تحت ضغط جماهيري واعلامي هائل لم يشفع عنه التاهيل النفسي ولا الخروج من شرنقته .

سبق للمريخ ان فاز بهدف ايداهور علي نفس الفريق.

التوظيف الامثل والخطة المناسبة وقدر من المغامرة المحسوبة قد تؤدي الي شيء ولكن هل يكون ذلك بحجم متطلبات التاهيل ذلك هو السؤال الذي لا ينتهي الا عند الصافرة في كمبالا.

هل من اقتراح عن التشكيلة المناسبة يا اخانا طلحة ام انت من الغائبين؟

لك الاحترام.

السلام يا الكامل
فيما يلى التشكيلة فمن الغائبين حتما، مع يقيني أنه يمكن لأية توليفة مختارة من القائمة الأساسية للمدرب أن تقوم بالمهمة .

أين المرجفين ؟؟؟
بل أين اللاهثين ؟؟؟؟؟؟

طلحه ..اعجبني سؤالك عن المرجفين ولكن بعد المداخله الاولي .. انا كهلالي لن اعلق هنا .. اتمني صعود المريخ ..

أعتقد أن فريق كمبالا سيتي ليس بتلك القوة ، كثيرا ما يخطئ لاعبيه في إستلام الكرة وبدون مضايقات.
أعتقد أن المريخ يمكن أن يتجاوزه يسهولة شديدة

هلالابي

ههههههههههههههه
شكرا للهلالاب الخلص محب والصادق وحبيبنا بالفيس بوك
أين المرجفين ؟
بل أين اللاهثين ؟
فتت ( يعني خروج بسرعة البرق)

أنحنا بنشجع المريخ قاريا من واقع الإنتماء للوطن وتشجيع كل وطني
أما في الدوري المحلي معاكم شحمة وناااااااار
والسنة هزيمتكم حا تكون بالكوم ما تشوف أقوان المريخ في الطير

وبرضو معاكم في أبطال أفريقيا بس كروجر يعقل ويتصرف بمبدأ المصلحة والهجوم ويترك إعتباراته الشخصية لنفسه

هيثم مصطفى ما بتفات

تصدق يا الصادق
أنا إبتعدت أكثر عن تشجيع المريخ بسبب تسجيلو هيثم مصطفي دا ؟
وأصلا خرمجة رئيس النادي وحاشيتو دي من زمان واقفا لي في حلقي
وهسي البوست دا مكاواة لبعض المرجفين واللا هثين ما من آخر ضميري والله ..
مريخ شنو وكورة شنو عليك الله البتديرا صحافة المدرجات دي ؟
والله لو بقت على الكورة السودانية دي الواحد أفضل ليهو يمشي يشجع الكريكيت الباكستاني .

لا اعتقد ان فريق يحرس مرماه اكرم الهادى يستطيع الصمود خارج ملعبه
اتفق معك يمكن للمريخ تقديم مباراة كبيرة ويمكن ان ينجح فيما فشل فيه هنا ويسجل اهداف هناك
لكن صدقنى اى كرة مصوبة نحو الخشبات من الفريق اليوغندى لن تتخطى الشباك ...

انا شخصيا حضرت الشوط الاول من المباراة
المريخ لم يكن سيئا كما يعتقد البعض
نجح المريخ في محاصرة الفريق اليوغندى ووصل الى مرماه لكن سوء الختام والتسرع اهدرت فرص محققة
وبقليل من الاجتهاد والدفع بمهاجم ثانى كان المريخ سيحقق نتيجة جيدة في ما تبقى من زمن المباراة لكن ....
اول كرة صوبت من سقط لقط تجاه مرمى اكرم سكنت الشباك تلتها كرة اخرى اضعف من الاولى سكنت الاخرى الشباك
بعدها لم نرى المريخ على ارض الملعب وهذا طبيعى جدا لاننا لا نملك لاعبين لديهم القدرة على تجاوز الصدمات اثناء المباراة او بعدها
ومع الضغط الجماهيرى الكبير والامال الكبيرة تحطمت نفسيات اللاعبين داخل الملعب قبل الجمهور ..
لذلك وجود حارس بمستوى اكرم لا يجعل اى فريق يتقدم خطوة للامام وشخصيا ارى خروج المريخ من هذا الدور افضل للحيلولة دون مرمطة
كبيرة في المستقبل ..

الاستاذ طلحة
التحية والاحترام
اتوقع هو التوقع بي قروش
لكن اذا كان ده المستوى وهم جايين من معسكر خارجي واعداد بدني ونفسي عالي ولاعبو العالمي
ولاعبين وسط جمهمورهم بالمستوي ده بدل توقع منك
ح يكون توقع في الميدان من جانبهم
والله نتمنى ان يحرز نتيجة ويفوز باكثر من اهداف الخرطوم

كلنا شفنا المريخ كان مسيطر على زمام المباراة لكن بدون ترجمة حقيقة لفرص التهديف

لأن المهاجم تراوري كان وحيدا وبالتالي لم يتم تغذيته بالشكل السليم ليحرز الأهداف وذلك لغياب صانع اللعب و(مقشر الموزات) هيثم مصطفى

مدرب المريخ (جاط) القصة بدخول عنكبة وإرتداد تراوري للبحث عن الكرة لبناء الهجمة وترك عنكبة وحيدا في الأمام

عنكبة عاوز يعكس كورة من الشمال لليمين برجله اليمنى (عجيب)

أكرم الهادي حارس جيد ولكن هفواته مدمرة (زي اليوم داك)

في النهاية مع قليل من التركيز ممكن المريخ يتجاوز كمبالا من كمبالا زاتا

حيتطقطق في الإياب بأسوء من الإياب بمشيئة الله

يا شباب
أعيدوا النظر في توقعكم لو مبني على أداء ونتيجة الخرطوم
وما تدوا كلامي الواطة عشان بعدين بعد يحصل القلتو دا ما تستغربوا .

الأخ طلحة, المريخ يحتاج إلي وثبة عظيمة حتى يتخطى كمبالا سيتي, يمكن الإستعانة بسعادة الرئيس لتحديد نوعية الوثبة التي يتحتاجها المريخ

انا من المرجفين ياطلحة

انتو بتغشوا فى نفسكم,,فى زول بضيع حقو يعقد يفتش ل حق الاخرين
غايتو الا ناس الهلال يعملوا الوثبة
هيثم,علاء الدين,,تراولى,,,لكن غير كدا
الاتنين محمداكم تانى,,دحين فتشو عن مدرب
وعن ناس يحنسوا الوالى عشان يرجع بعد الهزيمة

اخ هشام عباس
سيب الحداد واكتب بالاحمر

تحياتى

خارج النص

فرضا تاهل المريخ ل 32 ,,حيسوى شنو مع
الفرق الباقية

نرجع للارشيف,,الفريق دا هزم الهلال داخل استاده قبل 30
ماذا فعل الهلال فى مباراة الاياب ؟؟؟؟؟

أنت يا طلحة الظاهر كفرك فك عديل.
زمان كنت بتخت النتيجة عديل و بتضرب بنسبة 95%
بطل الإندماغ بتاعك ده و قول عديل النتيجة كم؟

غير كده كاس العالم بعد 5 شهور نشوف إخطبوط آخر,

أنا بقول المريخ مهزوم 3:2

أبقوتة المرجف
لا يستوي قولك المريخ مغلوب وفي نفس الوقت قولك إلا فلان وعلان يعملوا الوثبة .. لانو فلان وعلان ديل
بلعبوا في المريخ وليس غيرو .. دا كلام زول مرجف ومبهم ولا يستفاد منه البتة .
يا اما تقول المريخ ح يكون أفضل أداء ونتيجة أو تخليك كما أنت مرجف كبقية المرجفين وتأكد أن المريخ
مغلوب مغلوب .


عمار النور
الناس الهنا ديل كلهم وفي الفيس بوك وبقية المنابر والأسافير ( الشفتهم أنا) أكدوا على أن المريخ
مغلوب وسيعود بفضيحة من كمبالا .. وعكسهم تماما قلتا المريخ سيكون أفضل أداء ونتيجة ..
أها عايزني أقول اكتر من كدا شنو يعني ؟؟؟

فوق عشان خاطر المرجفين اللاهثين .

معلم عديل والله استاذ طلحة.
رغم هلاليتى إلا أنى حزين لخروج المريخ

سلامات يا عمدة ملك التوثيق ..
تعرف لو كان المريخ اتغلب كان البوست دا وصل خمستاشر صفحة .. ههههههههههههههه
أسأل معاي :
أين المرجفين
بل أين اللاهثين ..
وأقصد هلالاب ومريخاب

اخونا طلحة تحياتي
قرائتك دائما واقعية وتحليلك منطقي
رغم اختلافي معاك في بعض النقاط لكن الحق يقال
كنت انت الصاح ونحن الغلط
لك التحية

Quote: لا اعتقد ان فريق يحرس مرماه اكرم الهادى يستطيع الصمود خارج ملعبه اتفق معك يمكن للمريخ تقديم مباراة كبيرة ويمكن ان ينجح فيما فشل فيه هنا ويسجل اهداف هناك لكن صدقنى اى كرة مصوبة نحو الخشبات من الفريق اليوغندى لن تتخطى الشباك ...

طلحة اخوى الفوق دا كان ردى ليك
وكما توقعت اول كرة سددت نحو اكرم وفى الخمسة دقائق الاولى سكنت الشباك وصعب المامورية
لذلك قلت لك يمكن لكن اه من قولة لكن
الفريق اليوغندى في الخرطوم سدد ثلاث كور من بعيد احرز هدفين
وسدد كرتين في يوغندا وسدد هدف
كيف لفريق هذه احصاءيته ان يتقدم لادوار متقدمة وحارسه اكرم الهادى

يا سيف والله صدقني أنا ما قاصدك اتا والزيك
أنا قاصد جماعة بعينم هنا وفي الجرايد الرياضية
وبتستمتع دائما بردود فعلهم كلما ما أهزمهم في التوقعات والقراءة ..
والغريبة هم مصرين يدخلوا نفسم الجحر دا كل مرة ..
هههههههههههههه

الحبيب طلحه
احببت مشاركتك بمساهمة لي في بوست لصديق الموج
صديق ازييك
كنت متمني واحد بس يشيد بانتصار المريخ في كمبالا بصرف النظر عن خروجه
مشكلة السودان انه يفتقر الى النقد الامين وربما الصحيح
ليس من الطبيعي ان ينهزم الفريق في وطنه
ولكن ليس من الطبيعي ان ينتصر المهزوم علي المنتصر في وطن الثاني
فمتى نكون سودانيون ونترك التعصب؟؟؟؟؟؟

هشام يا خوي كنت أظن كلامك الفوق دا كان مداخلة في البوست وليس رد على كلامي .. وبما أنك
حملته معني الرد ليكون مخالفا لوجهة نظري كما أوضحت فيبدو انك برضو بتحكم العاطفة في تشجيعك للكورة
وعلى العموم اتا ما في قائمتي القاصدا أنا .. تحياتي .

الفنان الموصلي .. لك التحيات أوله وآخره .. وزي ما قلتا مشكلة السودان انو أغلب ناسو ما بحبوا الخير
لي بعض ودا ينطبق على كل المجالات .

قوم لف

اممممممممممك قبض ..
اقوم ألف وين ؟؟
هسي المريخ دا ما قرب يتأهل .

Quote: تعرف لو كان المريخ اتغلب كان البوست دا وصل خمستاشر صفحة .. ههههههههههههههه

سلام يا طلحة
غريبة
والحصل شنو؟؟؟؟ غير كده
كان المطلوب صعود المريخ لدور ال 32
كلامك دا وكأنما تحقق ذلك الامر !!!!!!!!!!!
وحسب عنوانك فالنتيجة الافضل
صعود المريخ وليس الفوز فقط
وما تحاول تقنعنا ان نتيجة الامس كانت أفضل
لأن المحصلة النهائية هي خروج المريخ

والله يا السوندا اخوي لما كتبت البوست دا أصلا ما كان في بالي أقنعك اتا .

أين اللاهثين
أين الراجفين
أين البتاعين
أين الحاجات التانية ؟؟؟؟؟؟؟؟
ههههههههههههههههههههههههههه
يتبع ............

يتبع ..........

توقعك كان سليم..تحليك كان منطقي ..لك التحية على ذلك.
رغم ذلك ازدادت نتيجة الخرطوم مرارة بعد نتيجة كمبالا..
المريخ يحتاج لاعادة النظر في بعض اللاعبين خاصة المحترفين منهم (تراوري ماسورة الهلال و باسكال مثلا).