لقاء الترابي وغازي الذي انتهي قبل قليل : مفاجأتنا سوف تكون عملية : ( صور )

وتتوالي المفاجأت

غايتو الوجوه بتقول الكثير ( خاصة انهم قالوا جهزوا انفسهم للسجن )

تـــتــوالـــى .... تـــا آ آ آ آ آ آ آ آ نـي


ما بلاش تـوالـي اللـه يخـليــك !!!

السر
هي البتتوالي نحن ما عندنا فيها دخل نعمل شنو ؟

Quote: تـــتــوالـــى .... تـــا آ آ آ آ آ آ آ آ نـي ما بلاش تـوالـي اللـه يخـليــك !!!

هل هناك مفاجأة عملية غير تحريك الشارع ؟ لا اظن ذلك

لا احد ينكر ان المؤتمر الشعبي يستطيع تحريك الشارع
ولكن ما الذي يستطيعه حزب غازي الجديد لنج ؟ ( دعم امني مثلا ؟ )

الصورة قبل الاخيرة!
ده منو البشبه عمر البشير ده؟

غازي صلاح الدين احد ادوات علي عثمان لتصفية خصومة
هذا الرجل هو راس الرمح في مذكرة العشرة
هل يريد الترابي ان يلدغ من نفس الحجر لمرة الثانية والثالثة
غازي هو من ضيع فرصة السلام الحقيقي في دارفور ابان توقيع النوايا الحسنة مع العدل والمساواة خلال جولات الدوحة انجمينا لانه رجل
لا يؤتمن في قول الحق ابدا وكان ينقل حديث مغاير من طرف الي اخر
غازي هو من تسبب في مد عمر الحرب في جنوب البلاد ونتيجة لعنصريته ترسخ الكره ثم فادت الي انفصال الجنوب الحبيب
غازي الان يعمل لصالح علي عثمان لاضعاف عمر البشير وهو سيئ اكثر من البشير بالف مرة ...

Quote: الصورة قبل الاخيرة! ده منو البشبه عمر البشير ده؟

دة كمال عمر يا محجوب القيادى فى المؤتمر الشعبى وتحياتى

شكرا قيفراوي

Quote: شكرا قيفراوي

ده شنو يا مهجوب؟؟؟؟
:)
:)
:)

بالتوفيق للدكتورين اينما ذهبا

فساحة المعارضة الان ليس فيها من يستحق الاهتمام باخباره غيرهما

Quote: لا احد ينكر ان المؤتمر الشعبي يستطيع تحريك الشارع

هذه القطعية مرهقة جدا في العمل السياسي العام،
المؤتمر الشعبي، هو جزءا من المشكلة ، وبالتالي يستحيل ان يكون جزءا من الحل،
لا وجود للمؤتمر الشعبي ولا الوطني في الشارع فهما وجهان لعملة قصفت بنا....
الترابي نفسه هو من ورطنا هذه الورطة التي تكاد ان تنسف فكرة الوطن من اساسه،
وغازي دا لحدت امبارح دي كان هو النظام ذاته، وللشعب ذاكرة حديد؛

ادريس
غازي له اعوان في جهاز الامن خاصة في الكوادر الوسيطة وهي اخطر اعمدة جهاز الامن
وعليه استبعد ان يكون احد ادوات علي عثمان

Quote: غازي صلاح الدين احد ادوات علي عثمان لتصفية خصومة هذا الرجل هو راس الرمح في مذكرة العشرة هل يريد الترابي ان يلدغ من نفس الحجر لمرة الثانية والثالثة غازي هو من ضيع فرصة السلام الحقيقي في دارفور ابان توقيع النوايا الحسنة مع العدل والمساواة خلال جولات الدوحة انجمينا لانه رجل لا يؤتمن في قول الحق ابدا وكان ينقل حديث مغاير من طرف الي اخر غازي هو من تسبب في مد عمر الحرب في جنوب البلاد ونتيجة لعنصريته ترسخ الكره ثم فادت الي انفصال الجنوب الحبيب غازي الان يعمل لصالح علي عثمان لاضعاف عمر البشير وهو سيئ اكثر من البشير بالف مرة ...

Quote: فساحة المعارضة الان ليس فيها من يستحق الاهتمام باخباره غيرهما

هه ههههه مع الكيزان مش حتقدر تعارض خالص !

ياخ بطل تقرا الاحداث (بامنيات وأشواق الحركة الإسلامية) وتمنيات عودة بعد الفشل الكبير.
مش الترابي هو عراب النظام وغازي هو تلميذو ورجل المهمات القذرة في مايسمي بالحركة الإسلامية .
الشعب السوداني معلم وهبتو في سبتمبر لسة ما بردت ولم يكن لا الترابي ولا المجرم غازي طرفا في إندلاعها.
فالله ,ما تعمل للحناجر قنابر.

يجتمعون بعد ان دمروا السودان فى 25 سنة مع العسكر

يا جادات سلامات

وشكرا علي الصور

بالله الحقنا من الفيس بوك باسمائهم بالترتيب الحقيقي تكون عملت فينا خير.

عرفنا الترابي

وعرفنا غازي

وعرفنا كمال عمر

وعمك الحفاين ده برضو متذكراهو……(بالله في بني آدم يتصور صوره تاريخيه حافي)؟! ده شنو الدروشه دي؟!

اها جيبوا لينا تفاصيل البقيه.

الحفيان البطرف دا واحد من اتنين
يا الشيخ الحفيان
يا صلاح غريبة لما كان في السعودية

Quote: هه ههههه مع الكيزان مش حتقدر تعارض خالص ! ياخ بطل تقرا الاحداث (بامنيات وأشواق الحركة الإسلامية) وتمنيات عودة بعد الفشل الكبير. مش الترابي هو عراب النظام وغازي هو تلميذو ورجل المهمات القذرة في مايسمي بالحركة الإسلامية . الشعب السوداني معلم وهبتو في سبتمبر لسة ما بردت ولم يكن لا الترابي ولا المجرم غازي طرفا في إندلاعها. فالله ,ما تعمل للحناجر قنابر.

في السودان الرهان دائما على الإسلاميين
بس المرة دي جايين بفهم جديد تماما و مختلف كليا :)
عن كل التنظيمات الإسلامية المعاصرة و السابقة

عبد المنعم
المؤتمر الشعبي له وجود كبير وسط الطلاب
والطلاب لهم قدرة كبيرة علي تحريك الشارع

Quote: هذه القطعية مرهقة جدا في العمل السياسي العام، المؤتمر الشعبي، هو جزءا من المشكلة ، وبالتالي يستحيل ان يكون جزءا من الحل، لا وجود للمؤتمر الشعبي ولا الوطني في الشارع فهما وجهان لعملة قصفت بنا.... الترابي نفسه هو من ورطنا هذه الورطة التي تكاد ان تنسف فكرة الوطن من اساسه، وغازي دا لحدت امبارح دي كان هو النظام ذاته، وللشعب ذاكرة حديد؛

الان المهم هو ان يسقط النظام
لا يهم من الذي يسقطه
حتي ولو اسقطه البشير نفسه

Quote: هه ههههه مع الكيزان مش حتقدر تعارض خالص ! ياخ بطل تقرا الاحداث (بامنيات وأشواق الحركة الإسلامية) وتمنيات عودة بعد الفشل الكبير. مش الترابي هو عراب النظام وغازي هو تلميذو ورجل المهمات القذرة في مايسمي بالحركة الإسلامية . الشعب السوداني معلم وهبتو في سبتمبر لسة ما بردت ولم يكن لا الترابي ولا المجرم غازي طرفا في إندلاعها. فالله ,ما تعمل للحناجر قنابر.

لقاء الصادق المهدي وغازي الذي انتهي قبل قليل : الفرصة الاخيرة للصادق : ( صور )

هل لقاء غازي والصادق هو بداية المفاجأة العملية ؟
يبدو ان غازي مقبول للصادق وعليه سوف يكون الوسيط بين الصادق والترابي
والترابي وسيطهما لبقية المعارضة
ومن ثم سوف تسقط الوسائط ويكون الاجماع الذي سوف يسقط النظام

قطر رفضت مساعدة النظام ماديا ولقد كان للوبي الترابي دور كبير في ذلك

Quote: هل لقاء غازي والصادق هو بداية المفاجأة العملية ؟ يبدو ان غازي مقبول للصادق وعليه سوف يكون الوسيط بين الصادق والترابي والترابي وسيطهما لبقية المعارضة ومن ثم سوف تسقط الوسائط ويكون الاجماع الذي سوف يسقط النظام

والله جادات موضوعك مستحمي بشكل ،، وتحليلك فيه اندغام بصورة احابيلية واثبة ،،
دا شنو دا يا اخي شنو النظام البسقطو الترابي وغازي والصادق
كدى حاول غوص عميييييييييييييييقا ستجد ان هؤلاء الذين ذكرتهم هم ليس في مصلحتهم اسقاط النظام بل في مصلحتهم بقاء النظام مع تواجدهم فيه يعني مغبونين فقط ودي كل اجندتهم ،،

صلاح الليلة مالك يا اخوي ؟؟؟؟؟؟؟؟؟؟؟؟؟؟؟؟

Quote: يبدو ان غازي مقبول للصادق وعليه سوف يكون الوسيط بين الصادق والترابي والترابي وسيطهما لبقية المعارضة ومن ثم سوف تسقط الوسائط ويكون الاجماع الذي سوف يسقط النظام

كدي النشوف آخرتا يا صلاح

وإن كنت أري ان لقاءاتهم المكوكية دليل علي اتفاقات تمت تحت التربيزة
ادت لتقاطرهم زرافات ووحدانا لحضور خطاب المشير المثير للجدل
وهم الان بصدد التنسيق بشأنها لمواجهة جبروت المؤتمر الوطني موحدين
:
:
:
:
:
:
مع التحيات لله الزاكيات

ود دفع الله
- كدي ارجع اقرأ مداخلاتي كويس
- الترابي منذ المفاصلة وهو يسعي لاسقاط النظام سوي عن طريق السلاح او التظاهر
ولا ينكر ذلك الا مكابر

Quote: والله جادات موضوعك مستحمي بشكل ،، وتحليلك فيه اندغام بصورة احابيلية واثبة ،، دا شنو دا يا اخي شنو النظام البسقطو الترابي وغازي والصادق كدى حاول غوص عميييييييييييييييقا ستجد ان هؤلاء الذين ذكرتهم هم ليس في مصلحتهم اسقاط النظام بل في مصلحتهم بقاء النظام مع تواجدهم فيه يعني مغبونين فقط ودي كل اجندتهم ،، صلاح الليلة مالك يا اخوي ؟؟؟؟؟؟؟؟؟؟؟؟؟؟؟؟

اخرتا قربت بأذن الله
مع تحياتي

Quote: كدي النشوف آخرتا يا صلاح وإن كنت أري ان لقاءاتهم المكوكية دليل علي اتفاقات تمت تحت التربيزة ادت لتقاطرهم زرافات ووحدانا لحضور خطاب المشير المثير للجدل وهم الان بصدد التنسيق بشأنها لمواجهة جبروت المؤتمر الوطني موحدين : : : : : : مع التحيات لله الزاكيات