لغة بنات حنكوشات ابعد مايكون عن الجمال بقلم ابجقادو

عادل سعيد ابوجقادو
كاتب مرح
ذو طرفة
له استايل خاص فى الفكاهة
وله قدد (حكاوى وقفشات) خاصة ذات معالجات اجتماعية
نقلت من كتاباته فى الفيس ما يلى:
.......
بعض الظواهر البدت تظهر علي البنات وفاهمين انو دي انوثة :
لما الواحدة تتفاخر بانها مابتعرف تطبخ وتشتغل في البيت
وماعارفة الفرق بين الشمار والكسبرة ( ابدا ماعندو علاقة بالانوثة والحنكشة
ودي اسما لتاخة وكسل منك ومستحيل واحد تقولي قدامو كدة يفكر يرتبط بيكي )
مالازم كل البنات تخاف من الحشراات والفيران والضفادع
( ماعندو علاقة بالحنكشة دي فوبيا وامراض نفسية يختي )
لما تقولي بابي ومامي وتعوجي لسانك ماح تبقي شقراء وعيونك خضر
وكان قلتي امي وابوي مابتنقصي انوثتك
والبت لما تقول سح ، تسدق ، ثمح دي ماحنكشة ولا انوثة دا
اسمو مشروع تكافل مع الحبش بس
والبغيظ اكتر لما الواحدة تدمج مفهوم الغباء مع النعومة
يعني انا ناعمة مابفهم بسرعة
ولمن الواحدة تقلب الكلام وتتعولق وتنطق الحروف بي طريقة مايعة دي ماحنكشة ولا انوثة
دا اسمو قصور في النطق يعني بقيتي نفسك معاقة بس
التوقيع : واحد تعب من حركاتكم الوهم دي

هاهاهاهاها

....
...
..
.
اسمو مشروع تكافل مع الحبش بس

سلامات أخونا محمد النيل.
ده تجني من زولك ده ساي. شكلو واحدة أدته شاكوش :)
اغلب البنات (بقول اغلب) ما بعرفوا يطبخوا.
انا شخصيا ما كنتا بعرف اطبخ (احم .....احم). و لحدي الان الكسبرة و الشمار ديل الا بالشم حتي افرقهم. و الحمد لله ربنا رحمني من الدايرين يعرسوا عشان الطبيخ ديل. و راحت عليهم، لأني الان بقيت طباخة ماهرة :)
انا في عائلتي في المناسبات او حتي في البيت ما بيخلوا البنات يغسلوا العدة. كلو كلو.
و مع أني كنتا صحراوية جداً، لكن كنتا و لسه بخاف من كل الكائنات الحية ما عدا البني آدم.