صور تركيب ثلاجه حفظ الامصال لمنطقه أمرى محليه مروى

استكمال للبوست السابق

وصول ثلاجه حفظ الامصال لمنطقة أمرى القديمه محليه مروى

تحرك بالامس صباحا زميلى واخى عمر الطيب الذى ساندنى فى اتمام هذه المهمه على اكمل وجه
من بداية ووصول الثلاجه الى المطار حتى لحظه تركيبها فى امرى شرق القديمه ومسماه حاليا بالحصايه
وبين الوصول والتركيب ارهقته بالكثير من الاشياء وبكل طيب خاطر كان ذو عون بلا اى كلل وملل
اسئل الله سبحانه وتعالى ان يوفقه ويحقق امانيه كما حقق امانى العديد
الذين ناشدوا وسعوا واجتهدوا وتبرعوا بالافكار والمال والزمن لتحقيق هذه الغايه والحلم ولا استطيع ان اذكرهم اسميا لانهم يفوقوا محيط علمى بهم
كان برفقته المهندس التم اختياره من استاذ عبد الرحمن جبريل مدير المركز القومى لابحاث الطاقه لتركيبها
وايضا المرشد للمنطقه من طرف محمد الحورى
بجانب سائق البوكس التم تأجيره لايصالهم












يتبع

يتبع

المركز الصحى عباره عن حوش + غرفتين وهول

من غرفتين غرفه فارغه
والاخرى تحوى ترابيز وكراسى بجانب ملصقات حائط
يوجد ممرض مسئول عنه












يتبع

والله يا ناس نهر النيل والشمالية زي ما قال رياك مشار إنتو ما إتمردوا مالكم؟ عشان ما عندكم غابات وجبال زي المتمردين التانيين ولا شنو؟
هسع الفرحة دي بتركيب تلاجة بس؟ النوع دا من التلاجات توزعه اليونسكو بالمجان وبدون ضجة تسمع من قريب وأو غريب أوبعيد.
المغتربين بتاعين الولاية ممكن أي واحد مرتبه 3000 ريال قطري ولا سعودي ممكن يشتري التلاجة ويرسلها لأهله في البيت لانها تعمل بالطاقة الشمسية. الله يكون في عونكم وعون الشعب السوداني الذي يفرح بتلاجة 10 قدم.
تحياتي

كبـّاشي الصـّـافي
(العوج راي والعديل راي)

اخى كباشى
برغم ما عندى خلفيه عن سعر الثلاجه
لكن منصرفات الارسال والتشغيل فطيت المبلغ المذكور من المرتب
وكان الحكايه بالبساطه دى ما حاصله فعليا ليه
شنو البيمنع اى زول سودانى اصيل يركب لاهله زيها
ويمنع مركز صحى من انه حتى يحوى سرير ولا عنقريب ساى

التحية والتقدير الاخت رانية وجعل الله هذا الجهد المبارك في ميزان حسانتك
وقفة تقدير واجلال لكل من ساهم في هذا العمل الجليل
بس الحالة المزرية التي عليها المركز تثبت ان الجهد الغير رسمي مهما بلغ لن يغطي على التقصير الفاضح للحكومة
اها الناس ما قصرت وعملوا العليهم وزيادة والله وامّنوا التلاجة دي ، بعد دا نبقى في التساؤل: غالبن العنقريب؟ وبعد شوية حينفتح موضوع الادوية والدكتور والمستلزمات الاخرى والتي هي من صميم الحكومة
السودانيين وفي مختلف انحاء الوطن الواحد فيهم بيكون جاري جري الجن عشان يكفّي نفسو واسرته الصغيرة
الكيزان ديل وين أصو، المواطنين يجيبوا للمستشفى الاجهزة والسراير والادوية والدكتور - توريد العيانين اصلا واجب عليهم - والمسؤولين يتفرغوا للتمتع بمزايا مناصبهم ؟

ما بصدق يا رانية دا المركز الصحى !!!!!!!!؟؟؟
لا حولة ولا قوة الا بالله

تحية
جهد مقدر شكرا لك اختى رانية ولكل من ساهم فى المشروع
السؤال ليه بالطاقة الشمسية؟؟
وين الكهرباء
وين السد السد الرد
امرى دى مش جمب السد ولا دى امرى تانية؟؟ ولا بقت عليكم
كالعيس فى البيداء يقتلها الظمأ والماء فوق ظهورهامحمول

رانيا , عمر الطيب , عبدالرحمن جبريل , محمد الحوري , ..
شكراً

طيب قبل ما تصل الثلاجة دي ما كان في تطعيم وللا شنو ؟؟؟
والله انتم في امس الحوجة لمستوصف
ثم تاتي البقية
شيء مؤسف ومحزن
اليس لديكم والي بالولاية ؟؟؟
شكرا لجهودك ولمن معك
هذا عمل انساني كبير يستحق التصفيق

شكراً رانية
خبر مفرح وصول الثلاجة الى محطتها الاخيرة في مركز صحي الحصاية بامري القديمة
شكراً لمجهودك وعملك الدؤوب الذي بذلتيه ويا رب في ميزان حسناتك
وعبرك نشكر كل المجموعة التي عملت معك في التوصيل والتشغيل
وفي ميزان الحسنات

الاخوة الاعزاء
من اجل ان تتضح الصورة
امري القديمة هي منطقة الصامدين الذين رفضوا التهجير القسري الى القرى الجديدة في الصحراء ..
المقيمين في امري القديمة هم من تحدى قرار النظام وتمسك بخيار الارض ..
لا لشيء الا لأنهم قالوا لا للظلم ..
فكان ان عاقبتهم الحكومة بالحرمان من الخدمات وتوصيل الكهرباء من السد..
والمركز الصحي المتواضع والمدارس والمسجد هي مجهودات الاهالي
اقاموها بالعون الذاتي حسب مقدرتهم ..
التحية لهم على صمودهم
ولنواصل وقفتنا معهم من اجل دعم هذا الصمود في وجه الظلم ..

Quote: هسع الفرحة دي بتركيب تلاجة بس؟ النوع دا من التلاجات توزعه اليونسكو بالمجان وبدون ضجة تسمع من قريب وأو غريب أوبعيد.

(الذين يلمزون المطوعين من المؤمنين في الصدقات والذين لا يجدون إلا جهدهم فيسخرون منهم سخر الله منهم ولهم عذاب أليم )
اليونسيف لم تركب الثلاجة
والحكومة لم تقم بدورها تجاه المواطنين
الطفلة عائشة قضت نحبها بلدغة عقرب بين يدي امها وابيها
وامام الطبيب الذي وقف عاجزاً عن فعل شيئ
بسبب عدم توفر مصل العقرب وعدم توفر ماعون لحفظه
فهل كان ان نقف مكتوفي الايدي .. ؟
اكيد لا والف لا ..
فكان نداء البنت الخير وضاحة من اجل انقاذ الطفولة البريئة في امري
عبر منبر اهل السودان سودانيزاونلاين ..
فتجاوبت ثلة كريمة خيرة من اهل سودانيز مع النداء متبرعين بالمال والجهد والراي
فاصبح النداء واقعاً افرح اهل المنطقة وفرج كربتهم وجعل انقاذ فلذات اكبادهم ممكناً
وانتقل فرحهم الينا
وفرحنا وسودانيز يقوم بدوره الريادي تجاه الوطن في كل المجالات ..
ونسلط الضؤ على هذا الجهد من اجل تشجيع الاخرين للبذل من اجل هذا الوطن ..
فهل كنا مخطئين ؟
ومسيرة الخير بإذن الله مستمرة في دعم اهلنا لن يوقفها نعيق
واخيراً وليس اخراً اهمس لمن تعودوا قمط الحق وتثبيط الهمم بقول الرسول صلى الله عليه وسلم
( من كان يؤمن بالله واليوم الاخر فليقل خيراً او ليصمت )

Quote: Nasir Mohammed · جامعة النيلين ياكانتونا طيب بتعررف انو لحد الان اى واحدة دايرة تولد فى منطقة شاسعة فى اقصى شمال السودن وسااااااى لو المراءة دى احتاجت لعملية قيصرية ممكن تموت لسبب بسيط جدا انو اقرب مستشفى ممكن يكون على بعد ساعات وممكن يكون فيها قطع بحر كمان ؟؟؟؟؟؟؟؟ يااااااخى السودان دا كلو مهمش والعلاج زاتوووووو بقى كماليات الله يلعن الكاااااان السبب

الف مبروك للجميع
محمدالفكى
وضاحة
رانية
وباقى العقد الفريد
شكرا لاضافة بسمة فى اللوحة الكبيرة

وفعلا قشة قشة نبى البيت الكبير

صور مستندات الدفع لمنصرفات:-
1- الجمارك 500 جنيه




2- البطاريه 2,082 جنيه






3- ايجار العربيه 950 جنيه


4- الجاز 470 جنيه




5- مهندس التركيب 300 جنيه

6- عمل الحامل للوح مواد + مصنعيه 240 جنيه

7- 110 جنيه نثرية اكل فى مشوار التركيب و 98 جنيه تحركات

الف مبروك للجميع
محمدالفكى
وضاحة
رانية
وباقى العقد الفريد
شكرا لاضافة بسمة فى اللوحة الكبيرة