حــــرجــمــــة شـــــوق

انا ما بعاتبك
لو زعلتي عشان
غيابي عليك طال
ما اصلي يا مشورا عمر
انا من عرفت الوان الجوازات والسفر
واختام حكومات المنافي اصبح
يا وريفة حالي حال
وبقيت موزع
في الحقائب
والزكائب
والزرائب
والحروف الما بتشبه للمقال
بقيت مشتت في السهر
والغربة والالزمن السفر
وفقدت ريحة النيل زمن
واصبحت حائر في المجال
اصبحت متوهم وجودك في
البقالات الانيقة
وفي ظلال كل العمائر
وفي صبيب كب المطر
في الشوارع
وصرت في حالة جدال
بين اكونك في المنافي
او ازورك في الخيال
ما اقسى حالة انتزاع
حس الوجود
من زول تشبع
من ضفاف نيلا زلال
بيناتنا كم من الموانع
بين دساكر
وبين تذاكر
وبين عساكر
وافتقادا للسكاكر
وريني بس
كيفن اطيق الاحتمال
رهق المسافة البيني بينك
ما مكان
مشوار عمر
وعقود زمن
وعرق حلال
انا ما بعاتبك لو زعلتي
بس بعاتب نفسي
ليه
رضيت تفارق
لون عيونك والظلال
رجيني يا فرحي المقيم
باكر بجيك
والقاك يا احلام
جواي مترعة بالامل
بهجة حضور وبرق
وفال

وتقولي لي
بين المسافات الغياب
يازول تعال

.

يا نيل موزع جوة في بطن الليال
لا ليك جابتني المقادير
ولا قنعت من نيل المنال