Post: #1
Title: صور لمة بورداب الرياض 7/2/2014
Author: أيمن محمود
Date: 02-08-2014, 07:51 AM
|
Post: #2
Title: Re: صور لمبة بورداب الرياض 7/2/2014
Author: أيمن محمود
Date: 02-08-2014, 08:03 AM
Parent: #1
|
Post: #3
Title: Re: صور لمبة بورداب الرياض 7/2/2014
Author: أيمن محمود
Date: 02-08-2014, 08:10 AM
Parent: #2
|
Post: #4
Title: Re: صور لمبة بورداب الرياض 7/2/2014
Author: أيمن محمود
Date: 02-08-2014, 08:19 AM
Parent: #3
|
Post: #5
Title: Re: صور لمبة بورداب الرياض 7/2/2014
Author: ABUHUSSEIN
Date: 02-08-2014, 08:25 AM
Parent: #4
| Quote: صور لمبة بورداب الرياض 7/2/2014 |
مالك بترجف ....؟؟؟؟ 
|
Post: #6
Title: Re: صور لمبة بورداب الرياض 7/2/2014
Author: أيمن محمود
Date: 02-08-2014, 08:32 AM
Parent: #5
| Quote: مالك بترجف ....؟؟؟؟ |
بورداب الرياض فعلاً لمبة تضئ البورد 
|
Post: #8
Title: Re: صور لمبة بورداب الرياض 7/2/2014
Author: أيمن محمود
Date: 02-08-2014, 08:42 AM
Parent: #6
|
Post: #7
Title: Re: صور لمبة بورداب الرياض 7/2/2014
Author: Hani Arabi Mohamed
Date: 02-08-2014, 08:37 AM
Parent: #5
منو اللمبة الجهجهت باكاتك دي ؟
نزلوا الصور كاملة وخلي البوست ينور
|
Post: #9
Title: Re: صور لمبة بورداب الرياض 7/2/2014
Author: أيمن محمود
Date: 02-08-2014, 08:59 AM
Parent: #7
|
Post: #10
Title: Re: صور لمبة بورداب الرياض 7/2/2014
Author: أيمن محمود
Date: 02-08-2014, 09:38 AM
Parent: #9
|
Post: #11
Title: Re: صور لمبة بورداب الرياض 7/2/2014
Author: طارق ميرغني
Date: 02-08-2014, 09:48 AM
Parent: #10
لقطات بديعه يا ايمن يا فنان
|
Post: #12
Title: Re: صور لمبة بورداب الرياض 7/2/2014
Author: بله محمد الفاضل
Date: 02-08-2014, 09:52 AM
Parent: #11
في الخير والتواصل والمحبة
دائماً يا أيمن
وبورداب الرياض
تحياتي واحترامي
|
Post: #13
Title: Re: صور لمبة بورداب الرياض 7/2/2014
Author: عمران حسن صالح
Date: 02-08-2014, 10:11 AM
Parent: #11
|
Post: #14
Title: Re: صور لمبة بورداب الرياض 7/2/2014
Author: عمران حسن صالح
Date: 02-08-2014, 10:14 AM
Parent: #13
|
Post: #15
Title: Re: صور لمبة بورداب الرياض 7/2/2014
Author: عمران حسن صالح
Date: 02-08-2014, 10:17 AM
Parent: #14
|
Post: #16
Title: Re: صور لمبة بورداب الرياض 7/2/2014
Author: cantona_1
Date: 02-08-2014, 10:33 AM
Parent: #15
الأخ أيمن محمود بعد السلام
علي اليمين بقرانين منكم. لابسين جلاليب وتي شيرتات.. حلف لو لبست جلابية أو تي شيرت وحُمت في الحلة الإسمها لندن دي علا البوليس يقبضك .. دا كان البوليس حصلك حي وما كنكشت من البرداية. على قول أهلي البقارة: البرداية هني حارة خلاص.. شفتوا صورة المبالغة. وهي مثل ما يقولون: ألمي بارد حارد. يعني بارد جدا.
بالله واحد منكم يتكرم علينا (ببيزا) مش بتاعة عمر البشير بتاعة دخول للرياض عشان نأخد لينا شوية حمو وحرارة ونرجع اللندرا تاني كما يقول الطليان.
هنيئاً لكم اللمة وإن شاء الله تكون دائماً في الأفراح والليالي الملاح. فتناكم بعافية.
تحياتي
كبـّاشي الصـّـافي
|
Post: #17
Title: Re: صور لمبة بورداب الرياض 7/2/2014
Author: د.محمد حسن
Date: 02-08-2014, 10:53 AM
Parent: #16
ومن وقائع المسا وبعد فاتتني نضارة خالد الارباب وضحكة طارق نقد
ربنا مرق ود الصايم وعبد الله داش من اسنا كانت حتكون محضور
ولا يفوتني في هذه العجالة الا ان اشكر الوجيه اسماعيل عباس الذي اصر على ان اتغدى الساعة عشرة بالليل
والشكر لموصول لام حسين اختنا سامية التي تكبدات مشاق الدخول للمطبخ وتكبسني منديا من الدجاج
بوردابنا احلا ناس
|
Post: #18
Title: Re: صور لمبة بورداب الرياض 7/2/2014
Author: abdulhalim altilib
Date: 02-08-2014, 11:17 AM
Parent: #17
فعلا لقطات جميلة وحلوة .. خاصة
صور أحبابنا الأطفال .
شكراً أيمن وتسلم ايدك الصورت
وتسلم كاميرتك الخطيرة ويسلم
ذوقك الفنان في اختيار اللقطات
وباختصار كده .. تسلم إنت كلك يا رائع .
فعلا كانت لمة حلوة اخوانية رائعة ،
ويا كانتون يا أخوي تعال عمرة وزوقة
لداخل الرياض عشان تحصل لمتنا الجاية.
مودتي ،
( ليمو )
|
Post: #19
Title: Re: صور لمبة بورداب الرياض 7/2/2014
Author: السيد أحمد إبراهيم
Date: 02-08-2014, 11:26 AM
Parent: #17
شكراً لمن منحنا يوماً جميلاً ... شكراً الرائعين بورداب الرياض
يحتوونك بكل محبة وأريحية فلا تحس معهم بأنك جديد عليهم ويسهلون عليك سرعة الإندماج فيهم
كان ود الصايم شعلة من النشاط في خدمة الجميع بكل محبة .. وشاطرهم أبوحسين وزوجته البوردابية سامية حامد
فأكملوا روعة ترتيبات عصام نصر وأسعد البدري في تجهيز الإستراحة والغداء ..
الأرباب خالد سعيد ويوسف السماني وإسماعيل أمتعوا الأطفال ببرنامج حافل وممتع فشكراً لهم أنيقاً .
أيمن وعمران وثقوا اللحظات الجميلة بعدساتهم ..
إلتقيت بعدد كبير من البورداب ممن ألتقيهم لأول مرة فكانوا كمن إلتقيتهم من زمن تنساب منهم الإلفة والمحبة في سلاسة بلا حواجز
لكن الشهادة لله نجم اللمة كان ( خالد الأرباب ) وكما قال أبوحسين كان ( حسين خوجلي ) اللمة .
|
Post: #20
Title: Re: صور لمبة بورداب الرياض 7/2/2014
Author: ABUHUSSEIN
Date: 02-08-2014, 05:28 PM
Parent: #19
.
اللمة كانت جميلة
و الناس كلهم كانو جميلين
ونسة و ضحك الجلاكين و الشباب
الأطفال لعبوا و ضحكوا و قضوا وقت جميل جداً
روعة التنظيم كانت واضحة جداً
كانت جلسة ما منظور مثيله
**********************
كان التعارف أولاً لوجود أعضاء جدد و أيضاً لحضور البعض لأول مرة للمات البورداب
و حتى التعارف لم يسلم من بعض التعليقات الجميلة و الطريفة من البعض
خالد الأرباب قام بدور حسين خوجلي في قناة أم درمان فأينما وجد تجده هو يتحدث و الجميع يستمع
لم يترك أي فرصة لغيره لكي يتحدث لولا أن قمنا بالهجوم عليه (شكلو كدا خجل)...
بي مناسبة ملابسة السوداء اللامعة .... شبه أحدهم ملابسه بالكفر الجواني و آخر بالسخل المولود جديد ...
و بعد أن أخذ نصيبه من التعليقات اللاذعة قام إلى فقرته الرئيسية و هي فقرة الأطفال فأجاد فيها و أبدع مع الثنائي إسماعيل عباس و يوسف السماني و مساعدات أخونا حسين ديقول
قدمو مع بعض فترة جميلة جداً للأطفال إحتوت على عدة منافسات بالبالونات و جر الحبل و فقرات أخرى و وزعت فيها جوائز
و كان المشجعين حولهم بالتصفيق و التشجيع .....
لهم الشكر و التقدير فقد كانت فقرة جميلة جداً قضى فيها الجميع أوقات ممتعة جداً...
**********************
البورداب الجدد جميلين و حلوين جداً تفاعلوا بسرعة مع الخبرات أو بالأصح مع الديناصورات الموجودة
في التعارف حاول أخونا محمد الشيخ(الكاردينال) الهجوم على أخونا معاذ حسن متهماً أياه بالتقصير في الكتابة في المنبر
و قال أن معاذ زول ساخر جداً و يكتب حروفاً جميلة جداً و لكنه مقصر في الكتابة في المنبر و لكن تحول الإتهام أيضاً
إلى أخونا محمد الشيخ فهو أيضاً مقصر في الكتابة في المنبر رغم أنه من القلائل الذين يجيدون الكتابة الواعية و الرزينة في سودانيز
و ليتهم الإثنان يكتبون حتى يعود للمنبر بريقه الذي فقده بعزوفهم عن الكتابة ...
********************
و الله المداخلات الطويلة دي بتقوم نفسي و بتتعبني شديد عشان كدا حا أقسم المداخلات حسب التساهيل
بس حاجة مهمة بعض الأقلام الجادة المتمكنة الواعية نشيطة جداً في لمات بورداب الرياض و غايبة تماماً من المنبر
يعني بالواضح كدا الناس ديل ما كسلانين و عايزين يكونو جزء من جسم المنبر لكن المنبر غير مشجع زي لمة البورداب....
تحياتي و إحترامي للجميع
.
|
Post: #21
Title: Re: صور لمبة بورداب الرياض 7/2/2014
Author: سامى عبد المطلب
Date: 02-08-2014, 06:48 PM
Parent: #20
يا سلام لمة حلوة وأجمل ما فيها العفوية والتلقائية وبعدها من التقليدية ، والاطفال ربنا يحفظهم لاهلهم
|
Post: #22
Title: Re: صور لمة بورداب الرياض 7/2/2014
Author: السر البشير
Date: 02-08-2014, 07:17 PM
Parent: #1
الف تحية ليك يا أيمن .. ولي جميع بورداب الرياض ..
والله كان في الخاطر الواحد يجي لكن ما تمكنا نسبة لظروف طارئة ..
وإن شاء الله في الجايات نكون حاضرين
|
Post: #23
Title: Re: صور لمة بورداب الرياض 7/2/2014
Author: محمد عوض السيد
Date: 02-08-2014, 08:19 PM
Parent: #22
..
سلامات عوافي
لمة خير ياشباب دائماً
صور لطيفة وما زادها جمالاً وجود الاطفال وابتهاجهم .. ونتمني الالتقاء مع بورداب مكة المكرمة .
مع ودي
واحترامي
|
Post: #24
Title: رد
Author: محمد عمر الفكي
Date: 02-08-2014, 09:09 PM
Parent: #23
يا ابو حسين
ميسي دا بعدين لو جاب حاجة وعشان الضرائب وما شابه وعشان ما تلحق روسيل وسمعتك تلحق سمعة ابوميسي اكتب الشيكات باسمي هههههه
قروشك متى ما احتجت لها اسعلني منها ههههه
ملمومين في الخير يا بورداب الرياض
عمنا خالد
بركة الشفناك طيب ياخي
|
Post: #25
Title: Re: رد
Author: عبد العزيز محمد عمر
Date: 02-09-2014, 05:55 AM
Parent: #24
اليوم كان جمعة والأمة مجتمعة ..
شيء جميل أن تكون على طبيعيتك تحادث الأطفال و( الشيوخ ) من أمثال فلان دااااك
وتضرب باسطات الجماعة ...
هنالك أناس سخرهم رب العالمين لخدمة آخرين.. يبذلون دون كلل .. وبأريحية
على سبيل المثال ( سامية ) ( وود الصايم )...
معليش .. أتعبناكم
سعدنا بالجميع
الشغيل
|
Post: #26
Title: Re: رد
Author: ABUHUSSEIN
Date: 02-09-2014, 06:13 AM
Parent: #25
.
| Quote: وتضرب باسطات الجماعة ... |
اها دا واحد من الناس اللي بتجيبهم الباسطة و البسبوسة ...
الزول دا من جاء يلوك لغاية ما طلع و الله أعلم لو كان طلع و جيوبو مليانة و ل فاضية ...
حسين ديقول برضو قالها وااااااااااااااااااااااضحة جايي للباسطة و البسبوسة
*****************************
واحد ربراب شديد ملانا فقر لمن آمنا قبل اللمة و كمان بتشهى عايز باسطة و عايز بسبوسة و كمان معاهم أم علي
و كالعادة ما جا و لا حتى إتصل إعتذر
و كالعادة دي لأنو عملها كتير ..........
و برضو كم واحد غايب رغم تأكيداتهم بي إنهم جايين ..
و صاحب المشكلة اللي كان بجي من الفيس و عايزنا نحل ليه المشكلة برضو غايب...
و آخرين برضو ....
**************************
غايتو قضينا يوم جميل و أولادنا رجعوا البيت و هم فرحانين رغم التعب
أحمد ولدي يوم السبت صحى من الصباح قال لي أرح نمشي الإستراحة ...
***************************************
مدير القروب على الواتساب زول ديكتاتوري بي درجة ممتاز ...
****************************************
|
Post: #27
Title: Re: صور لمة بورداب الرياض 7/2/2014
Author: ABUHUSSEIN
Date: 02-09-2014, 06:25 AM
Parent: #26
.
| Quote: لكن الشهادة لله نجم اللمة كان ( خالد الأرباب ) وكما قال أبوحسين كان ( حسين خوجلي ) اللمة . |
دا شنو يا السيد ياخ ....؟؟؟؟
كدا الزول دا اللمة الجاية حا نلقاه بايت في الإستراحة ... و برضو حا يقعد يتكلم اليوم كلو ....
********************************
Quote: يا ابو حسين
ميسي دا بعدين لو جاب حاجة وعشان الضرائب وما شابه وعشان ما تلحق روسيل وسمعتك تلحق سمعة ابوميسي اكتب الشيكات باسمي هههههه
قروشك متى ما احتجت لها اسعلني منها ههههه
ملمومين في الخير يا بورداب الرياض
عمنا خالد
بركة الشفناك طيب ياخي |
حاضر يا أبو عمر رسل لي رقم حسابك في الخاص .... و معاه ضمان بنكي .....
**********************
أيمن يا صاحب البوست سبق و حذرتك و رغم التحذير شايف صوري حايمة في الفيس ....
أرجى الراجيك ...
.
|
Post: #28
Title: Re: صور لمة بورداب الرياض 7/2/2014
Author: ياسر السر
Date: 02-09-2014, 07:10 AM
Parent: #27
العذر والعفو منكم اخوتي بورداب الرياض على عدم التمكن من الحضور ويشهد الله انني وصلت على مشارف الاستراحة ولكن لسبب طارئ رجعت والحمد لله كلو خير ربنا ما اراد لينا حضرة بس لكن النية كانت ثابته وممتنه والواحد بيعتذر لكم جميعا اولا ولي نفسو ثانيا لانو فاتتو لمه مع ناس طيبين وجميلين زيكم ووالحمد لله اليوم طلع جميل كما هو واضح في الصور ونسال الله ان يديم بيننا المعروف جميعا وان يجمعنا بكم دائما في ساعة خير وعلى خير ... ولكم العذر حتى ترضو ،،،، والسلام عليكم ورحمة الله وبركاته...
تحياتي : ياسر العيلفون
|
Post: #29
Title: Re: صور لمة بورداب الرياض 7/2/2014
Author: محمد عبد الماجد الصايم
Date: 02-09-2014, 08:29 AM
Parent: #28
أبو حسين .. مش تكتب بالأحمر ..
كان كتبتها بالفحم برضو برشّكـ ..
_
بهذا قررنا فصلكـ من القروب لمدة أسبوع!!
ع الأقـل ندي فرصة للناس الواقفة في الصف دي!!
|
Post: #30
Title: Re: صور لمة بورداب الرياض 7/2/2014
Author: محمد عبد الماجد الصايم
Date: 02-09-2014, 08:34 AM
Parent: #29
يوم جميل والله .. ولمة جميلة وناس حلوين ..
كل الناس رجعت مبسوطة .. كان الرجعوا بدري كان القعدوا زيّنا لحدي واحدة صباحا
شكرا لكل من ساهم في هذا العمل المنظم ..
بالجد اليوم كان حلو وكل الناس ساهمت في النجاح
_
شكر خاص لأم حسين سامية حامد ..
_
الحمد لله المرقنا من السيكـ بفضل كياشة أخونا د. محمد حسن!
|
Post: #31
Title: Re: صور لمة بورداب الرياض 7/2/2014
Author: Alfarwq
Date: 02-09-2014, 08:49 AM
Parent: #30
لمة حميلة كنت اتمنى ان اكون بينكم اول مرة و قبل المغادرة المحتملة للمملكة في اواسط هذا العام ... الا اذا في زول عنده لينا شغل (بهظر) .... لكن التواجد خارج المملكة من يوم الاربعاء الى صباح يوم السبت حال دون ذلك ... اتمنى يكون في لمة تانية قبل شهر ستة عشان نتعرف على باقي البورداب الجميلين...
|
Post: #32
Title: Re: صور لمة بورداب الرياض 7/2/2014
Author: ismeil abbas
Date: 02-09-2014, 08:57 AM
Parent: #30
شكراً يا أيمن...
ألأطفال وفرحهم هو ما أدى اللمة هذا النجاح...
سعيد بمقابلة البورداب الجدد..والشكر أجزله للأخوان ودالصايم مدير القروب فى الواتسب..وألأخ/عسام نصر وأسعد البدرى..
السيد أحمد إبراهيم..ده حاحه ثانية.....وألأخ/عبدالعزيز الشغيل. ومعتز أبومحمد؟؟؟وكل الذين شرفوا..
الشكر لمدام أخونا ودالصايم ولأم حسين لأستقبالهم للضيوف بحفاوة وكرم ..
أبوحسين ما شاء الله ..واصل كتابتك شىء جميل.
|
Post: #33
Title: Re: صور لمة بورداب الرياض 7/2/2014
Author: حسين ديقول
Date: 02-09-2014, 10:06 AM
Parent: #32
سلام صاحب البوست والمعلقين
الحمد لله الذي جمعنا بكم وشرفنا بمعرفتكم
لا عدمناكم .
Quote: حسين ديقول برضو قالها وااااااااااااااااااااااضحة جايي للباسطة و البسبوسة
|
أم حسين ما قصرت تب مشكورة على المجهود وعلى الصحن الـ بالجنبة ( خصوصي )
المرة جاية شكله الغداء في ناس ما بياكلو الدجاج ( عايزين مندي )
الشكر لمدام أخونا ود الصايم وأم حسين ولحرمنا  على المجهود الرائع
|
Post: #34
Title: Re: صور لمة بورداب الرياض 7/2/2014
Author: ABUHUSSEIN
Date: 02-09-2014, 10:58 AM
Parent: #33
.
Quote: _
بهذا قررنا فصلكـ من القروب لمدة أسبوع!!
ع الأقـل ندي فرصة للناس الواقفة في الصف دي!! |
أبو حسين تطير عيشتو أبو صلعة في المنبر و أبو شيشة في القروب...؟؟؟
قوم لف لا إنت و لا عشرة زيك ممكن يفصلوني و الله أبوظو ليكم يا وهم ...
و ل رجعو لي البسبوسة بتاعتنا كوووووووووووووولها .. ياخ لو بعتها في غبيرة تبني لي عمارة في المنشية ...
*******************************************
آدمن القروب زول ضلالي و لا يصلح آدمن على بقالة بي ضلفة واحدة
*******************************************
|
Post: #35
Title: Re: صور لمة بورداب الرياض 7/2/2014
Author: saidahmed shami
Date: 02-09-2014, 01:57 PM
Parent: #34
أن شاء الله دايما تامين ولامين
شكرا أيمون يا فنان
|
Post: #36
Title: Re: صور لمة بورداب الرياض 7/2/2014
Author: ABUHUSSEIN
Date: 02-10-2014, 05:57 AM
Parent: #35
أخونا طارق ميرغني لو بدينا نحكي عن اللي قالو بس حا نحتاج لي بوستات كتيييييييييييييييييييييييييرة
و يكفي إنو وصف لبسة خالد الأرباب السوداء اللماعة قال زي السخل المولود جديد ...
غايتو ما قصر و دكتور جمجوم ما عمل فينا خير غايتو ....
و باسطة فوزية شفعت ليه كل عمايلو ....
*********************************
إسماعيل عباس (سمعة) جا بي قميص واااااااااااااااااااااااااااااااااســـع و نهاية اللمة القميص كان ضيق ...
غايتو لو ما المجهود اللي بذلوا مع الأطفال الزول دا كان نهاية اللمة يكون شايل قميصو في يدو....
********************************
كالعادة ود الباوقة جعجعة قبل اللمة و غياب من اللمة ...
*********************************
******************************************
آدمن قروب بورداب الرياض على الواتساب زول ديكتاتوري
******************************************
|
Post: #37
Title: Re: صور لمة بورداب الرياض 7/2/2014
Author: ABUHUSSEIN
Date: 02-10-2014, 06:15 AM
Parent: #36
.
Quote: Jamal Mohommed · يعمل لدى شركة الراجحي
ابيتو تحلو لي مشكلة الدخول أبيت أجي اللمة ... واحدة بواحدة .. ولمة في الخير دائما ي رب
رد · أعجبني · متابعة المنشور · منذ 18 ساعة |
ضاعو عليك إتنين لمة حلوة و حل لي مشكلتك .... خليك في الفيس أحسن .....
*********************************************
Quote: Abdalaziz Hussain · متابعة
يا أبوحسين ماشايف الخالة هبة حامد الجاب عقابه ما جابه
رد · أعجبني · متابعة المنشور · منذ 13 ساعة |
عبدالعزيز الشين .. خالتك هبه حامد عملت عملية و غيرت جنسها من إنتاية لي ضكر و إسمها أصبح شريف المحسي
https://www.facebook.com/heba.hamid.96?fref=ts
|
Post: #38
Title: Re: صور لمة بورداب الرياض 7/2/2014
Author: طارق ميرغني
Date: 02-10-2014, 06:51 AM
Parent: #37
Quote: المرة جاية شكله الغداء في ناس ما بياكلو الدجاج ( عايزين مندي )
الشكر لمدام أخونا ود الصايم وأم حسين ولحرمنا على المجهود الرائع |
يا ابو حسين تعال شوف صاحبك ديجول
لهط الباسطه وبدل ما يشكر العملتا وشغالا فيها للساعه خمسه صباحا
يشكر المدام بتاعتو بدون خجله
تاني ضقتها يا حسين ديجول
|
Post: #39
Title: Re: صور لمة بورداب الرياض 7/2/2014
Author: حسين ديقول
Date: 02-10-2014, 07:10 AM
Parent: #38
Quote: يا ابو حسين تعال شوف صاحبك ديجول
لهط الباسطه وبدل ما يشكر العملتا وشغالا فيها للساعه خمسه صباحا
يشكر المدام بتاعتو بدون خجله
تاني ضقتها يا حسين ديجول |
ما شاء الله يا طارق على الباسطة وشكرا للمدام على المجهود
( أخير نصلح علاقتنا ما عارفين ماذا يخبيء لنا المستقبل )
أما شكر مدامنا فعلى وقفتها ومضايرتها في المطبخ وكان ما شكرناها تقوم تحرن وتمتنع من حضور اللمات الجايات .
|
Post: #40
Title: Re: صور لمة بورداب الرياض 7/2/2014
Author: أيمن دياب
Date: 02-10-2014, 07:32 AM
Parent: #39
| Quote: أما شكر مدامنا فعلى وقفتها ومضايرتها في المطبخ وكان ما شكرناها تقوم تحرن وتمتنع من حضور اللمات الجايات |
ديقووول في حالة كونه (رافع البيرك)..
|
Post: #41
Title: Re: صور لمة بورداب الرياض 7/2/2014
Author: طارق ميرغني
Date: 02-10-2014, 09:23 AM
Parent: #40
وانت يا ايمن في حالة كونك كامن ولا شنو؟
|
Post: #44
Title: Re: صور لمة بورداب الرياض 7/2/2014
Author: اسعد صلاح البدري
Date: 02-10-2014, 09:45 AM
Parent: #41
اروع ناس والله
قضينا يوم جميل صراحة
شكرا ليكم جميعا
|
Post: #62
Title: Re: صور لمة بورداب الرياض 7/2/2014
Author: عبد الرحيم عبد الخالق
Date: 02-12-2014, 02:10 PM
Parent: #44
لمه حلووووووووه يا شباب
ونحن اسفين لعدم الحضور لظروف خاصة
دعواتي لكم بالتوفيق دائما
|
Post: #42
Title: Re: صور لمة بورداب الرياض 7/2/2014
Author: طه داوود
Date: 02-10-2014, 09:29 AM
Parent: #40
Quote: Quote: مالك بترجف ....؟؟؟؟
بورداب الرياض فعلاً لمبة تضئ البورد |
مخارجة جميلة يـا أخ ايمن،، وأجمل منها الصور التلقائيـة لهذه اللمبة (اللمة).
التحيـة.,
|
Post: #43
Title: Re: صور لمة بورداب الرياض 7/2/2014
Author: محمد عبد الله الامين
Date: 02-10-2014, 09:40 AM
Parent: #42
إن شاء الله دايما تامين لامين مبسوطين ...
|
Post: #63
Title: Re: صور لمة بورداب الرياض 7/2/2014
Author: Osman Musa
Date: 02-13-2014, 02:07 AM
Parent: #43
لمة جميلة .
وبعد لبع الباسطة تحولت اللمة الي وثبة وجر حبل .
ومن الحاجات الكويسة . كمان اللمة جمعت بعض المخضرمين المعتكفين .
زي اللواء أركان حرب عبدالله دأش
واللواء أركان حرب معتصم دفع الله .
..
التحية للجميع
|
Post: #69
Title: Re: صور لمة بورداب الرياض 7/2/2014
Author: سيد محمد احمد سيدنا
Date: 03-06-2014, 02:43 PM
Parent: #43
شكرا الاخ العزيز المصور البارع ايمن على هذه
اللقطات المعبره .
واسوق العتب لكثير من الاخوان لعدم معرفتنا وعدم
تواجدنا الدائم بالمنبر لظروف عمليه ، وكان ممكن
تقديم دعوات من الاخوان القريبيين لدينا لنبتهج بكم
ونشاركم فى مخرجاتكم إن وجدت مع التحيه لكامل
الحضور ، وفرحة الاطفال والاسر اسرتنا وفقكم الله .
تحياتى
سيد سيدنا
|
Post: #45
Title: Re: صور لمة بورداب الرياض 7/2/2014
Author: حسين ديقول
Date: 02-10-2014, 09:50 AM
Parent: #1
| Quote: ديقووول في حالة كونه (رافع البيرك).. |
الخواف ربى عياله يا أيمن
|
Post: #46
Title: Re: صور لمة بورداب الرياض 7/2/2014
Author: ود الباوقة
Date: 02-10-2014, 10:07 AM
Parent: #45
ان شاء الله دائما ملمومين في الافراح والليالي الملاح
شكرا للريس
شكرا للجنة المنظمة
شكرا خاص لود الصايم
وسامية حامد
وشكرا لك اخي ايمن
توثيق رائع كروعة البورداب
|
Post: #47
Title: Re: صور لمة بورداب الرياض 7/2/2014
Author: أيمن محمود
Date: 02-10-2014, 10:37 AM
Parent: #45
|
Post: #48
Title: Re: صور لمة بورداب الرياض 7/2/2014
Author: ABUHUSSEIN
Date: 02-10-2014, 10:57 AM
Parent: #47
الزول دا ناقص شنو من حسين خوجلي .....؟؟؟؟؟
زد على ذلك كان قاعد في نص الجماعة و هو بتكلم و الناس كلها بستمعوا .....
كرهتنا يا الأرباب ....
|
Post: #49
Title: Re: صور لمة بورداب الرياض 7/2/2014
Author: عمر عثمان عبد الوهاب
Date: 02-10-2014, 12:44 PM
Parent: #48
لمة جميله وروعة ربنا يحفظكم وزهراتكم الحلوين
نحن ناس جداد وكده
تعرفت علي اخونا وحبيبنا طارق ميرغني
والارباب للاشارة بلباسه المميز
البقية كان الاولي ان تكتبو لينا اساميهم
عشان نعرف ده منو وده منو
ملمومين دائما
|
Post: #50
Title: Re: صور لمة بورداب الرياض 7/2/2014
Author: النعمان خوجلى
Date: 02-10-2014, 03:39 PM
Parent: #49
اديك العافية ايمن الصور جميله ومعبره
اللمة كانت جميلة جدا رغم حضورنا المتاخر بعد المغرب
التعريف كان جميل جدا كله قفشات ونكات
الاحترام والحب والتكافل سمه جميلة ومميزة بين الاعضاء
|
Post: #51
Title: Re: صور لمة بورداب الرياض 7/2/2014
Author: خضر الطيب
Date: 02-10-2014, 07:58 PM
Parent: #50
سلام ايمن
لمة في الحرم يا شباب
بالله صور لابو الحصين في اوضاع مش ولابد
|
Post: #52
Title: Re: صور لمة بورداب الرياض 7/2/2014
Author: إدريس محمد إبراهيم
Date: 02-11-2014, 08:09 AM
Parent: #51
كانت لمه ولا أجمل استمتعنا بها أيما استمتاع ...الشكر لكل القائمين على النظيم والتنسيق ....شكر خاص لمدام طارق ميرغني على الباسطه الما جصلت ....الشكر موصول للحبيب ود الصايم لقيامه على خدمة الجميع ...خادم القوم سيدهم يا حبيب ....
كل اللوم على دكتور محمد جسن الدي أضاع منا اسنافيك تاريخيه ...ياخ أنا لاعب عشره وعندك آس ديناري راجي بيهو المولد...الجماعه مرقو بيد واحده ببركاتك يا دكتور ....
أيمن أخوي وين باقي الصور ...ومالك لحستنا ...ههههه ...
ويا باشمهندس طارق ميرغني ...إن شاء الله أكدت طلب الصداقه لي معاد ولدي ...ياخ ده يوم قال لي عندك واحد زميلك حقو تتعرف عليه ..فإدا به تاج السر الملك ...ولانني أعرف أن وضاحه من أصدقاء معاد ...فقلت له لابد إنك عرفته عن طريق وضاحه ...فقال لي متهكماً لا يمكن تكون خي عرفتو عن طريقي .....هههههه ....تقولي شنو ؟ ...
مع كل حبي الدي تعرفون ؛؛؛
|
Post: #54
Title: Re: صور لمة بورداب الرياض 7/2/2014
Author: طارق ميرغني
Date: 02-11-2014, 08:44 AM
Parent: #52
مشكور اخي عمر وفرصه سعيده للتعارف اتمني ان تتكرر
اكيد اخي الشاعر الكبير ادريس وقد قدمت طلب الصداقة لابننا معاذ
وقد قاك مشكورا بالموافقه علي الطلب وصرنا اصدقاء
ولقد شهدت كياشة دكتور محمد الحسن وقد ضيع سيك مضمونه اكترمن البلنتي
وفي منو كمان في ود الصائم كان لليله نكون مبسوطين
|
Post: #59
Title: Re: صور لمة بورداب الرياض 7/2/2014
Author: عبد الباقي الجيلي
Date: 02-12-2014, 09:19 AM
Parent: #45
هذا أمر دبر بليل ..... يطرشنا والله ما سمعنا ...
كنا اجتهدنا في المجيء رغم البرنامج المضغوط ....
لكن العتب علينا ... فقد غبنا عن المنبر زمناً ...
والله مازالت في المآقي دمعة على رحيل الزول الجميل الزين ... محمد زين الشفيع .... له الرحمة والمغفرة ...
طفرت من عيني دمعة أخرى وأنا أتجول بين الصور علني ألمحه بقميصه الطوبي ذاك ... لنا لله ...
سعدت كثيراً بحضور بعض الجميلين الذين لم نلتقيهم منذ زمن ...
هؤلاء هم بورداب الرياض ... لا يخذلونك أبداً ...
|
Post: #53
Title: Re: صور لمة بورداب الرياض 7/2/2014
Author: احمد العمار
Date: 02-11-2014, 08:39 AM
Parent: #1
ما شاء الله لمة جميلة ... جهد كبير و مقدر
التحية للحضور و كل بورداب الرياض
مع تحياتى يا ايمن
|
Post: #55
Title: Re: صور لمة بورداب الرياض 7/2/2014
Author: Khalid Saeed
Date: 02-11-2014, 12:39 PM
Parent: #53
لزول دا ناقص شنو من حسين خوجلي .....؟؟؟؟؟
زد على ذلك كان قاعد في نص الجماعة و هو بتكلم و الناس كلها بستمعوا .....
كرهتنا يا الأرباب ....
_________________________________________________________
ههههههههههههههههههههههههههههههههههههههههههههههههه
أبو الحسين عامل ذي الألفة ، خصوصا اثناء التعارف .. كل مره الزمن انتهى الزمن انتهى .. غايتو يا ابو الحسين كما البسوسة السمحة العملته سامية .. كان اتصرفنا معاك ههههههه
بعدين طبعا اجمل حاجة في اللقاء الجماعة الأول مره يجضروا .. ذكروني لمن سافرته السودان أول مره سنة 94 .. تصدقوا عز الحر كنته لابس بدله فل سوت ، . وكرفته حمراء وشايل منديل ..
وصلته السودان لقيت مطار الخرطوم فرم بس ...هههههههه
الزملاء الأول مره يحضروا كانوا جادييين جدا في التعريف ..
بسم الله الرحمن الرحيم
اخوكم / فلان الفلاني .. واللهي لي عظيم الشرف اكون اليوم مع الكوكبه المنيره ..
ههههههههههههههههههههههههههههههههههههههه
والكوكبه المنيرة تاكل في الباسطة ... الجابه طارق مرغني ( بالمناسبة ياطارق عليك كفارة سحرة ) ههههههههههه سحرته لبستي .. هههههه
حبيبنا كانتونا قال البرد كتله .. ليك علي تجينا الرياض هديتك لبسه ذي حقتي ومعاها سحرتين من م/ طارق مرغني ههههههههههههههههه
|
Post: #56
Title: Re: صور لمة بورداب الرياض 7/2/2014
Author: حسين ديقول
Date: 02-11-2014, 12:50 PM
Parent: #55
| Quote: حبيبنا كانتونا قال البرد كتله .. ليك علي تجينا الرياض هديتك لبسه ذي حقتي ومعاها سحرتين من م/ طارق مرغني ههههههههههههههههه |
السحرة التالتة مني ( لبستك زي الفقة الفي حديقة حيوانات الملز )
تحياتي الأرباب وتاني ما تخالف تعال لابس زي الناس عشان ما يسحروك ههههههه
|
Post: #57
Title: Re: صور لمة بورداب الرياض 7/2/2014
Author: Khalid Saeed
Date: 02-11-2014, 12:54 PM
Parent: #55
ابقه جادي شوية ..
حقيقة الصورة جميلة يا ايمين يافنان .. وحقيقة البورداب جميلييين كالعادة .. ( نشكركم شوية ) هههههه ....
سعدنى جدا بي كل الزملاء الجميليين التقينا دون حواجز ضحكنا من قلبونا ، اتكلمنا بطيب خاطر ، وأكلنا الباسطة والبسوبه بطيب خاطر برضوا هههههههه
لعبنا لعب هههههههههههههه
خصوصا في جر الحبل .. اتفرزت الكيمان .. ناس ابو الحسين رقدوا مديده معاهم عبد العزيز الشغيل ، لم تنفعهم حينئذ باسطة ولا بسوبوسه ..
جريناهم جر من لايخشى انقطاع الحبل .. ولكن الحبل كان خرطوشاً ليس الا .. فصرخ بأعلى صوته .. اغيثوني ..
تصدقوا الخرطوش اتكلم .. هههههههههههههههههه وانقذ الفئة المهزمة .. يعني من غير فلسفة .. الخرطوش طقطق من جرة الأرباب وصحبه .. ههههههههه ( راجعو الصور )
قامو ناس عبد العزيز الشغيل فكو الحبل وقالو خفنا ينقطع ، وما اعترفوا بالهزيمه .. واتخذوا احابيل واندغام وحجج واهية نسبوها للخرطوش .. ههههههههههه
|
Post: #58
Title: Re: صور لمة بورداب الرياض 7/2/2014
Author: Khalid Saeed
Date: 02-11-2014, 01:00 PM
Parent: #57
ديقول ياحبيبنا .. هههههههههههههه الفقمــــــــــــــة .. انته داير تجيب لي 6 صلايب فقمه في الدم ولا شنو .. هههههههه
______
ناس المساطب ( الفيسس) .. خلوني ابده بي ابو النسب محمد الطاهر .. مشتاقين يازعيم .. عليك الله الأسود مش يليق بي ..ههههههههههههه
_____
جمال عبد الناصر .. شنو يازعيم الغياب .. ليك علي نعمل حمله لي بكري .. يشوف موضوعك ولما اتحله .. نكلم ود الباوقه يضمن مشكلت الباص ويرد بتاعك في خطاب الريس الجايي.. يديك معاهو دغم دغمتين .. ههههههه ( بالمناسبة الخطاب قالوا حيكون يوم التالته الفات )
_______
القال تجتوج ده منو .. اوعك يابكري تديهو باص ويرد .. ههههههههههههههههههههههههههه
|
Post: #60
Title: Re: صور لمة بورداب الرياض 7/2/2014
Author: طارق ميرغني
Date: 02-12-2014, 12:51 PM
Parent: #58
معقوله يا خالد سعيد يا صديقي اسحرك ... عيني بارده
بس اهو دا ديجول الحيسحرك لانو الفقمه برمائيه يعني فب البر والبحر مصقوع
هههههههههههههههههههههههههههههههههه
ؤبنا يديكم الصحه والعافيه ونتمني ان تتكرر اللمات واثني اقتراح ان تكون شهريه
|
Post: #61
Title: Re: صور لمة بورداب الرياض 7/2/2014
Author: حسين ديقول
Date: 02-12-2014, 01:04 PM
Parent: #60
Quote: معقوله يا خالد سعيد يا صديقي اسحرك ... عيني بارده
بس اهو دا ديجول الحيسحرك لانو الفقمه برمائيه يعني فب البر والبحر مصقوع
|
بديتو السحريبة يا أستاذ طارق وجايين تمروها في ديقول المسكين دا. ههههههههه
|
Post: #64
Title: Re: صور لمة بورداب الرياض 7/2/2014
Author: يوسف السماني يوسف
Date: 02-13-2014, 05:16 AM
Parent: #61
حينما يلتقي بورداب الرياض تحفهم شمس الموده فيمشون علي بساط
الودالفة دون تكلف ويريحون القلب بضخات الانس علي سفوح التلاقئية .
فتحس بقيم اهلنا الطيبين وبساطتهم تمشي بينهم فكانهم ابناء قبيلة واحدة
او قل ابناء عمومة يسندون بعضعم في الملمات والافراح .
ان كان من كلمات فهي باقات شكر لكل من ساهم في اليوم
حضورا وتجهيزاً وخدمة ولكن وردتان من المحبة لاثنين كان
لهم القدح المعلي في ذلك اليوم هما ود الصائم وسامية حامد .
والشكر للبورداب الجدد الذين شكلوا اضافة نوعية لنا .
وكلمات الشكر لاتكفي لمن زينو شمس اللقاء باهازيج الفرح
اسماعيل عباس وخالد الارباب , والتحية لمن جعلوا هذا العمل منظور
للجميع الاخوين ايمن محمود وعمران حسن صالح خلف الكميرات .
واختم قولي بالتحية للاخ عبدالباقي الجيلي الذي افتقدناه في هذه اللمة
ويا ودالجيلي برغم غياب ورحيل صديقنا محمد زين الشفيع قد كان
حضور بيننا ذكراه الطيبة غطت سوح المكان ووقفنا حداد عليه وتواصينا
علي اهله خيرا ً وكان جل حوارنا حول اسرته وكيفية مساعدتها وقد قررنا
بذل ما نستطيع من اجل الوقوف مع اسرتة لك التحية علي هذا الوفاء الاخوي
الذي عهدناه فيكم يابورداب الرياض ولكم المحبة .
|
Post: #65
Title: Re: صور لمة بورداب الرياض 7/2/2014
Author: ابو جهينة
Date: 02-13-2014, 08:25 AM
Parent: #64
بسم الله الرحمن الرحيم
السلام عليكم جميعا ، البورداب ، الحاضرين والغائبين بعذر أو بدون عذر
أولا الشكر للأخ أيمن على مجهوده في التصوير ثم إنزال الصور هنا ، جهد مقدر
***
منذ عام 2003م ، وهو العام الذي شهد أول تجمع لبورداب الرياض ، منذ ذلك التاريخ ، إتسعتْ رقعة المنتسبين لهذا الجسم ، وأتسعت بالتالي مساحة التعامل كأسرة واحدة ، إجتمعنا في السراء والضراء
قمنا بفعاليات لا داعي لذكرها فالأرشيف ذاخر بمنجزات هؤلاء الأخوة والأخوات الذين إجتمعوا بغير موعد في هذا الحوش الماهل.
نزجي الشكر للباشمهندس بكري أبوبكر على أن جعل هذا ممكنا.
قد يعتقد البعض أن لقائنا هذا الذي تم توثيقه بالصور ، هو مجرد لمة للترفيه أو الترويح عن الأطفال ثم الجلوس لتناول الطعام ثم الإنطلاق إلى سراديب الغربة والإغتراب,
ولكننا ولله الحمد تناقشنا في أمور عديدة ، أمور تخص أعضاء هذا الجسم
ثم أجندة لفعاليات في قادم الأيام
تم كل هذا في جو من الأريحية والتفاهم ، فنحن نعمل بمبدأ ( لا رئيس ولا مروؤس )
نزجي الشكر لكل من قدم جهده ووقته لإنجاح هذا اليوم
دمتم جميعا
وإلى لقاء قريب
|
Post: #66
Title: Re: صور لمة بورداب الرياض 7/2/2014
Author: أيمن محمود
Date: 02-13-2014, 09:06 AM
Parent: #64
|
Post: #67
Title: Re: صور لمة بورداب الرياض 7/2/2014
Author: أيمن محمود
Date: 03-06-2014, 09:57 AM
Parent: #1
يازول ... يا زول
|
Post: #68
Title: Re: صور لمة بورداب الرياض 7/2/2014
Author: محمد عبد الماجد الصايم
Date: 03-06-2014, 10:06 AM
Parent: #67
ما تبالغ يا أيمن ياخ!!
نحن الظاهر علينا أصغر من مقام عمكـ دا!!
|
|
