بخصوص نساء البورد ،،

اي انسانة من حقها ان تكتب او تعتنق اي فكر ومن حقها ان تعبر عن وجهة نظرها بكل حرية دون الوصاية الذكورية المطروحة هنا في البورد كلهن نساء عاقلات وراشدات ويدركن جيدا ما يترتب على اي وجهة نظر طرحنها ،،
اوقفوا هذه الوصاية والجندرة ،، بالدارجي (كل ياكل نارو) مرة راجل ،،

---------------------
ويا جميلات البورد اقصد نساء البورد خليكم زي ام حازم الاستاذة تراجي بتجي داخلة البورد وخالعة عنها الجنس الانثوي ومرتدية فقط ما تؤمن به وما عاوزة اي نجدة ذكورية بتنجض شغلها ،، هناك حالتين في هذا الشهر وكانت الوصاية الذكورية هي العنوان العريض حالة الدكتورة نجاة ، وحالة الاخت منى عمسيب كل انسانة تتحمل ما تطرح وشغل الولولة والنحيب ويا معتصماه دا ولى الى غير رجعة ،،

----------------

يلا برا لمة وشغل مدرج العاطلة ومقنع الكاشفة دا ما مكانو هنا الحجة بالحجة والراي بالراي واي شخص يتحمل ما يخرج من كيبوردو

مية مية .

والمحيرني إنو حكاية ( أخوان فاطمة ) دي ذاتها إنتقائية كمان !

فنعم ، هنالك ترصد ذكوري وااااضح طفش معظم العضوات من البورد ..
بسبب إساءات تتعدي العام والسياسي إلى الخاص والأخلاقي .

ونحنا ياما شفنا هنا العجب ..وياما إتشتمنا شتائم ( مما ولدونا ) ما سمعناها ولا إتخلينا ذاتو إنو في يوم من الأيام نسمعها .

ولكن ياهو دا السودان يا أخوات ..
فيهو وفيهو ..
ووجودكم وصمودكم فى وجه كل هذا الغثاء ..هو ما يجعله ينحسر ..
وليس العكس .

أقول قولي هذا ..
وأنا ظااااتي بطني بتطم أحيانا ..وبغيب بالسنوات .

Quote: ويا جميلات البورد

هههههاى !!


أضحكك الله .. يا ول أبا على دفع الله.

بريمة

من الفيس بوك قلنا نشوف وضعك شنو يا سيد عبد الباقي ولقيناك واضح

شكرا للمداخلة

العزيز علي دفع الله

تحياتي

ويا اخي و حياتك نحن فخورين بالجيل بتاعكم ده…..الاكثر ايمانا ومقدره علي فهم (النديه)



لاحظ يا عزيزي

عندما نسعي لاكستاب العضويه هنا سعيبنا رجال و نساء

وعندما نصيغ مطالبنا الجندريه لم نقل يوما اننا لسنا (انداد للرجال)

البخلينا شنو نـسـكــلـب لما يهبشونا؟!


الادانات المرات بنطالب بيها بنطالب بيها برضو بنديه.

وبننصر الرجال مثلما ننصر النساء.






وزي ما قالت آمنه مختار

احيانا نتحير في الانتقائيه…….

فما تسمع بعشي البايات و مقنعي الكاشفات

يا زول ديل يحبروك ذاته.





المهم يا علي

خليك حريص خليك سوداني زما بيقول صلاح بندر.

نحن اذا فعلا معارضه الكتابه في الضم الحقيقي هي التي ترهب فلول الانقاذ وليس التفرغ لمناصرة بعضا.

التحيه لكل المرابضين و المرباضات في خنادق الحق.

والتحيه لك.

Quote: [ ويا معتصماه دا ولى الى غير رجعة ،،

>>>>>>>>>>>>>>>>>>>>>>

عزيزي علي دفع الله
فعلا زي ما قلت انت زمن ويا معتصماه ده ولى خلاص بدون رجعة...

ونطلع ليك بره الموضوع شوية... حكام الزمن ده والعاملين مسلمين وينشروا العدل ويقوموا بحماية الشعب اصبح كل همهم السلطة والجاه والمال وبقوا عبدة الدولار... والمعتصم بالله عندما استنجدت به امرأة في بلاد فارس البعيدة وصرخت يا معتصماه عندما ضربها احد جنود الفرس.. سير المعتصم الجيوش وفتح بلاد فارس استجابة لنداء المرأة... وهسع تشوف العجب العجاب الحكام يقتلون الشعب ويقتلون النساء و والأطفال بدم بارد...
ومعليش طلعنا من موضوعك..
والله يديك العافية

الأخ المحترم \ علي دفع الله .

لك التحايا والتقدير ..

Quote: الاخت منى عمسيب كل انسانة تتحمل ما تطرح وشغل الولولة والنحيب ويا معتصماه دا ولى الى غير رجعة ،،

معقولة بس ولولة عديل !؟
يا ود دفع الله زي ما اتفجعت فيني في بوست فايزة عمسيب حقي انا اسه اتفجعت فيك
في البوست ده ! من متين انا قاعدة اشكي ولا ابكي ولا اولول !؟ طرحت شخصيات معينة
ما عندها اي موضوع ولا حجة زي ما انت قلت ( الحجة ) كدي امشي جيب لي بوست لي واحد
فيهم فيهو ذرة من الحجة ولا المنطق الممكن نتعامل بيهو معاهم ؟ قبل كده الحبيبة تراجي ذاتها
عانت من المدعو عزام وفتحت ليهو بوست ب يا عزام ابعد من بوستاتي اهو من ضمن الناس
الانا اسه بعاني منه زي ما عانت الحبيبة تراجي ؟ جاني بنفسه في احدي بوستاتي وحذرتو لكن
كالعاده غير المكاوة ولوك الكلام ما عندهم شئ والبقية الباقية المذكورة انا ما شكيت لي اي انسان
شكيت لي سيد الحوش والله يعلم ما عشان موقفهم معاي فقط عشان شايفة في تصرفات ما لائقة
بتحصل منهم ومافي رادع ليهم لدرجة الحوش في مرات عديدة بحس بيهو اقرب للجحيم . سلمي سلامة
سابت الحوش اهو ده نموذج نسوي عانه الامرين واتخارج اها اسه دايرين اطلع نهائي ولا اقعد كل
ما افتح لي بوست يجوا يسمموهو لي ؟ انا موضوع مهاترات زي نجاة ما بعملها نجاة بتعاني من معظم
شباب الحوش انا فقط تلاتة وبعانوا منهم معظم ناس الحوش اها في الحالة دي العمل شنو؟ واحد في الاتيتن
يا اقعد معاهم في المهاترات زي نجاة يا احذرهم من خلال سيد الحوش عشان ما يجوا يخربوا لي بوستاتي
بالكلام الما مفيد . وبرضو فجعتني . لي قدام .

Quote: شكيت لي سيد الحوش

ما قلتو نوبــــة.


بريمة

ما دام أوردت هنا من زعم أنه شاف وضعك، فقد برأت نفسك من تأليه الذات ويحق لكم الكتابة بموضوعية ولو كرهك الغالبية

علي أخوي شوف الآية دي!
{ وَكُلّهمْ آتِيه يَوْم الْقِيَامَة فَرْدًا }
يعني حتى حسبو نسوان لا يقدر على أن يأتي وزوجته أو وابنته يوم الحساب طبيق طبيق!!!
عنكبة الفحول السرمدية في شنو طيب على نصفهم الحلو؟
ما دام كلو واحد بحاسبوه فرندقس

يا الحبيبة امونة سلام يغشاك يا السمحة ...

Quote: ولكن ياهو دا السودان يا أخوات .. فيهو وفيهو ..

ايوة السودان صاح فيهو العجب لانه البحكومهو هم العجائب !
وبعدين السودان الفيهو ده سبانهو نحن اسه خارجو لانه ما فيهو
قوانين البتحترمنا كبشر ومافي البتلجئ ليهو عشان تأخدي حقك
وبقولها بصراحة لا ضعف مني ولا قلة حيلة انا في منتدي عبارة عن
حوش عنده صاحبة وانا ضيفتو يا اقعد الجميع احترمني عشان احترم
الحوش وسيدو وضيفو يا المنتديات علي قفي من يشيل والبديل متوفر .
ولي قدام .

Quote: ما قلتو نوبــــة. بريمة

اها شوفوا جنس الحالة دي !؟

الناس في شنو والبقارة في شنو !

Quote: الادانات المرات بنطالب بيها بنطالب بيها برضو بنديه. وبننصر الرجال مثلما ننصر النساء.

التحية لك الحبيبة تراجي. هذا هو المنطق ويجب ان يعرف الجميع
باننا ضد الخروج عن الاعراف السوية وضد الخروج عن اطار التربية
السودانية الاصيلة ولا الارضية المشتركة بيناتنا ارضية الاحترام .
واذا اردنا ان نفعل ما نشاء وراء هذه الكيبوردات فبمنتهي السهولة
ولكن نحن صاحبات مبأدي ولا مبأدي من غير امانة ونزاهة واخلاقيات
واما ان ننصرف لان فاقد الشئ لا يعطيه . ولي قدام .

العزيزعلي دفع الله
وهل تعتقد اننا ننظر الى من يترصدون النساء على انهم رجال !!!!
اكيد لا
وزمان الوصاية على المرأة ومحاولة ارهابها بالكلام وساقط القول اصبح من الماضي
فنحن اصبحنا اقوى واوعى واصلب
الذين يعتقدون انهم سيرهبوننا بكلمات هؤلاء يعيشون بعقليات القرون الوسطى
يفكرون وفق خوائهم العقلي والذهني والمعرفي فكل اناء بما فيه ينضح
وكل انسان انتاج البيئة التى تربي وترعرع فيها
فانحن النساء وحدنا اهدافنا ومبادئنا بوعي وإدراك
ولن يردنا عنها الرصاص ناهيك عن الكلمات
مشكووور يا ملك على هذا الخيط
عسى ولعل ان يعي ويفهم من يفكر في قهر النساء بأنه ضعيف وواهم وواهن
وانهم مثار الشفقة والسخرية

Quote: هههههاى !! أضحكك الله .. يا ول أبا على دفع الله. بريمة

الناس في شنو والبقارة في شنو !؟

Quote: الناس في شنو والبقارة في شنو !؟

الجملة دى شايفتها تكررت كثير .. وكأنها أصبحت تحمل مضمون عنصري لقائلها تجاه البقارة..

هنا كتابين ألفتهم عن البقارة .. لعل سوء الفهم عن البقارة يزول ..

https://www.createspace.com/3937136

https://www.createspace.com/4384569



-----------
أنا شخصياً عكازي يضرب في حدود الخصم .. لكن ضرب جامد، ولا يفرق أن يكون الخصم راجل أو نعجة أم بيض.

بريمة

Quote: نحن اذا فعلا معارضه الكتابه في الضيم الحقيقي هي التي ترهب فلول الانقاذ وليس التفرغ لمناصرة بعضنا.

تحياتي لكل من عبر البوست شاكر لكم جميعا ،،

-----------
حا ارد للاخت منى عمسيب لأن حسيت انو البوست لامس ليها وتر اول حاجة صدقيني قلت ليك قبل كدة انك فجعتيني في البوست بتاع الاستاذة فايزة عمسيب ولا زلت عند فجيعتي والدليل انك ما وفقت في البوست اياه الحالة بتاعة البوستات النتجت عنه منك شخصيا وهي هالة هياج وعدم رضى واضح منك بدليل مسح البوستات والمداخلات ، تصدقي يا منى حتة الناس تطاردك دي اصلا ما راضيها ولكن اتمنى انك يكون لك احدى الخيارين اما التجاهل او التصادم انتي بنفسك والقوة ليس في تفريخ البوستات بل هي الايمان بما كتبتي وتواصلي دعمك لي وجهة نظرك اذا رايتي انها ما سليمة ما عندك غير الاعتذار ، اما كونك حا تطوني مطاردة ومساككة من سين او صاد من الناس دا طبيعي ودي ادوار ارتضوها هم فما تهتمي كتير وهم ما يصدقوا يلقوا ليهم مولد وينزلوا ذكر ،،
واصلي مشوارك فيما مقتنعة به وخليك مصادمة وقوية في حدود ما يسمح به قوانين البورد وستجدي الدعم اللازم في الوقت اللازم مش عشان انتي امراءة بل لأنك انسان بحمل فكرة وراي واضح وصريح

----------------
تحياتي
وسأتناول اذا سمح الظرف جميع المداخلات

مودتي واحترامي

أخي علي دفع الله
تحية طيبة سلاااام
بدء لك الشكر أجزلة لفتح هذه الفسحة لمناقشة موضوع مهم ومهم كتير والله
لما يجري في هذا المنبر
المرأة وسبها. لما ؟ لانها عَبّرت وترجمت عن رأيها في مفردات

تربينا وعرفنا أن المرأة مكرمة معززة ( وهذا من ديننا الحنيف )
لا يكرمها إلا كريم ولايهنها إلا لئيم
شئ واحد ونصيحة لم يسب المرأة. سواء في هذا المنبر أو غيره مكان ...
تذكر يا أخي أن المرأة هي امك التي حملتك وهناً على وهن
وهي أختك في خدرها او في كنف زوجها وبين عيالها
وهي عمتك وخالتك ...
وهي زوجك أم أولادك
فهل ترضى تهان في شخصها ( حرّم الدم ركب ولا يقبله إلا ديوس )
يا من لا ترضى أن تكون ديوس. لمَّ ترضى لغيرك هذا؟ كما لك محارم وعروض للناس محارم وعروض
وفي إنتهاك العرض يحل الدم
المرأة عرضنا كلنا أينما كانت وحلت

وقالوا
الولد الخاف القبيلة تلومو
يخلف ساقو فوق تيساً رقيق قدومو
امن جاب رضوة البهم المنقر فومو
اما إتكاتحن قدح الرماد حرومو

قصدت
من اجل المراة نركب الصعاب ونتوكر في بلاد العدو والصديق حتى نرضي المرأة كيف نعود
ونقلل من شأنها ونسبها وللأسف بأبشع أنواع السباب الذي يصم الأذن حينا

ولي عودة

Quote: الناس في شنو والبقارة في شنو !

الباقور الينفحكِ .. يا البتنبزي بت عمك وتنشري غسيلكم الق ذ ر على الناس.
البقارة جابوا طاريكي ولا سعلوا منكِ؟
خليك مع بريمة بس .. وإن عدتم عدنا...

كبـّاشي الصـّـافي
(العوج راي والعديل راي) .

مع انى ما نساء بورد





4e


غايتو خشيت بوسطيك ده
وماقدرت ارفع راسك
خفت تجينى حبة طايشة تودينى التوج
عملت انسحاب

لو النفوس اطايبت الاسافير تشيل قبيلة

تحياتى ليكم جميعا

[QUOT]and#227;قصدت من اجل المراة نركب الصعاب ونتوكر في بلاد العدو الصديق حتى نرضي المرأة كيف نعود
ونقلل منشأنها ونسبها وللأسف بأبشع أنواع السباب الذي يصم الأذن حينا

<<<<<<<<<<<<<<<<<<<<<<<<<<<<
عزيزي خالد المنسي.... قلت فكفيت وأوفيت
والله يديك العافية

غايتو المعتصم دا ماعندو شغلة كلو كلو ياعلي دفع الله..

بس الزول دا سمع كواريك المرأة دي كيف؟
والجندي الفارسي صفعا فى شنو؟
وهل وجد الجندي أم لم يجده؟

وإذا وجده ماذا فعل به؟
ولماذا قبل أن يجرد حملة لم يشتكي هذا الجندي لرئيسه؟

وهل الفرس كان عنهم دفاع بالنظر أم لا؟

ولماذا فتح عمورية؟
هل ليبحث عن ذاك الجندي الفارسي ليصفعه؟
أم أهدى عمورية لتلك المرأة الصارخة؟

أسئلة كثيرة تفرض نفسها في هذه العجالة!
وماذا لو كانت تلك المرأة تراجي مختار أم آمنة مصطفى؟
هل كانت ستستنجد بالمعتصم؟
أم ستصفع الجندي؟

وهل منى عمسيب ودكتورة نجاة فعلا استصرختا المعتصم؟
وهل كانتا على حدود عمورية؟
ولماذ أغمط أبوتمام حق هذه المرأة في الشهرة ولم يذكرها في قصيدته التي كسب منها الملايين من المعتصم؟

ألم أقل لك أن هذا الأمر يستولد أسئلة كثيرة وهامة وحرجة في هذا الظرف التاريخي الدقيق؟

تحية ود دفع الله
وضيوفه
خشيت يا صاحب اقول حاجة محسكنة لي
الرأي والفكر لا يعرف الجندرة , نري الرأي ومدي صحته او خطأه بمعزل عن جندرية صاحبه
الخلاف في طريقة الخطاب رغما عن قناعتي ان حسن الخطاب يلزم صاحبه وليس المخاطب ,
نعم مدرج العاطلة وأخو البنات والبشيل فوق الدبر والدم مطلوب , ولا يقلل من قدر المرأة او هي نظرة دونية ,,
الندية لا تعني إلغاء وضع المرأة داخل وجداني , دعك من الدين الواضح في إكرام المرأة وآخر وصاياه صلي الله عليه وسلم
استوصوا بالنساء خيرا
فالذوق وكريم الاخلاق تستوجب علينا حسن معاملتهن ,, وليس تجاوزهن والنظر إليهن كطفل صغير نسترضيه
سأقف ضد ما اراه خطأ مهما كان قائله ذكرا او انثي
ثم سؤال استفزازي جدا يا صاحب
إذا كنت تسير ليلا ووجدت احدهم يتشاجر مع آخر وبعنف ماذا تفعل إن
كان رجل
كان إمرأة
هل يعمل قانون الندية هنا
مع كامل المودة

Quote: واصلي مشوارك فيما مقتنعة به وخليك مصادمة وقوية في حدود ما يسمح به قوانين البورد وستجدي الدعم اللازم

انا لا ولن اتوقف عن مشواري لانه هو الشئ الوحيد الذي اصبح لي في هذه الدنيا .
اما بخصوص سحبي لبعض البوستات لا ضعف ولا خوف ولكن لشئ في نفسي
والقوة والمصادمة بالنسبة لي لها مناخها الصحي الذي لا يحسسك بانك تنجر وراء
المهرجيين ومروجي المهاترات . فيجب علي الجميع كما بنحترم نحترم واحترامهم لنا
ببدأ من بوساتنا التي تقدر وتحترم لا تصبح مرتعآ لعبسهم ومهاتراتهم وعدم مسؤوليتهم .

ولي عودة ...

Quote: هنا كتابين ألفتهم عن البقارة .. لعل سوء الفهم عن البقارة يزول ..

ما محتاج قراية كتب يكفيني النموذج الكتب عن البقارة وهو النموذج المسئ للبقارة !!!!


اما عن ( الناس في شنو والبقارة في شنو )
هذه ليست عنصرية معاذ الله واعوذ بالله
هذا علي وزن المثل السوداني المعروف واكيد بتعرفو .

سلام يا على دفع الله
انا حاقول ليك حاجة لربما تكون بعيدة شوية من موضوع البوست
سوال
انت الجماعة ديل لما دخلت المنبر ده وهاجموك كنت لابس طرحة
ما بسم على دفع الله يملا الخشم لامن يفضل وكثيرين من اتوا هذا المنبر فوجدوا ما وجدوا من نفس الاقلام ونفس الشخصيات
ومن نفس الاتجاه السياسي
وبنفس الاسلوب المنحط والرذيل
التداعي من كل صوب وحدب وعبر كافة الوسائل المتاحة في لمحة بصر تجد كوم من الذباب الالكترني يهاجم بضراوة السخرية مرة
والاساءة والتجريح مرات والتهديد بالملاحقة المطاردة وبعبارت مبطنة
هذا الوضع عام مشاهد بصورة متكررة لحظة اطلالة اي عضو او عضوة كانت وكثافة تواجده
التجربة لو سالت عدد كبير من الاعضاء والعضوات بتلقاهم مروا بيها منهم من صمد ومنهم من ولى مدبراً ومنهم من التزم بالمشاهدة من الشباك فقط
ادن السوال
هل نقف مكتوفي الايدي امام هذا الوضع ونترك كل عضو او عضوة تنكوي ينكوي بناره انا في تقديري لا والامر يحتاج لوقفة جادة وهادفة محصلة نتائجها
ما يقدم فائدة للجميع ويحمى الاعضاء من المتعطلين فكرياً وذهنياً
ان تختلف مع عضو او يختلف معك عضو شي طبيعي وصحي ومطلوب
وان يخفق عضو في تقدير موقف ما ايضاً طبيعي جداً وليس في ذلك ما يعيب اذا ما تدارك هذا الخطأ وتراجع عنها
ولكن يا عزيزي ان يتطور الامر للمساككة والملاحقة
لدرجة اقتباس حتى الاعتذار واجهاض ثقافة راقية متحضرة جداً مثل هكذا امور الصمت عنها في تقديري يوفر كل اسباب الخلل لمزيد من الفوضى
والعبث ونزيف الاعضاء والعضوات على حد سواء
مع التحييييييييييييييييييييييية

Quote: هنا كتابين ألفتهم عن البقارة .. لعل سوء الفهم عن البقارة يزول ..



ما محتاج قراية كتب يكفيني النموذج الكتب عن البقارة وهو النموذج المسئ للبقارة !!!!


اما عن ( الناس في شنو والبقارة في شنو )
هذه ليست عنصرية معاذ الله واعوذ بالله
هذا علي وزن المثل السوداني المعروف واكيد بتعرفو .

سلام عليكم أبو علوة

Quote: مش عشان انتي امراءة بل لأنك انسان بحمل فكرة وراي واضح وصريح

دا كلام سليم و أتفق معك فيه
لو كنا جميعا نكتب هنا بنك نيمز الأمور كانت ح تكون أفضل بكثير (من ناحية المشاكل و الشخصنة و الجندرة و غيره وإن كنا سنفتقد للتواصل الإنساني و العلاقات التي خلقها البورد)
نفس هذا الرأي قلته من قبل لأحد الزملاء - أعتذر إن نسيت من كان - في معرض دفاعه عن بيان عند تعرّضها لهجمة و ملاحقات, رايت في الدفاع عنها لأنها إمرأة إهانة لها و إنتقاص من قدرها, وكان المفروض الدفاع عنها من حيث أنها إنسان. و إن كان الأحرى الدفاع عن الحق إذا كان معها و لومها إذا كان عليها, فالحق أحق أن يتبع غض النظر عن جنس و كنه الأطراف المختلفة ومدى قربنا او بعدنا عنها
لكن تقول شنو بس ياهو دا حالنا و ياهم نحنا كدا سودانيين كاملي الدسم :)


______________________

يا معلم إنت مش قلت جاي؟

الزملاء والزميلات الاعزاء
--------------------------
امنة مختار
بريمة محمد
تراجي مصطفى
اميرة السيد
منى عمسيب
ادم صيام
وضاحة
عل محمد الفكي
خالد المنسي
يوسف محمود
بلة موسى
عبد الحفيظ ابو سن
فرح ابو روضة
محمد البشرى الخضر

---------------
تحياتي لكم جميعا وصدقوني كل حروفكم ومداخلاتكم جديرة بالتعقيب لكن والله فتران فترة لمن ريقي ناشف لكن وعدا علي سوف اعقب عليها جميعا عسى ولعل نوصل لما فيه الفائدة من طرح الموضوع ، بس على خفيف كدة داير اقول لأبوروضة الموضوع من اساسو الهدف منه عدم تبني قضية المراءة بأعتبارها مخلوقة من ضلع اعوج او لوفاس ما بتكسر الراس دا ما اردت ايصاله ،، يا ود البشري صدقن جيت جية خطافي كدة لكن في الجاية انشاء الله سوف اقابلك ،،
سأعود لكم لحين ميسرة ،،

مودتي وشكري لكم جميعا

من اكثر الاقلام التي تمارس العنف اللفظي ضد الاخرين الدكتورة نجاة
وليها مصطلحات خاصة ولغة يصعب فهمها الا لمن يدورون في فلكها
القراية بالاضنيين
القراية بالضنب
بتاعين اللساتك
وعييييييييييييييييييييييك
انا شخصياً نلت من هذا العنف ما نلت من قلم الدكتورة نجاة فهي صاحبة قدح معلاء في الشتم والاساءة والتجريح
بل وتدفع الاخرين دفعاً للخروج من طورهم
السوال
اين اعتدى ابو روضة في اي حوار كان مع الدكتورة نجاة على سبيل المثال
حتى يرى من كيبوردها ومثلنا كثيرين ممن اكتواء بمثل هكذا نيران ؟

القراية بالضنب
القراية بالاضنين
بتاعين اللساتك ؟؟؟
فمن المخل جداً ان نضع الجلاد مع الضحية
وان نخلط الاوراق بين عنف لفظي سائد من مجموعة بعينها وان نسمى هذا الشي مهاجمة او مدافعة للنساء
خلاصة ما وددت قوله يا على دفع الله
لا مقاربة اطلاقاً بين حالة منى عمسيب كزولة كتبت فيما يخص اسرتها ثم اعتذرت
فلاحقها الاخرين بنوع من قلة الحيلة والتكالب وبفهموم لن تكون موجدة بعد اليوم بهذا المنبر
وبين قلم اشتهر بالمناكفة والمصطلحات الغريبة التي تطفي اضاءة الكيبورد قبل الاذن
نقطة سطر جديد
غايتو انا البوست ده حجزت لي فيه مقعد يا على دفع الله

الرفيق على دفع الله
لك التحية
بوست متميز..
وأتفق معك فى الفكرة تماماً واضيف..
هناك ايضاً نساء فى البورد يتقمصن الشخصية الذكورية ويحاولن فرض الوصايا على نساء اخريات خاصة فى حالة (العضوية الجديدة)..
ومحاولات تطويع النساء حسب توجاتــ هم/هن هى سياسة متعبة لكسر همتهن وتستخدم اسلحة مختلفة للتطويع..
والامثلة كثيرة ولا اود الخوض فيها لاننى لا ارغب فى فتح بوست داخل بوست ولكن ربما أكتب لاحقاً فى هذه القضية بشكل أوضح.. ولى فى هذا البوست أسوة حسنة "عندما يتطاول القصار.. يكون الرد هكذا":
http://webcache.googleusercontent.com/search?q=cache:zp0Z512...+andcd=1andhl=arandct=clnk
والدليل انك ما وفقت في البوست اياه الحالة بتاعة البوستات النتجت عنه منك شخصيا وهي هالة هياج وعدم رضى واضح منك بدليل مسح البوستات والمداخلات ، تصدقي يا منى حتة الناس تطاردك دي اصلا ما راضيها ولكن اتمنى انك يكون لك احدى الخيارين اما التجاهل او التصادم انتي بنفسك والقوة ليس في تفريخ البوستات بل هي الايمان بما كتبتي وتواصلي دعمك لي وجهة نظرك اذا رايتي انها ما سليمة ما عندك غير الاعتذار ، اما كونك حا تطوني مطاردة ومساككة من سين او صاد من الناس دا طبيعي ودي ادوار ارتضوها هم فما تهتمي كتير وهم ما يصدقوا يلقوا ليهم مولد وينزلوا ذكر ،،
واصلي مشوارك فيما مقتنعة به وخليك مصادمة وقوية في حدود ما يسمح به قوانين البورد وستجدي الدعم اللازم في الوقت اللازم مش عشان انتي امراءة بل لأنك انسان بحمل فكرة وراي واضح وصريح
وهنا عبرت يا على عما يدور فى خاطرى تماماً من ملاحظات حول الهيصة التى دخلت فيها الرفيقة منى عمسيب نتيجة الهجوم الموجع والغير مبرر الذى تعرضت له فى البوست الخاص بموضوع الاستاذة فايزة عمسيب..
مرة أخرى أحييك يا رفيق على هذا البوست مع كامل تقديرى وإحترامى

الأخ علي... سلام
البوست وقع للكثيرين في جرح...
فكرتك عن المساواة في طرح الآراء ..وتحمّل عواقب ما نكتب..
سواء رجل أو إمرأة..وده مفهوم و مقبول.. ولكن
البعض في البورد..مولَع بترصّد بوستات الأخوات هنا ..ومحاولة كسرهن بالعنف اللفظي
ليقينهم على عدم قدرتهن على الرد -حياءاً-.... (بريمة نموذج مثالي)
ولسان حالهم ..(ما قلتوا مساواة ؟؟)..(انتِ أصلاً الجابك هنا شنو ؟)
شفت كيف يا حبيب؟
لذلك ستجد البعض يتبنّى الموقف الليبرالي ده ..مش عن قناعة..
ولكن لمحاصرة من تتجرّأ و تبدي رأي مخالِف..(مش عاملة ليبرالية ؟ استحملي !!)
________
ما عارف.. هل بإسم الحريّة و المساواة ..نرى البعض يترصّد اخوات لينا هنا
ويمارس معاهن عنف لفظي و اساءات ومهاترات ..ونقيف نتفرّج...
ونعتبر ده ..(الرأي) و(الرأي الآخر) ؟

بعد إذنك ياعلي تعليق على حديث محمد محمود

Quote: ما عارف.. هل بإسم الحريّة و المساواة ..نرى البعض يترصّد اخوات لينا هنا ويمارس معاهن عنف لفظي و اساءات ومهاترات ..ونقيف نتفرّج... ونعتبر ده ..(الرأي) و(الرأي الآخر) ؟

يا أبو حميد سلام عليكم, كيف حالك
كلامك الفي الإقتباس من حيث المبدأ العنف اللفظي و الإساءات و المهاترات مرفوضة من الجميع وعلى الجميع بدون تمييز جندري أو سياسي أو أي شكل كان
والموقف الطبيعي نحوها مفروض مبدئي ومتجرد, غض النظر عن ممن صدرت وعلى من وقعت
بنفس القدر البنرفض بيه تلميحات غير كريمة في حق المرأة يجب أن نرفضها في حق الرجل كذلك ولو صدرت من إمرأة ودي أعتقد فكرة علي, الدفاع عن المراة كـ مرأة وفقط لأنها مراة يقرأ بشكل آخر كانه غض النظر عن الرجل لو لحقته نفس الإساءات بحجة ماهو راجل, ربّنا سبحانه و تعالى لم يمّيز المراة عن الرجل في العقوبات على المعاصي ولا في المكافآت على الطاعات, فلماذا التمييز هنا و المجال مجال إسفيري المستخدمه فيه نفس الأدوات فلا كيبورد الرجل به شنب و ذقن ولا ماوس المرأة بشعر طويل

التحية لك صديقي العزيز \ ابو روضة ..

Quote: من اكثر الاقلام التي تمارس العنف اللفظي ضد الاخرين الدكتورة نجاة وليها مصطلحات خاصة ولغة يصعب فهمها الا لمن يدورون في فلكها القراية بالاضنيين القراية بالضنب بتاعين اللساتك وعييييييييييييييييييييييك

والشئ المؤسف للغاية يجي الرفيق علي دفع الله يقارني با نجاة وما تنسي البعاني منهم انا
هم مناصري نجاة وفي نفس خندقها واتجاهها حقيقة يا للعجب !!!!!!!!!!!!!

Quote: الشئ المؤسف للغاية يجي الرفيق علي دفع الله يقارني با نجاة وما تنسي البعاني منهم انا هم مناصري نجاة وفي نفس خندقها واتجاهها حقيقة يا للعجب !!!!!!!!!!!!!

شوفي يا بت عمسيب
للاسف وجد البعض ضالتهم في هذا البوست لصلب الحقيقة بالدغمسة والكلام الفاضي المغتغت
حاصل الحاصل والمتحصل
في اقلام اعتادت ملاحقة الاعضاء ومحاصرتهم
على دفع الله نفسه اكتوى بنارهم
هم الان يستخدمون نفس الاسلوب ويستغلون اعتذار بروح طيبة بطريقة مقرفة ولا احد يستطيع ان يقول لهم هذا خطأ
ولا يليق
ويحط من قدر الاخذ والعطأ بالمنبر
وليس اعتذار منى عمسيب وحده كم وكم اعتذار طار به البعض وكتب به بوست استمر لاكثر من اسبوع
ماذا بعد ان اعتذر فلان ؟؟
اعتادوا على ان
يفتحون بوست لمثل هكذا موضوعات ويتوافدون عليه كالجراد
يفتح ضحيتهم بوست يركون عليه ويتركون من خلفهم ردوداً كما الفضلات على قارعة الطريق
هؤلاء يا بت عمسيب لا يتورعون حقييقة حتى من بعض عبارات لا تستطيع المرأة الرد عليها
وذكر بعض المتداخلين هنا
صور حية لذلك
انا غايتو بقول
الواضح ما فاضح الشرذمة دي ما بتتعالج الا بالمواجهة والتصدي لها والوقوف سداً منيعاً ضد اي سهام يصوبونها على عضو او عضوة
((خارج اطار الاختلاف والاتفاق المتعارف عليه ))
ولكي تحيييييييييييية وللزميل على دفع الله وكل ناصح ونصيح متناصح
رفعت الاقلام وجفت الصحف

سلام و تحيّة... محمد البشرى
أوافقك تماماً علي ضرورة البعد عن الإساءات ..غضّ النظر عن الجيندر..
ولكن ..
فكرتي عن إستغلال البعض للكلام ده..
وممارسة عنف لفظي ومطاردات ..لأخوات هنا ...
بل بيزوّدوا العيار ..في محاولة إحراج الأخوات..
لعلمو التّام ..انو الرجل ممكن يرد على أي كلام ساقط بالمثل..
ولكن المرأة..لحياء فِطري..ما حتستطيع مجاراة الكلام المسئ..
وما بيكون عندها حل غير الإبتعاد..كما حصل للكثيرات هنا.
أتمنّى أكون وضّحت الفكرة..
وشكراًليك على السؤال..واتمنى انت و الأسرة الكريمة تكونوا بخير

الحبيبة احسان تحية خاصة ..... ولكن !

Quote: وأتفق معك فى الفكرة تماماً واضيف.. هناك ايضاً نساء فى البورد يتقمصن الشخصية الذكورية ويحاولن فرض الوصايا على نساء اخريات خاصة فى حالة (العضوية الجديدة).. ومحاولات تطويع النساء حسب توجاتــ هم/هن هى سياسة متعبة لكسر همتهن وتستخدم اسلحة مختلفة للتطويع..

لو سمحتي كدي اسه موضوعي نسيبو وبأختصار عشان ما نعمل موضوع داخل موضوع هل عندك دليل
لكلامك ده؟ كنت دايرة ارسل ليك المداخلة دي في الخاص وبتمني منك ما تخطي اي خطوة زي دي
ما لم تجيبي لينا الدليل . لانه كلام زي ده ردود فعله ما ساهله وانت عارفة المشاكل النحن اسه داخلين فيها .
وما تنسي يا حبيبة نحن اسه في اشدة الحوجة من السابق لي بعض كنساء وما قاعدين نقصر في وقت الشدة ولو
بتعنيني ولا لا لكن في كل الاحوال بهمني لانه دي ادانة مبهمة وبالنسبة لي ما عندها اي دليل من الصحة . عمومآ منتظرين
الدليل . وتسلمي ولي قدام ...

صديقي العزيز ...

انا لم اعتذر بخصوص البوست ولن اندم عليه والدليل عدم سحبي له . انا اعتذرت لمغالطتي
لبعض الاخوة المتداخلين بان فايزة تمتلك بيت وكان غير الذي اقوله ده كل اعتذاري لهذه النقطة
نقطة المغالطة فقط لا غير . وبتمني الحاضر يكلم الغائب هذا سبب الاعتذار ولا غير .

Quote: وليس اعتذار منى عمسيب وحده كم وكم اعتذار طار به البعض وكتب به بوست استمر لاكثر من اسبوع ماذا بعد ان اعتذر فلان ؟؟

العزيزة منى عمسيب .

يا زولة أردمي اليردمك بس..
لما يآمن .

وكانت جاتك نجدة من أخوان وأخوات فاطمة كان بها ..
وكان ما جات برضه ..تكوني أخدتي حقك بيدك وإتفشيتي ..:)

ترددت فى كتابة هذه النصيحة لك ..لأن البعض يتوقع من النساء تقبل الإساءة ..
والواحدة البتضطر إنها تاخد حقها بيدها بيشوفوها لئيمة وقلية أدب وما مربية .

......

بعدين شايفة الموضوع دا أثر عليكي شديد ..
يا زولة طالما إنتي مشاركة في السايبر السوداني دا ..ياااااما حا تشوفي .
فعليك بالصبر والصمود ..

وإلا التواري والهرب ..كما تفعل الأخريات .

يا علي دفع الله وباقي الشباب سلام عليكم
أمانة في ذمتكم يسألكم منها الله يوم القيامة
جاوبوا على سؤالي دا بكل صدق وامانة
لو شفت شاب يسب ويشتم او حتى يتكلم بنفس حار مع بت عمك او بت خالك او حتى بت الجيران
بتمشي ساهي على عدلك ولا بتعمل شنو ؟

سلام عبد الله ود البوش

Quote: لو شفت شاب يسب ويشتم او حتى يتكلم بنفس حار مع بت عمك او بت خالك او حتى بت الجيران بتمشي ساهي على عدلك ولا بتعمل شنو ؟

وده كان كلامي في البوست

Quote: ما عارف.. هل بإسم الحريّة و المساواة ..نرى البعض يترصّد اخوات لينا هنا ويمارس معاهن عنف لفظي و اساءات ومهاترات ..ونقيف نتفرّج... ونعتبر ده ..(الرأي) و(الرأي الآخر) ؟

تحياتي

بالله شوفوا السجمان دا ..

Quote: (بريمة نموذج مثالي)

يا أخى بريمة لا يتعرض لأى من الأخوات الكريمات الملتزمات بالخط الوطنى .. سواء مع أو ضد بريمة ..

لكن أى واحدة عاملة فيها النعجة أم بيض .. نقعدوها في علبّها.


بريمة

Quote: [dبالله شوفوا السجمان دا .

كتّر خيرك..
بس إن شاء الله قاعد ترتاح لمّا تطلّع ا ل ع ف ن ..ال جوّاك ده ؟

Quote: [dبالله شوفوا السجمان دا .

كتّر خيرك..
بس إن شاء الله قاعد ترتاح لمّا تطلّع ا ل ع ف ن ..ال جوّاك ده ؟

Quote: [dبالله شوفوا السجمان دا .

كتّر خيرك..
بس إن شاء الله قاعد ترتاح لمّا تطلّع ا ل ع ف ن ..ال جوّاك ده ؟

الرفيقة منى عمسيب
لك التحية
مستغربة شديد لردك هذا:

Quote: لو سمحتي كدي اسه موضوعي نسيبو وبأختصار عشان ما نعمل موضوع داخل موضوع هل عندك دليل لكلامك ده؟ كنت دايرة ارسل ليك المداخلة دي في الخاص وبتمني منك ما تخطي اي خطوة زي دي ما لم تجيبي لينا الدليل . لانه كلام زي ده ردود فعله ما ساهله وانت عارفة المشاكل النحن اسه داخلين فيها . وما تنسي يا حبيبة نحن اسه في اشدة الحوجة من السابق لي بعض كنساء وما قاعدين نقصر في وقت الشدة ولو بتعنيني ولا لا لكن في كل الاحوال بهمني لانه دي ادانة مبهمة وبالنسبة لي ما عندها اي دليل من الصحة . عمومآ منتظرين الدليل . وتسلمي ولي قدام ...

( هل عندك دليل
لكلامك ده؟ )
أى دليل تقصدين يا رفيقة.. وعن اى شئتريدين الدليل!!!
(وبتمني منك ما تخطي اي خطوة زي دي
ما لم تجيبي لينا الدليل )
الدليل؟؟؟ !!!
( وما قاعدين نقصر في وقت الشدة ولو
بتعنيني ولا لا لكن في كل الاحوال بهمني )
وفيما أعنيك؟
( لانه كلام زي ده ردود فعله ما ساهله )
أى كلام تقصدين؟!
( بهمني لانه دي ادانة مبهمة وبالنسبة لي ما عندها اي دليل من الصحة . عمومآ منتظرين
الدليل . )
إدانة مبهمة!!! ماهى الادانة ومن هو المدان!!!
حقيقى لم أفهم شيئاً يا عزيزتى من كل هذا الكلام الغريب..
عموماً وباختصار شديد:
اولاً ياستى ارجو انك ترجعى وتقرى مداخلتى بكل هدوء وبدون ربطها بمداخلات الاخرين سوى كان هنا او فى اى بوست تعرضت فيه للهجوم..
مداخلتى باختصار ما عندها علاقة بيك لا من قريب ولا من بعيد لسبب واحد انك ما كنت فى يوم من الايام ممن مارسوا/ مارسن علىّ فرض الوصايا والتطبيع ومعنى كلامى بكل بساطة ودون تسويف مايلى:
انا تحدثت عن انه فى نساء برضو بحاولن فرض الوصايا على نساء اخريات هنا ويمارسن عليهن نفس الاساليب الذكورية لكسر همتهن لا لشئ الاّ لانهن يختلفن فى التوجه والمبدأ والفكر معهن خاصة اذا كانت العضوة (جديدة) وضربت مثل لما تعرضت له فى البوست الخاص بى فى العام الاول لعضويتى بالمنبر:
عندما يتطاول القصار .. يكون الرد هكذا
أدخلى هذا البوست وستجدى العجب العجاب لما مارسه على شخصى الضعيف أعضاء البورد (ذكوراً وإناثاً) من اسلوب القهر وفرض الوصايا لتخويفى واسكاتى ولـــ (ابتلع لسانى) دون ان اقول رأىّ..
هذا هو باختصار شديد معنى الكلام الذى تداخلت به..
اما الجزء الاخر من مداخلتى فيقول:

Quote: وهنا عبرت يا على عما يدور فى خاطرى تماماً من ملاحظات حول الهيصة التى دخلت فيها الرفيقة منى عمسيب نتيجة الهجوم الموجع والغير مبرر الذى تعرضت له فى البوست الخاص بموضوع الاستاذة فايزة عمسيب..

تمعنى هذه الكلمات وتجدى اننى معك وليس مع من هاجموك بدليل اننى قلت هذه الجزئية

Quote: الهجوم الموجع والغير مبرر الذى تعرضت له فى البوست الخاص بموضوع الاستاذة فايزة عمسيب.

أعدى القراءة يا رفيقة ولا تتعجلى الرد فان العجلة من الشيطان..
كما ارجو ان تعودى الى مداخلتى فى البوست الخاص بك فى موضوع الاستاذة فايزة عمسيب واقرأيها بهدوء..
ولك كل الاحترام

المبارك،
سلام ..

Quote: .. .Khalid Al-Mubarak · الأكثر تعليقا · Economics جندرة و اضطهاد و حقوق المرأة !! ما يغيظني فعلا هو التمشدق بالعبارات اعلاه بوعي او بدون وعي في حين انه لو سألنا عن حال المرأة في السودان و القوانين و النظم نجدها تنصف المرأة بل و تعطيها مالم يعطها الاسلام و العرف و تحفظا عليه ، تدرس الجامعات و تسكن الداخليات و تدافر مع الرجال في المواصلات من السادسة صباحاو ترجع لي بيت اهلها بعد المغرب و قيل بعد العاشرة مساء و تشغل ثلاثة ارباع الوظائف الحكومية و تخرج الى الشوارع و تلبس مايحلو لها و تطالب بأن يتم حراستها في الشوارع و المؤسسات من التحرش وفي نفس الوقت لا تلتزم بمظهر محتشم ووو.. و بعد ده كلو تقول ليك حقوق المرأة و الجندرة و ما عارف سيداو ، و لم يضع الجميع بأن ما تفعله المرأة حاليا جملة و تفصيلا ينافي عادات و عرف المجتمع و الطبيعة البشرية ، و انا اؤمن بأن الاصل في الانسان هو الرجل و في اعتقادي انو المرأة هي فقط خلقت للعبادة و مؤانسة الرجل و الحفاظ على النسل و دائما اتسائل : الغرب بكل ...ما يحمل من حريات الغرب الذي وصلت فيه الحريات لان تطالب فيه مقصوفة الرقبة بالتوب لس Top-less ما هو الوضع الحالي للمراة فيه غير كونها واجهة لمجلة او اعلان عار ؟ ساي هل في يوم شفتو ليكم فلم امريكي بطولة أمرأة حقق ايراد ده لو في ؟ هل الاكتشافات و الاختراعات التي تمت و تتم في كافة ضروب المعرفة و التكنلوجيا تمت بواسطة نساء ؟ الوصول للقمر ، الكهرباء ، مصانع السيارات ، البترول و الطاقة ، الفتوحات العسكرية و الحروب و كل ما يعكس تاريخ البشرية ، الانبياء و الرسل كل شئ و كل شئ .. هذه طبيعة الاشياء يا ساده ، انا لا اؤمن بأن المرأة يمكن لها ان تكون كالرجل و لا في المستقبل البعيد غايتو الا في النقة و الخطابات ، ما لكم كيف تحكمون و كل هم المرأة ان تجد لها مقنع كاشفة و دخري حوبة و الله اكاد اجزم لم ينفك يراوح هذا الحلم قائمة الامنيات لجميع النساء بلا استثناء ، معركة في غير معترك و فكر هدام و غريب أ وجد للمرأة طريق ممهد للانفلات من طبيعتها و سارت فيه و حتما الى الهلاك ، قال مرأة ؟؟ تبا لعقولكم الخواء ، انا اتقدم بطلب مناظرة مع اي شخص او شخصة ! تحمل هذا الفكر الهدام و ينادي به ، فقط سأقنعه بدلائل الطبيعة و الفيزياء و التاريخ

عقلية تجاوزها الزمن ..

يا المبروك أنت لو قدر الله وجيت سودانيزأونلاين غير أسمك عشان ما يكتشفوك ..


بريمة

Quote: الشئ المؤسف للغاية يجي الرفيق علي دفع الله يقارني با نجاة وما تنسي البعاني منهم انا هم مناصري نجاة وفي نفس خندقها واتجاهها حقيقة يا للعجب !!!!!!!!!!!!!

والله يا منى عمسب صدقيني ما داير اقول ليك قراية غير سليمة تماما للهدف من البوست والتسرع في فهم مرمى البوست خلاك تستنتجي استنتاج خاطيء تماما الموضوع هو ليس للمقارنة بينك وبين د.نجاة الموضوع اعمق واشمل بمعنى انو نجاة في احدى البوستات طرحت وجهة نظر معينة فتصدى لها الامين البشاري صديق الموج عاصم فقيري وصبري طه بصورة واضحة لما اوردت في بوستها ولكن تداخل مجموعة من الزملاء مستنكرين لمداخلات هؤلاء ووصل بهم الحال ان وصفوا بعض المتداخلين خاصة عاصم فقيري بانه بتاع شكل النسوان في حين انو نجاة لم تقصر ، اما عن حالة بوستك وما تبعه من مطاردة من نفس الاشخاص الذين اتوا لنجدة نجاة فتصدى لهم بعض الزملاء باعتبارك ايضا انك امراءة ويجب ان يهبوا الى نجدتك ،، دا سبب المقارنة فيا ريت تشوفي الموضوع بعمق ،المسالة اكبر من اختزالها في مقارنة سطحية ومقاربة بين شخصين متضادين في كل شيء ، ليست مقارنة اشخاص بل هي مقارنة لي مدارس فكرية مختلفة بغض النظر عن صحة هذا المصطلح ، يعني طريقة تفكير مختلفة لشخصيتين وليس الاشخاص ذات نفسهم ،

--------------
دعوا السيدات تمارس ما تؤمن به من غير اي وصاية ،

سنعود

Quote: دعوا السيدات تمارس ما تؤمن به من غير اي وصاية ،

^
^^
^^^
المختصر المفيد ...
ده ذبدة البوست ...
شكرا أخ علي دفع الله ..

.

Quote: من غير اي وصاية ،

وترصد ....

صاحب البوست وضيوفه .. سلام يخشاكم اينما انتم ...
موضوع جميل .... والاجمال هو :-

يختلف الناس كثيراً في شخصياتهم واطباعهم وسلوكياتهم وتوجهاتهم
لذلك مثلما تتعدد وتختلف الشخصيات..
لابد ان تتعدد اساليب وطرق التعامل معهم

فهناك مفاتيح لكل شخصيه..

ومن استطاع امتلاك تلك المفاتيح الذهبيه..
استطاع دخول قلوب الاخرين
والتأثير عليهم..
واصبح قادراً على استيعاب الشخصيات على اختلافها

ومهارة التعامل مع الناس بأسلوب مميز فن مكتسب
يستطيع كل انسان تعلمه وتنميته في نفسه
من خلال حرصه على تطوير مهارته في هذا المجال
والاطلاع على كل مامن شأنه زيادة وعيه في هذا الجانب
وبنائاً على ذلك تكون مهاراته متعدده
واساليبه متطوره..ومعارفه كثيره
ولايكتفي بما حصل عليه
بل يسعى ويجتهد دوماً لتطوير ذاته وتحسين ادائه
وكلما كان حريصاً على اتقان هذه المهاره..
كلما كان قادراً على التعامل مع اكبر عدد من البشر..
بدون مواجهة اي مشاكل.
...
من يتميزون بأسلوبهم الرائع هم نوعيه من البشر..
يمتلكون الكثير من الوعي والثقافه العاليه..
والخُلق الحسن..والتصرف الحكيم
والقدره الفائقه على احتواء الازمات والمشاكل..
كما يميزهم امتلاكهم لفن الحوار والمناقشه..
بشكل يجعل من يتحاور معهم يشعر بمرونة الحديث معهم
ولهم قدره عجيبه وفائقه على الاقناع لانهم يمتلكون الكثير من المنطق .
بالاضافه الى رحابة صدورهم
مما يجعلهم قادرين على استيعاب الاخر بسلبياته وايجابياته..

........
فلا عجب اذاً..
انهم تميزوا وتفردوا ..
فأصبح لهم كل هذا الحضور وكل هذا التأثير
الذي جعلهم يمتلكون قلوب البشر ويحظون بـ احترامه

ختاماً..
اتقان الاسلوب الراقي في التعامل مع الاخرين
ليس شيئاً صعب المنال ..او مستحيل التحقق..
انما هي مهارات معينه..
وخطوات بسيطه..ومعارف اساسيه
من انتبه لها و التزم بها ..
وكان حريصاً على اتقانها
وصل الى تلك المرتبه من الرقي ..
ونحن كمسلمين لابد ان نكون ملوك الاساليب الراقيه في كل شيء
كيف لا..وقدوتنا هو سيد البشرومعلم الانسانيه الاول
صلى الله عليه واله وسلم


....... للاستفادة ...

Quote: فنعم ، هنالك ترصد ذكوري وااااضح طفش معظم العضوات من البورد ..

ودا كلام غلط ومرفوض
البورد من دون نسوان بكون لا طعم ولارائحة
والحياة والدنيا ذاتهم من دون نسوان ما بتمشي قدام
تسلمي الأخت آمنة مختار
وسلامات يا مواطن

التحية لجميع الاحبة المتداخلين ...

والتحية الخاصة جدآ للحبيبة احسان . احسان حبيبتي انا ما سألتك من منطلق انفعال ولا غضبب ولا حاجة زي دي بس
الشئ الحيرني شوية الاقتباس ده

Quote: وأتفق معك فى الفكرة تماماً واضيف.. هناك ايضاً نساء فى البورد يتقمصن الشخصية الذكورية ويحاولن فرض الوصايا على نساء اخريات خاصة فى حالة (العضوية الجديدة).. ومحاولات تطويع النساء حسب توجاتــ هم/هن هى سياسة متعبة لكسر همتهن وتستخدم اسلحة مختلفة للتطويع.. والامثلة كثيرة ولا اود الخوض فيها لاننى لا ارغب فى فتح بوست داخل بوست ولكن ربما أكتب لاحقاً فى هذه القضية بشكل أوضح..

موش دي مداخلتك انت ؟ حقيقة يا حبيبة الكلام ده ان شفتو شوية غريب لانه بدين الاخوات الموجودات معظمهن ولا ما كلهن
والا تحددي بالظبط انت قاصدة شنو .

Quote: والامثلة كثيرة ولا اود الخوض فيها لاننى لا ارغب فى فتح بوست داخل بوست ولكن ربما أكتب لاحقاً فى هذه القضية بشكل أوضح

يا احسان يا حبيبة ما شايفة الموضوع ده لو اثير بطريقة مباشرة ما بولد حزازات بيناتنا ؟ اما سؤالي ليك لو قاصداني ام لا انا بتكلم كشئ عام
وانا من ضمن العام يعني القضية دي بتهمنا كلنا عشان كده شملت نفسي معاكم . ولك كل التحية والحب وحسن النية .

ملحوظة :
احسان لم سمحتي اضيفيني في الاسكاي عشان محتاجة ليك في موضوع .

الأخ العزيز علي ...

Quote: المسالة اكبر من اختزالها في مقارنة سطحية ومقاربة بين شخصين متضادين في كل شيء ،

ده بالنسبة ليك ! لكن بالنسبة لي ما في موضوع مقارنة من غير نسب كدي وللامانة بس امشي شوف بوستات نجاة والشباب
وكمية المهاترات والكلام الما مسؤول البخلينا نحن نستحي واحدة من عنصرنا بتصل مراحل زي دي ! وبعدين نجاة لو ما اهانتهم
ما اهانوها وباختصار نجاة غنية عن التعريف وصلت مرحلة من المهاترات وفتحت لي انا بوست حتي عنصرها ما سلم منها وجوا
ديل نفسهم للمهاترات اكيد قريت ومريت علي البوست ده شفتني رديت عليها ؟ ما رديت عليها لانها ما بتستحق الرد . ودي المقاربة الكتبتها
انت باتفسك في الاقتباس عشان متضاديين معناتها في اي شئ فعشان كده الناس اول التمييز بين الناس وبعد داك تطرح المقارنات .

واخيرآ وعشان دي اخر مداخلة لي مشكور جدآ علي الطرح الواضح ووعسي ولعلي الجميع يستفيد .
وبي هذه العبارة الجميلة اقول ليكم في امان الله .

Quote: دعوا السيدات تمارس ما تؤمن به من غير اي وصاية ،