«فائزة عمسيب» : (مأساتي فاتت أضان المسؤولين وما جايبين ليها أي خبر)!!

طوال أعوام و الإنقاذ عاملة بتكرم المبدعين من المال السايب لكن
يبدو أن للمثلة المخضرمة فائزة عمسيب حظ عاثر و مولد بلا حمص!


http://www.sudaneseonline.com/news-action-show-id-84690.htm

ولا حياة لمن تنادي يامعز

ف



و




ق

شكرا لك اخي المعز

وشكرا لموقع النيلين

وهاي الاستاذه فائزه عمسيب قد اثبتت انها لا تمتلك اي منزل

وانه منزلها الذي ورثته من زوجها…تم اخراجها منه بامر قضائي لانه لها فيه ال(الثمن) فقط!



فرجاء ليعمل الجميع معا من اجلها

فهي سيده طيبه مبدعه و سودانيه و تحتاجنا جميعا.

لها المجد…..ولحكومتنا العار التي تهمل مبدعيها.

التحية لجميع الاخوة الافاضل .

طيب وقت المسؤولين ما جايبين ليها اي خبر موش اولي تمشي لي اخوانها ؟
فايزة ما عندها غير نفسها يعني اي انسان ممكن استقبلها , والشئ المستغربة ليهو
اين ذهبت اموال فايزة عمسيب؟ شغاله بعشرات السنين عندها ورثة لا يستهان بيها
والله علي ما اقول شهيد وعندها بيت في ود البنا سجلتو عليها امها المربياها والكلام
انا بقولو واثقه منووعندها كمية من الدهب لانه امها المربياها كان زوجها صايغ !
عمومآ نحنا اقصد اسرتي ما عندنا اي اخبار عن فايزة يعني باختصار الحاصل ده كله
اسرتي ما عارفين عنه اي فكرة وزي ما عارفين مشاغل الحياة مافي زول فاضي للتاني .
وانا ذاتي لو ما النت ده ما كنت عرفت اخبارها المقطوعها عننا بكمية من السنين لدرجة
نسينا اسم زي ده بنعرفو ما تلومني في كلامي لكن ده الواقع .

الأخت منى عمسيب
كلامك غريب جداً و مؤسف من إسمك و صيغة كلامك واضح صلة الرحم البينك و بين الأستاذه فايزه عمسيب لكن بتقولي لا انتي لا الأسره ما عارفين عنها أي شي و تتكلمي عن ممتلكاتها و ثروتها. طيب إذا الصله مقطوعه كيف بتجزمي بوجود هذه الممتلكات الآن مش يمكن تصرفت في كل ما تملك لتواجه ظروف الحياة ياخي ناس أغنى منها في السنوات العشر الماضية فقدوا كل ما يملكون بسبب أحوال البلد.
بصراحة كلامك ده بايخ جداً لو الصله مقطوعه ما تتداخلي في موضوع الأستاذه و الناس البتكتب عنها بتكتب بإعتبارها شخصية عامة و ليس لإعتبارات شخصيه و أسريه.

التعديل لسحب المداخلة، وإرسالها في الخاص. كدا أفضل. فأرجو المعذرة

Quote: بصراحة كلامك ده بايخ جداً لو الصله مقطوعه

الأخ ياسر تحياتي وتقديري الي انفعالاتك ايوة علاقتنا مقطوعة لكن زوج فايزة
الراحل اختو جارتنا واصحابنا جدآ بمعني مرة مرة بنعرف اخبار عن فايزة لكن
ما بنتجاوب معاها وصدقني ابدآ ما سمعت فايزة فرطت في كل حاجاتها لدرجة بقت
في الوضع ده صدقني انا اسه لما مصابة باصدمة يا ياسر في حاجات الواحد مستحيل
يفرط فيها بذات لما يكون بيت اويك وفي نفس الوقت مصدر دخل بعيشك ! يا للاسف
معقولة ما فكرت في اللحظة دي ؟ يا رب سترك .

والله يا منى انتى عزيزة علينا زى فايزة.. لكن جـد غلبنى الاقولوا كلو كلو.. الكلام دا بعيـد بعيــد بعيـد.
والسودانيين يقولوا الغائب عذره معاه (وليس مع اخت زوجته).. واعتقد فايزة لو بمرادها، تعمل كل شئ حتى
لا تمشى بسفنجـة او تظهر ضعيفـة وتخلى الناس تشمت فيها.. خصوصا هى تعلم خصومها..
شخصيا لا الوم احد لأنى لا اعرف ما يدور فى الاسـر، وليس من حقى ان اعرف، ولا اسعى لمعرفته، بل لا اسمعه واترك
مجالس القوالات لو بدأوا فى الحديث عن شخص غائب.
ولو كانت غنية فلا اسأل ماذا حدث لها، بل اقبل وضعها كما تعبر عنه هى.. فإما ان اساعدها او اتركها ان لم استطع.

امر محزن ما يحدث هنا مع الاسف.