الى صاحب الشنطة من الدوحة الى الخرطوم فى رحلة القطرية الأربعاء 29 يناير

لظروف خارجة عن ارادة الشخص الذى وزنتم معه شنطتكم لم يتمكن هذا الشخص من السفر فى رحلة القطرية من الدوحة الى السودان الساعة الرابعة ظهرا يوم الأربعاء 29 يناير 2014 ولقد تم انزال عفشه من الطائرة ومن ضمنه شنطتكم وحيث ان هذه الشنطة لا يوجد فيها اسم ولا رقم تلفون لم يستطع هذا الشخص التعرف على أصحابها حيث انه التقى بهم فى صالة المغادرة فقط ولأول مرة

الشنطة الان موجودة فى الدوحة وعلى هذا الرقم 55848763

فعلى اصحابها او من يتعرف عليهم الاتصال على الرقم اعلاه لاستلامها


مع التحية والتقدير والاسف للإزعاج 

والله السودان دة بلد اهلو طيبين ونواياهم طيبة
زول لابتعرفو ولا بتعرف اسمو ولا حتي رقم تلفونو ونشحن ليهو شنطة ماعارف فيها شنو





سلام يا ود الزين


نرفع البوست عسي ولعل

up

تحياتى

ما زالت الشنطة متواجدة لم يتصل اصحابها لاستلامها


الرجاء من يتعرف عليهم او منهم

الاتصال على هذا الرقم 55806370 الدوحة

شكرا


بحمد الله تم العثور على اصحاب الشنطة

هذه النقطة فقط هىى اللتى تفصلنا عن شواطئ العالم الاخر
هذه الاريحية
فى كل شئ








بنك الدم تبرع بدون معرفة
المستشفى زيارة بدون معرفة
المقابر دفن بدون معرفة
افطار رمضان اغلاق الخط السريع بدون معرفة
قول الحق بدون معرفة
المطارات وزن بدون معرفة
تفضل يازول ايضا بدون معرفة
اصلاح بين الناس بدون معرفة



قيل انه سئل احد الخليجيين ف المقبرة عن منصب المرحوم اللذى تقاطر الناس من كل صوب وحدب لدفنه فاذا بالمسؤليين لايعلمون عن مرحومهم شئ فقط انه سودانى فاذا باحدالواقفين قال المرحوم ده شغال راعى فى البر(الصحرا)...
فعجب السائل ؟؟؟
راعى؟؟؟
وكل هذا الجمع؟؟؟
وماذا ستفعلون لو وزير او مسؤل؟؟
فرد عليه بكل اريحية



نفس الناس بنحضر
لاننا لانعير الالقاب وزنا
لايهمنا
ولن يهمنا
من هو
فقط هو من هناااااااااااااااااااااك!!!!!!
ومااحلى هناك
اللهم لاتحرمنا من هناك
وناس
هناك


مااحلاكم
شكرا الزين
ودالزينين

تسلم كتير اخي العزيز


أكيد صاحب الشنطه لسع في أجازته


ومن المفروض أن ينبه أهله الهناء لمتابعة عدم شحن شنطته (الله يستر ما تكون شيله)


واكيد سيد الرايحــة يجي مع احساسي الكبير بأن الشخص المعلن بكون شايل على عاتقه تلك الامانة إلى أن يسلمها لصاحبها


فعليه الصبر فأن الصبر جميل الله يستر ما يكون من صاحب الاجازات الطويلة كمان 5 و6 شهور


وجزاكم الله كل خيــر لك ود الزين وللشخص صاحب الجوال
أبومصطفى

وزن شنطة أو كرتونة لشخص لا تعرفه يعتبر تغفيل وعدم فهم.
هنالك شخص قضى مدة في السجن لأنه استلم أمانة من شخص لا يعرفه بمطار الخرطوم واتضح أن الأمانه بها مخدرات. لقد نجى الشخص من حكم الإعدام المعمول به في المملكة بقدرة الله.
لا توزن ولا تستلم عفش لشخص لا تعرفه مهما كان منظره.
تحياتي.

كبـّاشي الصـّـافي
(العوج راي والعديل راي) .

لَوْلا المَشَقّةُ سَادَ النّاسُ كُلُّهُمُ؛ ألجُودُ يُفْقِرُ وَالإقدامُ قَتّالُ
وَإنّمَا يَبْلُغُ الإنْسانُ طَاقَتَهُ مَا كُلّ ماشِيَةٍ بالرّحْلِ شِمْلالُ
إنّا لَفي زَمَنٍ تَرْكُ القَبيحِ بهِ من أكثرِ النّاسِ إحْسانٌ وَإجْمالُ
ذِكْرُ الفتى عُمْرُهُ الثّاني وَحاجَتُهُ مَا قَاتَهُ وَفُضُولُ العَيشِ أشغَالُ

الاخ الفاضل wadalzain

أرجو ان تعيد الشنطة لى الخطوط القطرية بالمطار مكتب الامانات في مطار الدوحة
اكيد صاحب الشنطة راح يرجع يسال عنها فى الخطوط القطرية فى الخرطوم وبتالى الخطوط القطرية راح تتصل بمكتبها فى قطر وتجد المعلومة بتخلف الشنطة فى المطار
وبتالى حا يقدر يتحصل على شنطتوا ويت شحنها له

تحياتى