الى اللقــــــــــــــــــــــــاء الأخـــــوة الأعـــــــــــــــــــــــــــــــزاء

الى اللقــاء،

التقيكم بإذنه تعالى، وقـد عاد الجميـع الى رشدهـم.. تواضع المتكبرون، وتاب المتجبرون وانتصر الله للضعفـاء فى ربوع السودان، وعاقب جلاديهم
بما يستحقون.

لا يا ابو الريش

سلامات أخونا ابو الريش
علي وين العزم؟
لو ماشي زعلان من الناس، بقول ليك ده حال الدنيا. اقعد و حارب لما يكون عندك مزاج و طنش لما يكون ما عندك.

لو ماشي لأنك ح تكون مشغول، بنقول ليك بالتوفيق ان شاء الله. و لما تفضى، ارجع.

الاخ ابوريش لعلك بخير

Quote: سلامات أخونا ابو الريش علي وين العزم؟ لو ماشي زعلان من الناس، بقول ليك ده حال الدنيا. اقعد و حارب لما يكون عندك مزاج و طنش لما يكون ما عندك. لو ماشي لأنك ح تكون مشغول، بنقول ليك بالتوفيق ان شاء الله. و لما تفضى، ارجع.

على وين يا قريبنا؟

تفارق كيف تخلينا لشوقنا وذكرى ماضينا وكيف بعدك يكون الحال وكيف تصبح ليالينا ؟؟

استاذنا ابو الريش عسى ما شر .. وذي ما ذكر من سبقني اذا انت حا تكون مشغول في الفترة الجاية نتمنى لك التوفيق بس ايضا حاول ان تتواصل مع الاخوان الاعزاء واذا حا تغادر اذا زعلان فالخصام اكتر من 3 يوم لا يجوز فحاول ان تبرر لنا غيابك ونتمنى ان تكون بخير وعلى خير ...

تحياتي : ياسر العيلفون

Quote: التقيكم بإذنه تعالى، وقـد عاد الجميـع الى رشدهـم.. تواضع المتكبرون، وتاب المتجبرون وانتصر الله للضعفـاء فى ربوع السودان، وعاقب جلاديهم بما يستحقون.

لو دي شروطك للرجوع يا أبو الريش، نشوفك بعد شهرين

سلام اخي ابو الريش

والله بيني وبينك المنبر صار لا لون ولا طعم ولا رائحة له

بقينا ندخله اداء واجب بس بعد ان هجرته اقلام متميزة

ربنا يعدل طريقك يا اخي على امل اللقاء بكم بعد ان تعود للمنتدى نضارته من جديد