Post: #1
Title: ما عدا غازي صلاح الدين!
Author: Hussein Mallasi
Date: 02-08-2014, 11:21 AM
Parent: #0
غطت صحف اليوم مراسم تشييع المرحوم غازي سليمان؛ ولم تشر أياً منها لحضور علي عثمان؛ أتراه لم يحضر أم لم يأبه بحضوره أحد!
من ناحية أخرى .. لفت نظري (عزوف) الناس عن الوقوف وتبادل الحديث مع المسئولين السابقين أو المقالين حديثاً؛ ما عدا غازي صلاح الدين؛ الذي تجمعت حوله عقب التشييع مجموعات كبيرة من الشباب .. والشيب!
|
Post: #2
Title: Re: ما عدا غازي صلاح الدين!
Author: معاوية عبيد الصائم
Date: 02-08-2014, 11:31 AM
Parent: #1
ههههههههههههههههه
جنس تلميع
غازى ياتو يا سحس ..العتبانى وللا الالمانى
جنس دهنسة
Quote: ما عدا غازي صلاح الدين؛ الذي تجمعت حوله عقب التشييع مجموعات كبيرة من الشباب .. والشيب!
|
حاول اختشى لو ما عندك دم تختشى بيهو كلم الاداك قيدك المتصحف تيتاوى يدك شوية دم ..طبعا ده لو دم تيتاويك التاى تاى فضل ليهو وسـ خ دم
اجيب ليك الصورة وللا توعدنى تصلح الوقفة ...
تنبيه ..زى ما قلت ليك حقى بخلصو منك هنا ده يا انتهازى اب سطرين كحد اقصى ....قال صحفى قال ..الصحافة مربع كم ؟
بالمناسبة غازيك انتهازى وفاسد وشريك اصيل فى اذية الشعب السودانى يا متسلق انت ...فشنو احسن تتتلم
|
Post: #3
Title: Re: ما عدا غازي صلاح الدين!
Author: فرح الطاهر ابو روضة
Date: 02-08-2014, 11:58 AM
Parent: #2
| Quote: بالمناسبة غازيك انتهازى وفاسد وشريك اصيل فى اذية الشعب السودانى يا متسلق انت ...فشنو احسن تتتلم |
وقاتل
Quote:
***- الجدير بالذكر أن الدكتور غازي صلاح الدين كان قد اعترف ضمنيا (آنذاك) بأنه قام بتزويرشهادة وفاة دكتور على فضل بحسب رواية أحد الناشطين لما قاله غازي في لقاء مع الطلاب السودانيين بمصر بداية التسعينات . وكان الناشط أسامة العوض قد نشر في منبر موقع سودانيزاونلاين الآتي نصه (في عام 1990م عقد الدكتور غازي ندوة في دار اتحاد الطلاب السودانيين بجامعة المنصورة بمصر بدعوة من الإتجاه الإسلامي وقد حضرت هذه الندوة حيث كنت طالباً آنذاك, وكان طيلة الندوة يبشر حالماً بثورة الإنقاذ وسفينتها والدواجن الأمريكية والفرح والمستقبل والتنمية والسواعد والإزدهار ..وطفق يرسم مدينة فاضلة وردية زاهية حتى ظننت أنها الجنة..وكان أغلب حديثه موجهاً لمنسوبي الإتجاه الإسلامي وتمدد زمن الندوة حيث كان الجو ملبداً بالضباب (في مصر تسمى شبورة) ولن تستطيع عربته التحرك , فأكمل فاصل أغانيه الرومانسية عن النظام الحاكم والعدل المنزّل من السماء الذي ينتهجه , وكان يتحدث بطريقة مشابهة لعمكم مختار في ركن الأطفال...
***- وفي المناقشة جاء دور التجمع الوطني فانبرى له زميل المنبر هنا ابراهيم النعمة وكنا نسميه (عنكبة) بصورة مباشرة بالميكرفون وهو يشير إليه "أنت الذي قتلت الشهيد علي فضل وأصدرت شهادة وفاة بالملاريا له رغم الجروح وآثار التعذيب البادية عليه.. أسمعنا قولك في هذه الحادثة "?!!
***- إضطرب الدكتور غازي لكنه حاول أن يبدو هادئاً ولم ينكر التهمة مطلقاً بل أزبد وأرغى ورفع كلتا يديه لأعلى فظهرت ذراعيه إذ كان يلبس جلابية وسحب كمها نحو ذراعه كأنما يستعد لعراك, وبرر بأن هؤلاء (الشيوعيين) كانوا يدعون إلى إضراب أطباء , هل تعرفون ماذا يعني إضراب أطباء؟...والله والله (الكلام والحليفة المزدوجة له) أنا مشيت المستشفى ولقيت إمرأة مسكينة تحمل طفلها العيان بين ذراعيها وشارف على الموت , ومالاقيه دكتور يعالجها ...طفل كان حيموت ...وكاد الدمع ينساب من عينيه... |
|
Post: #4
Title: Re: ما عدا غازي صلاح الدين!
Author: AMNA MUKHTAR
Date: 02-08-2014, 12:04 PM
Parent: #3
غلطانين ..
غازي كان طلع وللا نزل ..برضه كوز ..
وشريك أصيل فى جرائم الإنقاذ .
لكن بعض الشعب السوداني ذاكرته بعافية شوية .
،،،،،،،
وكمان يقولوا ما تتكلموا فى أخطاء غازي سليمان ..وأذكروا محاسن موتاكم وشنو ما عارفة ..!!
كأنهم نسوا إنو غازي سليمان دا كان شخصية عاااامة ..
فهل بمنطقهم دا ..إنو لو إتوفى البشير والترابي وغيرهم .. نفتش ليهم محاسن عشان ماتوا !!
|
Post: #5
Title: Re: ما عدا غازي صلاح الدين!
Author: عزام حسن فرح
Date: 02-08-2014, 01:20 PM
| Quote: ما عدا غازي صلاح الدين؛ الذي تجمعت حوله عقب التشييع مجموعات كبيرة من الشباب .. والشيب! |
الجِنْس لِلجنس لحمه، فتأملوووووا وعوووووا
|
Post: #6
Title: Re: ما عدا غازي صلاح الدين!
Author: محمد أبوالعزائم أبوالريش
Date: 02-08-2014, 03:38 PM
Parent: #5
| Quote: فهل بمنطقهم دا ..إنو لو إتوفى البشير والترابي وغيرهم .. نفتش ليهم محاسن عشان ماتوا !! |
أيوة يا آمنة ........ ما شايفاهم كلما جبنا سيرة سئ الذكر جعفر نميري، شابين لينا في حلقنا؟
|
Post: #7
Title: Re: ما عدا غازي صلاح الدين!
Author: عبداللطيف شريف على
Date: 02-08-2014, 06:19 PM
Parent: #6
Quote: غازي كان طلع وللا نزل ..برضه كوز ..
وشريك أصيل فى جرائم الإنقاذ .
|
كوز اصيل من عينة ابوالزفت ........!!!
ومنذ (المرتزقة) وكان يحتل دار الهاتف ....
والعيبهم مكشوفه ...
ومتامر على الوطن من جهات اجنبية (مدعوم من القذافى) ....
ما نسينا ولن ننسى .....؟؟
|
|