Post: #1
Title: انباء متناقلة عن استقالة احمد هرون والي شمال كردفان
Author: عوض الله نواي
Date: 02-07-2014, 07:39 PM
Parent: #0
راجت انباء عن استقالة والي شمال كردفان احمد هرون علي خلفية الاحداث الاي تشهدها
ولايته من قوات التدخل السريع مع مواطني شمال كردفان الذين سيروا مسيرات تندد باعمال
قوات التدخل السريع مع المواطنين من جرائم قتل واغتصاب ، هذا وذكرت الصحف ان هرون بكي
عندما خطب امير البديرية وحمله مسؤلية ذلك وطالب القصاص منه يوم الموقف العظيم .
ويذكر ان هرون وعد برحيل القوات خلال 24 ساعة الا ان القوات لم تقادر الولاية حتي الان .
|
Post: #2
Title: Re: انباء متناقلة عن استقالة احمد هرون والي شمال كردفان
Author: ملهم كردفان
Date: 02-07-2014, 07:48 PM
Parent: #1
من المستحيل انو الزول ده يستقيل لأنو من زمن هو طالب هنا فى مصر
كان محدد هدفو ووصل ليهو
صدقنى هو آحر زول فى الوطن الفضل يقدم تضحيه زى
يا عوض الله نواي
احترامى
|
Post: #3
Title: Re: انباء متناقلة عن استقالة احمد هرون والي شمال كردفان
Author: عوض الله نواي
Date: 02-07-2014, 07:58 PM
Parent: #2
الملهم الكردفاني
الموضوع خطييير بالمناسبة ، قوات التدخل دي من صنع يده
وبنات افكاره ، الموضوع يتعلق بمستقبله مع اهله ، لان القوات
ارتكبت جرائم قتل واغتصاب ووعد باجلائها لكن القوات رفضت
الخروج من الولاية الا اذا تم اطلاق سراح الجناة الذين القي عليهم
القبض واودعوا حراسات الشرطة بشمال كردفان .
اتوقع مواجهة مع الشرطة لاطلاق سراح الجناة .
عموما هرون في مضب حقيقي ، وطني ولا ما وطني دي ما شغلي .
|
Post: #5
Title: Re: انباء متناقلة عن استقالة احمد هرون والي شمال كردفان
Author: ملهم كردفان
Date: 02-07-2014, 08:14 PM
Quote: الملهم الكردفاني
الموضوع خطييير بالمناسبة ، قوات التدخل دي من صنع يده
وبنات افكاره ، الموضوع يتعلق بمستقبله مع اهله ، لان القوات
ارتكبت جرائم قتل واغتصاب ووعد باجلائها لكن القوات رفضت
الخروج من الولاية الا اذا تم اطلاق سراح الجناة الذين القي عليهم
القبض واودعوا حراسات الشرطة بشمال كردفان .
اتوقع مواجهة مع الشرطة لاطلاق سراح الجناة .
عموما هرون في مضب حقيقي ، وطني ولا ما وطني دي ما شغلي . |
زول زى ده ماعندو مستقبل معانا بما إنى من الأبيض
ومادام ماخت نفسو فى (مطب) ياكل نارو
والجنجويد مادام ماهم فى الأبيض يبقى الرد عليهم حيكون بالسلاح
انا واثق انو صبرنا ليهو حدود يانواى
| Quote: وطني ولا ما وطني دي ما شغلي . |
مالك نفسك قايم ؟؟؟!!!
انا قلت الوطن الفضل ماقلت علي ود هارون انو وطنى
لأنو عمايلو دى ماعمايل زول وطنى ...
احترامى
|
Post: #6
Title: Re: انباء متناقلة عن استقالة احمد هرون والي شمال كردفان
Author: Mahjob Abdalla
Date: 02-07-2014, 08:25 PM
Parent: #2
يا زول قول كلام غير كده
الزول ده و عمر البشير ما بستقيلو لانو منتظراهم لاهاي
|
Post: #4
Title: Re: انباء متناقلة عن استقالة احمد هرون والي شمال كردفان
Author: أسامة العوض
Date: 02-07-2014, 08:08 PM
Parent: #1
عوض الله نواي
لك ولأهلنا في كردفان التحية
| Quote: هذا وذكرت الصحف ان هرون بكي عندما خطب امير البديرية وحمله مسؤلية ذلك وطالب القصاص منه يوم الموقف العظيم . |
هارون (أمسح , أكسح , قشو , ما تجيبو حي , ما تعمل لينا أعباء إدارية ) راكب مع البشير في سرج واحد , ما بيخافوا من الموقف العظيم , بيخافوا من ثورة الشعب والمحكمة الجنائية وعندما قال الخطيب الموقف العظيم خطر في بال هارون ثورة المظلومين عليه
|
Post: #7
Title: Re: انباء متناقلة عن استقالة احمد هرون والي شمال كردفان
Author: عوض الله نواي
Date: 02-07-2014, 08:39 PM
Parent: #4
اسامة العوض :
هذا الرجل تتبعه وتسيل خلفه الدماء اين ما ذهب وحل
والله العظيم عندما تم تعيينه بشمال كردفان كنت علي يقين
ان اهل شمال كردفان لن يسلموا من الموت والدمار والقتل .
|
Post: #8
Title: Re: انباء متناقلة عن استقالة احمد هرون والي شمال كردفان
Author: cantona_1
Date: 02-07-2014, 08:50 PM
Parent: #7
ولد أبا سلام مربع كيفك والعيال والأهل في الصعيد؟
الجميع هنا بخير بس البرداية حارّة قربنا نتجمد. تحياتي للجميع.
تحياتي
كبـّاشي الصـّـافي
|
Post: #9
Title: Re: انباء متناقلة عن استقالة احمد هرون والي شمال كردفان
Author: عوض الله نواي
Date: 02-07-2014, 09:27 PM
Parent: #8
هاي ولدضمي كيفك
الناس هنا كويسين الا الرئيس سوي ليه مجلس
للسلام في جنوب كردفان وعين فيه عيال الناظر كلهم
محمد والقوني وجعفر وصديق الباشا.
|
Post: #10
Title: Re: انباء متناقلة عن استقالة احمد هرون والي شمال كردفان
Author: nour tawir
Date: 02-07-2014, 09:50 PM
Parent: #9
الآخ العزيز عوض الله النوآى..
احمد هارون وين ما يمشى الموت والخرآب ورآه...
لآنه دا شغل أيده...
مسألة الآستقالة دى احتمال ..
لآنه قّدمها تلاتة مرآت لما أتضغط فى كادقلى..
والحكومة رآفضة ...
ليه ؟
لآنه أحمد هارون عادة بيقوم ليها بأقذر الآدوآر..
الما بيقدر غيره عليها..
وفى الجبال بيّسموه (رجل المهمآت القذرة)..
وجوده فى الآبيض..
معنآه اضطرآبآت فى الآبيض..
باس نآس الآبيض بأسهم شديد...
وعلى العموم....
الله يستر....
|
Post: #11
Title: Re: انباء متناقلة عن استقالة احمد هرون والي شمال كردفان
Author: محمد نور عودو
Date: 02-08-2014, 09:02 AM
Parent: #10
راديو دبنقا (8 feb)
مليشيات (حميدتي) لا تزال موجودة بجنوب مدينة الابيض ومواطنو ولايات دارفور يتخوفون من عودتهم للاقليم
على الرغم من انتهاء مدة مغادرتها يوم الخميس
خروج ما اسماه بقوات الدعم السريع ( الجنجويد ) من ولايته اكد شهود من مدينة الابيض لراديو دبنقا ان مليشيا الجنجويد بقيادة ( حميدتى ) لا زالت موجودة بجنوب مدينة الابيض ، على الرغم من انتهاء مدة مغادرتها يوم الخميس . وكشف الشهود ان مليشيا الجنجويد قامت ببيع كميات كبيرة من الوقود التى تم صرفها لها من أجل مغادرة الولاية بالاسواق ، واكد الشهود لراديو دبنقا ان أحمد هارون ارجأ عقد مؤتمر صحفي كان مقررا له يوم الخميس إلى يوم امس (الجمعة) ، لكنه لم يعقد حتى وقت متاخر من مساء الجمعة . ونفى الوالى أحمد محمد هارون في تصريحات صحافية ما اثير عن تقدمه باستقالته من منصبه ، وكشفت مصادر لراديو دبنقا عن وصول وفد رفيع المستوى من جهاز الامن بقيادة لواء ، وصل امس الجمعة الابيض ، موضحا ان الوفد توصل مع الوالى أحمد محمد هارون تفويج مليشيا الجنجويد على دفعات . واكدت المصادر مغادرة ( 150 ) عربة امس الجمعة الابيض من جملة الف و60 عربة تابعة للجنجويد من جهة ثالثة رفض مواطنو ولاية غرب كردفان ومحلية عديلة بولاية شرق دارفور مرور مليشيا الجنجويد بقيادة ( حميدتى ) عبر أراضيها بعد طردها من ولاية شمال كردفان حماية لمواطنيها وخوفا وتحسبا من اعتداءات وتجاوزات الجنجويد ، فيما حبس مواطنو ولايات دارفور انفاسهم ، وابدى العديد منهم خاصىة سكان مدينة نيالا تخوفهم وقلقهم الشديدين من عودة اعمال القتل والاغتصاب والاختطاف والنهب والسلب مرة اخرى عقب عودة مليشيا الجنجويد بقيادة ( حميدتى ) الى ولايات دارفور.
https://www.radiodabanga.org/ar/node/66265
|
|
