السوداني تكشف عن (22) رجلاً يعملون في وظائف مرضعات بالخرطوم.

ودرب العيشه ما فيهو نبيشه

يمكن برضعو بالبزز

Quote: يمكن برضعو بالبزز

برضعو ولا يرضعو


كل فساد في فساد

غايتو يا هجو انا غلبني اعلق على الخبر
اي تعليق كده ولا كده يتفهم غلط ممكن تفقد احترامك

Quote: غايتو يا هجو انا غلبني اعلق على الخبر اي تعليق كده ولا كده يتفهم غلط ممكن تفقد احترامك

احمد ابن عوف سلامات

علق ساي بس ركز علي الوثب والغموض كتر من طلاسم الحروف
تكتشف انو البلد من كترت حفر الفساد والدخان والرجل المرضع
مشيت في سكة الانهيار السريع

ماتستبعد برضو يكونوا معينين ليهم 22 راجل آخر في وظيفة { داية }

انت يا هجو ما شفت الخبر المكتوب تحت خبر المرضعات وهو ديون سودانير الوصلت اكثر من 60 مليار جنيه.. وطبعا مؤكد ان اكثر من نصف المبلغ ده وصلت جيوب المفسدين من الحرامية واللصوص ، وكمان بيقول ان سودانير فيه فراغ قانوني.. وهو القانون ذاته وينه في البلد؟
والله يديك العافية

لا حولة ولا قوة الا بالله
اين الرجل السوداني ايش صار فيه كل يوم قصص غريبة عن المجتمع السودانى الذى نعرفة ونسمع به
وسلوك غريب واخلاق لا تنم لى سوداننا الذي نعرفه من خلال قصص اهلنا واجدادنا
وين راح الرجل السودانى الذى قيل فيه

التلب اللزوم مدخور يشيل العايلة
يقدل بي مهل فوقو الحمول الهايلة
إياك مرق القبائل فوقك يسندوا المايلة
فراج كُرب الهم أب قبايلاً جايلة

!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟
منو العوض وعليه العوض
ولا نقول غير حسبنا الله ونعم الوكيل

يا بلد ماشة لى وين !!!!!!!!!!!!!!

انا ما عندي اعتراض على عمل هؤلاء الرجال والمعايش جبارة دا لو اصلا في ناس شغالين ما حالة اندغامية ساااااااااي
لكن في حالة ترقي هؤلاء الى درجات كبيرة في هذه المهنة المسمى بكون شنو ؟؟؟ يعني مثلا باشمرضعة ؟؟؟؟
-----------------
و يا حليلك يا سودان

هجو ازيك يا اخي احابيلك شنو ؟؟؟

Quote: انا ما عندي اعتراض على عمل هؤلاء الرجال والمعايش جبارة دا لو اصلا في ناس شغالين ما حالة اندغامية ساااااااااي

معقول يا على تقبل كده

الغالية وضاحة
ومن مكتبة د. احمد القرشي اخترت ليكي الأبيات دي.. ويا حليل زمن الفرسان....

والله يديك العافية


سيد محكر الديوان ثابت يا أب قلب
تقابة لي النيران وين متل الحسن

الحسن يا الحسن غنيتّا ليك بي قياس
صنديد لي الولايا ولي الدموع قشاش
يا مطر السواري الماك هبوب ورشاش
حنكو البليغ خلوهو يتحدث
سيد زيناً قبيل قبل الناس تعرف الناس
سيد أصلاً قديم من الحمزه والعباس

الحسن والحسن في عايلة ماتسمّا
ضباح الربايب سيد القدح لمّا
دالي وبرمكي وببرّد حشا العمّا
دا ولادة النجاح الما بتدرك البلما
شوف عيني التساب الفوق البلد عمّا
ود ضبعة التساب الفوق البلد عمّا

أناغنيت بولف ليك
ياالدابي العُشاري وزي الشرار عينيك
خبرك بندقية
تلب يا الصقر توّر الرخم مني

الحسن يا الحسن دوم بغني لِي
تمساح جلقني وزي الشرار عيني
ما شال بندقية وقال بتحميني
تلب يا الصقر تور الرخم مني

اميرة الغالية مشتاقيين
يا حليلن الرجال يا اميرة

الحسن يا الحسن غنيتّا ليك بي قياس
صنديد لي الولايا ولي الدموع قشاش
يا مطر السواري الماك هبوب ورشاش
حنكو البليغ خلـــــوهو يتحدث


ما نحن كاسين لى نوع الحسن دا

Quote: معقول يا على تقبل كده

ايوة يا دكتورة لو الواحد مشى دار الايتام واشتغل مرضعة بالبزة مالو عيبيه لي ما زيو وزي اي شغل لا بل فيه انسانية وحميمية كبيرة لانو الطفل في هذه المرحلة العمرية وخاصة انو طفل لقيط اظن انو عمل انساني كبير ،، لكن انا بلعن الزمن القفل دروب الرزق وخلى الناس تسترزق من وظائف يرى فيها ابتزال ولكن هذا هو حال الوطن نعمل شنو ؟؟؟ تشحد ولا ترضع ولا تسرق اظن ترضع احسن واشرف مليار مرة من انك تسرق او تشحد ،،

--------------------------

انا غايتو بالعربي حقي المكسر ده فهمت انو الموضوع ده ليهو علاقة بفتوي رضاعة الكبير.

Quote: .لكن انا بلعن الزمن القفل دروب الرزق وخلى الناس تسترزق من وظائف يرى فيها ابتزال ولكن هذا هو حال الوطن نعمل شنو ؟؟؟ تشحد ولا ترضع ولا تسرق اظن ترضع احسن واشرف مليار مرة من انك تسرق او تشحد ،،

..................
كان جيت للنصيحة يا علي .. كلامك صحي أحسن الف مرة الواحد فيهم يشتغل مرضع ببزازة للأيتام من ان يسرق او ينهب الأموال العامة او الأموال الخاصة.. وفعلا برضه كلامك صحي بانو نلعن الزمن القفل باب الرزق وخلى الرجال تشتغل شغلانية النساء في العمل كمرضعات.. والله هذا زمن قمئ.. وعهد قمئ..
والله يديك العافية

Quote: اميرة الغالية مشتاقيين يا حلين الرجال يا اميرة

ههههههههههههههههههههههههههههه

والله يا حليلهم

يا اخوانا اظن وبعض الظن اثم

هناك شبهة فساد، في حقيقة الامر قد لا يوجد رجال يعملون كمرضعات
كاتب الخبر تحدث عن كشوفات اي كشوفات مرتبات، تصرف لهؤلاء الرجال
بغير وجه حق، يعني ال 22 ديل ممكن يكونوا نايمين في بيوتهم او
شغالين في حتات تانية وبصروا مرتبين وتلاتة من الحكومة لانهم مؤتمر وطني مثلا

والقصة دي ما جديدة، الكيزان لغوا نظام معمول به في الخدمة المدنية من زمن
الانجليز، النظام واحد من اهدافه انك لا يمكن ان تستلم مرتبين من الدولة
استحــــــــــلة عديل كده
الكيزان شاتوهو بره وسمعنا ان من كان يستلم 5 مرتبات في 5 ولايات لوظائف وهمية

بس الصحفي عشان ما يركبوه تهمة بقوم يعوم الخبر ويبدو الامر وكأنه يتحدث عن عمل الرجال
كمرضعات، لكن مع قراءة اخرى يشير باصابع الاتهام الى فساد في تلك المؤسسة.

تحياتي

تحية

Quote: هناك شبهة فساد، في حقيقة الامر قد لا يوجد رجال يعملون كمرضعات كاتب الخبر تحدث عن كشوفات اي كشوفات مرتبات، تصرف لهؤلاء الرجال بغير وجه حق، يعني ال 22 ديل ممكن يكونوا نايمين في بيوتهم او شغالين في حتات تانية وبصروا مرتبين وتلاتة من الحكومة لانهم مؤتمر وطني مثلا والقصة دي ما جديدة، الكيزان لغوا نظام معمول به في الخدمة المدنية من زمن الانجليز، النظام واحد من اهدافه انك لا يمكن ان تستلم مرتبين من الدولة استحــــــــــلة عديل كده الكيزان شاتوهو بره وسمعنا ان من كان يستلم 5 مرتبات في 5 ولايات لوظائف وهمية بس الصحفي عشان ما يركبوه تهمة بقوم يعوم الخبر ويبدو الامر وكأنه يتحدث عن عمل الرجال كمرضعات، لكن مع قراءة اخرى يشير باصابع الاتهام الى فساد في تلك المؤسسة.

كلامك صحيح الوظائف بالتأكيد وهمية
وانها مسميات فقط
ولايعني ذلك بالضرورة انهم يؤدون الوظيفة كعمل

السلام عليكم أختي/أخواتي

الخطأ في إطلاق الوظيفة بمسمى رجل مرضع ... ما لهم لو أطلقوا عليها وظيفة مغذي ولا راعي أطفال ...
من ناحية أخرى هذه وظيفة ذات أجر عميق وكبير جداً لو أخلص صاحبها كونه يهتم بتغذية طفل مجهول الوالدين ... ويهتم به ويرعاه
ما المانع في ذلك وما أسهل سبل الكسب الحرام ولكن للضرورة أحكام ... ناس أضطروا وطرقوا أبواب الحلال لما كل هذا الاسقاط عليهم ...
دعوهم في حالهم ولندعوا لهم بالتوفيق ...
ربنا يوفقهم ويصرف عنهم الكسب الحرام

Quote: مجهول الأبوين حُكمه حكم اللقيط، وهو طفلٌ لا يُعرف نسبه نُبذ أو ضل، وكذا أولاد الزنا، وأخذه وتربيته في صغره فرض كفاية لحرمة الإنسان، فيجب على الأمة رعايته وكفالته وحضانته والنفقة عليه حتى يبلغ، ومن فعل ذلك فله أجر كفالة اليتيم؛ لإحسانه إليه وإنفاقه وتربيته وتعليمه؛ حتى يتأدب ويُحسن التصرف لنفسه، ويقوم بحاجته وبما يلزمه، ويقدر على إعفاف نفسه بالكسب الحلال المُباح، فيجوز في هذه الحال صرف الزكاة له والصدقات والتبرعات، لما في ذلك من إحياء النفس، وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا .

Quote: ايوة يا دكتورة لو الواحد مشى دار الايتام واشتغل مرضعة بالبزة مالو عيبيه لي ما زيو وزي اي شغل لا بل فيه انسانية وحميمية كبيرة لانو الطفل في هذه المرحلة العمرية وخاصة انو طفل لقيط اظن انو عمل انساني كبير ،، لكن انا بلعن الزمن القفل دروب الرزق وخلى الناس تسترزق من وظائف يرى فيها ابتزال ولكن هذا هو حال الوطن نعمل شنو ؟؟؟ تشحد ولا ترضع ولا تسرق اظن ترضع احسن واشرف مليار مرة من انك تسرق او تشحد ،،

والله يا على مافى اى عيب بالعكس دا عمل عظيم بعتبروا المشكلة فى اسم الوظيفة اسم شييين
ما المفروض راجل يقبل به ممكن تسمى عمل تطوعى لمساعدة الاطفال الايتام
او اى شي غير مرضعة دى

Quote: هجو ازيك يا اخي احابيلك شنو ؟؟؟

على دفع الله تحياتى الله يجازى محنك وتحياتى للاخ هجو وضيوفه

اصبروا ممكن بعد شوية يظهر ليكم إسم رجل (قابلة) ضمن كشوف القابلات الإسلاميات ، ديل ما خيبوا ظن المواطن فيهم ، شكرا بنو كوز
الشفيع

لا اري ان هنالك مخالفه ان كانت وظائف حقيقية ويمارسون عملهم وليست و همية. هولاء الاطفال فاقدي الأمهات و الآباء يعتقدون ان الدار بيتهم ومن يعملون في الدار كمتطوعين او موظفين أباء وأمهات لهم. وهذا له أثره الايجابي على صحة الطفل النفسية.

انور احمد

Quote: and#225;والله يا على مافى اى عيب بالعكس دا عمل عظيم بعتبروا المشكلة فى اسم الوظيفة اسم شييين

يا دكتورة وضاحه شناتو شنو؟
الآن بعد ما أدوا الحريم إجازة رضاعة ، يعني ساعات كده في وقت العمل وطبعاً دي بعد إجازة
(الوضوع)... و في إتجاه يدوا الرجال إجازة رضاعة لمشاركة المرأة في أداء هذا الواجب المشترك،
يعني الشافع تبعها لوحدها؟؟ ومفيش حد أحسن من حد.

إنتِ رايحة بعيد ليه ، أول امبارح كُنت بزور واحِد من أعضاء المنبر، لقيتو برضِّع في الشافِع، طبعاً
مافيش داعي لذكر الأسماء وكِده.