وصول ثلاجه حفظ الامصال لمنطقة أمرى القديمه محليه مروى

يوم 16 شهر يوليو 2013 توجهة الزميله والاخت المثابره فى عمل الخير وضاحه بنداء لاهل الخير فى هذا اللينك
***نداء عبر سودانيز اون لاين لى اهل الخير والبر فى شهر الرحمة *****


اخوانى واخواتى واحبايى سلام الله عليكم أجمعيين
وكل عام وانت موفورو الصحة والعافية باذن الرحمن
قام احد اخواننا فى المنتدى بفتح بوست يحكى فيه عن مأساة طفلة قد توفاها الله فى منطقة امرى والمناصير بسبب تعرضها للدغة عقرب
وتم نقلها لى المستشفى و قد وافتها المنية ولم يستطاع الطبيب اسعافها لعدم توفر المصل فوافتها المنية
لها المغفرة والرحمة باذن الرحمن

اها يا جماعة اهلنا في مناطق المناصير وغيرها يحتاجون لمصل العقارب وغيره من الامصال خاصة في مثل هذا الوقت من العام حيث يكثر خروج العقارب و الهوام


اتصلت اليوم ببعض الزملاء و الاطباء فى الخرطوم حيث تبين لهم توفر المصل فى الامدادات الطبية ويسجرى التنسيق لبحث امكانية توقيرها وارسالها للمناطق التى تحتاجه
أودُّ الإشارة إلى أن هذا العمل باب مفتوح لمساهمات الجميع كلُّ بما يستطيعه فقط يلزمنا فتح قنوات للحوار مع الإخوة في المناطق المعنية ليبينوا لنا الجهات الموثوق بها والتي تستطيع استلام المساعدات وإيصالها لمستحقيها

كان لى اتصال فى العام الماضى مع مجموعة من شباب المنطقة قمنا بحملة لى ذات الغرض لكن للاسف انى فقدت الاتصال بهم
وارجو ان يساعدنا الاخوة الذين لهم علاقة بمنطقة المناصير وامري في التواصل معهم
والاخوة الراغبين في المشاركة في هذا العمل يمكنهم التنسيق عبر هذا البوست او معي او عبر الاخ علي محمد الفكي او الاخت رانيه


دا النك الورد فيه الخبر
بس للاسف العنوان شين وقبيح

اقعدو انتو في اركب ما اركب وبنوتنا بموتن بالعقرب

تحياتى

وبفضل الله سبحانه وتعالى اولا
ومجهوداتها ومجهودات الاخ والزميل الرائع على محمد الفكى ومحبين الخير ثانيا
تم تلبية النداء اخيرا
واليوم بحمدالله وعونه استلمنا الثلاجه
وان شاء الله فى الايام المقبله سوف يتم ايصالها الى منطقة أمرى القديمه بعد توفير الامصال المعالجه للدغ العقارب

التحية لك اختى رانية وانتى تزرعين الامل والبسمة فى وجوه اهلى المناصير ...
وربنا يتقبل منك ويجعلها فى ميزان حسناتك .

(إن الله لا يضيع أجر من أحسن عملا)


قواكِ الله

الحمد لله الذى به تتم الصالحات
عمل رائع و مُقدر و بحفظ المصل و تواجده فى المنطقة بأذن الله
سيكون سبب فى أنقاذ الكثير من الأرواح ...
جزى الله كل من ساهم خيراً و عوضه أضعاف ما قدم ...

سلام رانية
مجهود مقدر يا وضاحة وان شالله ربنا يجعلها فى ميزان حسنات كل من اسهم فى انجاح هذا العمل


جزاكم الله خيرا




على سرالختم

شكرا رانيا
و.
وضاحة تعجز الكلمات عن شكرها
لا يسعنى الا وان اقول وفقك المولى وسدد خطاك
كونى بخير










قاسم المهـداوى

يا الله


فيما (تثب) الحكومة على أرواح الناس
وتزهقها بالحروب والإهمال
ينبري نفرٌ طيبٌ ويسعى لحفظها

حفظكم الله من كل سوء وبلاء

وشكراً عاجزة لا تكفي
جعل الله ذلك في موازين حسناتكم
....


تحياتي واحترامي

الأخت رانية السلام عليكم
سررت أيما سرور بهذا المشروع وهو يرى النور
ويقوم بانقاذ الأرواح مباشرة. أنا من منطقة بوسط
السودان نعانى مما يعانى منه أهل منطقتكم وجود
عقارب وثعابين فتاكة وقاتلة ونحتاج الى ثلاجة
كتلك عليك الله ورينا تمنها وكيفية الحصول عليها
ويظهر من الصور أنها تعمل بالطاقة الشمسية
ومدى توفر الأمصال بالسودان ودا كلوا ماشى على
موازينك ان شاء الكريم

وضاحة

يا ست ستهم وست البنات لي حدهن
ليك التحية وانت تعملين في صمت لمساعدة اهلنا في السودان
إن لله عبادا اختصهم بقضاء حوائج الناس
حببهم في الخير وحبب الخير اليهم اؤلئك هم الامنون من عذاب يوم القيامة
أسأل الله ان يتقبل منك صالح الاعمال ويوفقك في عمل الخير
رد بليغ للذين يملأون الدنيا ضجيجاً ومطاردة وسب وشتم
وتشكيك في هويات الناس ... سيري وعين الله ترعاك يا وضاحة


كوني بخير

من هنا كانت البداية عبر النداء الذي وجهته البنت الخير وضاحة

***نداء عبر سودانيز اون لاين لى اهل الخير والبر فى شهر الرحمة *****

وضاحة لا تكفيها كلمات الشكر ولا تفيها حقها كل عبارا التقدير على المجهود الكبير والمساهمة الدائمة في كل اعمال الخير فهي كانت دوماً سباقة في كل نداء للخير تعطي باخلاص وتفاني وتعمل باجتهاد وصمت من اجل الاخرين . تحمل بداخلها قلب نقي رائع يحمل اجمل معاني العطاء والتفاني في خدمة الاخرين ...
افضل الناس من يعمل بلا مقابل ومن يعمل باثر بلا صوت وهكذا كانت وضاحة في كل الاعمال التي قامت بها وليس ثلاجة حفظ امصال العقارب وامصال العقارب اولها ومتاكد انها لن تكون اخرها باذن الله ..
مبارك عطائك ولك خالص الشكر والتقدير وانت تنقذين طفولة الصامدين في امري القديمة متمسكين بالارض رغم ما حاق بهم من ظلم وتجني لك التحية ايتها الوضاحة الواضحة الرائعة البنت الوطن البنت الخير ..

ولا يفوتني ان اشكر سودانيز اونلاين وهو يؤكد حمله لهم الوطن والمواطن لك التحية اخي بكري وانت تجعل كل ذلك ممكناً ..
وبعد نداء البنت الخير وضاحة كانت الاستجابة من ثلة كريمة من بورداب سودانيز بالامارات والسعودية لهم الشكر وكان للاخ عثمان رقيم القدح المعلا في هذا العمل وبذل كل الجهد في ان يكون النداء واقع الى ان تكللت جهوده بتصنيع الثلاجة خصيصاً وكل ذلك باتصالاته وعلاقاته وقد تحمل استعجالنا بصبر متاصل فيه فكان مدرسة لنا فله منا الشكر والتقدير ..
اما الاخت الرائعة رانية الشيخ التي تعاونت معنا وفرغت نفسها لمتابعة اجراءات الجمارك والاستلام واستلام التبرعات المحولة .. وهي بحق نموذج مشرف لحواء بلادي لها الشكر وهي تعطينا الامل
والتحية للاخ حامد بدري اول من اشار الى ماساة اهلي امري وكان اول المساهمين عندما انطلق النداء

رانية محمد الشيخ , وضاحة , على محمد الفكى , فى ميزان حسناتكم وكثر الله من أمثالكم , هذا عمل
جليل وجهد مقدر لمساعدة الأهل الذين رفعت حكومة الخراب أياديها عن احتياجاتهم الأساسية , لكم
أطنان من التقدير والاحترام .

في ميزان حسنات كل من شارك .

السلام عليكم ورحمة الله وبركاتة
اخوانى واحبابي واصدقائ بحوش بكرى ابوبكر اشكركم جميعاً
اعزائي
الجميع يشهد بريادة موقع سودانيز اونلاين وصاحب الموقع وعضويته فقد كان وما زال له الدور الاكبر في نشر الوعي وثقافة الحوار
والتصدي لهموم وقضايا السودان والسودانيين وانطلقت عبره كثير من نداءات الخير وتسابق اعضاؤه وقراؤه للاستجابة
ويا بكري يا اخوي يوم شكرك ما يجي تعجز الكلامات فى مدحك وشكرك
ومن النداءات التي انطلقت عبر هذا الموقع كان النداء الذي اطلقته بعد بوست كتبه الاخ حامد بدري عن وفاة الطفلة عائشة من امري القديمة بلدغة عقرب ووقوف الطبيب مكتوف الايدي لعدم توفر مصل العقرب
اطلقت النداء لتوفير مصل العقرب ولكن من خلال البوست تبين لنا عدم وجود ثلاجة لحفظ الامصال وعدم توفر الكهرباء بامري القديمة فكان لابد من توفير ثلاجة بمواصفات لهذه المنطقة
وتسابق اخوة اعزاء كرام ملبين النداء تبرعا ومساندة ومؤازرة فكل الشكر لمن تبرع او دعم بكلماته ورايه
وكان العم عثمان رقيم وبعض من بورداب الامارات في المقدمة
عمنا عثمان ( الخير ) من اليوم حا اناديك الخير زى ما جدتى بتنادى والدى
اعجز عن شكره وهو كما قال علي اخوى كان لنا مدرسة وكثف اتصالاته ليتم الاتفاق على تصنيع الثلاجة بمواصفات مخصصة
عثمان اخو البنات واخوا شمة شيال التقيلة ربنا يخليك ويحفظك والشكر ليك ما كفاية في ميزان حسناتك وربنا يجزيك كل خير
وست البنات البت الحديقة رانيه النحلة بدونه ما عارفه كنا نعمل شنو ربنا يديك الفي مرادك يا رنوش ويخليك لينا وربنا يجزيك كل خير على ما قدمتى لينا من مساعدة
اما على اخوى وابن خالى ما بعرف اقول فيه شنو
على الانسان بما تحمل هذه الكلمة من معانى وحروف
راجل يملئ العين وكفاء

علوي اخوى

على سيد الرجال الماتلقالو نديد
على كرمو المدفق فوت ومطلوق ايد
على عزما علي النايبات صميم وشديد
عند الضيف وساعة الحار حماسو بزيد

التحية لكم جميعاً وعاجز عن الشكر



وايدنا للبلد واهلنا الطيبين البسيطين الحنيني

تحياتى للجميع

اختكم وضاحة

Quote: Ummoayad Moayad · الأكثر تعليقا مجهود مقدر يا رانية كتر خيرك . ان شاء الله في ميزان حسناتك يا وضاحة . وربنا يذيدك من فضله .

شكراً الاخت العزيزة ام مؤيد
نتمنى ان نكون كما تتمنون ان ترونا دوم
وربنا يقدرنا نساعد كل من يحتاجنا من اهلنا في السودان
ربنا يتقبل مننا دعواتكم

تحياتى يا غالية

والله العمل ده،،شال وجع الراس الماسكنا من البارح،،الوطن بخير،،

Quote: والله العمل ده،،شال وجع الراس الماسكنا من البارح،،الوطن بخير،،

حباب عزو

تبرى من وجع الراس ان شاء الله لى عدوك

تحياتى يا حنين

االأخوان
نور الدين عثمان
محمد المكي
علي عبدالله البشير
امينوف الما بعرف الخوف
علي سر الختم
قاسم المهداوي
بلة محمد الفاضل
عبد الله التوم
فيصل عثمان
محمد جمعه
كل الكلمات دي لي والله كل الحروف عجزت وتلاشت اختفت والكيبورد ساده قدامي من الخجل وما عارفة اعبر ليكم كيف
يكفيني منكم دعوة صادقة من القلب وانا والله قطرة من عطائكم ومنكم بتعلم
وانتو الخير والبركة وربنا يسخرنا دوام لي فعل الخير والدنيا ايه تسوى من غير لمة الناس في فرح او ساعة حزن
ويبقى مافى فينا فايدة لو في ايدانا شي نقدر نقدموا ونساعد بيه اهلنا فى السودان ونبخل به

تحياتى لكم جميعاً
احبكم فى الله جميعاً

ولا ننسى محمد الحوري احد شباب امري القديمة الذي ما أن راى بوست النداء عبر سودانيز
حتى تواصل معنا و ظل على تواصل دائم معنا حتى اخر لحظة
شاب مهموم بقضايا اهله
له من سودانيز كل التحايا

*** الحمد لله والشكر لله حمدا يليق بجلال وجهه وعظيم سلطانه .

*** الشكر لكم جميعا .

*** وأود أن اخص بالشكر أخونا وحبيبنا عثمان رغيم الذي تحمل ضغط ( الكلتش ) المتواصل من وضاحة وآخرين .

ما شاء الله تبارك الله


مجهود مقدر أخوتي الكرام


تقبل الله صالح أعمالكم


جزيتم خيرا

الشكر لله ولكل من ساهم في العمل الرائع ...

ما تقيفوا ... ارمو لي قدام ... وشوفوا الوجعه وين ؟ ....




ونحن حاضرين .............


(( عن بورداب الامارات لو سمحوا بذلك))

كونو كالمطر اينما حل نفع ربنا يوفقكم للخير وصول التلاجه امر مشرف للجميع

Quote: كونو كالمطر اينما حل نفع ربنا يوفقكم للخير وصول التلاجه امر مشرف للجميع

الاخ حامد
لك كل الود والاحترام
لولا صرختك وتنبيهنا لم نكن نعلم يا ريت كل الناس تحكى عن المشاكل وطرحها هنا فى المنتدى والناس تحاول تجد ليها حلول
شوف انت الحين بتنبيهك لينا حا تنغذ كم طفل فى منطقتكم من العقارب

تحياتى لك وعاجزة عن شكرك لانوا كنت الضوء الذي عكس وطرح المشكلة هنا
ولم تبخل بمساهمتك فى عمل الخير هذا
في ميزان حسناتك يا ملك

تحياتى
كن بخير

Quote: الشكر لله ولكل من ساهم في العمل الرائع ... ما تقيفوا ... ارمو لي قدام ... وشوفوا الوجعه وين ؟ .... ونحن حاضرين ............. (( عن بورداب الامارات لو سمحوا بذلك))

حباب الاخت عفاف
ونحن على استعداد لمد يد العون لى كل محتاج
وايدكم معانا ايد فى ايد زى ما بتقولوا فى السودان تجدع بعيد
وياريت ايدينا تتماسك ببعض ونكون اقوى ونساعد كل من يطلب المساعدة

كل الود يا غالية

Quote: ما شاء الله تبارك الله مجهود مقدر أخوتي الكرام تقبل الله صالح أعمالكم جزيتم خيرا

شكرا الاخ حسين مرورك اسعدنا[

تحياتى/B]

Quote: *** وأود أن اخص بالشكر أخونا وحبيبنا عثمان رغيم الذي تحمل ضغط ( الكلتش ) المتواصل من وضاحة وآخرين .

حباب الطيب عثمان

حالتى كنت خاتة الجير فيD شوية كده وكنت طرت طير
وضاحة متعودة تعمل الحاجات بسرعة و تجرى علشان تشوف البعدوا وتحاول تساعد كل من تجد نفسها ممكن تقدم ليه حاجة
الشكر موصول ليك ولى اولاد البلد بورداب الامارات اولاد الرجال الهميمين الاصيلين الذين ساهموا معنا
عاجزة عن الشكر والله
كل الود

الف تحية للاخ محمد الحورى
فهو مثال يعتز به لهتمامه باهل المنطقه وهموم اهلوا

ليت كل شباب السودان مثل محمد الحورى

تحياتى

أخُتنا في الخير رانية،

أمبارح بَسْ ختمت إستماعي لكتاب مسموع (Audio Book) إسمو: التجربة الأفريقية (The African Experience) لبروفسور تاريخ أمريكي إسمو: Kenneth P. Vickery

الكتاب عبارة عن محاضرات (36 محاضرة مدة المحاضرة 30 دقيقة)، في آخر المحاضر الخاتِمة، أورد برفسور فيكيري ثلاثة أمثلة عن إنو الأمل والحلم في أفريقيا حيظل حي وعصي على الموت، ومن بين الأمثلة الثلاثة حكاية شاب أفتكر في مالي لو ما تخوني الذاكرة.
الشاب دا عمل بالضبط الشغل النبيل البتعملي فيهو هنا: عمل على توفير ثلاجات لحفظ الأمصال الخاصة بالأطفال .......


دا عمل نبيييييل، ويصب بجمال وعزم واقتدار في خانة ما قاله الحكيم الصيني "كونفشيوس": أن توقد شمعة، خير من أن تلعن الظلام.


ويا ريت تدون رقم حساب عشان نساهم في عمل الخير دا ......

يا سلام عليكم ....يا أهل الخير ... والله يديكم الف عافيه ...
رانية محمد الشيخ , وضاحة , على محمد الفكى , وكل من ساهم في هذا العمل الخيري لمساعدة المحتاجين ..
والله يكتر من امثالكم وفي ميزان حسناتكم ان شاء الله ...
لكم فائق الود والتقدير ,,,

تحياتي ,,

من نافذة الفيس

Quote: Hassan Farah · Tallinn, Estonia وكما عهدناك يا بنت الحبيل كنداكة ديمة رافعة رأسنا سيحفظ الله والشعب لك جميلك فخورون بك عمك ابوليلى رد · أعجبني · متابعة المنشور · منذ ‏8‏ ساعات

Quote: Abdelrahman Abu Zaid • متابعة وضاحة يا فجر الغلابة ...كوني بخير دوما وكلك احساس يا الحاسة بحسس المحرومين رد • أعجبني • متابعة المنشور • منذ ‏14‏ ساعة

تسلمن يا بنوت سودانا العامر بكنداكاتو ..
التحية والتقدير والوقفة ليك يا ياوضاحة
يا واضحة . وربنا يديك الفي مرادك .

كانت فصة ثلاجة الامصال معانة لذيذة تدفع للتأمل في احوال النفس البشرية
و الي متن الموضوع
في شهر يوليو 2013 كتبت بتنا وضاحة علي خلفية استشهاد عائشة (و التي كان العمر امامها ) و كان الحل لوقف ان تفترس العقارب اطفالنا و اهلنا في امري الاصل الشامخ و علي خلاق ما يرد عادة في هذا الحوش عرضت وضاحة مشكلة و وصفت لها حل . والتقطنا هنا في الامارات اللاقط و قلنا علينا الثلاجة ذات المواصفات . و تواصلت في ذلك مع الاخ الفاضل / محمد علي الفكي و دكتورة وضاحة و اتفقنا تقريبا انه الافضل هو استجلاب الثلاجة الخاصة من الصين ..... ولكن عندما يكون الموضوع الصين فالجودة و الصلاحية تكون الاهم الاول .... و في نفس الوقت كان امامي رحلة عمل الي غرب افريقيا اتصلت بمكتبنا بالصين لاستجلاب عروض من شركات معروفة و حريصة علي الجودة وحيث كان موعد سفري قريب و لا اثق في احوال الانترنت و الجوال حيث اذهب .... اعطيت تلفون مديرة المكتب في الصين الي وضاحة بتتابع معهم و كانت هنالك نقطة مهمة فاتني ان الفت نظر وضاحة لها و هي انني قد اتفقت مع شركة اخري متخصصة في ان تكون البضاعة المشحونة مطابقة للمواصفات التي اتفق عليها البائغ و المشتري ........... المهم تثلاث شركانت كانت هنالك مشكة في المحول الكهربائي وهي انه عندما يغصل الثيرموستات التيار الكهربائي عن الثلاجة لثبات درجة البرودة عند المستوي المطلوب ايضا يقوم المحول بفصل التيار الواصل من البطارية ( التي تتم تغذينها غن طريق خلايا الطاقة الشمسية) و عندما ترتفع درجة الحرارة داخل الثلاجة ويقوم السيرموستات باعادة توصيل التيار الي محرك الثلاجة لا يوصل تيار الي الثلاجة لان المحول انفصل اتوماتيكيا من البطارية و لكن ليس به خاصية التشغيل الاتومانيكي ............. المهم كانت الشركات التي تصنع الثلاجات تشتري وحدة الطاقة الشمسية من شركات اخري ة خنا بين هؤلاء و هؤلاء و في النهاية لم يستمع لنا احد لاننا نشتري ثلاجة واحدة من مصنع الحد الادني للطلب فيه حاوية 40 قدم (160 ثلاجة) المهم تصادف ان كنت مسافر الي الهند قي مهمة عمل فطلبت من الشركة الهندية ان يضعو في برنامجي زيارة شركة تغمل في مجال الطاقة الشمسية وشرخت لهم بالتقصيل الممل الثلاجة المطلوبة ................ و قبل سفري بيومين جائني اتصال هاتفي من الهند :
أنا :- مرحبا
هو:- انا انكيت سابو المدير التنفذي لشركة سابو للطاقة الشمسية وانا ابن شيري سابو رئيس مجلس الادارة لمجموعة سابز الهندسية و لقد طلب مني ان اتصل بك لاحضر لك ما تريد

اها جاء الفرج .......... عندما وصلت الهند طلبت ان اشوف الثلاجة واحضر فحصها و شحنها .... فقالوا لي لا يمكن ذلك لا الشركة المنتجة في ولاية قوجرات وهذه المنطقة بعيدة و تحتاج ليومين للذهاب و العودة و كذلك لابد من ان نتاكد من ان الثلاجة جاهزة وهذا مصنع لم يزافق ان يبيعانا ثلاجة واحدة الا بعد وساطه كبيرة ............ المهم صممت قلت لهم دعوا احد المهندسين يعمل يوم الاحد و سوف اسافر مساء السبت بسيارة وارجع مساء الاحد و الغي برنامج زيارة حديقة شنو كده (نسيت اسمها ) ولقد حصل و كانت زيارتي مهمة جدا حيث حصلنا هلي وعد بان تصمم لنا ثلاجة تكون متلائمة مع متطلبات الطاقة الشمسية بكفاءة عالية و ان تكون صالحة لحفظ الامصال وعندما عرضت عليهم قصة العقارب و موت الاطفال قالوا انهم سوف يقوموا بالتحديثات بدون طلب قيمة اضافية .
المهم رجعت من الهند و شحنت الثلاجة من قوجرات الي نيودلهي حتي يتم شحنها الي الخرطوم علي الاثيوبية
وظلت الثلاجة قابعة في مطار دلهي لاكثر من شهر و لا احد يفيدنا واخيرا اتضح ان جماعة السلامة الجوية يرفضون شجن البطارية علي متن الطائرة ..... المهم اخير شحنت الثلاجة الي بولندا /وارسو / الخرطوم .................... طريقة هندية
طيلة هذا الوقت سكت عن الكلام المباح و لكن كنت اتواصل مع محمد الحوري من ابناء امري ولقد عرفته بالمهندس الهندي الذي اغاد تصمميم الثلاجة وتواصل معه و شحنت الثلاجة باسم محمد الحوري من ابناء امري الباسلة

و هذا نموذج لتقارير متابعة الشحنة

Quote: كانت فصة ثلاجة الامصال معانة لذيذة تدفع للتأمل في احوال النفس البشرية و الي متن الموضوع في شهر يوليو 2013 كتبت بتنا وضاحة علي خلفية استشهاد عائشة (و التي كان العمر امامها ) و كان الحل لوقف ان تفترس العقارب اطفالنا و اهلنا في امري الاصل الشامخ و علي خلاق ما يرد عادة في هذا الحوش عرضت وضاحة مشكلة و وصفت لها حل . والتقطنا هنا في الامارات اللاقط و قلنا علينا الثلاجة ذات المواصفات . و تواصلت في ذلك مع الاخ الفاضل / محمد علي الفكي و دكتورة وضاحة و اتفقنا تقريبا انه الافضل هو استجلاب الثلاجة الخاصة من الصين ..... ولكن عندما يكون الموضوع الصين فالجودة و الصلاحية تكون الاهم الاول .... و في نفس الوقت كان امامي رحلة عمل الي غرب افريقيا اتصلت بمكتبنا بالصين لاستجلاب عروض من شركات معروفة و حريصة علي الجودة وحيث كان موعد سفري قريب و لا اثق في احوال الانترنت و الجوال حيث اذهب .... اعطيت تلفون مديرة المكتب في الصين الي وضاحة بتتابع معهم و كانت هنالك نقطة مهمة فاتني ان الفت نظر وضاحة لها و هي انني قد اتفقت مع شركة اخري متخصصة في ان تكون البضاعة المشحونة مطابقة للمواصفات التي اتفق عليها البائغ و المشتري ........... المهم تثلاث شركانت كانت هنالك مشكة في المحول الكهربائي وهي انه عندما يغصل الثيرموستات التيار الكهربائي عن الثلاجة لثبات درجة البرودة عند المستوي المطلوب ايضا يقوم المحول بفصل التيار الواصل من البطارية ( التي تتم تغذينها غن طريق خلايا الطاقة الشمسية) و عندما ترتفع درجة الحرارة داخل الثلاجة ويقوم السيرموستات باعادة توصيل التيار الي محرك الثلاجة لا يوصل تيار الي الثلاجة لان المحول انفصل اتوماتيكيا من البطارية و لكن ليس به خاصية التشغيل الاتومانيكي ............. المهم كانت الشركات التي تصنع الثلاجات تشتري وحدة الطاقة الشمسية من شركات اخري ة خنا بين هؤلاء و هؤلاء و في النهاية لم يستمع لنا احد لاننا نشتري ثلاجة واحدة من مصنع الحد الادني للطلب فيه حاوية 40 قدم (160 ثلاجة) المهم تصادف ان كنت مسافر الي الهند قي مهمة عمل فطلبت من الشركة الهندية ان يضعو في برنامجي زيارة شركة تغمل في مجال الطاقة الشمسية وشرخت لهم بالتقصيل الممل الثلاجة المطلوبة ................ و قبل سفري بيومين جائني اتصال هاتفي من الهند : أنا :- مرحبا هو:- انا انكيت سابو المدير التنفذي لشركة سابو للطاقة الشمسية وانا ابن شيري سابو رئيس مجلس الادارة لمجموعة سابز الهندسية و لقد طلب مني ان اتصل بك لاحضر لك ما تريد اها جاء الفرج .......... عندما وصلت الهند طلبت ان اشوف الثلاجة واحضر فحصها و شحنها .... فقالوا لي لا يمكن ذلك لا الشركة المنتجة في ولاية قوجرات وهذه المنطقة بعيدة و تحتاج ليومين للذهاب و العودة و كذلك لابد من ان نتاكد من ان الثلاجة جاهزة وهذا مصنع لم يزافق ان يبيعانا ثلاجة واحدة الا بعد وساطه كبيرة ............ المهم صممت قلت لهم دعوا احد المهندسين يعمل يوم الاحد و سوف اسافر مساء السبت بسيارة وارجع مساء الاحد و الغي برنامج زيارة حديقة شنو كده (نسيت اسمها ) ولقد حصل و كانت زيارتي مهمة جدا حيث حصلنا هلي وعد بان تصمم لنا ثلاجة تكون متلائمة مع متطلبات الطاقة الشمسية بكفاءة عالية و ان تكون صالحة لحفظ الامصال وعندما عرضت عليهم قصة العقارب و موت الاطفال قالوا انهم سوف يقوموا بالتحديثات بدون طلب قيمة اضافية . المهم رجعت من الهند و شحنت الثلاجة من قوجرات الي نيودلهي حتي يتم شحنها الي الخرطوم علي الاثيوبية وظلت الثلاجة قابعة في مطار دلهي لاكثر من شهر و لا احد يفيدنا واخيرا اتضح ان جماعة السلامة الجوية يرفضون شجن البطارية علي متن الطائرة ..... المهم اخير شحنت الثلاجة الي بولندا /وارسو / الخرطوم .................... طريقة هندية طيلة هذا الوقت سكت عن الكلام المباح و لكن كنت اتواصل مع محمد الحوري من ابناء امري ولقد عرفته بالمهندس الهندي الذي اغاد تصمميم الثلاجة وتواصل معه و شحنت الثلاجة باسم محمد الحوري من ابناء امري الباسلة

عمو عثمان
مافى كلام يتقال والله عاجزة عديل

لكن بحاول اقول ليك

عثمان الكرمو فاق مطر السواري الشييل
قشاش دموعي الببكن والمن موايقي تسييل
عثمان الحاويا نادهالو اب قرون النييل
عثمان الوصفو مابلقالو قدر ما اتحييل


وسمحة الهيبة فووووووووووووووووووووق عمو عثمان

Quote: تسلمن يا بنوت سودانا العامر بكنداكاتو .. التحية والتقدير والوقفة ليك يا ياوضاحة يا واضحة . وربنا يديك الفي مرادك .

أأأأأأأأأأأأأأأأأأأأأأأأأأأأأأأأأأأأأأأأمين
بالله ركزى لى في الدعوة دى شديد شديد مشددة ً

Quote: يا سلام عليكم ....يا أهل الخير ... والله يديكم الف عافيه ... رانية محمد الشيخ , وضاحة , على محمد الفكى , وكل من ساهم في هذا العمل الخيري لمساعدة المحتاجين .. والله يكتر من امثالكم وفي ميزان حسناتكم ان شاء الله ... لكم فائق الود والتقدير ,,, تحياتي ,,

قنقا مشتااااقون

شكر ليك
اسعدتنا بطلتك
ابقى واصل

لى مدة عايش فى ظروف ربنا بس بيعلم بيها
كنت محتاج لى حاجة حلوة زى دى تمرقنى منها
صدقونى ساعدتونى اكتر من مساعدتكم لى ناس امرى
بالجد
بلاجد انتو روعة
كلم
وتلاتتكم
رانية محمد الشيخ , وضاحة , على محمد الفكى
ايوا تلاتتكم
رانية محمد الشيخ , وضاحة , على محمد الفكى
الله يفرج همومكم انشاء الله



رنو
انتى ب10 رجال
وضاحة انتى برضو
ودالفكى
للذكرمثل حظ الانثيين

سلامات جميعا ... نيابة عن كل اهل امرى ... شكرا للزملاء فى سودانيز اون لاين وشكرا لصاحب الحوش الذى جعل كل ذلك ممكنا ... شكرا لكل الذين قاموا ابتداءآ من الفكرة ودعمها حتى رأت النور ، شكرا ، حامد بدرى ،شكرا على محمد الفكى ، شكرا الاستاذ عثمان رقيم الذى بذل جهدا كبيرا ، شكرا الاستاذة رانيا الشيخ والتى نسقت العمل فى البلد ، وشكر خاص جدا جدا للدكتورة وضاحة للجهد الكبير الذى قامت به وهى ضربت لى مرات ومرات من اجل تحقيق الفكرة وكذلك الاخ على محمد الفكى والذى اتصل بى فى اجازته بالسودان وقبل ان ياتى للسودان ..
تحياتى وشكرى ايضا لكل البورداب فى السعودية والامارات وكل البورداب الذين دعموا الفكرة حتى تحققت ..
وفقكم الله لخدمة البلد وخدمة انسانه ...
تحياتى ...

يا سلام عليكم كلكم ياخ ....عثمان رغيم ؛ علي محمد الفكي ؛ الحوري ؛ رانيه محمد الشيخ ....ووضاحه ....

وضاحه التي ظلت تعمل بكل نكران دات في سبيل مساعدة الغير ...وتبدل الغالي والنفيس في سبيل دلك ...وبرغم دلك لم تسلم من ألسنة الحاقدين ...فمنهم من اتهمها بأنها شخصية وهمية ...ومنهم من أدعي زوراً وبهتاناً غير دلك ....


يلوموني فيك يابت بلدي الأصيله ....وإن شاء الله يوم شكرك ما يجي ....


جزى الله خيراً كل من سعى لتحقيق هدا الحلم الجميل ...


والله يديكم قدر نيتكم ....



مع كل الحب والتقدير والتجلة ؛؛؛؛

بورداب و قراء الامارات الذين نالو ا وسام الجدارة و الاستحقاق من الدرجة الممتازة

الترتيب من الذاكرة
1. عبدالله كسلا
2. عصام علي احمد
3. الطيب عثمان يوسف
4. معروف حمدين
5. محمد عثمان ابراهيم (حمودة )

من القراء
6. الشقيق عمر الحسين
7. الكابتن
8. احمد

شـكرا بناتـنا دكتورة وضاحة والأستاذة رانيا وأبناءنا علي محمد الفكي والحوري
وأخونا عثمان رغيم

والله ماتتصوروا أنا فخور قدر شنو بشبابنا ديل. فرح ماليه حد. ففى كل يوم
شبابنا يؤكد لى أنو أملى فيهم ماخاب ولن يخيب بإذن الله. فبعدما وصلت حد اليأس
على مستقبل السودان وظلام مستقبله فاجأونا ناس قرفنا بعمل نوعى يحمل كل
سمات التحدى والثقة بالنفس والتجرد والتفانى والتضحية من أجل الوطن. وتتابعت
الرموز لعزيمة الشباب بالعمل الكبير لنفير أيام وقفت الدولة عاجزة أمام أزمة
السيول.

وجاء عملكم النبيل دا زى شعاع فى ظلام دامس يؤكد مرة أخرى أنو شبابنا
والحمد لله بخير. وقبل أسيوعين شبابنا فى بوسطن عملوا عمل عظيم بالجد
ما أظن حتى وزارة الثقافة والإعلام ممكن تنجز ولو عشرة فى ا لمائة من
نجاحاتو. وأنا وثقت ليه هنا فى هذا الرابط.

شــبـاب بـوســطـن يـبـتـكـرون فى نـشـر الـثـقـافـة الـنـوبـي...ـويـل مـشــاريـعـهـم

وفرحى لإنجازات الشباب ناجم من معرفتى اللصيقة لتجربة التحررالإجتماعى
من سيطرة الدكتاتوريات فى أمريكا الجنوبية والتنمية الجماهيرية البديلة اللى
قلبت موازين القوى. وهو نفس الزخم الذى أدى إلى الحرية من الإستعمار
الفرنسى فى الجزائر والسـيشيل والكموروز والبرتغالى فى أنجولا وموزمبيق
وغينيا بيساو والراس الأخضر ومن التفرفة العنصرية فى جنوب إفريقيا
وزمبابوى وناميبيا وفى إريتريا . وكلها إعتمدت على شيئين: التوعية
الجماهيرية بواسطة الشباب والعمل التطوعى للتغيير النوعى فى حياة الناس.

ودا بيذكرنى بنشاط جيلنا فى محو الأمية وتطوير الريف وفى بناء المراكز
الصحية وجمع الأدوية والمعدات ليها وتأثيث المراكز الثقافية وتمليك كل
ذلك للناس عشان ما يشرفوا عليها ويطوروها وتبقى حقتهم يحافظوا عليها
ويرمموها أويصلحوها ويصينوها ويعملوا حسابهم فى حالة عطب الأجهزة
وكيفن يستبدلوها.

والله أنا مقصر فى التوثيق للتجارب الجميلة ديك. لكن أهم حاجة ياأبنائى
أنكم توعوا الناس وتشرحوا ليهم أهمية مثل هذه الأشياء ليهم ولأطفالهم
وكيف يحافظوا عليها ويعتبروها نواة لأجهزة وبرامج أخرى لتطوير
مجتمعاتهم وتحسيين حياتهم للمستقبل لهم ولأجيالهم اللاحقة.

بعدين من ضمن مادرست أنا كنت بدرس التنمية البديلة فى البلدان البتفشل
فيها أجهزة الدولة فى القيام بواجبها. وزى عملكم العظيم دا دايما بيكون
النواة والمحفز لعمل جماعى عظيم يساعد على حلحلة المشاكل وعمل
مشاريع تنموية من أجل كل الناس فى المنطقة فيتكاتفوا فيها ويستشعروا
قوتهم ومقدراتهم فى تغيير واقعهم بنفسهم.

عشان كدا يا أبنائى وسعوا المشاركة فى مثل هذه المشاريع عشان يحصل
التكافل الإجتماعى والنهضة والتطور الذاتى لكل السودانيين فى مناطقهم
المنسية. ويكون دوركم تنسيقى زى العملية دى والمهم جدا هو دوركم فى
التوعية والإطلاع على خبرات مماثلة. وبكدا تسطروا منهج جديد فعال
يتجاوز الحكومات الفاشلة والمعارضة الفارغة؛ لأنو الناس متعطشة
ودايرين ليهم مخارج من أزماتهم المزمنة.

وزى ماقال المثل "ماحك جلدك مثل ظفرك"

الله يوفقكم ويفرحكم دنيا وآخرة زى مافرحتوا الناس المساكين ديل الفتحتوا
ليهم أبواب الأمل، وسريتم خاطرى بعدما بدأ الياس يدب فى نفسى.

والمستقبل ليكم بإذن الله الواحد الأحد

Quote: *** الحمد لله والشكر لله حمدا يليق بجلال وجهه وعظيم سلطانه . *** الشكر لكم جميعا . *** وأود أن اخص بالشكر أخونا وحبيبنا عثمان رغيم الذي تحمل ضغط ( الكلتش ) المتواصل من وضاحة وآخرين .

عمنا عثمان رغيم
لك التحايا
وتعظيم سلام
لشخصكم الكريم
تعلمنا منك الكثير خلال هذا المشروع
تعلمنا الصبر والمثابرة وطول البال
وهذه كانت مكاسب كبيرة لنا
متاكد انها ستكون لنا عون في مقبل اعمالنا
لك مني خالص الشكر والتقدير

شيلتونى هم بفرحتكم الرهيبه دى
حسى لو الثلاجه حصل فيها اى شى
كر عليه
حاليا اكتشفنا انها بتحتاج بطاريات عشان تشغل الثلاجه بليل
والبحث جارى عن شخص مؤهل وموثوق فيه لتشغيلها
عشان لو انفجرت ما نقول يا فرحه ما تمت واكون ختمت سيرتى الذاتيه بمصيبه زى دى
:(((((((((((((((
عموما
حنعمل العلينا والباقى على الله
وربنا يجيب العواقب سليمه الا ان تصل الثلاجه سالمه غانمه شغله الا اهلها فى أمرى

حيرتونا
ياااااااااا
ثالوث


ثالوث الخير
والبركة


:-)


العروب اتصلو عليك بيشكروك

حلفتى انك ماسويتى شى الشغل كلو قامبيهو
الثنائى ودالفكى +وضاحة
انتى مجرد اتصالات وبس

المهم

كل من نوى او فعل ا و ساهم
شوفى النية اهم من البعدهن

ربنا يجزيكم خير الجزاء

ويوفقنا ويفقكم
لمافيه خيرالبلاد والعباد


محتاجين لهجمة مرتدة او صد الهجوم المحبط على قيمنا
وسلوكنا اللى يتبجح فى نشره الاعلام المدمراللى يشيع فى اشياء سيئة صغيرة
ليقتل الروح الحلوة فى الناس
الناس محتاجة لى دعاش زى ده
وصدقونى لكل فعل رد فعل احلى منه
البت عاشة
جادة بروحها الطاهرة عشان انتو من وراء البحار
تنهضو
وتفزعو
وتغيثو
نديداتها وصويحباتها الحلوات زيها

وفاضة روحها بلدغة العقيرب اللى يكفيهو اسمه عقرب
يلا انتو فعلكم ده برضو
رد فعلو حاينعكس على اخرين ربما ما اعضاء ربما قراء
ولو بعد حين
انهم يفعلو اشياء واشياء
فينطبق عليكم
من سنة سنة حسنة فله اجرها واجر من عمل بها الى يوم الدين او القيامة
اوكماقال رسول الله صلى الله عليه وسلم

Quote: حيرتونا ياااااااااا ثالوث ثالوث الخير والبركة :-) العروب اتصلو عليك بيشكروك حلفتى انك ماسويتى شى الشغل كلو قامبيهو الثنائى ودالفكى +وضاحة انتى مجرد اتصالات وبس

يا ود يوسف ههههههه
بطل غلبة رنوش دى اهم خيط ومحل ثقة وبت هميمة الله يديها العافية والفى مرادها

قولى امين يا بت هههههه

حبابك معنا فى مجموعة الخير
وايد لى ايد تجدع بعيد

تحياتى

Quote: شيلتونى هم بفرحتكم الرهيبه دى حسى لو الثلاجه حصل فيها اى شى كر عليه حاليا اكتشفنا انها بتحتاج بطاريات عشان تشغل الثلاجه بليل والبحث جارى عن شخص مؤهل وموثوق فيه لتشغيلها عشان لو انفجرت ما نقول يا فرحه ما تمت واكون ختمت سيرتى الذاتيه بمصيبه زى دى :((((((((((((((( عموما حنعمل العلينا والباقى على الله وربنا يجيب العواقب سليمه الا ان تصل الثلاجه سالمه غانمه شغله الا اهلها فى أمرى

ما تشيلي هم مدام نحن يد واحدة وبنسعى للخير من ضمايرنا

بالنسبة للبطارية ما مشكلة نجيب لو عشرة بطاريات بس ورونا وين

ان شاء الله توصل بسلامة واليوم داك تكون الفرحة فرحتيين

شكر رنوشة عل كل شي جميل قدمتى ولسة حا تقدمى
انا فى انتظارك تخلصى علشان عندنا مواضيع تانية منتظرانا


تحياتى يا حبيبة

Quote: شـكرا بناتـنا دكتورة وضاحة والأستاذة رانيا وأبناءنا علي محمد الفكي والحوري وأخونا عثمان رغيم والله ماتتصوروا أنا فخور قدر شنو بشبابنا ديل. فرح ماليه حد. ففى كل يوم شبابنا يؤكد لى أنو أملى فيهم ماخاب ولن يخيب بإذن الله. فبعدما وصلت حد اليأس على مستقبل السودان وظلام مستقبله فاجأونا ناس قرفنا بعمل نوعى يحمل كل سمات التحدى والثقة بالنفس والتجرد والتفانى والتضحية من أجل الوطن. وتتابعت الرموز لعزيمة الشباب بالعمل الكبير لنفير أيام وقفت الدولة عاجزة أمام أزمة السيول. وجاء عملكم النبيل دا زى شعاع فى ظلام دامس يؤكد مرة أخرى أنو شبابنا والحمد لله بخير. وقبل أسيوعين شبابنا فى بوسطن عملوا عمل عظيم بالجد ما أظن حتى وزارة الثقافة والإعلام ممكن تنجز ولو عشرة فى ا لمائة من نجاحاتو. وأنا وثقت ليه هنا فى هذا الرابط. شــبـاب بـوســطـن يـبـتـكـرون فى نـشـر الـثـقـافـة الـنـوبـي...ـويـل مـشــاريـعـهـم وفرحى لإنجازات الشباب ناجم من معرفتى اللصيقة لتجربة التحررالإجتماعى من سيطرة الدكتاتوريات فى أمريكا الجنوبية والتنمية الجماهيرية البديلة اللى قلبت موازين القوى. وهو نفس الزخم الذى أدى إلى الحرية من الإستعمار الفرنسى فى الجزائر والسـيشيل والكموروز والبرتغالى فى أنجولا وموزمبيق وغينيا بيساو والراس الأخضر ومن التفرفة العنصرية فى جنوب إفريقيا وزمبابوى وناميبيا وفى إريتريا . وكلها إعتمدت على شيئين: التوعية الجماهيرية بواسطة الشباب والعمل التطوعى للتغيير النوعى فى حياة الناس. ودا بيذكرنى بنشاط جيلنا فى محو الأمية وتطوير الريف وفى بناء المراكز الصحية وجمع الأدوية والمعدات ليها وتأثيث المراكز الثقافية وتمليك كل ذلك للناس عشان ما يشرفوا عليها ويطوروها وتبقى حقتهم يحافظوا عليها ويرمموها أويصلحوها ويصينوها ويعملوا حسابهم فى حالة عطب الأجهزة وكيفن يستبدلوها. والله أنا مقصر فى التوثيق للتجارب الجميلة ديك. لكن أهم حاجة ياأبنائى أنكم توعوا الناس وتشرحوا ليهم أهمية مثل هذه الأشياء ليهم ولأطفالهم وكيف يحافظوا عليها ويعتبروها نواة لأجهزة وبرامج أخرى لتطوير مجتمعاتهم وتحسيين حياتهم للمستقبل لهم ولأجيالهم اللاحقة. بعدين من ضمن مادرست أنا كنت بدرس التنمية البديلة فى البلدان البتفشل فيها أجهزة الدولة فى القيام بواجبها. وزى عملكم العظيم دا دايما بيكون النواة والمحفز لعمل جماعى عظيم يساعد على حلحلة المشاكل وعمل مشاريع تنموية من أجل كل الناس فى المنطقة فيتكاتفوا فيها ويستشعروا قوتهم ومقدراتهم فى تغيير واقعهم بنفسهم. عشان كدا يا أبنائى وسعوا المشاركة فى مثل هذه المشاريع عشان يحصل التكافل الإجتماعى والنهضة والتطور الذاتى لكل السودانيين فى مناطقهم المنسية. ويكون دوركم تنسيقى زى العملية دى والمهم جدا هو دوركم فى التوعية والإطلاع على خبرات مماثلة. وبكدا تسطروا منهج جديد فعال يتجاوز الحكومات الفاشلة والمعارضة الفارغة؛ لأنو الناس متعطشة ودايرين ليهم مخارج من أزماتهم المزمنة. وزى ماقال المثل "ماحك جلدك مثل ظفرك" الله يوفقكم ويفرحكم دنيا وآخرة زى مافرحتوا الناس المساكين ديل الفتحتوا ليهم أبواب الأمل، وسريتم خاطرى بعدما بدأ الياس يدب فى نفسى. والمستقبل ليكم بإذن الله الواحد الأحد

الاخ العزيز عبد الرحمن

لك التحية والتجلى
وشكراً لهذه الثقة التى تدفعنا لى الامام وتشد من ازرنا وتشجعنا لى خطوات اكبر واوسع فى مد يد العون لى اهلنا الطيبين
ونحن نكون كذلك بوقوفكم بجانبنا ونصحنا وتقديم المقترحات والارشاد
ولنجعل سودانيز اون لاين مركزنا ونقطة انطلاق بعكس المشاكل التى تحتاج لى حلول في سوداننا الحبيب
ويكون ذلك من خلال البوستات التى يكتبها الاعضاء كما فعل اخونا حامد

وايدكم معنا وربنا يوفكم ويسعدكم لخدمة اهلنا فى السودان وذلك لمحاولة رفع القليل من الظلم الذى حل بالخدامات فى السودان من جراء هذا النظام الفاسد الذي دمر كل شي جميل فيه

ولا يفوتنى ان اشكر شباب بوستن فى مجهودهم الذي قدموا في نشر الثقافة النوبية
بحس اولاد النوبة اكثر تماسك وتكاتف باهلهم وثقافة بلدهم ما بعرف ليه ههههه
يا ريت كل الناس زيكم كان سودانا بقى غييييييييييير

تحياتى يا ملك

Quote: بورداب و قراء الامارات الذين نالو ا وسام الجدارة و الاستحقاق من الدرجة الممتازة الترتيب من الذاكرة 1. عبدالله كسلا 2. عصام علي احمد 3. الطيب عثمان يوسف 4. معروف حمدين 5. محمد عثمان ابراهيم (حمودة ) من القراء 6. الشقيق عمر الحسين 7. الكابتن 8. احمد

يا سلاااااام يا عمو عثمان بالله تحياتنا ليهم فردا فردا

وفى ميزان حسانتكم يا اخوان البنات

كل الود

Quote: يا سلام عليكم كلكم ياخ ....عثمان رغيم ؛ علي محمد الفكي ؛ الحوري ؛ رانيه محمد الشيخ ....ووضاحه .... وضاحه التي ظلت تعمل بكل نكران دات في سبيل مساعدة الغير ...وتبدل الغالي والنفيس في سبيل دلك ...وبرغم دلك لم تسلم من ألسنة الحاقدين ...فمنهم من اتهمها بأنها شخصية وهمية ...ومنهم من أدعي زوراً وبهتاناً غير دلك .... يلوموني فيك يابت بلدي الأصيله ....وإن شاء الله يوم شكرك ما يجي .... جزى الله خيراً كل من سعى لتحقيق هدا الحلم الجميل ... والله يديكم قدر نيتكم .... مع كل الحب والتقدير والتجلة ؛؛؛؛

سيد الحرف
ادريس أخوى
انا هدفى فى الحياة زراعة الخير بين الناس و مساعدة كل من يحتاجنى يجدنى مادة له ادينى بالخير والسلام
وضاحة لا تعرف الشر ولا تحمل احقاد فى جوانحة الحمد لله
علشان كده دائما ربنا بسهل لى امورى وهو عالم بكل شي وكل انسان ربنا بعطية على حسب نتوا

التحية لك يا سيد الاحساس الراقى وجميل

كل الود

Quote: سلامات جميعا ... نيابة عن كل اهل امرى ... شكرا للزملاء فى سودانيز اون لاين وشكرا لصاحب الحوش الذى جعل كل ذلك ممكنا ... شكرا لكل الذين قاموا ابتداءآ من الفكرة ودعمها حتى رأت النور ، شكرا ، حامد بدرى ،شكرا على محمد الفكى ، شكرا الاستاذ عثمان رقيم الذى بذل جهدا كبيرا ، شكرا الاستاذة رانيا الشيخ والتى نسقت العمل فى البلد ، وشكر خاص جدا جدا للدكتورة وضاحة للجهد الكبير الذى قامت به وهى ضربت لى مرات ومرات من اجل تحقيق الفكرة وكذلك الاخ على محمد الفكى والذى اتصل بى فى اجازته بالسودان وقبل ان ياتى للسودان .. تحياتى وشكرى ايضا لكل البورداب فى السعودية والامارات وكل البورداب الذين دعموا الفكرة حتى تحققت .. وفقكم الله لخدمة البلد وخدمة انسانه ... تحياتى ...

الاخ عز الدين الف شكر ليك انت والاخ محمد الحورى
والتحية ليكم ولى اهلنا الطيبين فى امرى

والف حمد لله على سلامتك يا ملك

تحياتى
اختك وضاحة

Quote: لى مدة عايش فى ظروف ربنا بس بيعلم بيها كنت محتاج لى حاجة حلوة زى دى تمرقنى منها صدقونى ساعدتونى اكتر من مساعدتكم لى ناس امرى بالجد بلاجد انتو روعة كلم وتلاتتكم رانية محمد الشيخ , وضاحة , على محمد الفكى ايوا تلاتتكم رانية محمد الشيخ , وضاحة , على محمد الفكى الله يفرج همومكم انشاء الله رنو انتى ب10 رجال وضاحة انتى برضو ودالفكى للذكرمثل حظ الانثيين

حباب يوسف حبابك

كتر الله خيرك ربنا يسعدك ويخليك لينا

اخجلتنا والله بهذه الكلمات

تحياتى ليك

اقعد عافية

ده الشغل التمام ، لكم القومة جميعا ما قصرت فى ميزان حسناتكم

Quote: ده الشغل التمام ، لكم القومة جميعا ما قصرت فى ميزان حسناتكم

حباب عمو هجو
كتر خيرك كتير والله
وانت كمان ما قصرت معنا فى عمل الخير لما عملنا حملة اطفال السرطان وان شاء الله فى ميزان حسناتك

تحياتى يا ملك

الإبنة رانيا سلام

Quote: شيلتونى هم بفرحتكم الرهيبه دى حسى لو الثلاجه حصل فيها اى شى كر عليه حاليا اكتشفنا انها بتحتاج بطاريات عشان تشغل الثلاجه بليل والبحث جارى عن شخص مؤهل وموثوق فيه لتشغيلها عشان لو انفجرت ما نقول يا فرحه ما تمت واكون ختمت سيرتى الذاتيه بمصيبه زى دى :((((((((((((((( عموما حنعمل العلينا والباقى على الله وربنا يجيب العواقب سليمه الا ان تصل الثلاجه سالمه غانمه شغله الا اهلها فى أمرى

فعلا أنتو محتاجين لما يعرف بالسولار بانك SOLAR BANK أى بنك تخزين الطاقة
الشمسية وهو يتم بتوصيل عدد من البطاريات فى تتابع على حسب إستهلاك الثلاجة.
ودى بتتحسب بالفولت وبالوات والأمبير اللى بحدد مناسبة البطارية للثلاجة والإستهلاك
فى الدقيقة أو الساعة عشان يتحسب عدد الساعات المافيها شمس يا بالليل أو فى حالة الغيوم
أو المطر. عشان كدا عدد البطاريات لازم يكون أكثر لحالات الطوارئ دى. ورغما عن
أنو البطاريات العادية بتاعة العربات بتنفع لاكين مقدراتها على خزن الطاقة بتتضاءل
وماعندها الكفاءة. وعادة الناس بيستعملوا بطاريات اليخوت أو المراكب "البحرية Marine".
بس كمان فى بطاريات مخصصة للطاقة الشمسية.

وعلى حسب معرفتى أجود الأنواع هى الأميريكية واليابانية. بس فى مشكلتين: الأولى
إنو السودان مقاطع من أميركا وما مكن الواحد يرسل أى حاجة لأنه محظور ومخالفة
الحظر بتعامل كجريمة جنائية. المشكلة الثانية شحن البطاريات بالجو مشكلة كبيرة لانو
لازم تغليف البطارية عند شركة متخصصة فى تعبئة المواد الخطرة وإعدادها للشحن
ثم توضع فى صندوق مخصوص ويتم الحصول على تصديق مسبق بنقلها بالجو.وطبعا
أسهل شحنها بالبحر. بعدين الفيتناميين عملوا حاجة فنانة: أخدوا بطاريات الدبابات
والعربات المجنزرة اللى الفلوت بتاعا متطابق مع فولت الجهاز الشمسى، وإستعملوها
مع الأجهزة بكفاءة. بس موضوع الفولت والوات والأمبير مهم جدا عشان مايحرق
جهاز التشغيل.

وحسب تجربتنا الشخصية فإن الديب سايكل DEEP CYCLE زى الأوبتيما
OPTIMA أحسن نوع وأسعاره معقولة مقارنة مع البطاريات السوليد إستيت
SOLID STATE بتاعة السباق الليثيم LITHIUM الهى بتخزن طاقة أكثر
وبتصرف بمقادير يمكن التحكم فيها. وكل الأنواع دى موجودة فى دول الخليج

وطبعا دا موضوع مهم للغاية ويجب التعامل معه بكل الحذر والتقصى والبحث
الفنى والمعرفة التقنية عشان الثلاجة ما تخرب. بس بمجرد ماتم التركيب بنجاح
بيبقى موضوع الصيانة سهل للغاية ممكن يتم تدريب زول عليه فى ساعات.

الله يوفقكم

اخى عبد الرحمن
فعلا جبت مربط الفرس
اكتشفت ان فعلا لازم يكون فى زول فاهم فعلا طريقة تشغيل
ابسط غلط ما بتضمن نتيجته
عشان كده قالوا فى مركز فى سوبا لطاقه الشمسيه
حنمشى له
مشكلة مهندسينا وناسنا لو ما عارفين ما بيقولوا ما عارفين
يخمنوا ويجربوا ويا صابت يا خابت
عشان كده ما دايره نكون عرضه لتجريب وتخمين ساى
وربنا يهدينا لصواب
نشغلها ونعرف طريقه التعامل معاها كيف

مجهود كبير ياخ
في ميزان حسناتكم

كنت متابع الموضوع مع وضاحة
الزولة دي فيها خير كتير والله

Quote: مجهود كبير ياخ في ميزان حسناتكم كنت متابع الموضوع مع وضاحة الزولة دي فيها خير كتير والله

اووووووووووو ود جبريل شخصيا ً

ياخى الله يديك العافية
كم انا سعيدة بمرورك هنا
ان شاء الله يا طارق دائما اكون عند حسن ظنكم بي وثقتكم في

تحياتى يا غالى

شكرا لكم ..
شكرا جزيلا لكم جميعا ..

خالص الشكر والتقدير لكل الاخوة الكرام الذين مروا من هنا
كلماتكم اوسمة بصدورنا ودافع لنا لمزيد من العمل والعطاء
من اجل اهلنا الطيبين

Quote: Abdalaziz Hussain · · جامعة السودان للعلوم والتكنولوجيا اترقعي وخليهم ينفخوك بجي انفسك بالراحه هههه رد · أعجبني · متابعة المنشور · منذ ‏7‏ ساعات

عقدة الاحساس بالنقص وعدم الثقة في النفس تجعل صاحبها يعيش
حياته في خلق المشاكل والكلام بالسؤ عن الاخرين ..
ينقصه التميز ..وهو دائماً يبحث عن التميز بسفاهاته
ظناً منه حسب فهمه المريض انها تمنحه التميز فيزيد سقوطه اكثر
دائماً يحتك مع الناجحين للنيل منهم
تملاء نفسه الدنيئة الاحقاد والحسد تربى على السب والقذف والعدوان ..
ولك وقت طويل تطارد في وضاحة بصورة شهدها كل اعضاء المنبر وقرائه ..
مما يؤكد مرضك وغرضك وافتقارك لابسط مقومات النفوس السوية ..
وتعودنا ان لا نرد عليك ترفعاً عنك وبسبب تجنبنا السقوط في مستنقعك الاسن والخوض في وحلك ..
واشفاقاً عليك وتقديراً لمرضك ..
نصيحة الطب قادر على علاج مثل هذه النفوس المريضة ..
فمن اجل حياة افضل لك ولمن هم بقربك اذهب الى الطبيب وتعالج ..
ربنا يشفيك

Quote: شكرا لكم .. شكرا جزيلا لكم جميعا ..

حباب ود المشرف الملك
شكر ليك انت يا زوق
كل الود

شكراً.. رانية وعلي محمد الفكي و وضاحة وجميع من نهضوا بهذا العمل الذي ينفع الناس ويمكث في الأرض
كثر الله من أمثالكم

الاخت رانية
بخصوص البطارية بحثت عنها هنا ولكن سالني المختصين عدة اسئلة
تتعلق بالالواح والقدرة وكمية الطاقة المنتجة ولم تكن لدي اجابات
وسنقع في نفس مشكلة الشحن اذا حاولنا شحنها
وبسؤالي واتصالاتي هي موجودة بالسودان وبعدة محلات بالسوق العربي وشارع الحرية
تحققي وافيدينا

Quote: شكراً.. رانية وعلي محمد الفكي و وضاحة وجميع من نهضوا بهذا العمل الذي ينفع الناس ويمكث في الأرض كثر الله من أمثالكم

شكرا ليك انت يا وسامة الله يسعدك
نتمنى دائما ان نسعى للخير ومساعدة الناس
ربنا يتقبل مننا

كل الود

Quote: Mohamed Hassen Abdallah · الأكثر تعليقا · Gamal Abdel Nasser High School Khartoum وضاحة .. علي الفكي..رانية ...و من شارك معكم لكم أجزل الشكر ..وفي ميزان حسناتكم ..وكونو بخير اين ما حللتم ..

مرحب بيك محمد حسن

شكر ليك يا ملك الاخلاق والادب
تسلم البطن الجابتك

تحياتى

Quote: Abdelrahman Abu Zaid وضاحة يا فجر الغلابة ...كوني بخير دوما وكلك احساس يا الحاسة بحسس المحرومين رد · 1 · · ‏28 يناير‏، الساعة ‏11:23 صباحاً‏

حباب عبد الرحمن اخوى
الله يملاك عافية وصحة يا رب
وسعيدة بطلتك
ربنا يتقبل مننا

كل الود والاحترام

Quote: Hassan Farah · Tallinn, Estonia وكما عهدناك يا بنت الحبيل كنداكة ديمة رافعة رأسنا سيحفظ الله والشعب لك جميلك فخورون بك عمك ابوليلى رد · 2 · إلغاء إعجابي · متابعة المنشور · ‏28 يناير‏، الساعة ‏08:48 مساءً‏

Woooooow

عمو حسن ما بصدق ما بصدق ههههههه
مشتاااااااااااااااااقين شوق موت
وينك يا بروف وحشتنى يعلم الله
الله يديك العافية عليك الله سلم لى علي ناس الحبيل والمناصير
ربنا يقدرنا على مساعدتن دائما ولسة عندنا ليهم مشاريع تانية حا تفيد المنطقة باذن الله

تحياتى عمو ابو ليلى
و تحياتي لى ليلى والعيال

اضفتك فى الفيس اعمل لى قبول يا ياملك

فوق

Quote: Hassan Farah · Tallinn, Estonia وكما عهدناك يا بنت الحبيل كنداكة ديمة رافعة رأسنا سيحفظ الله والشعب لك جميلك فخورون بك عمك ابوليلى رد · 2 · إلغاء إعجابي · متابعة المنشور · ‏29 يناير‏، الساعة ‏04:48 صباحاً‏

نعم يا بروف حسن .. هي وضاحة الواضحة ..
البنت الخير .. البنت الوطن ..
كما العهد بها دوماً شمس تهب الضياء ولا تغيب ..
ايادي بيضاء تعطي بلا حدود
تواصل في نفس المسيرة ونفس سيرتها الطيبة في دعم اهلنا الطيبين ..
ووقفتها في دعم مركزكم الصحي بابوحمد بالادوية والعقاقير اللازمة والاجهزة معروفة ومسجلة ..
ووقفات اخرى مع كثير من المحتاجين وتوفير الاحتياجات الطبية ..
نسال الله ان تكون في ميزان حسناتها ..

ولك منا خالص التحايا بروف اسعدنا مرورك

شكرا ليكم كلكم ..
لكل من جعل هذا الأمر ممكنا ..

سلام

من يفعل الخيرَ لا يَعدم جوازِيَهُ لا يذهبُ العرفُ بين الله والناسِ

اسال الله ان يثيبكم خير..........

بكره ان شاء الله حنشيلها وماشيين مركز الطاقه الشمسيه فى سوبا
دعواتكم

سلام و تحية حبيبة سودانية

هاتف المهندس الهندي الذي صمم الثلاجة
مع الاخ محمد الحوري و هو علي استعداد
للتواصل مع المهندسين تبعكم

و لك الشكر

سلام الاخت رانية

هيييييييييع وضاحة

نسلك فى الكرم فايت قبيلة حاتم
ابواتك رتوت فى الحارة ما بتشاتم
ايدك للضعاف مطر السوارى العاتم
حقيت قولى يا قمر الظلام القاتم


خلاص مطرك الضرب ارض النوبة ربنا يجيبوا لينا بهناك

تسلم اخى عثمان
وان شاء الله لو احتجناهم حتصل اشيل النمره
يديك الف عافيه

الحمدلله امس اتوفقنا فى المشوار
وفعلا على قول المثل ادى العيش لخبازه

وصلنا مركز الابحاث فى سوبا وقابلنا المدير العام استاذ عبد الرحمن احمد جبريل

راجل قمه فى الذوق والفهم
نزل معانا للعربيه وشاف الثلاجه وشرح لينا وعاد الشرح مرار وتكرار لينا وادانا توصيات كتيره
وعند النقطه حقت تركيب لوح الطاقه الشمسيه وان لازم تتركب على حسب خطوط الطول والعرض لمنطقه
طلبنا منو انه يرافقنا ويركبها لانها جابت خطوط نحنا لا نفقه شيئ فيها
وبكل اريحيه وافق بطيب خاطر
واليوم الصباح اتصل بينا واتفقنا على الخميس ان شاء الله نتحرك
وقومنا بتأجير بوكس دبل كبينه لتحرك
,,,,,,
المبلغ الكان فى حوزتى 3,595 جنيه حرفق تفاصيله باالمسندات ان شاء الله بعد اكمال التركيب
لان فى منصرفات ليسه ما اتحددت زى القاعده الحيتسند عليها اللوح من الحداد واسلاك وخلافه
,,,,,
موضوع الامصال انا خاليه طرف منو
مهمتى حنتنهى ان شاء الله بوصول الثلاجه وتركيبها وتشغيلها
واسفين للزعلوا اننا شغاليين براسنا وما رجعنا ليهم فى كل خطوه قررنها
لكن وضاحه وعلى الفكى عارفين طريقة شغلى وموافقين عليها
مواعيد التحرك حددها المدير على حسب ظروف شغله لانه مسافر مأموريه السبت
وحرصنا ان الثلاجه تصل فى اسرع وقت قررنا الموعد الخميس
ومديرنا ما زى المديرين المرطرطيييييييييييييييييييييين بالكوم
وشغل الخير ماعايز له زعاااااااااامه ورئيس عشان نستأذنه
ربنا البيريده وبيسهل طريقه
,,,,

Installation and operational instruction for solar refrigerator

To start the Solar Refrigerator read the following point and follow the instruction.
01) This refrigerator works on conventional electricity 220/240 V as well as DC on solar system.
02) Open the PV Controller box.
03) Connect positive terminal of Red color wire solar panel to (P+) of solar controller.
04) Connect negative terminal of Black color wire solar panel to (P-) of solar controller.
05) Connect positive terminal of Red color wire battery to (B+) of solar Controller.
06) Connect Negative terminal of Black color wire battery to (B-) terminal of solar controller.
07) Refrigerator cable is attached with PV Controller.
08) Keep solar panel south facing at 30 degree to 45 degree angle from ground.
You must have maximum solar radiation on solar panel.
09) Please try to keep solar panel in sun light and keep battery attached always.
10) You can unplug refrigerator when not in use.
11) This system is designed for 24 hours operation of solar refrigerator in cool mode with 7 to 8 valid sun hours per day. In case if sun rays are not enough, please use refrigerator for less hours.
12) Please see that battery is not drained.
13) Keep solar panel clean from dust every day, to get best result.
14) Keep battery inside the room and not exposed to sun, for better battery life.
15) In case of non sunny or partial sunny days, you can use this on normal electricity in electric mode.

تم تسليم الثلاجة وملحقاتها وتركبها بحمد الله

صور تركيب ثلاجه حفظ الامصال لمنطقه أمرى محليه مروى