هذا هو تصوري فيما لو ظهر (الوات ساب) أيام صبانا

الشكر العظيم لاخي وصديقي الاستاذ اسحاق بلة الامين الذى ظل يتحفني بروائع ذكريات ايام صباه -

من رسائله تلك قفزت الى ذاكرتي فكرة اطلاق هذا البوست متزامنة مع ردي على رسالته لي والتي يقول فيها ما يلي :


(فداسينا تطل على النيل الأزرق ، وعندنا شاطيء جميل جدا، رمالا بيضاء لم أر لها مثالا ولا في بلاجات المدن الساحلية الفرنسية. منظر الجمال يا ود شيقوق لامن يجنك من البطانة سايرات بالآلاف على مد البصر يا ود شيقوق وصوت الحادي يا الله يا خي ما في أجمل من كدا. بس كل شيء جميل إنتهى في سودان الجن. حتى المناظر الطبيعية والصفصاف والجزر التي كانت تزين النيل، كلها انتهت ، حتى القيف يا ود شيقوق انتهى وأصبح النيل بلا قيف مثل ال ........ داية قديمة حاقدة . يا خي الدنيا ما عارف الحاصل فيها شنو؟ عليك اله يا ود شيقوق بتذكر آخر ضحكة ضحكتها لامن اشنقلت وسال الدمع من عينيك. متين؟ فعلا غريبة الدنيا زي ما كان بغني الفنان الراحل الخالدي الله يرحمه)

جاء ردي على رسالته تلك بما يلي : ( كلام لا يستوعبه الا اولاد الضهاري طبعا )

(والله يا ود اللمين ربنا سلطك على بهذا الحكي الذى أنكأ جراحات زالت بسبب فورماتنغ احساسيسنا ومشاعرنا مع عوالم الوات ساب التي لو قدر لها الظهور ايام صبانا لتضورت حميرنا وجمالنا جوعا من هجمات المعزة على عليقة الضحوية والعصرية . ولو قدر لها ان تظهر في صبانا لما لمست ضبانة اجسام حميرنا بسبب إنصرافنا عن تمعيط صوف ازيالها لشرك الزرزور . ولو قدر لها ان تكتشف ايام صبانا لإفتتن اهل السعية مع اصحاب المزارع و لظل اباؤنا يرتادون زرائب المواشي عشية وضحاها)

ولسه الغريق قدام

نفضى ونواصل

اما اسحق فلقد صدق ورب الكعبة،،فلم تعد الحياة هي الحياة،لم يعد النيل ذاك الطيب الحنين،تزهو وتشمخ علي ضفافه الصفصاف والنخيل،يا اسحق،متي ذهبت اخر مرة،غسلت حزنك علي ضفتيه،هب نسيم حلو منه انعش روحك،غسل اساها،،بل متي حددت دوده،سابحا،لاهيا،والناس الفة وصفاء،والغابة،بحلاليفها،وعبلانجاتها،قرضها عليفها وخريمها،نبقها،لالوبها وحنبكها،ارانب تطارد،وعصافير تملا الفجاج،،اما الان فلقد انكفا كل علي حزنه،،وماتت الضحكات...
ويا ودشيقوق،دخل الما بداوي،هزمت التكنولوجيا الحياة،وتجاوزت كل حد معقول،لم يعد ابنك ابنك،ولا زوجك وبنتك،الان ياسيدي يسيطر عليهم غول اسطوري مخيف،لم يعد ما تقوله المدرسة،اوالاسرة،او المجتمع،الا حكاوي بايته خرفة،لا يلقي لها العيال بالا،،لقد برمجهم مصنع اسطوري عملاق،درس تكوينهم،عرف كيف يتسول لهم،يشكلهم كما يريد،،،يعرف العيال الصغار كل اسرار الحياة الغامضة،وغرست فيهم هذه البلاوي مللا،المرحلة التاليه لهزيمته ،هو الانهيار...
اما نحن يالعشا اب لبن،فلقد كانت ترتارة،او كرة في شراب قديم،هي ام الاماني،،وليس عالما مجنونا يجدد نفسه كل ساعه،ولا يكف الناس عن الجري واللهاث...

Quote: اما اسحق فلقد صدق ورب الكعبة،،فلم تعد الحياة هي الحياة،لم يعد النيل ذاك الطيب الحنين،تزهو وتشمخ علي ضفافه الصفصاف والنخيل،يا اسحق،متي ذهبت اخر مرة،غسلت حزنك علي ضفتيه،هب نسيم حلو منه انعش روحك،غسل اساها،،بل متي حددت دوده،سابحا،لاهيا،والناس الفة وصفاء،والغابة،بحلاليفها،وعبلانجاتها،قرضها عليفها وخريمها،نبقها،لالوبها وحنبكها،ارانب تطارد،وعصافير تملا الفجاج،،اما الان فلقد انكفا كل علي حزنه،،وماتت الضحكات... ويا ودشيقوق،دخل الما بداوي،هزمت التكنولوجيا الحياة،وتجاوزت كل حد معقول،لم يعد ابنك ابنك،ولا زوجك وبنتك،الان ياسيدي يسيطر عليهم غول اسطوري مخيف،لم يعد ما تقوله المدرسة،اوالاسرة،او المجتمع،الا حكاوي بايته خرفة،لا يلقي لها العيال بالا،،لقد برمجهم مصنع اسطوري عملاق،درس تكوينهم،عرف كيف يتسول لهم،يشكلهم كما يريد،،،يعرف العيال الصغار كل اسرار الحياة الغامضة،وغرست فيهم هذه البلاوي مللا،المرحلة التاليه لهزيمته ،هو الانهيار... اما نحن يالعشا اب لبن،فلقد كانت ترتارة،او كرة في شراب قديم،هي ام الاماني،،وليس عالما مجنونا يجدد نفسه كل ساعه،ولا يكف الناس عن الجري واللهاث...

لله درك يا عزو لقد ادركت من رسائل الاخ اسحاق ومن كتاباتكم ، سيما قصة جدك المثيرة للجدل ، اننا نعيش في عالم متطابق الثقافات - عالم تتشابه فيه ثقافات الطفولة بشليلها و رمتها المحروسة الى استراق النظرا ت عبر نفافيج الاصرفة ، في انصاف الليالي ، لنرى ماذا يفعلون وووووو

لقد كنا نتنادى بالترميز او تصفيق الاصابع او صفارة الفم واحيانا شترة بحيمورة لنلتقي جميعا ونندفس كوم واحد تحت شوك السدر الحامي لقطاطي العرسان من الماعز والابقار . كان كل منا يزاحم ليكون الاول والاول والاول ولكن لمشاهدة ماذا ؟ فهذا امره .........

كيف نتناجى فيما لو قدر لنا ان نكون وقتئذ واتسابيين ؟

كان الاباء يزوجون ابناءهم صغارا ويحرصون على ان يشيدوا لهم منازل بجوارهم

نجد اافراد الاسرة ينامون جميعها خارج منازلهم في مواسم الصيف ......

واذا اشتهى منهم فص عنكوليبة لا سبيل له الا ان يمد يده لتناول قشة من القطية ل .............

فكيف يكون الحال لو كان العريسان متوسبين ( من الوات ساب ) آنئذ ؟ بالسين يا اخوانا مش وثبة كل الناس !!!!!

Quote: اما اسحق فلقد صدق ورب الكعبة،،فلم تعد الحياة هي الحياة،لم يعد النيل ذاك الطيب الحنين،تزهو وتشمخ علي ضفافه الصفصاف والنخيل،يا اسحق،متي ذهبت اخر مرة،غسلت حزنك علي ضفتيه،هب نسيم حلو منه انعش روحك،غسل اساها،،بل متي حددت دوده،سابحا،لاهيا،والناس الفة وصفاء،والغابة،بحلاليفها،وعبلانجاتها،قرضها عليفها وخريمها،نبقها،لالوبها وحنبكها،ارانب تطارد،وعصافير تملا الفجاج،،اما الان فلقد انكفا كل علي حزنه،،وماتت الضحكات... ويا ودشيقوق،دخل الما بداوي،هزمت التكنولوجيا الحياة،وتجاوزت كل حد معقول،لم يعد ابنك ابنك،ولا زوجك وبنتك،الان ياسيدي يسيطر عليهم غول اسطوري مخيف،لم يعد ما تقوله المدرسة،اوالاسرة،او المجتمع،الا حكاوي بايته خرفة،لا يلقي لها العيال بالا،،لقد برمجهم مصنع اسطوري عملاق،درس تكوينهم،عرف كيف يتسول لهم،يشكلهم كما يريد،،،يعرف العيال الصغار كل اسرار الحياة الغامضة،وغرست فيهم هذه البلاوي مللا،المرحلة التاليه لهزيمته ،هو الانهيار... اما نحن يالعشا اب لبن،فلقد كانت ترتارة،او كرة في شراب قديم،هي ام الاماني،،وليس عالما مجنونا يجدد نفسه كل ساعه،ولا يكف الناس عن الجري واللهاث...

أولا الشكر الجزيل لمولانا شيخ العرب / الأستاذ الطيب شيقوق
لا بأس أن يشاركنا أصحابنا وأخواننا " ونستنا الدقاقة" وقصصنا وحكاوينا الريفية الممتعة.
الواحد في الغربة اللئيمة يحتاج إلى قاسم مشترك وصديق ولوف يفضفض ليهو.
إت عارف يا ود شيقوق أخونا عبد العزيز من طينتنا وياهو تالتنا وحتشوف براك بيتك دا حيكون عامر كيف

صافي الود للجميع

حبيب الناس ود اللمين بكتب ليك من الموبايل وما لاقي راحتي ابدا واللاب توب خربان اصبر لي لبكرة بس

تدسس في القريشات اظنك ناوي ليك علي بلية ،امرق منهن حق لابتوب سمح،،وله كنون وود الضوي حايدعو تفوقهم الحضاري،،امس ضربت لي عبدالله قال لي بنعمل في الاجراءات ناويين نبعتها للعجوز....ام عبدالله
قم يا ابو عبدالله،انعشنا بحرفك الحلو والندي ،،فمنك تعلمنا ان نتكلم من القلب ،اذا اردنا ان يحتفي لنا بحرف،،انت صاحب الطف حكي.

ود اللمين

Quote: إت عارف يا ود شيقوق أخونا عبد العزيز من طينتنا وياهو تالتنا وحتشوف براك بيتك دا حيكون عامر كيف

هههها الزول دا مسلط بعرفو ليك انا من تبيت يا اسحاق اخوى - عندما كنا برالمة في جامعة الخرطوم اصلا ما بخلينا نمشي تحت شدر اللبخ

كان بقول لي كان مشيت تحت اللبخة ، ساعات المغربية ، الشي الذاكرتو كلوووووووو ، خلال اليوم ، بلحسوهو الجن من مخك وبخليك تمشي على عجل الحديد .

والله من كلامو الزمان داك لهسة بقيت لما اشوف لي شدرة لبخ قامي ابراها بريان بالطوالة بس

Quote: حبيب الناس ود اللمين بكتب ليك من الموبايل وما لاقي راحتي ابدا واللاب توب خربان اصبر لي لبكرة

بعد ما قال (القطية) و(العنكوليب) و(الحادي) ..... جاي يقول بكتب من الموبايل واللابتوب ... ويرسل رسايل بالواتساب و .... سبحانك ربي.

المخلاية بقت لابتوب ... والخيزرانة بقت موبايل ......... نشوف داير تودينا وين تاني.

جايين لمحن الوات ساب خراب البيوت

والعنكوليب كنت حتكوضمو متين !!!!

Quote: واذا اشتهى منهم فص عنكوليبة لا سبيل له الا ان يمد يده لتناول قشة من القطية ل .............

فيصل

عزو

Quote: والعنكوليب كنت حتكوضمو متين !!!!

اهاااااااااااااااااااااااااااااااااااااااااااا جيتوا تبحتوا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قال كرت احمر - في سلة قشة نال بدو فيها كرت احمر؟

Quote: بعد ما قال (القطية) و(العنكوليب) و(الحادي) ..... جاي يقول بكتب من الموبايل واللابتوب ... ويرسل رسايل بالواتساب و .... سبحانك ربي. المخلاية بقت لابتوب ... والخيزرانة بقت موبايل ......... نشوف داير تودينا وين تاني.

خلاص يا اولاد بري نخلي ليكم النييييييييييت دا ونرحل ؟