Post: #1
Title: الفشل الذريع بين خطاب الرئيس والمريخ
Author: mohmmed said ahmed
Date: 02-09-2014, 05:21 AM
Parent: #0
امال عراض تبخرت فى لقاء المريخ امس
وقع الحافر بالحافر مع خطاب الرئيس
توقعات وتسريبات ومفاجاءة فتمخض الجبل ليلد الفار
والمريخ معسكر خارجى ومباراة مع العالمى ومحترفين
وفى النهاية خيبة كبرى
المريخ يساوى الخطاب
وكروجر يساوى سيد الخطيب
وابراهومة يساوى غندور
لغة الخطاب تشبه تمريرات المريخ الخاطئة
ولعثمة الرئيس زى اضاعة بلنت المريخ
كروجر
يبعد هيثم ويلعب ملس زيناوى
يبعد رمضان عجب ويدخل راجى
المدافع الايسر اكبر ماسورة
واكرم رقد قبل ما الكورة تصل
|
Post: #2
Title: Re: الفشل الذريع بين خطاب الرئيس والمريخ
Author: abuguta
Date: 02-09-2014, 06:28 AM
Parent: #1
محمد سيد احمدِ
انت اش دخلك فى مريخنا
وامير المومنين عمر
انت ذاتك شيوعى وبتشجع النصر الاماراتى
ياصديقى لو كان الهلال ممكن ان يقع فى نفس الحفرة
لكن تصوير الصغير كبعبع الخائب ك ناجح
هذه سبب ويلات البلد والاعلام الضلالى
المريخ لما شال كاس مانيلا,,كلهم كانو اولاد بلد
بذكر منهم ثلاثة,,كانو ياكلون النار,,ابو عنجة,,القوز
حامد بريمة,,
على الوالى الاستقالة نهائيا من رئاسة المريخ
لانه ليس له علاقة بهذه الشغلانة, ابقى زى اى تاجر منسى
لا تبنى مجدك باسم فريق عريق
تحياتى
|
Post: #3
Title: Re: الفشل الذريع بين خطاب الرئيس والمريخ
Author: Hashim Taha
Date: 02-09-2014, 08:33 AM
Parent: #2
| Quote: المريخ لما شال كاس مانيلا, |
هنا مربط الفرس!
هنا العلة!
دي مصيبتنا!
يا أخوانا مانديلا مات! شبع موت!
كأس مانديلا .. لا مكان له في الاعراب ! ما حد بره (العرضة) بيفهم يعني شنو كأس مانديلا
طيب و بعدين!
|
Post: #4
Title: Re: الفشل الذريع بين خطاب الرئيس والمريخ
Author: mohmmed said ahmed
Date: 02-09-2014, 09:35 AM
Parent: #3
كلامك صاح يا ابوقوتة
انا اصلو ذاتو نوبى
ما لى ومال المريخ
وما لى وما ل
عمر امير المؤمنين
ولا عمر القشير
ولا عمر الخضر
|
|