ناس سودانيز ما بفهمو !

آي
العنوان صحيح

وما براهم كمان

البلاغة هي أحد علوم اللغة العربية، وهو اسم مشتق من فعل بلغ بمعنى إدراك الغاية أو الوصول إلى النهاية. فالبلاغة تدل في اللغة على إيصال معنى الخطاب كاملا إلى المتلقي، سواء أكان سامعا أم قارئا. فالإنسان حينما يمتلك البلاغة يستطيع إيصال المعنى إلى المستمع بإيجاز ويؤثر عليه أيضا فالبلاغة لها أهمية في إلقاء الخطب والمحاضرات. ووصفها النبي محمد في قوله: «إن من البيانِ لسِحرًا.» رواه البخاري.

يقول ابن الأثير: «مدار البلاغة كلها على استدراج الخصم إلى الإذعان والتسليم، لأنه لا انتفاع بإيراد الأفكار المليحة الرائقة ولا المعاني. اللطيفة الدقيقة دون أن تكون مستجلبة لبلوغ غرض المخاطب بها.»

http://ar.m.wikipedia.org/wiki/بلاغة

تابعت اليوم مكرها القنوات السودانية لفك ما استغلق علي من حديث السيد الرئيس
وحمدت لأغلب المذيعين قولهم أن الناس أحبطوا
فقال بعض اهل العلم من ذوي المعرفة والإختصاص !
ومقرظين الخطاب
إن لغة الخطاب كانت فلسفية ! ولغته كانت عالية ! فلا يتوقع من المواطن فهمه !
ومتبرعين بالحل وفض الاشتباك
علي الحكومة وهيئاتها ايجاد آلية لشرح مضامين الخطاب للناس
آي والله جنس ده !

يجب علي الزعماء
مخاطبة الناس قدر عقولهم

فده منطق بائس , منطق التبرير للأخطاء بإرتكاب خطأ جديد
فما قاله هؤلاء يعد قدحا في الرئيس
عجز الرئيس عن إبانة ما يريد قوله لمواطنيه ,
أضف لذلك من يعتبر ان لغة الخطاب كانت عالية يفضح معرفته! فهو يتحدث عن ذاته وعن ماعونه المعرفي البائس , ولفقره المعرفي يعتبر كل قولا مبهما بلاغة , متناسيا اسس البلاغة والغرض منها وهو الإبانة وان يفقه الآخرون قولك

كنا المدارس نقول
ان استاذ فلان ما بعرف يشرح
فيقول لنا بعضهم
لكنه فاهم
متناسين ان مهمة الاستاذ هو الشرح , وليس فهمه

والله نحن , ونحن ضمير منفصل وتعني السودانيون قاطبة
بنعرف الشعر الحديث برمزيته العالية , وعندنا شعراء افذاذ , بكتبو لينا وبنعرف نضميهم , ولهم لغة عالية وعميقة
وعندنا دكتور عبدالله الطيب الذي رد حينما سئل عن معرفته للغات
فقال
أجيد الانجليزية وقليل من الفرنسية وبعض العربية
البروف بكامل معرفته الموسوعية يتواضع او قد تكون تلك قناعته ان العريية بحرها واسع
فكيف يزايد علينا صغائر المحللين وصحفي جرائم من خارج الحدود

يقول اهل الدين
من قال لا أعلم فقد افتي
انا غايتو مالقيت لي زول قال فهم حاجة

Quote: انا غايتو مالقيت لي زول قال فهم حاجة

سلامات
ود أبو سن
غايتو كان لقينا زول فهم حاجة من خطاب الرئيس.
بنعزمو فطور سمك في كوستي وخليك جاهز
سلام

مرحب محمد نور
ههههه
كدي النلقا واحد في الاول ,, السمك هين

امبارح قناة الشروق عاملة استطلاع حول خطاب الرئيس
شيوخ و شباب
قالوا
مافهمو حاجة
ومحبطين

Quote: ناس سودانيز ما بفهمو

طيب يا حبيب .... مشكلة (ناس سودانيز) هنا شنو؟
مش موت الجماعة عرس؟

_____
غايتو إنت ومحمد نور عودو أمشو لي ود الباوقة ....... يكون طالبكم سمك في كوستي.

مرحبا ابوالعزائم
ود الباوقة مرحبا به في أي وقت بكوستي

ود ابو سن اجمل نقد وتحليل لهذا الخطــاب المزعوم

بالرغم تمشدق الكثيرين بأنهم فهموا هذا الخطاب

ولكن تظل الحقيقة ماثلة وهي فشل الخطــاب عندما لا يستطيع الوصول لكافة الناس


إذا كان هذا الخطاب في دار إتحاد الكتاب السودانيين وموجه للكتاب والأدباء وغيرهم من المثقفاتية كنا قلنا معليش

لكن خطاب لجماهير الشعب كافة

أها زي دا بيسموه الفشــل !

الحكاية ما موضوع فهم
الحمد لله عندنا نصيب من اللغة و بنفهم خطابات اصعب من خطاب البشير ده
مشكلتنا مع الخطاب انو فيه كلمات مافي داعي ليها خطاب حيثمائي من الدرجة الاولى الكلام القالوا البشير في اكتر من ساعة كان بإمكانه يختصره في خمسه دقائق
والعرب بتقول خير الكلام ما قل و دل و بقولوا البلاغة في الإيجاز كمان وجوب مطابقة الكلام لحال السامع من حيث نصيبه من اللغة و قدرته على استماع خطاب قدر ده
انت بتخاطب شعب ما بتخاطب نقاد لغة عربية فمافي داعي تحشد الكلامات الغريبة عليهم وتحشرها حشرا في الخطاب لانو مافي حاجة ليها
قول كلام مفهوم للناس يوصل الفهم المقصود لانو الحشو الكتير ضيع مضمون الخطاب والناس بقت ما عارفة البشير هو عايز يقول شنو
والبشير ذاتو لو سمع الخطاب من زول تاني ما كان فهمه وهو هسه ما فاهمه بس لانو عارف الفكرة شنو
هسه قول لي الفرق شنو بين اندغام واندماج الاسهل شنو للناس؟!
البشير بخاطب ناس فيهم العالم وفيهم من هو اقل علما وفيهم الامي و فيهم الصغير وفيهم من العربية ليست بلغته كان لزام عليه يقدم فكرته في خطاب واضح
وبلغة جميلة وبسيطة يفهمها كل الناس و يا حبذا لو كان بالدارجية او بالعربية الحديثة

إضافة

هسه لو قال نهضة ما احسن من وثبة دي؟!
الناس كلها مسكت فيها و سابت الموضوع خخخخخ

سلام شباب

جهزوا عزومة السمك :)

مرحبا عاصم
الله يجبر بخاطرك ياخ
وممل قراءة ,, سمع ده كنت ناوي لكن جليت الفكرة
الهدف : تطمين الناس
النتيجة : مزيدا من الاحباط
يبقي الخطاب فشل فشلا ذريعا في هدفه

مرحبا محمد صديق
ههههههههه
قال ليهو فيها حيثما ,, امسحا ?
آي ياخ امسحها دي البوظت الخطاب كلو
كثيرا من الود

مرحبا هاني عربي
ههههه
فأبشر بطول سلامة يا سمك كوستي