Post: #1
Title: طعن السفير الروسي وزوجته في الخرطوم
Author: عادل خياري
Date: 01-28-2014, 11:18 PM
Parent: #0
هذا الخبر نقلا عن جريدة الرياض
اذا قلنا الطيارات الإسرائيلية جات طافية النور بتاع افريقيا الوسطى ده يكون ماحاء عن طريق المحطة الوسطى
ونتمنى الخبر يكون كلام جرائد عشان نحس انو في أمن في البلد غير الأمن بتاع المظاهرات
قالت شرطة الخرطوم إن دبلوماسياً روسياً وزوجته طعنا في العاصمة السودانية اليوم الثلاثاء بيد رجل من جمهورية أفريقيا الوسطى التي يمزقها القتال أغضبه مقتل شقيقه.
وقالت الشرطة في بيان إن المهاجم أصاب القنصل العام لروسيا وزوجته بجروح لاعتقاده خطأ بأنهما ينتميان لإحدى الدول التي أرسلت قوات لبلده، وأضافت الشرطة أن القنصل وزوجته في حالة مستقرة.
وقالت الشرطة السودانية أن المهاجم قال للضباط الذين ألقوا القبض عليه واستجوبوه إن شقيقه قتل صباح اليوم في بانجي بأيدي "قوة من إحدى الدول الأوروبية."، وقالت الشرطة في بيان إنه ليست للمهاجم "دوافع أخرى غير الانتقام لمقتل شقيقه، وقال الضابط المنوب في السفارة الروسية في الخرطوم إنه لا يمكنه التعليق ولم يتسن الاتصال على الفور بوزارة الخارجية الروسية للتعليق.
|
Post: #3
Title: Re: طعن السفير الروسي وزوجته في الخرطوم
Author: نادر الفضلى
Date: 01-29-2014, 02:03 AM
Parent: #2
عادل
تحياتى
يبدو الخبر صحيحأً ، اليوم وصلتنى معلومة مؤكدة أن إحدى السفارات الأوربية عممت توجيهاً لرعاياها بالخرطوم
محذرة من المشى فى شوارع الخرطوم لأن إثنين من رعايا دولة أوربية اخرى تعرضا لعدوان بأسلحة بيضاء
فى إحدى شوارع الخرطوم
(أحتفظ بإسم الدولة التى عممت قنصليتها التحذير لرعايها)
|
Post: #4
Title: Re: طعن السفير الروسي وزوجته في الخرطوم
Author: محمد الطيب محمد
Date: 01-29-2014, 05:40 AM
Parent: #3
البلد دى
بقت ماشة
ساكت
الله يحمى الجميع فى الخرطوم
العاصمة
وبقية ولايات السودان
تحياتى
|
Post: #5
Title: Re: طعن السفير الروسي وزوجته في الخرطوم
Author: علي الكرار هاشم
Date: 01-29-2014, 07:13 AM
Parent: #1
اخي عادل
مثل هذه الحوادث تحصل في كل العواصم
وقد ظلت الخرطوم بفضل الله بعيدة عن هذه المشاكل
|
Post: #6
Title: Re: طعن السفير الروسي وزوجته في الخرطوم
Author: ابوحراز
Date: 01-29-2014, 07:39 AM
Parent: #5
يعني هذا المعتوه مما شاف ليهو لحم أبيض طوالي سل سكينو !!!
ذكرني حبوبتي { مع الاحتفاظ بالحق الأدبي والملكية الفكرية } للأخ صلاح غريبة
حبوبتي حكوا ليها الجماعة عن الصينيين في مستشفى ابوعشر
وان علاجهم ماشاء الله
المهم يوم ركبين لينا في لوري
وركب معانا خواجة بريطاني لديه هوس بزيارة أهالي الضهاري
شوية كده ونشوف ليك حبوبتنا قعدت تشتكي للخواجة من آلام في الركبة
وطبعا بلغة دارجية البتكلم عربي ما يفهما
قلنا ليها ياحبوبة دا مادكتور
طيب انتوا ماقلتوا الصينين بيعالجوا في ابوعشر
سجم الرماد دا يطلع شنو يعني ؟؟؟
ماتت الله يرحمها
وعلي بالطلاق سنونها وضروسها كلهن سليمات وبياض ناصع واندفنن معاها
هسي تعرس ليك واحدة من جيل { فير آند ليفلي } تلقاها ولاضرس مافيها
|
Post: #7
Title: Re: طعن السفير الروسي وزوجته في الخرطوم
Author: ismeil abbas
Date: 01-29-2014, 09:08 AM
Parent: #6
Quote:
مثل هذه الحوادث تحصل في كل العواصم
وقد ظلت الخرطوم بفضل الله بعيدة عن هذه المشاكل |
ألأخ/على السلام عليكم..لا ننكر أن كثير من العواصم تحصل فيها مثل هذه الجرائم هذه ليست حجة..يجب أن نعترف أولا بأن بلدنا صارت غير آمنه..كل يوم جريمة ومتنوعة..عشان نعرف كيف نعالج المشكلة..مش كل مرة ننفى والحال ياهو نفس الحال...الدولة على المستوى العالى أقرت بذلك ..فحقوا الدولة تفكر فى حلول مش زى دفن راس النعام فى الرمال ونقول انا محمية.
إحترامى للجميع.
|
Post: #8
Title: Re: طعن السفير الروسي وزوجته في الخرطوم
Author: عادل خياري
Date: 01-29-2014, 11:17 PM
Parent: #7
الاستاذ نادر الفضلي
لك من التحايا اجملها واكملها
Quote: عادل
تحياتى
يبدو الخبر صحيحأً |
نعم تاكد لي ايضا بكل اسف انه صحيح
ولكني استغربت في التعتيم او عزوف المواقع الالكترونية من تناول هذا الموضوع حتى لخلته كلام جرايد
نسال الله الامن والامان لساكني السودان
|
Post: #9
Title: Re: طعن السفير الروسي وزوجته في الخرطوم
Author: عادل خياري
Date: 01-30-2014, 00:14 AM
Parent: #8
سلام محمد الطيب
ياطيب
Quote:
الله يحمى الجميع فى الخرطوم
العاصمة
وبقية ولايات السودان
|
الحوادث الاجرامية ليس مقصزرة على منطقة او دولة معينة
لكن طعن ديبلوماسي ماعادي
رينا يحمي الوطن
نعم
|
Post: #10
Title: Re: طعن السفير الروسي وزوجته في الخرطوم
Author: عادل خياري
Date: 02-08-2014, 10:43 AM
Parent: #9
الطيب موسى · اقتصاد جامعة الخرطوم
ابو حراز يا حبوب : انت داير بالضروس شنو؟
رد · أعجبني · متابعة المنشور · 29 يناير، الساعة 07:09 صباحاً
ا
|
Post: #11
Title: Re: طعن السفير الروسي وزوجته في الخرطوم
Author: مهدي صلاح
Date: 02-08-2014, 05:03 PM
Parent: #10
| Quote: يعني هذا المعتوه مما شاف ليهو لحم أبيض طوالي سل سكينو !!! |
إحقاقا للحق ، حسب ما جاء في تفاصيل الخبر الافريقي المعتدي حاول يتأكد من هوية الضحية لكن السفير الروسي ضيعو ادبو الزايد حيث كان يهز راسه بالايجاب من باب
التادب او يمكن قايل الجاني بيمتدح لوكاشينكو او سياسة بوتين لحدي ما جاتو الطعنة من حيث لا يحتسب
بس الافريقي قالوا أكل علقة (ما اكلهاش حمار في مطلع)
اسمح لي الاخ خياري باضافة هذه الرابط حيث يحوي القصة وملابساتها:
القصة الكاملة لمحاولة اغتيال القنصل الروسي وزوجته في الخرطوم
|
Post: #12
Title: Re: طعن السفير الروسي وزوجته في الخرطوم
Author: عادل خياري
Date: 02-13-2014, 07:43 AM
Parent: #11
الاخ علي الكرار
تحية واحتراما
تشكر على المرور واسف على التاخير في الرد
الشغل والجري والاولاد
المهم نرجع ليك Quote: اخي عادل
مثل هذه الحوادث تحصل في كل العواصم
وقد ظلت الخرطوم بفضل الله بعيدة عن هذه المشاكل |
والله فعلا الجرائم موجودة في كل مكان وليس حصرا على دولة دون غيرها
والدليل على صدق كلامك كل دولة عندها بوليس وسجون لمحاكمة المجرمين
لكن طعن سفير او اي ديبلوماسي دي مابتحصل الا في دولة تعتبر ارهابية كما حصل في ليبيا وحرق السفارة
وتفجيرات لبنان وهذا ارهاب ممنهج
لكن السودان الكان بلد امان لدرجة انو كارلوس كان يدخل ويمرق على كيفو سنين عددا
يطعنوا فيه السفير نهارا جهارا
دي مابتحصل في كل العواصم الا عاصمة تفتقر الى الامن والامان نفسها وحينها فاقد الشئ لايعطيه وان كان سفيرا
|
Post: #13
Title: Re: طعن السفير الروسي وزوجته في الخرطوم
Author: عادل خياري
Date: 02-13-2014, 08:25 AM
Parent: #12
سلام ابو حراز وبي مطرك ومن غير مطر حبابك الف
Quote:
ماتت الله يرحمها
وعلي بالطلاق سنونها وضروسها كلهن سليمات وبياض ناصع واندفنن معاها
هسي تعرس ليك واحدة من جيل { فير آند ليفلي } تلقاها ولاضرس مافيها |
الله يرحمها حبوبتك
لو داير تعرف الفرق بين بنات اسه ونسوان زمان ح تتعب
خليك مواكب بس
|
Post: #14
Title: Re: طعن السفير الروسي وزوجته في الخرطوم
Author: محمد نور عودو
Date: 02-13-2014, 10:15 AM
Parent: #13
| Quote: ونتمنى الخبر يكون كلام جرائد عشان نحس انو في أمن في البلد غير الأمن بتاع المظاهرات |
سلامات
الأخ الفاضل
عادل خياري
الخبر صحيح ما كلام جرايد وهنا خبر تنازل القنصل الروسي عن حقه الخاص كما ورد في جريدة (اليوم التالي)
Quote: الخرطوم – إيمان سالم
تنازل قنصل روسيا الاتحادية في الخرطوم عن حقه الخاص في مواجهة أجنبي متهم بتسديد طعنات له وزوجته أمام السفارة الروسية، والتمس القنصل أمام أسامة أحمد عبدالله قاضي المحكمة الجنائية بالأوسط الخرطوم أمس من المحكمة الفصل في القضية بما يقتضيه القانون السوداني، بينما قدم المتهم عند استجوابه، اعتذارا للشاكي وزوجته أمام القاضي، وقال إنه لم يكن يقصد إيذاءهما ولكنه كان يقصد قتل أي مواطن فرنسي انتقاما لمقتل شقيقه الأكبر على يد القوات الفرنسية في (بانغي) عاصمة أفريقيا الوسطى، وأبان أمام المحكمة أنه لم يكن يعرف أن القنصل وزوجته روسيان وأن أحد الطلاب ضلله بالخصوص
اليوم التالي |
|
Post: #15
Title: Re: طعن السفير الروسي وزوجته في الخرطوم
Author: عادل خياري
Date: 02-14-2014, 11:43 AM
Parent: #14
الاخ مهدي
لك التحية وشكرا على المرور والاضافة
Quote: اسمح لي الاخ خياري باضافة هذه الرابط حيث يحوي القصة وملابساتها:
القصة الكاملة لمحاولة اغتيال القنصل الروسي وزوجته في الخرطوم |
اتفضل اذنك معاك البوست حقك
|
Post: #16
Title: Re: طعن السفير الروسي وزوجته في الخرطوم
Author: عادل خياري
Date: 02-14-2014, 11:45 AM
Parent: #15
الاكرم محمد نور
تشكر على المرور
وتشكر ايضا على رفد البوست بما هو مفيد وفي السياق
نسال الله ان يجنب بلادنا الفتن والمحن والاحن
|
|