رسالة و رجاء من الاعلاميين السودانيين بخصوص فيديو الراعي الامين

الرسالة بخصوص فيديو لشاب سوداني يعمل فى رعاية الماشية فى السعودية، الشاب سجل موقف نبيل بحق يدل على قيمنا الراسخة. الفيديو موجود فى الفيس بووك من لم يشاهده حتى الان يمكننا نقله له بطرق اخرى. داير اقول للاعلاميين السودانين بالذات فى دول الخليج الاهتمام بعكس هذه الصورة عن السودانيين. هذا حقه. مقاومة و اٍغراء المال بهذه الطريقة و فى هذا الزمن و رغم قساوة المهنة التى يمتهنها تدل على نفس كريمة و ابية بحق.

على صعيد اخرين افتكر كلنا اصبحنا نعرف ان هنالك منافسة شرسة فى سوق العمل فى منطقة الخليج، انا ما عايش فى الخليج لكن مما يصلنا من حكاوي هنا و فى الاعلام عموما. المنافسة وصلت مرحلة اقرب للحرب، باطلاق شائعات منظمة و موحدة عن السودانيين بغرض الاضرار بسمعتهم فى سوق العمل. افتكر انو من حقنا اي نرد الكرة بالاحسن و انا ما بفسر و انتو ما تقصرو.

أبوبكر صالح.

نحن شعب لديه كثير من الاشياء النادرة و الجميلة، لكننا عفويين و طيبين. من الواضح انو الطيبة العفوية فى هذا العالم اللجي المتلاطم ما كافية. قصدى من التنبيه انا نكون واعيين بضرورة تسويق كل الايجابي من صورتنا لدى الاخرين.

أبوبكر.

والملاحظ يا أبوبكر
لاعندو لحية ولاعندو مسواك في جيبو
ولاعندو كرش وسمين
الله أكبر
دا الاسلام الذي دخل بلادنا مع الأخيار الأمناء وطبقوه في معاملاتهم فاحببه أهلنا واتبعوه.

Quote: والملاحظ يا أبوبكر لاعندو لحية ولاعندو مسواك في جيبو ولاعندو كرش وسمين الله أكبر دا الاسلام الذي دخل بلادنا مع الأخيار الأمناء وطبقوه في معاملاتهم فاحببه أهلنا واتبعوه.

ايوة يا بلة سوداني عاااادي خالص. يا زول ناس ابو لحية ديك ما بقعوا فى الاشغال الشاقة دي.
مرطبييين يشتغل داعية و يقبض ما يقبض و يبقى سمين و ليهو زنقلة. و زى ما قال حمّيد على لسان
السرة بت عوض الكريم :

"احفض كرامتك تحفضك .. الموت ولا العيش المهين
الموت نفاد الما نفد .. الموت حياة الميتين
أختاها جنة مع الفقر .. وادخل جحيم المتعبين
وإن ما قدرت على دا أبوي .. رب لك دقين
وصنت .. رب لك دقين
وضحكت .. حمدنا الله الحنون .. جيداً خلقنا بلا دقون
وضحكنا زين"

طبعاً المسألة ما مقصورة على الاعلاميين المحترفين لوحدهم، كلنا ممكن ان نقوم بهذا الدور فى حدود المستطاع. قبل شوية سألت الشباب فى الفيس بووك من الواتسب قالوا شغال تش فى السعودية. اذن علينا به، اي سوداني يرسل الفيديو لعشرة سعوديين هههه. بكده حى يغطي المملكة فى ظرف يومين. و كمان نقع فى باقى الخليج تغطيات، لمن يقولوا الروب.

عاد نطير نحنا؟ الكيزان يشردونا من البلد، و برة البلد يتلحونا واحدين تانين عشان يضروا بسمعتنا فى سوق العمل. اذن لابد من عمل!


أبوبكر.